2005 年 12 月 30 日 星期五 【晴】

今朝六點半起身....食早餐之後換衫去良田練波......練波果陣~隔離有一班人o係度練太極~佢地開到個喇叭好大聲....好唔舒服~10點幾走~約左啊媽去食早餐......行過商場見到好多野on sale......果個人係咁同我sale部數碼相機.....食完早餐就返屋企....溫左陣電腦~三點幾去友愛打波......今日o係體育館見到個人打羽毛球....佢著Hong Kong(China) ge波衫......我心諗呢d人點會o係呢度練波架呢.......打完之後入更衣室換衫...見到cac d舊生.....我諗佢認得我...我地仲say hi~返到屋企差唔多7點.....好累.....訓著左~

>>December 30, 2005 at 11:17:46 PM GMT+8

2005 年 12 月 29 日 星期四 【晴】

今日特登較鬧鐘早d起身.....終於做account d classwork.....跟著就打左成日機~夜晚出街食飯~返屋企睇電視....見到原來整親條腰係可大可小....搞到我都有d驚....

>>December 29, 2005 at 10:52:49 PM GMT+8

2005 年 12 月 28 日 星期三 【晴】

琴晚訓唔著....開著陪收音機聽....好奇怪~我聽完首"原來你什麼不想要"之後.....就無端端諗起"獻世"~跟著個DJ就播"獻世".....跟著我又無端端咁唔知點解諗起"一生中最愛"......點知個DJ真係播左佢~聽完我就訓左lu.....今朝12點幾先起身~食完lunch又訓返~6點幾起身....溫左陣maths....無幾就食飯~跟著打機.....我都覺得自己幾過份~我諗我訓左成日...今晚都係訓唔著~

>>December 28, 2005 at 11:14:23 PM GMT+8

2005 年 12 月 26 日 星期一 【晴】

24/12
去左尖沙咀睇燈色....行到好累....人又多....夜晚去食野....掛住食野忘記左倒數....食完野已經係00:12分......跟著行左陣.....行到星光大道..見到警察封左路~無幾耐見到幾個好似流民ge人入左去~警察都冇阻止...我地就跟著入...點知個警察唔比....話封左路....我地就問點解果幾個人可以入去~個軍裝就話果幾個係便衣黎......頭髮又亂,又著到爛衫襴褲,又丟煙頭.....真係估唔到係警察黎.......跟著搭西鐵返屋企~無端端聽到有個人叫我個名....我望住佢但係唔知佢係邊個....我諗應該係cac
d高from黎~返到屋企三點幾先訓.....

25/12
一早就起身返教會.....好眼訓....好多人獻唱詩歌...聽完道之後有人受浸....睇完浸禮之後教會安排左自助餐....食完自助餐先走....返到屋企已經3點....即刻訓覺......夜晚出左街.....


今朝差唔多12點先起身...屋企又係無晒人~無野做~就開始溫下書....電腦都唔知點溫好....本電腦作業就算睇住書都唔識做.....跟著又溫下maths~有d唔識做....跟著又睇下account~好快就到6點.....我仲以為得我自己食飯.....後未細佬返左黎...落街食飯....

>>December 26, 2005 at 8:37:10 PM GMT+8

2005 年 12 月 23 日 星期五 【晴】

今朝訓到唔想起身.....起身之後做左陣數....做左一陣就夠鐘去練波~練完之後返屋企.....無幾耐就收到個壞消息....呆左....(點解你要話我知呢??.........唔知就唔使做.....唉....不過多謝你...)


(既然你一清二楚 何必繼續追問)

>>December 23, 2005 at 7:48:57 PM GMT+8

2005 年 12 月 22 日 星期四 【晴】

朝早起身去左良田打波.....隻手凍到硬晒....跟著返屋企....搭車果陣撞到穎儀~返到屋企食lunch~睇左陣電視....2點幾去睇Harry Potter~去到等埋啊亮入場~個女巫個樣好似miss張~個髮型一模一樣...睇完之後返屋企~好眼訓.....

>>December 22, 2005 at 7:04:21 PM GMT+8

2005 年 12 月 20 日 星期二 【晴】

琴晚屋企停電.....間屋好靜.....咩都做唔到~

今朝起身果陣11點幾....屋企冇晒人....再訓過~無幾耐又起番身睇VCD.....搵到隻鬼片....不過無開到~夜晚出街食飯做節~

>>December 20, 2005 at 10:40:35 PM GMT+8

2005 年 12 月 19 日 星期一 【晴】

今日五點起左身....換完衫就出門口去鋒屋企整野食~約左小為o係市中心等....等果陣撞到駼....佢又係去人地屋企整野食~跟著搭車..落車果陣見到樂就一齊行....上到去...小為就開始做野~俊琴晚o係鋒屋企訓...所以上到去見到佢o係度訓緊覺~我同樂o係度見打機.....冇幾耐恩同雲都上左黎~無幾耐,鋒ge媽媽起左身...仲幫我地~夠鐘就返學....好凍........
返到學校....去禮堂....聽到晴佢地講野.....無奈~我邊有呢?跟著上課室~女仔o係度整野食.....男仔o係度行行企企.....ck同頤做左南韓暴民.....跟著開始食野....軒同亮話猜輸食十粒魚蛋....亮食左廿粒...我都食左十粒....真係食得好辛苦~軒食左五隻雞翼.....後未好多男仔都加入....咁多人一齊猜好難分勝負...華就話猜包剪......我諗住應該唔會有人出包掛......點知個個出剪....但恒同軒就出左包....後未佢地再猜~軒輸左要食雞....真係笑鬼死.....食完野就玩遊戲.....玩切蛋糕.....俊比人整到成面粉~跟著派禮物...派埋d作業....就一齊走~走果陣Bong好唔好彩....返到屋企訓著左~

>>December 19, 2005 at 8:41:24 PM GMT+8

2005 年 12 月 18 日 星期日 【晴】

琴日返左數學班.....放學去左唱k...夠鐘就返返學校....聽道....

今日朝早睇左陣書....發現我唔見左張圖書証~lunch同公公婆婆飲茶....跟著去左俊屋企打機....去個陣見到聶琪~不過佢同佢個fd傾緊計...所以冇hi佢~祖記贏AC 2:0~俊唔甘心~要再打過~比佢贏返1:0~夜晚出街食飯~食量好驚人~12個人食左19個R~我仲以為埋單過$3000添.....物超所值~

>>December 18, 2005 at 11:34:12 PM GMT+8

2005 年 12 月 16 日 星期五 【晴】

琴晚去校慶晚會....好好睇....劉sir吹色士風好正~原來林海杏唱歌好好聽架~小為都唱好好~佩服佢咁有勇氣企出黎表演~小霞都有份彈琴..不過我睇唔到佢....張永鴻出場果陣講左一句野.....好似唔係好受歡迎咁bo...ck郎誦...好好聽佢吧聲~完show果陣~我地成班去左食消夜....小霞遇到d事~跟著同小霞,小為,俊,Bong一齊走,,,,

今日一早起身要返學校補account.....補成兩個半鐘...真係好悶~有d唔明...放學去同嫲嫲食飯....去到先知佢地未到~所以行左陣吉之島~行到去扭蛋果度..見到個豆腐仔好靚...有兩套...扭左幾個.....扭出黎個個都好靚....實在太好運喇~跟著先諗...扭黎做咩呢??......跟著去到餐廳....食日本餐....嫲嫲真係好錫我...跟著返屋企訓左陣~夠鐘就去打波....體育館果度見到cac d人...佢地o係度打排球~搞到我冇咩心機打....我驚打miss左....走果陣同鋒,民一齊走~佢地o係度傾理科d野..搞到我冇野講~夜晚凍左好多......返到屋企就覺得好肚餓.....

>>December 16, 2005 at 9:31:22 PM GMT+8