2005 年 5 月 5 日 星期四 【晴】

Title : 小匯別館之...廣告大 "賞"

1. 一手搞掂
　　廣告主題係 "一手搞掂" －－ 呢個廣告有三個情景，亦分別向女性既三個重要位置 "進發" . 第一個情景係一個男人楂緊車想楂波棍，但係隻手個方向係向住身旁的女乘客既大髀，而該位女主角的樣子表現出唔咪咁抗拒呢個 "企圖" . 第二個情景係一對男女正在打緊遊戲機，而女主角想儸係男主角另一邊既野，但係又唔叫男主角幫手，結果女主角既胸部就同男主角既頭部非常接近. 第三個情景係一個清潔工人背住老闆打掃，老闆想儸杯茶，但係因為佢做緊野無望隻杯係邊而隻手差D摸到女工既臀部.

　　廣告意思係 "一手搞掂" 咁係咪即係好容易就觸摸到呢D位置呢？而"搞掂" 又係咪即係無手尾跟呢？呢D內容低俗既廣告，目的係以涉及性的畫面去吸引觀眾注意，根本係無必要甚至係對主題無咩實際關係，另一方面又貶低女性既地位，令人以為女性係 "任人摸" 或者係好容易就 "得手" , 實際上唔應該係黃金時段播出. 廣告意念擺明係來自一班低賤既男人，亦希望係來自呢班咁既男人. 因為如果係來自女性既話，連女人都唔幫自己，實際係另一個悲劇...

2. 放眼看華南
　　放眼看華南原本令人以為可以憑住呢D片段令觀眾可以放眼華南，對華南有更深既認識. 但係須知呢個世界無免費午餐，每一集既內容都係圍繞個個樓盤所處的中山，極其量順手介紹下o係隔離既順德同珠海. 呢個廣告其實令我地呢D鄉下係中山既人對家鄉有更深認識，亦令一D從未去過中山既人有興趣踏足下呢個國父既出生地. 但係點諗都諗唔到點解唔叫' "放眼看中山" . 呢個廣告可以話係近期 "知識型廣告" 中最短視既一個，有強烈 Hard Sell 感覺.

>>June 7, 2005 at 5:49:08 PM GMT+8

2005 年 5 月 5 日 星期四 【晴】

Title : 殺到埋黎喇

10/05 Statistics 1
11/05 Mathematics 1
13/05 Elements of Accounting and Finance
17/05 Marketing
02/06 Computer-based Information System

>>May 8, 2005 at 2:57:48 PM GMT+8

2005 年 4 月 26 日 星期二 【陰】

Title: 這就是我?!

你是個感情豐富的人，個性不太穩定，比較常往外跑，喜歡搞人際關係，在人群中會運用各種關係得到你想要的，並且常會居於領導地位，在不同的範疇裡都可以成為主要的領導人物，扮演起事件的核心角色。

有些人做事的壓力會來自於周遭人過度期待，而你卻能反抗這種壓力，並且人氣超旺，獲得上司的肯定，一路爬升，在競爭的社會中，你能夠較早成為團體的中心份子喔！

你又要感情，也要自由，因此本身的感情充滿矛盾，對感情也不太專一，一面想要取得平衡，另一面卻也容易破壞平衡，而一旦你的平衡被破壞，則會為情所困了，因此通常你的感情穩定下來會晚一些，但在人緣上算不錯，受歡迎，只是稍缺乏一點耐性。

你的生命目標是首先建立起一個穩定的生活和穩定的家庭，然後加強你的領導力，帶動越來越廣的周圍力量，聚集越來越多的人脈，慢慢拓展成一個自己的勢力範圍，最後完成自己的事業王國。

你的個性特徵是很有自己的想法，也可能是你很早熟，在很年輕時就知道什麼事情該怎麼做，如何去加強自己的能力，落實自己的執行力，也知道要務實才能一步步經營穩固的未來，因此你在工作場合裡面，非常有能力。

你的優點是可以自我訓練，在年輕時就會努力學習專業的才藝、技能，知道往後可以靠著這些專業的技能謀生，甚至創出一個事業，同時你擁有管理的能力，是個知道如何發號司令的領導人才。

你的缺點是對任何事都不會很在意，或特別去關心別人，有時會太固執自我，太過辛勞也不曉得做些適當的娛樂放鬆自己。

你的人生運勢是老是被自己限制住，在圈圈裡打轉出不來，孤獨時追求熱鬧，熱鬧時又想追求孤獨，比如明明不是很想跟朋友去唱歌，卻會想很久，被思考限制住，沒有辦法當機立斷做決定，勉強答應後，卻一直覺得心裡不滿足，不自在。提醒你心中存在著太多不同的價值觀，這是形成你的思緒混亂和分裂的原因。你的天賦潛能是語言的表達，因此除了當領導者或在固定的環境工作以外，成為企業經營的主管或學校、補習班的老師會更適合，因為學問這種知性的領域，有太多可以開拓的空間，透過你的如珠妙語來做知識方面的傳遞，可以好好發揮你的潛能喔 !

[鳴謝阿蘇日記分享之Website：http://www.kindheart.com.tw/cgi-bin/element1.pl ]

>>May 6, 2005 at 1:32:43 PM GMT+8

2005 年 4 月 26 日 星期二 【晴】

Title: 這就是心心仔?!

你是一個講究均衡的人，個性不會太衝動，不管在人際上，生活上和工作上，凡事都喜歡按部就班慢慢來，並且保持一種均衡狀態。當然你也有自己的一套方法，不喜歡受人牽制，感情也是一樣。

　　你很重視合作關係，希望找到氣味相投的伴侶，不一定是感情上的伴侶，也有可能是旗鼓相當的工作夥伴，雖然工作夥伴不見得對你有很大的實質助力，但是在生命的歴程中，有這種夥伴的陪同，更能加強自信心，填補精神的空虛，創造生命的幸福與成功。

　　你的生命目標是開發一些讓自己能獲得成長，或者與人一起完成有理想性的事情。由於你的人生本質裡充滿著關懷、熱情，和強烈的自我意識，因此從幼年時期、青少年時期開始，你就會想到很多與人生相關的問題，但是你必須經過一段很長的歷程，磨掉你心中的執著和個性，一直到思想成熟以後，才會了解自己的個性，而慢慢地看見清澈的心靈，漸漸明白自己需求的生命境界，和值得努力追求的東西，你的人生才會穩定安靜下來，潛心在心靈的修為上，並開始感覺到尋找一個心靈契合的伴侶，是最重要的人生大事，因此你很重視和伴侶間的心靈交流，往往會堅持找到人生中的靈魂伴侶，才會結婚，因此晚婚的機率很大。在職業上，你也會偏向服務性質的工作，以發揮自己關懷、熱心的本能。

　　你的性格特徵是熱情，也就是遇到事情會很狂熱，一頭栽入，但是對事物有選擇性，有興趣的事情會去做，沒有興趣的就不管。

　　你的優點是擁有熱情的精神，肯為對方奉獻，缺點則是常常無法掌控自己的行為，以及強烈的自我意念，尤其是跟對方有衝突的時候，因為無法掌控自己，自己的某些意念常會突然的冒出來，使得事態變得更嚴重。

　　你的潛能在於溝通協調，雖然你所講的道理自己不一定做得到，可是會幫助別人釐清問題的癥結。你在人生運勢上，經常會面對並解決許多人際關係上的事物，由於你的應變能力極佳，並富有強烈的服務精神，非常了解人與人之間的微妙的道理，以及如何達到平衡性，所以能夠幫助別人做協調工作，適合從事公司人事方面的工作。

>>April 27, 2005 at 1:23:27 PM GMT+8

2005 年 3 月 5 日 星期六 【晴】

Title: 讀書的意義

很多人會問： "讀書是為了甚麼？" 讀書不是為了向囉嗦的爸麻和師長交待，也不是為了應付那些錯漏百出的考試，更不是為了未來那份燃燒青春的工作。因為當考試題目也經常出錯，那張所謂的證書已經變得不重要。證書只能夠證明你對那些 "考試範圍" 捉得準確或者你對書本的認知清晰與否，而並不是證明你對書中的知識 "領略" 到幾多。"領略" 在這裡並不單指懂得運用，而是從這些知識可以得著的是甚麼。

　　 那麼 "讀書是為了甚麼？"

我會答你： "讀書是要學做人的道理。"

你會問： "下?這是老生常談的啦！"

"精明" 的人會反駁這句話只是空談： "讀中英數、常識都可以學會做人？這不過是 '騙' 人讀書的說話而已！" 不錯，讀書的確是學做人的道理！

　學數學是為了要閣下計算一大堆虛構出來的題目嗎?學理科是為了學懂那些定理嗎?錯了，學數理科是為了令你知道做事要循序漸進，以正確的方法得到答案和爭取成功。一個數理科好的人做事和思考都會有條不紊。

　　學歷史是為了閣下知道甚麼是 "隋唐盛世" 、 "唐宋元明清" 嗎?試問你未來的老闆會突然問你： "商朝為什麼會滅亡？" 答案當然是否定的。學歷史是令閣下懂得 "有因必有果" ，你今天所做的一切都會成為未來得到結果的原因。因此，懂歷史的人不會重蹈前人的覆轍，減少犯錯的機會。

學地理是為了閣下知道大理石是怎樣形成、火山為什麼會爆發嗎?它是令你懂得自然與人類緊緊相扣，知道人是地球的其中一個 "組員" ，並不是地球的 "領袖" 。因此，很難找到一個對地理有相當認識的人會打算如果破壞地球。相反，他們會想著如何適應這個不斷被破壞而變差的地球。

學中文只是要折磨閣下，不斷的背誦背誦，直到你背誦如流才肯罷休？錯了，學中文的原因是令你懂得如何組織自己的思想，如何表達自己。一個語文好的人定能夠以適合的文字和語言來表達自己，不會詞不達意。　

閱人較多的人也許會發現，（大多數並不是全部）受過教育比起沒有受過教育的人較講道理、做事更靈活。這是因為他們得到知識的啟發，曉得想考過才能夠有機會恰當的完成一件事，或是取得成就。

經過專上教育的人都經歷過，各學科所學到的原來同出一撤，真的可以做到 "融會貫通" 。例如，讀商科的人會發覺 "市場學" 並不是單純的市場學，你要學會融合其他知識，例如怎樣與人合作的 "管理學" ，這樣才做到出色的商家。同樣地，你要融合各方面的知識，才懂得怎樣做一個出色的人。因此，博士的銜頭並不是哪一門獨立的學科，而是稱為 "哲學博士" ，即通曉數門知識的人。

所以，政府所鼓勵的 "持續進修" ，並不是市民膚淺的認為 "多張砂紙易搵工" ，或者視之為 "失業者的水泡" ；實際上真正的持續進修是當你畢業學懂了一種學科，應該繼續涉獵其他知識，這樣才令一個人得到比距離 "完全" 更近一步的境界，這才是我所說 "做人的道理" 。

>>May 8, 2005 at 3:45:23 PM GMT+8

2005 年 3 月 5 日 星期六 【晴】

Title: 神農氏親歷其境

　　今朝起身(正確黎講應該係仲訓緊係床扮緊懶蟲)既時候，突然覺得喉嚨痛兼頭痛。頭痛其實並唔咪單單今朝既事，琴日返緊工既時候已經開始。不過通常係返工太多電話聽，聽到頭都痛埋，訓醒第二朝就會無事。如果訓醒第二朝都仲痛緊，大概都係傷風既先兆。再加上喉嚨痛，就更加可以一口咬定我既當事人(即係我)就黎傷風。

　　當然，最聰明既就係大叫媽咪煲涼茶啦(我都係覺得西藥唔好成日食，因為成效越快，即係代表藥力越猛，如果唔咪大病都唔駛食西藥)。起身無幾耐，媽咪已經端上一碗熱烘烘既涼茶(當然媽咪既愛心都係熱既來源之一啦)。涼茶要襯熱飲，我飲完之後頓覺成身熱力由個胃開始向身體四周擴散，於是醒起問媽咪：" 死喇，係咪應該食飽先飲呢？"媽咪亦答："係喎，不過飲左就算啦！"但係呢個時候我將身體既情形話俾媽咪知："但係我暈暈地喎！"

　　跟住我除左頭暈之外，仲覺得有D反胃，於是我即刻食野，好彩岩岩媽咪煮熟飯。食完之後，雖然舒服左D，但都仲係暈暈地。呢個時候我唔夠膽去訓，因為腦海中浮現一D食完藥捽死既新聞。於是死人都唔訓，起碼有事仲會知道自己有事丫嘛。幸好到左依家(大約下午四點幾)無事，仲可以寫到呢篇野記低呢件事。但係，今次呢件事令我覺得有好多關於食藥既野要注意，如果唔咪藥就會變毒架喇！！

1) 空肚唔好食藥，因為個胃會勁吸收。有D藥話唔駛飽肚食，但係我都覺得要食飽先好食，因 為呢D藥唔咪對身體無害，只係佢地既藥力無咁勁

2) 如果食錯野要嘔就即管嘔，千祈唔好忍住，因為你嘔即係代表身體排斥緊呢D野，忍住唔嘔只係會令身體吸收更多有害物質

3) 如果食左中藥或者西藥有D咩事，千祈唔好再食其他藥以為可以陣得住

4) 如果經濟能力許可就最好睇醫生，但係如果要服成藥都記住有D病係會自己痊癒，例如傷風，食藥唔代表會快D好番，只係可以令你既病徵減輕，始終藥都係毒既一種

>>April 28, 2005 at 1:40:04 PM GMT+8

2005 年 1 月 9 日 星期日 【微雨】

Title: 老鼠話你知

以下係兩個關於老鼠既故事（經過加鹽加醋處理）：

1. Source from Kammi 姐姐：

　　一隻母老鼠帶住幾隻小老鼠出黎草地上散步，突然黎左一隻貓，雖然隻貓個樣係傻左D，但係有邊隻貓唔食老鼠先得架？小老鼠們嚇得全部躲起來，撤退時發現不見了媽媽，回頭一看，只見媽媽沉著冷靜，沒有躲開．

　　母老鼠心想：”如果我又跟住走，定必有一隻小老鼠成為牠的午餐．呢次一個都不能少，唯有頂住上．最衰個衰佬（公老鼠）掛住留係屋企睇報紙唔出黎啦！”

　　遠看傻貓越行越近，糊塗的小老鼠們心裡非常害怕．

　　最小的老鼠皺起眉頭，心想：”如果媽媽跟著貓貓叔叔離開的話，我們應該跟媽媽抑或爸爸呢？如果我們不跟著媽媽，我們回家會迷路呢！可是，跟著媽媽的話，我們會變成貓仔，整天咪咪聲的叫？！”

　　大哥"亨"左小老鼠個頭一下，插嘴說：”就算跟著貓叔叔離開，我們也不會變成真正的貓！”

　　二哥鬆了一口氣，慶幸大哥還惦記家中老父．

　　大哥神氣的說：”我們會成為吱吱叫的貓嘛！”二哥聽後四腳朝天，口吐白沫．

　　就在這時，眼看傻貓正一步步向母老鼠進擊，小老鼠們的心裡並不驚慌，因為牠們還在選擇貓叔叔抑或鼠爸爸．突然，母老鼠扮了一聲狗吠，愚蠢的貓不虞有詐，掉頭狂跑．

　　等貓走遠後，小老鼠逐個走出來，望著牠們的媽媽．等所有的小老鼠到齊後（除了二哥之外），母老鼠才語重心長地說：

　　．．．．．．

　　”孩子們，現在知道學外語的重要性了嗎？”

2. Source From My 媽咪：

從前有一隻老鼠仔，佢好懶架，試過創出連續十日唔落床（包括去Toilet）既紀錄，正式係懶到爆燈個種。

有一日老鼠媽咪要出遠門，雖然政府宣傳片話唔好留小朋友獨自係屋企，但係呢次佢去賭場博殺，唔帶得老鼠仔去，但係老鼠仔又唔識整野食喎...咁點算好呢?

聰明既老鼠媽咪突然靈機一動，諗到將一串餅乾掛係老鼠仔頸上，等老鼠仔肚餓就有野食啦...係咪好醒目呢??...點知老鼠仔媽咪返到屋企發現老鼠仔死左喎...點解既呢??
　

.........
　

.........
　

.........

原來老鼠仔淨係食晒頸前面D餅乾，懶到串餅乾都唔轉下，結果餓死左lu...><

　
.........
　

.........
　

.........
　

各位小朋友，呢個故事教訓我地唔可以咁懶，如果唔咪會餓死架喇
　

.........
　

.........
　

.........
　

各位小朋友，你地睇到黎呢度，都證明你地唔咪懶既小朋友，以後要keep住哦~

>>May 8, 2005 at 3:35:03 PM GMT+8

2005 年 1 月 9 日 星期日 【微雨】

Title: 小匯別館之...百彈齋主

究竟Critical（有批判性）同”每事彈”係咪等於一樣既呢？如果答案係否定的話，現時香港的傳媒同議員係屬於Critical 定係每事彈呢？

領匯事件中，政客為一記私慾，利用法例反擊政府。表面上以保障市民為主，但以製造事端，爭取選票為實。但係領匯擱置上市後，令房屋署資金出現困難，財政陷入水深火熱之中。如果有一日房屋署財政崩潰，公屋居民又怎能夠繼續安枕無憂？咁此舉究竟係保障市民定係殘害市民、保障自己呢？

南亞災難後，政府被轟反應太慢。有位身受其害的議員更指當時孤立無助，炮轟政府支援不足。但當自己置身其中，遇到意外時，定必想即時得到支援，即使是身處香港，亦都要到政府合署先有人幫到你，更不要講係南亞。這位議員無的放矢，係咪想成個香港既人去晒個度支援，等有事時身邊隨時有香港人幫手先叫支援足夠呢?

那些自認為保障市民知情權、市民選出的代表、市民喉舌被封上「狐假虎威」又是否適合呢?

>>April 28, 2005 at 1:35:36 PM GMT+8

2004 年 12 月 30 日 星期四 【綿綿細雨】

Title: 一年大事回顧(2004)

嘩~~各位你地好呀! 話咁快已經成半年無寫過日記喇, 非常唔好意思. 點解會無寫既呢? 一來係唔得閒啦, 唔咪返學就要返工, 二來都係因為小弟既舊患--由細到大既懶惰不斷發作 ><. 不過一年一度既回顧就一定要寫 ( 雖然遲左幾日 ), 今年發生既事令到我知道應該珍惜每一日, 仲要開開心心咁過每一日！

27/03 第一次去AD既Hiking, 今次行港島徑, 由黃泥涌峽行到去赤柱, 由0900行到1600, D風景都幾好個喎~帶隊既Freeman教識我幾樣野：

1. 唔好著牛仔褲同埋用膠袋袋住D野, 因為淋濕左有排先乾
　　　2. 要帶朱古力同埋帶多D食物, 預防落唔到山要充飢
　　　3. 帶清水一支 (0.5-1L), 呢支水全程都唔好飲, 預防要洗傷口同埋中暑
　　　4. 帶電筒, 地圖, 指南針, 無論幾熟路都好
　　　5. 迷路要向山脊行, 一來自己睇到遠D, 二來人地睇到你, 三來山腰比較潮濕

26/04 第一次返學異常多野做, 排到個日既schedule密到無位寫, 當日要做既野包括：2個Test + 2個Presentation既Rehearsal + 2份功課

14/06 第一次同女朋友去Ocean Park

02/07 第一次上網成功賣出一部 Gameboy

31/07 第一次教女朋友踩單車, 結果變左我踩單車車佢行左一個圈

24/08 第一次買野兩個人係屋企打邊爐

17/09 第一次賣車, 雖然未有錢買車

28/09 第一次買部DC俾自己

01/11 第一次AD Grad典禮

24/12 第一次同女朋友倒數聖誕, 仲倒左4-5次添

29/12 第一次同女朋友既屋企人打邊爐

31/12 希望下年繼續有得寫 ^^

>>April 28, 2005 at 1:44:57 PM GMT+8

2004 年 5 月 12 日 星期三 【陰】

Title: 感謝

　 " 少一點計較, 多一點感恩"

懂得欣賞, 滿足自己所擁有的總比經常數算著自己缺乏甚麼快樂得多.

學懂實踐這個道理, 一生受用.

>>April 28, 2005 at 1:46:17 PM GMT+8