2005 年 8 月 24 日 星期三 【晴】

琴日去左影學生相~個老闆好好人~跟著去左圖書館~見到一個宣道~但係唔記得佢叫咩名~傾左兩句~我o係圖書館已經遇過佢幾次架la~夜晚去左游水~番到屋企大約11點度~

今朝12點起身~聽到一個壞消息~希望佢冇事la~

>>August 24, 2005 at 1:10:30 PM GMT+8

2005 年 8 月 22 日 星期一 【晴】

(香港時間8月22日，在今天中午結束的世界羽毛球錦標賽男單決賽中，世界排名第一的中國選手林丹發揮大失水准，以3-15、7-15不敵印尼的奧運會冠軍陶菲克，名列第二。圖為陶菲克慶祝勝利。)

世界第一竟然大比數落敗~好失望!


(香港時間8月22日阿納海姆消息，在剛剛結束的世界羽毛球錦標賽女單決賽中，謝杏芳以11-8、9-11、11-3戰勝了奧運會與世錦賽雙料冠軍張寧，兩名中國選手分獲冠、亞軍。)

新一代國家隊女將~果然有料!


(當地時間2005年8月21日，第十四屆世界羽毛球錦標賽在美國阿納海姆箭池體育館進行最後一天的比賽。在混雙比賽中，中國選手謝中博，張亞雯以1比2不敵印尼著名選手維迪安托和納西爾獲得亞軍。)

印尼ge羽毛球開始強la~

(香港時間8月21日，中國選手楊維(右)/張潔雯在美國阿納海姆舉行的第十四屆世界羽毛球錦標賽女子雙打決賽中，以2比0戰勝隊友高?/黃穗，獲得女雙冠軍。)

女雙冠亞領晒~果然係強國!



((本報訊（記者李宇皓）昨天在羽毛球世錦賽男單1/4賽中，中國男單遭到了嚴重打擊，鮑春來再次不敵老對手李崇偉無緣四強，陳宏則被丹麥名將蓋德淘汰出局，只有林丹在先失一局的情況下連扳兩局戰勝對手進軍四強，賽後李永波在接受記者採訪時強調，中國依然是世界羽毛球老大，不會因為一兩場比賽的失利，位置就動搖。))

>>August 22, 2005 at 3:31:49 PM GMT+8

2005 年 8 月 20 日 星期六 【晴】

琴晚去左禮屋企過夜~峰,俊,樂,基都有去~我地買左好多零食同兩枝beer上去~睇完尋秦記~跟著食野~飲beer~一人飲左兩杯度~俊同基就開始暈~仲以為佢地會亂講野~爆左d秘密出黎添~跟著開始玩~我地係度玩大富翁~玩左一陣又唔想玩~跟著睇DVD~~好好笑~DVD裡面ge主角好似講緊我地幾個咁~跟著就開左部ps2玩winning9~~跟著又話玩鋤大d~玩廿局~輸左要罰~開頭我都贏緊ge~點知中途抄左一局~~最後果兩局又抄~搞到要罰~四十下掌上壓~玩到果陣差唔多六點~本來話去飲早茶~最後都冇去~跟著領左d暑期作業出黎抄~抄完maths同英文已經好累~訓左陣~我地個個訓晒~剩番樂係度打機~一點半度~我地就走la~去左良景食lunch~食完之後傾計傾左好耐~好好笑~三點度就各散東西~返到屋企沖梁,打日記~


琴晚至宜家一直係度落雨~冇停過~令到好多地方水浸~好恐怖~好似末世來臨咁~

>>August 20, 2005 at 4:40:08 PM GMT+8

2005 年 8 月 19 日 星期五 【晴】

條腰仲痛緊~打唔到波~如果好得架話~兩個禮拜後就可以練波la~今日去左峰屋企打機~今晚去禮屋企過夜~我諗應該幾好玩ge~

>>August 19, 2005 at 8:16:46 PM GMT+8

2005 年 8 月 18 日 星期四 【晴】

睇完呢個假動作之後~我實在冇咩野好講~因為太靚la~我都要努力d先得la~

http://hkcpg.net/bbs/viewthread.php?tid=16652

>>August 18, 2005 at 11:46:34 AM GMT+8

2005 年 8 月 17 日 星期三 【晴】

今日開始做暑期作業~好多呀~驚做唔晒~我諗都係要抄架la~

>>August 17, 2005 at 10:52:24 PM GMT+8

2005 年 8 月 17 日 星期三 【晴】

估唔到你係基督徒喎~

>>August 17, 2005 at 10:50:37 PM GMT+8

2005 年 8 月 13 日 星期六 【晴】

好痛呀~ 好辛苦~琴晚要三點先訓到~今朝食左兩粒止痛藥~都冇用ge~睇唔到曼聯對愛華頓LO~因為要睇鐵打~好擔心醫唔到~以後都係咁呀~如果開學前都未好番~都唔知點算~聽日都唔知去唔去到教會~~

>>August 13, 2005 at 3:24:08 PM GMT+8

2005 年 8 月 10 日 星期三 【晴】

17歲,男性,網球健將~性格開朗~幾nice~o係英國番黎放暑假~今日打波識ge~個名叫啊峰~估唔到會同佢咁好傾~

>>August 10, 2005 at 10:06:10 PM GMT+8

2005 年 8 月 4 日 星期四 【晴】

兩日冇寫日記~宜家寫番好似好多野寫咁~

星期二去bbq~十二點幾訓醒~約左人一點巴士站等~急急忙忙換衫~不過最後都遲到~去到果度已經係兩點半~開始燒~冇幾耐唔知邊個領左一副麻雀出黎~我未打lo~玩一二蚊~打左八圈~輸左四十幾蚊~果陣已經係七點幾~開始累~跟著食野~玩到十二點幾就ｌｏ～果晚三點幾先訓～

星期三好忙～行程排到密晒～早上七點起身～要同啊嫲飲早茶～唔想去～去到茶樓係八點半～我好記得果日叫左個皮蛋瘦肉粥～因為要下火～飲完早茶果陣已經係十點～啊嫲叫我陪佢買野～我心諗＊唔好la＊但係點可以話唔陪，因為我好累，昨日去左ｂｂｑ咁講呢？如果咁講～我肯佢即整ｄ苦湯比我飲～買完野果陣係中午十二點～剛剛好約左啊公飲茶～仲有其他親戚～連本來果個零鐘休息ｇｅ都比埋啊嫲～果日係啊公生日～佢好開心～ｄ親戚都好耐冇見～個個都有講有笑～幾開心～我表姐仲整左個生日蛋糕～味道就．．．ｏｋ　ｌａ～不過啊公好琳呀～一點幾食完～諗住番屋企訓陣ｌａ～ｄ舅父又搞ｄ節目出黎喎～去唱ｋ～我第一個話唔去～後來話去打羽毛球～唉～頂硬上! ~打完番屋企已經係五點幾~我仲未可以停落黎訓覺~因為啊公今晚擺壽宴~沖完梁又要再出去~去到果陣係六點幾~d親戚大部分都未黎~我o係酒樓訓左一陣~冇幾耐冇得訓~d親戚都開始黎~行下坐下~同d表哥表姐傾下計~大約９點開始食~可能我累la~好肚餓~十一幾~d人開始走lo~我地都要送啊公啊婆返老人院~返到屋企十二點半~睇埋尋x記~兩點就訓lo~

今日八點起身~約左人９點打波~返到屋企沖埋梁十二點~舅父打電話黎叫我去bbq~我話唔去la~下次la~

總結兩日加埋唔多過十個鐘~娛樂性豐富~可惜行程太密~宜家我要訓la~我啊爸聽日生日~又有街去~聽日練波~聽日行程應該都唔少~

>>August 4, 2005 at 1:33:02 PM GMT+8