2004 年 3 月 24 日 星期三 【乍寒還暖】

Title: 天下太平

上個星期二既 Management 堂, Miss俾坐一個叫 Interview Challenge 既遊戲我地玩. 四個人一組, 我地4個男仔一組, 有家駒, Marco, Frankie同我, 初初都有玩o個個遊戲, 之後覺得有D悶, 突然諗到不如反轉張紙玩 "天下太平". 我地4個唔單止玩得投入, 仲好玩得, 扮晒D小學生攻擊對方陣地時要發出D獨有既聲響, 認真好好玩.

　　其實好耐都無試過上堂玩呢D好似應該屬於小朋友遊戲喇, 諗唔到到左讀緊Associate Degree都仲有機會玩. 雖然最尾個遊戲玩左一陣就無得玩喇,但係都已經過晒癮. 多謝呢3位咁好既對手 !

>>April 28, 2005 at 1:49:43 PM GMT+8

2004 年 2 月 5 日 星期四 【乍寒還暖】

Title: 思念

沒見你差不多一個月了, 在那邊的生活好嗎? 思念我嗎?

每當在夜蘭人靜的夜裡, 我想起你的聲音, 你那甜美的聲音.

每當在寒冷的冬夜, 我擔心你仍是那麼溫暖嗎?

我惦記著你的好, 記掛著你美麗的面孔和那善解人意的性格. 記起我與你一起埋首於功課而熬過的黑夜, 也記起每天一起上學的日子. 想起你我眼旁的眼圈, 不禁相視而笑-- 縱使時間並不長久, 但已足夠令我刻骨銘心.

你雖然後天有些缺憾, 但我仍對你那樣的不捨不棄. 直到那天, 我把你交到我信任的他手中, 你可知道我是那樣的難過和痛心嗎? 想不到那天以後, 我再也沒法見你一面. 我多麼渴望你現在能出現於我的眼眸裡, 被我緊緊的抱著.

　　親愛的電腦呀, 你何時才回到我身邊呢?

>>April 28, 2005 at 1:52:16 PM GMT+8

2004 年 2 月 1 日 星期日 【陰】

Title: I know you have learnt something, but you have forgotten many things

今日係第2個sem既開學日子, 星期一得一堂, 就係人稱 QA II 既 Quantitative Methods II. 教我呢科既係一個貌似中國人既Miss Lee, 但係睇佢個全名應該係來自東南亞地方既, 好多同學以為佢識聽廣東話同埋講廣東話, 紛紛用我地既母語問Miss問題. 奇怪既係Miss並無表明佢係唔識聽, 只係話" I don't understand your question."

之後由於呢科其實係base on 上個sem既 QA I或者係QM II既知識黎延續落去, Miss想睇下我地呢班太空人仲記得幾多, 於是就派左份 revision exercise 俾我地做. Miss睇完大部份同學做exercise, 得出一個非常精闢既結論, 就係" I know you have learnt something, but you have forgotten many things." 呢句說話對於我地呢D太空人, 甚至大部份既學生黎講, 可以話係一針見血.

>>April 28, 2005 at 1:54:40 PM GMT+8

2004 年 1 月 8 日 星期四 【晴】

Title: 小匯別館之...一人做事二人當

地鐵縱火事件之中, 傳媒除左塑造左一個英雄之外,仲將警方既辦事能力充份欣賞. 雖然我對香港警察既能力充滿信心, 但係未至於好似香港傳媒咁, 可以將捉到疑犯當成破案. 呢種做法充份顯示佢地毫無法律常識, 兼無傳媒道德.

可憐那位"疑犯"變成頭條狂徒, 第二日頭條又有另一個狂徒twins, 結果贏家還是傳媒...

>>April 28, 2005 at 1:57:50 PM GMT+8

2004 年 1 月 5 日 星期一 【晴】

Title: 小匯別館之...有D野喎

前晚見到羅莽師傅於仁濟既演出. 當佢用手拉住一部開緊既車, 雖然部車明明係兩邊轆一齊轉, 但係得一邊轆出煙, 擺到明無出煙個轆係做左手腳. 羅莽師傅表演後雖然話無事, 而且仲打得幾下添.

不過從佢o係主持up緊野時, 有意無意露出痛苦既表情, 不禁心裡發出一句"有D野喎".

>>April 28, 2005 at 2:01:21 PM GMT+8

2004 年 1 月 5 日 星期一 【晴】

Title: 小匯別館之...英雄無疆界

地鐵被人放火之後, 有三個人成為事件的主角: 放火者本人, 列車司機...同埋一個"西裝英雄". 放火者成為主角並不出奇, 但佢事後只係被傳媒輕描淡寫咁帶過; 列車司機既鎮定同緊守崗位的精神亦值得致敬; 但係唔明只係喝止同試圖阻止放火者放火既動作既人點解會成為英雄.

雖然話香港人唔咪個個都會有事既時候出聲啫, 作為一個人當見到人地做出影響別人生命的行為, 都會出聲同阻止架啦, 勉強只係可以話佢係勇敢既人, 未至於要用"英雄"呢個term同埋係佢公司門口等佢影相做訪問呀嘛?

下次當你見到同學抄功課,你大喝一句"唔准抄"; 或者當你見到一隻螳螂攻擊小螞蟻,你大喝一句"唔准食", 你也成為英雄 !

>>April 28, 2005 at 2:00:03 PM GMT+8

2003 年 12 月 30 日 星期二 【微雨】

Title: 一年大事回顧 (2003)

01/04 第一個不一樣的愚人節

24/06 第一次拍拖既活動係行山

28/06 第一次俾女朋友睇住踢波

12/07 第一日返成記

01/09 第一次發覺自己唔咪自己所想咁好

04/09 第一次用自己錢買左缸魚返屋企養

31/10 第一次去紅館睇Concert

31/12 繼續希望下年仲有得寫

>>April 28, 2005 at 2:08:05 PM GMT+8

2003 年 12 月 7 日 星期日 【晴】

Title: 小匯日報: 5名男子槍戰中亡

[路邊社上水29日電] 上水某屋苑單位內今晨發生槍戰, 事發時5名年約18-21歲男子於單位內為其中兩名男子慶祝生日, 其中xB(18歲)於拆禮物時疑因手腳較慢, 被另一名男子x龍(21歲)先發制人, 以其手上友人送贈的忍者刀攻擊. 兩人糾纏間xB奪去x龍手上的忍者刀, 而x龍亦不甘示弱, 搶去xB手中還未完全開封的太空戰士套裝逃入房中.

稍後, x龍從房門步出進行反擊, 他身穿避彈衣及配備先進武器冷冷地向xB頸部發射一槍, xB冷不提防身中一槍倒地. x龍隨即將xB手中的VCD搶去後逃去無蹤.

槍戰中, 3名途人包括姓朱(21歲), 姓林(21歲)及姓何(21歲)的男子被發現倒斃於槍戰現場. 法醫官到場於死者身上並無發現任何槍傷, 初步認為是笑死.

1 小時後, 途人報稱發現x龍的蹤影, 情況極為緊張. 身穿避彈衣的警員接報到場, 破門入內嚇見x龍亦全身赤裸倒斃於電腦旁. 電腦內遺下一張 VCD, 懷疑是贓物. 法醫官到場發現x龍的兩個頭部都有出血的跡象, 懷疑是看VCD時造成. 指揮官以保密理由拒絕回應VCD的內容.

>>January 20, 2006 at 12:45:29 PM GMT+8

2003 年 11 月 4 日 星期二 【微雨】

Title: 小匯日報: 男歌迷慘叫憶蓮

[路邊社紅館31日電] 明哥演唱會於十月三十一日 假紅館順利揭開序幕. 當日由於適逢萬聖節, 有幾位歌迷特地穿上奇怪的服飾, 包括萬聖節必備的天使與魔鬼和....乳牛, 當中以一隻熊貓最為矚目.

演唱會發展至中段部分, 台中突然出現一個久未露面的身影----就是久別歌壇的憶蓮. 憶蓮的出現牽起全場的高潮, 不少歌迷站起來與在台上合唱"灰色"的明哥和憶蓮一起高歌和拍和.

期間, 一名朱姓歌迷不斷慘叫"憶蓮 ! 憶蓮 !", 聲音顯得十分淒厲. 在旁的林姓與鄭姓的歌迷見狀, 立刻大笑起來. 其他旁邊的歌迷亦被感染, 發出喚心微笑. 朱姓歌迷的慘叫在憶蓮返回後台時仍未停止, 直至喊得聲嘶力竭才停止. 據目擊者表示, 該名歌迷除喊"憶蓮" 外, 亦不時叫喚"明明 !" , 為萬聖節加添一份恐怖感.

>>April 28, 2005 at 2:12:55 PM GMT+8

2003 年 9 月 27 日 星期六 【微雨】

Title: 俾面派對

　　面係人地俾 假係自己丟

　　 咁大個人做D咁既野出黎, 唔咪要人地開到聲話你呀嘛?

>>May 8, 2005 at 3:47:35 PM GMT+8