2005 年 10 月 3 日 星期一 【晴】

Title : 山區老師

　　10多年前，陝西省的一個貧窮村落中，有一個16歲的少年人．他辛勤地完成高中課程，本來有機會進入大學，但他的父親突然去世，一家的經濟重擔突然落在他的身上．他本來可以走到省城工作，賺取每個月三四百元的工資．可是，村長極力挽留，因為全村只有他一名高中生，而那裡的村校老師剛因薪金太低而離開，如果他不能任教那裡的村校，那裡的小朋友便不能上學去．於是，他留在那村校任教，每月薪金只有73元．

　　就這樣過了幾年，這位小伙子長大了，正當要成家立室的時候，他的未婚妻離開了他，她認為他的工資太微薄，不能養活她和他們的孩子．他傷心地走到省城工作，賺取每月數百元的工資，可知那是做村校老師半年的薪酬．過了不久，村長走到省城找他，因為那裡的小朋友沒有人教導他們．那位小伙子想到那些小朋友殷切追求知識的目光，又突然記起他恩師的一句說話： "窮不辦學，窮根不除；富不辦學，富不長久" 意即教育是經濟的基礎，如果一天教育搞不好，人們便永不會走出貧窮．於是，他跟著村長回到村校，繼續教導那裡的小朋友．

　　在村落中，他遇到他現時的妻子，她覺得既然他對小朋友都這麼好，他一定會好好照顧她和他們的孩子．可惜，他的兒子雖然今年已經七八歲，但仍未得到溫飽，骨瘦如柴．他走到他父親的墳前哭訴苦況，村民見到他聲淚俱下，便站在他的後面細聽，結果村民對他父親說： "對不起，是我們要他留在這裡教導我們的兒女，你要責怪的話，應該怪我們！" 說罷，村民將身上僅餘的一兩元鈔票交給他，雖知一兩元對於農民來說已經是一筆很大的金錢...

　　10多年後，這位小伙子仍然逗著每月103元的工資，站在一個教育研討會的中間說著他的故事，在場的人無不動容．目的不是要乞求甚麼，而是希望人們可以留意山區教育的苦況，政府可調配多些資源到山區，以改善山區小朋友的教育情況，幫助他們脫離貧窮．

Source : 在晴朗的一天出發

>>October 10, 2005 at 11:51:25 AM GMT+8

2005 年 9 月 20 日 星期二 【酷熱】

Title : 更年期跡象?!

　　唔知係學校個冷氣有問題定係自己有問題呢？今日坐係度上堂竟然會Feel到熱同埋出汗，唔知遲D駛唔駛食靜心呢??

>>September 21, 2005 at 1:00:00 PM GMT+8

2005 年 9 月 19 日 星期一 【晴】

Title : 大開眼界

　　今日同Ami坐台時，佢發現左自己D頭髮開叉，跟住show俾我睇．原來D頭髮開叉好似D植物生長咁成個Y字咁樣生，有D仲係3個叉添．之前成日睇D廣告以為開叉即係髮尾攣左，原來真正開叉係咁既，真係唔可以唔講聲 "大開眼界囉" ！！

>>September 21, 2005 at 12:56:42 PM GMT+8

2005 年 9 月 15 日 星期四 【晴】

Title : Dr HR

　　今日係呢個 Week 既 Last Day ，上Human Resource堂．由於先前阿Roy已經係ICQ同我講左上年教我地半年 Marketing 既 Dr Li 會教我地 HR，所以前幾日已經 Surprise 左．今日返去都只係睇下有無意外 (唔係佢教) ．結果，一返到去 Common Room 已經見到阿 Sir 企係度，原來佢仲認得我，即刻問 Marketing 考成點，我問話："50分咋，岩岩一半囉" 阿Sir話： "都好好囉喎！" 我心諗： "50分都話好呀，係咪問完每個同學都係咁講架?!" 跟住上堂阿Sir同我地講返Marketing考試，原來我地 Full Time 最高都係58分，Part Time 就係62，因為佢係Last Year要搏命咁讀，所以原來50都算OK喎真係！不過阿Sir同時都話原來 Law 既 Passing Rate 係奇低，連阿Sir當年讀書都怕讀 Law ，因為佢最憎背書．死啦，我又唔鐘意背書，又無咩記性，睇黎要努力讀好科 Law 先得 lu.

　　其實我真係幾鐘意上 Dr Li 既堂，因為除左阿 Sir 除左教得好同埋有趣之外，仲會教我地人生道理同埋分享佢既經驗，呢D真係俾幾多錢都買唔到！終於 Feel 到咩叫 "聽君一席話，勝讀十年書" 囉．

　　ps. 究竟阿 Sir 係讀D咩既呢? Marketing 既 Degree Course 又教得，Human Resource 既 Dedree又教得，咁究竟佢 Master係讀咩既呢?

>>September 17, 2005 at 11:48:48 AM GMT+8

2005 年 9 月 14 日 星期三 【晴】

Title : Miss Macro

　　今日上Macro堂，教我地既Lecturer大概係咁多位教我地既Lecturer之中望落最年輕既一位．佢睇落大概應該廿幾歲度，但係已經係Cambridge讀完Master返黎喎~好羨慕lor~由於佢身穿黑色Suit，外型似係事業型女性個D，又令我記起前兩日翻睇"美麗在望"裡面既林敏俐 (個樣都有DD似架) 而有D角度又似容祖兒喎，最得意係佢中文時個D語氣同聲線又同Joey一樣咁Cute喎！呢位Miss話自己教學經驗尚淺，而睇落佢對教學又好有熱誠咁，面上成日都充滿笑容，希望去到下年五月唔會俾我地班悶爆左啦~

　　ps. 不過始終都係個句，中七開始對住Macro，AD1又對，AD2又對，今年又對，睇黎我都係走唔出佢既魔爪架喇　><

>>September 17, 2005 at 11:51:31 AM GMT+8

2005 年 9 月 14 日 星期三 【晴】

Title : 我是誰?

　　想知我讀緊D咩？快D入黎睇下啦！（ 睇好喇，唔好信入面D野呀！！ ＾＾ ）

　　http://www.hkuspace.edu.hk/cidp/programmes/index.php?action=bscb

　　ps. 我讀緊Year 3架喇~

>>September 14, 2005 at 5:13:42 PM GMT+8

2005 年 9 月 13 日 星期二 【晴】

Title : Miss Finance

　　今日先係第2日上堂，因為琴日係Dayoff．今日上Corporate Finance，教我地既係Miss喎．呢位Miss俾我既第一個感覺係中學既班主任Feel：一副幼框眼鏡，頭髮束起一條單辨，身穿傳統寶藍底色白色花花既連身裙，非常樸素．但係同中學老師唔同，就係佢能夠講一口流利英語，而教到一D重要Concept時，佢肯轉Channel用中文講解，突然覺得好親切囉．

　　Miss話舊年個班考呢科D成績唔咪幾好喎，所以要努力喇！！

>>September 14, 2005 at 5:03:58 PM GMT+8

2005 年 9 月 12 日 星期一 【晴】

Title : 往事如煙

　　今天回家，發覺媽媽將我的東西散得一地，被迫收拾殘局．當中有一點舊信件，我每封也再看一遍：有罵我的，有祝福我的，有讚賞我的，有關心我的，有給我交心的...

　　我發現我變了很多：如果沒有你罵我自以為是，我想現在的我還要自私多十倍；如果沒有你罵我怎樣傷害你，我也許到現在還未懂得愛別人；如果沒有你祝福我，我不會懂得甚麼是幸運；如果沒有你讚賞我，我也許還覺得自己是一文不值；如果沒有你關心我，我想我還未懂得甚麼是友誼；如果沒有你祝福我，我想我還未懂得誰是朋友...

　　可惜我無論怎麼變，仍然是一個不折不扣的衰人．不過，我會努力的變得最好．

　　ps. 四年前的你說我是一個衰人，四年後的我才醒覺，我錯了...今天的我會更好！

>>September 14, 2005 at 4:34:02 PM GMT+8

2005 年 9 月 11 日 星期日 【晴】

Title : 又返學喇

　　終於返學喇，再遇見一班兩個幾月無見既同學，雖然認識他們，但卻感到陌生．也許我真的太慢熱，或者是沒有動機去了解他們．

　　今日上Law堂，個 lecturer 既容貌好親切，因為我覺得佢一時有曾特首既Feel，一時又有上海灘賭聖既龍五既Feel，一時又覺得似尹光喎，總之就好Funny啦．仲有一個特色就係佢打字幾慢，但係拍個 Enter 就好用力．不過阿Sir堅持要上堂講英文，而聽落佢D Grammar同Pronunciation又唔太正確，睇黎要花D時間克服下呢科先得．

>>September 16, 2005 at 12:11:35 PM GMT+8

2005 年 9 月 10 日 星期六 【晴】

Title : 這就是我?!

人種的測驗

世上有分別五大種人, 以下的測驗可以測出你是那一類. 要嘗試一下嗎?
1) 你覺得最完美的約會是怎樣的? a) 二人燭光晚餐
2) 你最喜歡的音樂是那種? e) 流行曲
3) 你最喜歡的電影是那種? a) 笑片
4) 如果只有這幾種職業, 你會選那個呢? c) 教師
5) 如果你有一個小時去浪費, 你會用在那裡呢? d) 聽收音機
6) 以下那種顏色你最喜歡呢? c) 天空藍
7) 現在你想吃些什麼呢?　c) 壽司
8) 你最喜歡什麼假期呢? b) 聖誕節
9) 如果你可以去以下其中一個的地方, 你會選那個呢? b) 西班牙
10) 在以下的人中, 你會選那個和你打發時間呢? d) 幽默的人

You have 28 points. 你是第三種. 你很可愛而且每個你認識的人都喜歡你. 你是能夠成為別人最好朋友的人所以沒有人會嘗試做任何事而引致失去你. 你從不傷害別人的感覺和我很少傷到自己的感覺的. 生活對你來說是輕而易舉的. 你經常表現可愛和平靜的. 你只要避開金手指就能夠無憂無累了.

http://www.mathsking.net/test/question.htm

鳴謝細心心日記

>>September 11, 2005 at 2:20:43 PM GMT+8