2005 年 12 月 14 日 星期三 【晴】

今朝架巴士黎遲左...差d遲到...第一堂去禮堂....個教授雖然講野好悶....但佢真係幾叻~第二,三堂Eng~miss chan真係好人...成日都唔該前唔該後...所以我好樂意幫佢做野~第三堂落左去mmlc~同霆傾計~華又好好奇偷聽我地傾計....小息之後maths~miss戴送左聖誕禮物比我地...下星期一先拆...跟著又係Eng~做Set B~跟著E.con~如果李sir係我啊哥就好喇~E.con一定好~lunch真係好無奈......返到黎就P.E.堂~張sir真係好煩....都From 4喇~仲叫我地罰企反思....上次個個唔聽佢話...所以想罰我地姐ma...跟著閱讀堂...跟著上左鋒屋企打波......祖雲達斯贏巴塞羅那1:0~不過都輸比巴塞1:0~7點先走.....返到屋企.........

我對你好失望.....你可以逃避....但係對件事冇幫助....你咁做只係顯得你小器...

>>December 14, 2005 at 9:17:16 PM GMT+8

2005 年 12 月 13 日 星期二 【晴】

今日返學.....第一堂中文~miss張當然唔收貨....話班長搵ge紙箱太細....要我同婷去搵多個.....婷都覺得miss張玩緊野...其實要紙箱都係用黎裝廢紙姐...點解唔直接丟o係走廊ge回收袋.....跟著兩堂account~雖然好悶....但係都頂住自己專心d~小息之後geog~唔記得左領第三冊~落堂之後問霆d野~佢好緊張咁bo~跟著maths~miss戴出左幾條數當係小測.....我唔記得左d公式...跟著E.con~落堂之後...李sir同我地傾左陣....佢真係好nice.......lunch~樂唔知做咩....搞到我地係咁笑....差d有意外發生....跟著兩堂Eng~做listening~小為話好凍~跟著閱讀堂~我地d男仔笑得好大聲~又同霆傾野......祺好似都好有興趣想知咁.....放學去地理室做paper~聽人講話要做到5點幾......我地做得好快~四點半就走左lu....返到屋企訓覺.....

>>December 13, 2005 at 8:30:49 PM GMT+8

2005 年 12 月 12 日 星期一 【晴】

今朝返學....搭nip果陣....果啊媽係咁鬧個仔....如果我係個仔我都唔知點好~咁多人o係架nip度.......返到去知道早會會頒獎....啊亮佢地唔多想出去咁...左推右推....4c同5c都係男女子雙冠軍...唔知下年ge 4c會唔會都係男女子雙冠軍呢?...第一堂中文..測諺語..有好多空格~因為琴晚冇溫到~第二堂Eng~都唔知miss chan今日講過d咩....第三堂電腦....miss孟話我地讀電腦科點可以冇班網...講左好多次~小息做電腦d功課....跟著mmlc~同霆不停咁傾計....不過全部都唔講得比人知.....miss chan好好人~跟著geog~miss陳諗住唔俾遲入課室d人入黎...好彩我同俊岩岩好入到去...跟著miss陳就鎖門~成大半班冇入到黎.....miss陳仲話如果下次再遲要比入場費先可以入黎上堂~跟著account~李軒o係度打機....所以比miss葉收左.....lunch o係課室食....小霞肯幫我做account ! 跟著maths~miss戴話會有聖誕禮物送俾我地...唔知係數學題定真係禮物黎......最後一堂又係中文~miss張叫班長搵個紙盒比佢.....唉.....點搵呢?.....放學果陣是但搵左個....不過我驚佢唔收貨~

>>December 12, 2005 at 8:03:33 PM GMT+8

2005 年 12 月 10 日 星期六 【晴】

今朝又唔記得左要返數學班....好彩鬧鐘失靈地響~返到學校比校工話我.......我都唔係....比佢屈左....仲要比人聽到~搞到我好瘀....入到課室先記得啊sir今日請假...所以成班都過埋隔離班上堂...同華坐....佢真係好鐘意唱歌~兩個鐘都o係咁傾計...放學同小為,小霞傾左陣計~(你咁冇口齒架 !)跟著同鋒,俊食lunch~跟著返屋企訓左陣~起身開電視知道愉園對傑志打聯賽杯決賽....好睇呀.....情形好似上年歐冠杯決賽咁....傑志上半場贏3:0.....點知愉園追返3球....幾驚愉園會贏....好彩最後幾分鐘傑志入多球....場波好好睇呀~范俊業好燥呀 ! 咁又係ge....o係佢手下失4球~跟著睇左陣account d筆記~又訓左陣~啊爸今晚同d同事食飯...所以我地落左街食飯(想要ge野得唔到係會發爛渣)

聽日約左峰一齊返教會.....我都算盡左基督徒ge責任...(如果你地想返教會ge..我好歡迎帶你地返去架)期待聽日...

>>December 10, 2005 at 9:45:27 PM GMT+8

2005 年 12 月 9 日 星期五 【晴】

今日暖返好多....第一堂中文~跟著兩堂電腦~小息之後account~跟著maths~測驗....跟著E.con~開始覺得有d亂~lunch之後閱讀堂比miss方話.....跟著Eng~做作文corr~跟著geog~miss陳無端端叫班長開地理室上面ge投影機....不留都係啊亮開...好彩開到...唔係就瘀喇~放學同小為一齊走....落車之後接到個電話....原來係婆婆.....我同佢玩視像~但係佢就話剩係聽到我把聲....見唔到我個樣~咁係因為佢冇望住個電話囉~打波打到散晒.....峰話我知原來亨返左黎香港....我好想知道佢有冇變到...(哈 ! 嘜我有咁講過咩?真係唔記得喇 ! )返到屋企沖涼~好舒服......

>>December 9, 2005 at 9:14:07 PM GMT+8

2005 年 12 月 8 日 星期四 【晴】

今日學校有便服日....第一堂中文~miss張叫班長...但係無人應佢...所以佢就有幾句怨言~第二堂E.con~做paper~第三堂geog~小息之後兩堂Eng~作文...跟著maths~明明地...lunch又o係課室食...已經食左三日...因為天氣咁凍...真係唔想出去~校長今日獻唱..........佢本來想唔唱架,不過d人唔比...最後都唱左....都唔差bo......跟著兩堂電腦~小為竟然問埋我d咁ge野....真係開心死 ! 放學去睇辯論....我地班贏人地百幾分...又贏冠軍....已經係三冠王喇 ! 返到屋企諗住整下部電腦....跟著冇幾耐表舅父就上左黎....幫我醫好左....之前冇得用...真係好唔方便~

(P.S 你問我ge我諗我以後都答你唔到)

>>December 8, 2005 at 10:09:06 PM GMT+8

2005 年 12 月 5 日 星期一 【晴】

今朝好凍...差d起唔到身~第一堂中文...miss張叫我答問題~隔離d人講答案比我知la...不過miss張話我答錯~咁我答唔到未坐返低...跟著d人話原來我個答案係岩~跟著miss張就話佢唔係想要書果個答案....哈~我無野講lu...跟著兩堂account~miss葉係咁叫軒同華答問題....因為佢地不停咁傾計~可能今日恒冇返...隔離少左把聲...搞到我好悶..所以好專心上account堂~小息之後geog~跟著maths~d數明明地...跟著E.con~lunch之後閱讀堂果陣同小為一齊坐.....被miss chan發現左...不過佢竟然被我地繼續坐....咁我地就繼續傾計喇~跟著兩堂英文堂....都係o係度傾計~放學同俊,Bong走..
行到大興南搭LRT....見到有個人被查飛果d人捉左....果個人係咁講粗口鬧果d職員....我諗我等車咁耐佢起碼講左超過30句粗口....仲係好粗果d~我聽到果個人話"o係咁被你地捉到....仲有皇法ge?我實告上法庭架 ! 告到你地無得做 ."我聽到佢咁講果陣我真係好想笑.....我覺得捉佢先叫有皇法喎 ! 落車果陣俊去買野..我地就分開行...我行到麥當勞又見到d警察捉左d過期居留人仕...周圍d人都望住佢地...跟著返到屋企訓著左~

>>December 5, 2005 at 8:02:00 PM GMT+8

2005 年 12 月 4 日 星期日 【晴】

今日返左教會....好耐無返lu~返到去覺得自己已經無左果種想返返黎ge動力咁~戴牧師係我地教會ge牧師...佢係美國人...一個成熟ge男人~外國人黎講佢都算靚仔....我成日都覺得佢好似知道我諗咩咁~因為佢成日講d野都好似暗示比我聽佢係知道的....並且仲教埋我應該點做.....愈諗愈覺得佢好利害~所以我好少聊佢傾計...因為我唔想比佢知道晒我d野.....lunch o係市中心食......跟著返屋企~返到屋企有個電話打黎....係問問卷ge...佢問到我好想笑....早知我就唔扮我啊爸喇 ! 搞到我好無奈....跟著做埋d功課....聽日會好凍呀 !.....

>>December 4, 2005 at 5:36:02 PM GMT+8

2005 年 12 月 3 日 星期六 【晴】

今朝差d起唔到身....好眼訓~返學上數學班.....傷風真係好辛苦~把聲好難聽...放學同小霞,曉瞪食lunch~間餐廳d service好差....小霞好唔鐘意~返到屋企做左陣功課,傾左陣電話~

>>December 3, 2005 at 9:18:29 PM GMT+8

2005 年 12 月 1 日 星期四 【晴】

今日遲左起身...好耐都未試過咁好訓....啊媽睇黎仲惱緊我.....呢個亦都係我冇陪佢返學校領成績表ge其中一個原因~2點去左打波....4點打完~換完衫就搭車去啊嫲屋企...返到屋企6點度.....

成績表出左la....不過無講名次...所以我領住張表都唔知係考得好定差.....

>>December 1, 2005 at 9:54:39 PM GMT+8