2005 年 6 月 25 日 星期六 【微雨】

Title : 某年仲夏

　　琴日放工同kkpoon， 朱茜，何亨& 7B一齊去明將食壽司．與一班好友共聚係一件相當開心既事，可以暢所欲言．有時想起以前的往事，開懷的大笑一頓，將現在面對的煩惱事暫時拋諸腦後，這就是暢快！

>>June 26, 2005 at 4:08:51 PM GMT+8

2005 年 6 月 19 日 星期日 【晴】

Title : 雙面伊人

　　每次看到獎門人那些 "意識不良" 的遊戲環節時，腦海中都不期然泛起曾志偉的一個訪問．這個訪問內容大概係問曾生做左咁多年獎門人節目的感受．

　　"係街上，很多小朋友都懂得哼唱獎門人的主題曲．那時，我才知道原來電視節目係咁 '入屋' ....所以我地填詞既時候好小心，設計既遊戲都係希望做到老少咸宜，俾一班人玩既時候都適合！" 說得多麼動聽感人．

　　但是，那邊廂男女混合的 "大長碌" ，題目過界既 "不落閘" ，互相接吻既 "啜啜啜" ，浪費食物既 "搵啖食" "面貼面" 等等等等，展現於電視螢幕和現場觀眾面前，而當中不乏只有幾歲的小朋友．試問小朋友再這些耳濡目染下怎能成為一個有內涵有教養的人?但教壞小朋友不重要，不要把自己塑造成一個爛注重小朋友成長，還自稱虔誠的佛教徒．

　　雖知娛樂圈還是一個花花世界，甚麼形象，甚麼言行，甚麼道德，還是一種裝飾．

>>June 20, 2005 at 4:19:03 PM GMT+8

2005 年 6 月 18 日 星期六 【晴】

Title : 笑料一則

　　話說我今天聽到一個類似菲籍女性的電話，她想叫VAN仔，地址係甚麼 "Hung Hom Aquarium" ，咁我心諗 "Aquarium" 好似係表演場地掛，咁咪落係 "紅館" order囉．咁她又話 "We Bring Drum" ，因為佢電話就黎無電，所以叫司機認住．

　　之後用無線電出Order，台姐話 "個客楂住個鼓，打個ｄ鼓" 點知唔知係個司機撞聾定係無線電有問題，司機問："下??個客楂住尿壺" 之後我地笑左成分鐘先可以解釋番呢個問題...

　　但係之後，司機去到搵唔到個客，電話又唔通，之後個客打番上黎，原來佢地係文化中心，天南地北，唔怪得司機搵唔到 "楂住個鼓既客啦" ...

>>July 6, 2005 at 3:18:24 PM GMT+8

2005 年 6 月 16 日 星期四 【乍寒還暖】

Title : Update Info

　　開始返工已經一個星期，每日都算開心（除左要追order之外）．公司多左幾位新既台姐，雖然公司平時差唔多全部都係女性，但係對住新認識既人，我都仲好怕醜（雖然講都無咩人信），要一段時間先適應到．不過，我都係覺得我ｏ係一間多D女性既公司做野會比一間多D男性既公司好D，唔通真係要做 "台姐匯" ??

>>June 17, 2005 at 1:54:36 PM GMT+8

2005 年 6 月 10 日 星期五 【晴】

Title : 這就是我?!

基本本性
他，隨和自在，行事比較圓融，既上進也享受生活；也有引人注目，公平和諧，安分守己，認真負責的性格特點。
五星分析
他的五星星座為：
太陽：金牛座e
月亮：水瓶座n
水星：雙子座f
金星：牡羊座d
火星：天秤座j
五星比例：
金牛座40%
水瓶座20%
雙子座10%
牡羊座10%
天秤座20%
本性缺點
他本性的缺點為：比較浪費出手非常大方；拐彎抹角不夠乾脆；固執不輕易妥協。
愛情本性
他在愛情上不喜歡操之過急的進展，懂得享受浪漫，能給對方足夠的自由；也常有文質彬彬，逗趣耍寶，聰明知性的愛情特質。
金錢本性
他的金錢觀：不太在乎錢一點都不小氣，喜歡按照計畫用錢；容易把錢用於：享受生活，到處旅遊，與眾不同。
待人本性
他待人：合情合理很有人情味；既喜歡與人同樂也能樂於獨處；有自信但不愛出風頭；有點排他性但不過分；既重視隱私也比較開放。
處事本性
他處世：有主見但不強迫別人；堅持原則有為有守；兼顧重點細節；既務實又有理想；既有計畫也靈活應變。
價值觀
他重視的價值觀為：人際關係；資訊的交流；自由自在；較不重視：興風作浪；追逐功利；挑戰傳統。

http://imode.starq.com/personal/another.php?uid=UIDREQUESTXX
[ps. 又一次鳴謝阿蘇日記分享, 我身為男孩子偏愛玩這些星座分析 ^^ ]

>>June 10, 2005 at 4:58:08 PM GMT+8

2005 年 6 月 7 日 星期二 【微雨】

Title : 坐這山望那山

　　雖然仲有一年先畢業，但係成日腦海都不期然會諗住畢業左會點，最弊連臨考試溫緊書都諗住．

　　諗下畢業應該做咩工...
　　諗下有人工應該俾幾多屋企啦...
　　諗下會唔會有錢買車同養車啦...
　　諗下點儲錢啦...
　　諗下幾時結婚啦...

　　好多野諗呀！只怪我係一個鍾意幻想既男仔...祝我如願以償~
　　

>>June 7, 2005 at 6:16:48 PM GMT+8

2005 年 5 月 25 日 星期三 【晴】

Title: 判若兩人

　　睇完今年兩場AC米蘭既賽事，發覺原來兩場波可以當四場波睇．儘管AC米蘭上半場打得有幾水銀瀉地，下半場都可以以同樣人腳被人噤住黎打．如果各位好似我一樣作為AC米蘭既球迷，睇完上半場就以為AC米蘭會贏硬，咁你地睇比賽結果時一定要做好心理準備，免得俾個結果嚇死．

>>May 29, 2005 at 1:00:56 PM GMT+8

2005 年 5 月 15 日 星期日 【晴】

Title: 小匯別館之...名正言順?!

　　某所謂慈善團體以打擊外圍賭博為理由，一方面向政府討論減少稅收以增加賠率，另一方面希望增加市民做善事的機會，但實際上是希望增加 "收入" 或是真的打擊外圍賭博相信已是司馬昭之心．

　　該團體早前以同一理由成功爭取 "足球博彩規範化" ，結果外圍賭博沒有遏止， "善心人" 的數目就不斷增加．現在，該組織又以同一理由向政府 "講數" ，聲言為政府壓止非法行為，十分動聽．更無奈的是，政府第一次已經言計聽從，見不到成效，又再相信這些理由．可見這裡的政府真的如某日報社評所說 "俾人搵笨搵到上心口" ．要數國際第一，相信我們的政府當之無愧．

　　再者，未知政府何時放寬賭博廣告之規定，由從前的零廣告變成球賽開賽前後或中場時的兩廣告，一頭一尾，十分合拍．另一方面，該組織又以一馬匹無限擴大為甚麼 "香港人的光榮" ， "香港人的驕傲" ，令一些對賽馬毫無興趣的人都得知此事．再加上之前以嘉年華為由，讓小朋友和青年人於賽馬日逗留在馬場看賽馬，可謂罄竹難書，以此耳濡目染的方法推廣賽馬實在非常高明．

　　香港有這些進取的團體，要成為另一個澳門實非難事！

>>May 15, 2005 at 4:44:18 PM GMT+8

2005 年 5 月 7 日 星期六 【颱風】

Title : 返工軼事

　　今日返工聽司機電話時又有司機問我係咪叫阿匯，係第２個司機咁問我，好奇怪D司機點解會知，不過佢地無話我知佢地點知，淨係話佢地自己叻喎~所以點解會鍾意左坐４台就係因為有幾位司機成個大細佬咁，可以同佢地玩下．不過點都好，既然佢地打聽得我個名，應該得兩個原因：一係就係好；一係就係差．我希望係前者啦．不過無論點我都會繼續努力，因為我始終鍾意對人地好，相信佢地會Feel到．

　　另外唔知係咪睇得大長今睇到上左腦，返工覺得自己似長今．點都好，長今既精神的確非常可取．小弟會繼續努力奮鬥！！！Fighting！＜-做埋宋慧喬?!

>>May 8, 2005 at 3:27:50 PM GMT+8

2005 年 5 月 6 日 星期五 【微雨】

Title : 有讚有彈

　　前兩日打去Dell整電腦，雖然部電腦係我自己整壞左，但係打到去Technical Support個度個姐姐好努力咁幫我搞部電腦. 雖然搞左成個鐘都整唔掂，要叫師傅黎整，但係Technical Support個位小姐既服務真係唔錯，好努力咁幫我解決問題．由其是身為Customer Service Industry既其中一份子，好明白到一個長時間通話要Keep住優良既Service有幾難，所以始終都要Send個E-Mail俾佢地個Head讚揚下個位職員．

　　依家太多人只係識做埋D驚死人地唔知既野黎博上司賞識，但係我反而欣賞呢D默默間耕耘既人，遇到真係要表揚下．

>>May 8, 2005 at 3:09:09 PM GMT+8