2008 年 12 月 12 日 星期五 【晴】

這個日記的閱覽數字，自從中五後，都無麥點升過~~
是否無人知的原故？應該係無人在意的關係~
仲有兩科！快d考埋佢啦！！
好悶d日子.............................

>>December 13, 2008 at 1:32:47 PM GMT+8

2008 年 12 月 9 日 星期二 【晴】

這個月份，是屬於考試同玩樂既一個月份，而首先面對既係考試。
第一科fund.chem.，沒有多大的心機去溫，因為完全唔知佢會考咩，睇完notes都唔知佢會出咩…
今日既晚上，帶左個筆袋就進入左試場，這個試場既一切，完來都同A Lv無疑，只係無左嚴肅，無左壓力~~六題，我起碼唔識兩題，答錯一題，唔小心既亦佔大多數....~~
算係咁啦…有歷屆試題，但無其答案…都唔知有麥用…
其實整份試卷，靠睇notes都應該識四題半，其剩既係理解題目既能力…同有無自己留意身邊關於化學野既題目.....應該死得好慘烈~~
好似考公開試咁…

>>December 10, 2008 at 1:20:16 PM GMT+8

2008 年 12 月 2 日 星期二 【晴】

明天開始mid-term exam.了
明天亦約了洗牙，有好耐無洗過牙了…應該有五年幾，因為還記得那天補埋牙，好痛，痛到不其然想起很多的人和事~~
人生過左三分一，有無咩憾事？數之不盡
覺得精采既事？天文數字…係就好

上學期完結，人總會適應到任何惡劣的環境~

試後緊接著的聖誕，有什麼節目呢？
其實假日番工亦未嘗是壞事，成碼有節目，唔怕無人約~

>>December 3, 2008 at 11:00:20 AM GMT+8

2008 年 11 月 30 日 星期日 【晴】

大學的確有很多空閒的時間，但我並沒有利用這些空當投放在學業上~~
這個星期二聽了詹瑞文既talk~~又一次帶出只要肯做便能成功的道理~他的確是與別不同的香港人，尋找到自己的專長和喜歡的事物，只要繼續行就得了~
還有一天的番學天就完晒第一個學期既堂了，緊接落黎既係中期考試，還未與書本有過一面之緣，只盼望試後的一片自由歡樂。
今日 I.T. TEST，做過練習都唔識，因為一黎練習無，二黎我真係電腦白癡，有人話我知點做都唔識.....相信低分至極。
明天番一日工，雖不願意，但有錢，比起番學不願意黎無錢仲要用錢好好多~
要專心一兩個鐘溫書先得了…沒有了一班能每天一起下課後討論問題的同學…燒雞…西王…上堂靠自己明，自己知，真的好沒趣…
這三個月黎飯無定時…餐數不定…自己都怕身體不健康.......
又到十二月…零八又就黎講拜拜了…

>>December 1, 2008 at 1:52:13 PM GMT+8

2008 年 11 月 19 日 星期三 【乍雨乍晴】

又過了九日，這個禮拜很多工課…不過都唔及嘉琪既多…其實我依科都算hea的了…沒有什麼需要用口講的…
前兩天完成左第三次既U.Life.....不過好多人已經完左八次…當天…睡到不醒人事、天昏地暗。
昨天派了Organic chem mid-term......竟然below mean...................不過average係幾多就唔知…不過估唔到…我屎過半班人…
今日派fund. chem，有做過past paper就係咁現實，九十大分，雖然個mean係84.....不過最高係96....証明勤力的確有回報…點解我Alevel果陣唔做多d..........................................…一個字…懶

自從上次打完邊爐之後就再無見過班舊同學…真係好倦...好想快d到去長隆既日子，一定要玩到天旋地轉、天翻地覆、天人合一.......
氣溫急劇下降…羽絨也穿上了…

>>November 20, 2008 at 2:15:28 PM GMT+8

2008 年 11 月 10 日 星期一 【晴】

四條一，11月11日。
塵埃落定，這個詞突然在腦海中閃過，便這樣迴盪了好一陣子，對我現在的身份很貼切呢~
天氣轉眼間改變，短袖衫亦瞬間伸長。
一陣陣的冷風吹過身邊，會使落定的塵埃吹起嗎？那一個地方才算合適，才值得逗留...
近排好多關於溫室效應的訊息在媒體世界裡流傳，這已不是什麼新鮮的新聞時事，地球環境每況越下，不過無論惡劣情況如何迫切，好像也不能深入地刺到人的心底裡，加上天氣轉冷，這些事情更易令人淡忘...
化學，「在變化中的科學」，環境，「環繞身邊的境物狀況」，我也想救救地球呢~~~
昨天竟無原無故地和大學同學看了「恐懼鬥室五」…成日話十八歲之後睇三級戲，我都唔記得我之前有無睇過，不過肯定依一部係一部必須列為三級的戲.....
嘔心…核突、殘忍、血腥…痛楚…係貶意既詞都可以蓋上......
睇完之後，身心都好似被折磨了個半鐘，心口翳悶地離開戲院.....
禮拜六又要mid-term了，我還未溫書............................................................

>>November 11, 2008 at 1:55:46 PM GMT+8

2008 年 11 月 5 日 星期三 【晴】

日子已來到11月的6號，已過了和琪琪兩周年，當天嘗了北海道的南瓜牛乳火鍋，湯底真是一絕，可惜我這個沒頭沒腦的人弄得一塌糊塗..~~
十月天也過去了，大學生活的確比預科時的輕鬆，但不比其快樂。
當朋友散落到不同的地方，各有不同的事務同工作，便不敢打擾他們的生活，因為唔知道那一刻他們是麼忙碌著，是麼不願給人煩擾著...
上學期快將完結，好像沒學過些什麼，便繳交了二萬大元的學費.....

下學期開始，一定要把每一日的時間表塞得滿滿的，已免蝕掉那筆巨額款項..
自從中秋後都無麥特別既大假指明必須去玩樂的，下個將會是平安夜~
長隆之旅希望多d舊同學參與吧~
生活在金融業為首的香港裡，讀化學能在這土地上有立足之地嗎？

>>November 6, 2008 at 6:57:51 AM GMT+8

2008 年 10 月 22 日 星期三 【晴】

專長…小明的專長是什麼…
今天嘗過一天的半工讀，早上番學，下午上班，晚上溫書…很充實？又唔覺…
四年後的我會在一個怎樣的岡位？
……………
今日quiz computer.......謝謝夠時間做，謝謝令我一片空白的頭腦記起怎樣做
聽日到maths...................有幾題唔識做…希望…唔好出......

>>October 23, 2008 at 2:36:09 PM GMT+8

2008 年 10 月 18 日 星期六 【微冷】

唉…好耐都無喊過…今日終於體驗到何為天意弄人
還有一絲陽光透進家的整個早上，也不願做功課，係要到晚上才拿起那黑心的鉛筆塗鴉純潔的紙張，為什麼chem的功課滿是phy的題目…忘了很久…要在那疊起來有一米高的預科書尋找一條遺忘了的公式…找了很久…也是找不到…上網問同學，叫我搵第一份note......睇，上BU個網睇…幾經辛苦終於搵到有關條式既野…突然之間電腦一黑…轟轟的主機聲停頓了…
「咩事啊！！！」心知屋企跳掣…不自覺地走出了大廳…見到出面部電視前方有個人手握搖控問發生咩事…我便回頭坐回電腦前，誰不知那個人走入黎問我搞咩…
跳掣囉…咁多要問？「我無搞野！」一雙怒視的眼神同想口沫橫飛的嘴即時在我面前湧現，互相口角了一會，我話：「你啄住我做咩姐！」…又鬧一陣，對方：「你睇下你讀咩書！」……
關咩事？
就係咁…屋企人個個都話我唔岩，話我唔好脾氣，同阿爸鬥嘴無大無細.....
個個咬定係電腦既問題(當時我用緊電腦)，最後發現原來係電飯煲…
過左三分鐘，出面四個人圍住一張台進食晚餐，我就起房…
無食到晚飯，因為我唔想出去近距離再俾果個人鬧，二黎我唔肚餓，加上我要面，竟然個個都話我唔岩，唔食一餐當賠罪。
功課使人煩燥，加上天意既跳掣，父子關係表露無遺，唔想俾面，唔想讓步，唔想好聲氣地講任何一句的說話，論輩份，我錯，論脾氣？佢認第二我那裡來的勇氣認第一？
十月十九日，沒有晚餐的一天......

>>October 19, 2008 at 1:54:59 PM GMT+8

2008 年 10 月 15 日 星期三 【微冷】

十月中旬，秋風吹過我腳上稀疏的黑色小毛蟲，癢癢的…
五堂的夜間英文咸接課程終於完滿結束了，一個零credit的課我竟上足了，我真是好學生~
chem的課程終於有點點是未學過的... 有喜悅的心情...
今個禮拜考左英文既mid-term，下個禮拜到I.T.
又看完「書虫的少年時代」給我帶來歡笑，給我帶來感動...公開考試讓人生增添了不少色彩，亦讓人失去了很多...
愛情讓你感受甜味，失去至親能嘗酸味，為目標艱辛能令略苦...
每一個人也像不斷重踏著古人的舊路，人生不斷循環好像是不能改變的事實…
我能走出屬於自己的道路嗎？

>>October 16, 2008 at 2:03:02 PM GMT+8