2006 年 1 月 19 日 星期四 【晴】

今日派卷~唔滿意~唔好提....account都唔知佢點計分ge...放學去練波~知道左今年學屆抽籤結果~分組賽對南屯官,陳黃淑芳,譚李麗芬~完全係死亡之組~雖然我有信心贏~但係真係會好好好累~最後一年,一定要領獎~張sir派左新波衫~佢話件衫係佢設計.....件衫真係好唔得~佢唔講我仲以為係足球隊d波衫黎~臨走果陣~張sir話要同我打番場~佢真係.......贏左就讚自己贏得好,贏得漂亮~輸左就同人講佢好耐無打過波~但係據我所知~佢個個禮拜都有練波架bo~練到6點半~學校無晒人~好靜......返到屋企知道原來婆婆上左黎食飯....仲話等我返黎先食飯~老人家原來唔鐘意食著等......


我好想講下三個月前ge事~sd message,打電話,正面搵你傾~咩都試過~你唔理我,我了解~當然我好想可以好似以前咁樣.....就算唔得,我都想知點解~我只係想你講我知個原因~起碼都比個機會我解釋或者道歉......可唔可以?

>>January 19, 2006 at 10:38:19 PM GMT+8

2006 年 1 月 18 日 星期三 【晴】

今朝成7點半先起身.....7點8就落左樓~搭960返學校.....差d遲到~考完listening~上左堂屋企打機~輸得好慘~跟著去打波....跟著去KFC買野返屋企食~見到KFC出左部數獨機~換左一部黎玩~悶果陣玩下都幾好....買野果陣有個女仔同我傾左幾句.....佢好nice~其實係因為排緊隊買野果陣.....我地竟然一齊講左同一句說話~跟著我地就一齊笑~原來佢都覺得部機好好玩~仲交換左icq number~買完之後返到屋企~見到好多花....我張書抬都有......叫做小麥草~我覺得好靚~聽日就派卷.....

>>January 18, 2006 at 9:55:55 PM GMT+8

2006 年 1 月 17 日 星期二 【晴】

今日返學考oral~上到去課室....我仲以為我係第二part時間~原來我遲左返去~好彩我係第一part時間最後一組考~唔係就弊~考果陣~佢地好似鬧交咁.....果兩個老師都聽到笑~我諗我唔會高分....因為佢地鬧緊果陣....我都冇講過野~剩係最後果一分鐘講左一個point~考完之後上左豪屋企打機~跟著返屋企~

>>January 17, 2006 at 9:16:35 PM GMT+8

2006 年 1 月 16 日 星期一 【晴】

今日考maths~比想像中容易......我諗合格掛........放學去俊屋企打機~第一場輸5:0~跟著再輸3:0~跟著又被佢迫和2:2~最後一局贏3:1~總得失球係得5失11球......真係打到無嘜心機~跟著返屋企換衫再出去打波.....打完差唔多6點返到屋企~聽日考oral~我驚無得講.....

>>January 16, 2006 at 8:56:38 PM GMT+8

2006 年 1 月 13 日 星期五 【晴】

今日係黑色星期五.....果然真係黑黑地....account有4條題目....成分卷100分~最後果題佔40分.....我就係最後果條計唔到balance~唉 ! 好失望.....放學約左人食早餐....好彩趕得到~唔係比人鬧~跟著返屋企訓覺~訓唔著.....睇碟...好搞鬼~夠鐘就去打波.....其實考試期間真係唔想打~不過都就黎考完........打完同峰走~聽啊媽講話新年可能去旅行.....唔知點解我唔係幾想去~

>>January 13, 2006 at 8:52:39 PM GMT+8

2006 年 1 月 11 日 星期三 【晴】

今日考中文同geog~中文比想像中容易....但係仍然覺得好難....geog好彩最後夠時間做....如果佢早兩分鐘話停筆....我已經無左7分.....兩分鐘做左三題......真係好趕 ! 放學俊去領野....我就諗住返屋企....點知o係輕鐵撞到禮同樂....就一齊去左唱 k~考試唱 k 我都係第一次~不過聽日考Eng...無咩野溫....4點返到屋企~琴日病病地..今日就好番.....都算好得快 !我覺得今日所有野都好好好幸運........


路透羅馬電---皮耶羅(迪比亞路)周二上演帽子戲法，助尤文圖斯(祖雲達斯)在主場以4-1狂勝佛羅倫薩(費倫天拿)，挺進意大利杯四分之一決賽(半準決賽)。皮耶羅也成為尤文圖斯隊史頭號射手。

>>January 11, 2006 at 5:34:31 PM GMT+8

2006 年 1 月 10 日 星期二 【晴】

琴日返學等唔到巴士...諗住搭的士果陣~見到miss wong~我地就一齊返學校~佢仲請我地搭的士~其實我from1果陣已經覺得佢好好人~我仲記得佢教過我架~但係唔記得佢教我咩科.....入到禮堂覺得好凍....仲要坐o係近門口~份E.con卷最未果題好彩最後都諗到點寫.....領返4分~放學去飲茶~點知原來仲有其他人一齊.....全部我都唔識.....跟著返屋企訓覺.....

今日考listening....好難~做完之後仲有好多時間.....放學之後返屋企訓覺.....我諗我有少少病.....

>>January 10, 2006 at 1:38:18 PM GMT+8

2006 年 1 月 6 日 星期五 【晴】

琴晚頂唔順....11點就訓著左...睇住本電腦書睇到好悶....今日好凍..隻手凍到疆晒~入到禮堂~d氣氛好唔知點咁~覺得有d怯~我坐o係近正門果度....d老師成日出出入入~d門聲真係好煩 ! 考完作文就考電腦.....考電腦果陣大把時間做~呆坐左成半個鐘.....唯有不停咁覆卷....考完就返屋企訓覺.....夠鐘就去練波.....不過遲到~塊拍換左條線....好唔慣~可能係我太累...呢幾日都訓得唔夠....

>>January 6, 2006 at 9:55:40 PM GMT+8

2006 年 1 月 3 日 星期二 【晴】

琴晚睇波...成3點幾先訓~今朝起身真係亂晒咁.....差d唔記得帶銀包~搭bus....架bus o係大興果度停下又行下......原來前面個交通燈壞左.....要由警察指揮~所以返到學校遲到~好彩唔使罰~第一,二堂中文~派作文....好多人唔合格~跟著派notes.....派左成80幾張......跟著geog~好眼訓.....小息之後基教堂....好眼訓~跟著Eng~個頭好痛.....跟著E.con~無端端李sir叫我答問題.......好彩佢講緊果段有聽書~lunch真係笑鬼死.....跟著account~miss葉又無端端叫我答問題.....好彩有人提水...跟著maths~去到果堂已經好辛苦.....放學返到屋企訓著左...夜晚食晒飯我先起身......要食出前一丁.....



從前並肩的好兄弟　可會撐到底

>>January 3, 2006 at 9:20:13 PM GMT+8

2006 年 1 月 1 日 星期日 【晴】

今朝起身屋企無晒人......好靜~好快就溫晒account~lunch去左飲茶.....見到個人領著部psp玩緊winning9.....好正呀~d動作真係好靚.....好想買~跟著行左陣....就返屋企訓覺...

>>January 1, 2006 at 10:17:50 PM GMT+8