2007 年 4 月 5 日 星期四 【微冷】

二家姐！很開心你在那邊也不忘關懷著我，相信我們家任何一份子也同樣想念著你的！
近排好像不太用功似的…香港突然轉涼，得14度，但我知不能以天氣當藉口的....我會更用功，絕不會讓自己遜色於你~~~
昨天回鄉拜山，是我國的清明節呢~~~昨天過關出奇地多人，十年來也沒見過那麼多人過關，可能因為咁，孝感動天，整天也下著濛濛細雨，濕了的泥路好不易行，但阻不了我們拜祭先人的心~~大家姐無番，阿爸同阿媽有番，連禾叔也有，帶著他的女朋友~~很在趣吧~~~
今天有昨天帶回來的鵝，還記得媽媽的碌鵝絕技嗎？
今日睇連城訣，真是第一次看金庸的作品~~i have to get rid of the lazy ming~

>>April 6, 2007 at 1:08:49 PM GMT+8

2007 年 3 月 31 日 星期六 【微冷】

比較充實的一天~~~早上去君臨飲茶~~~同鄰居去…很多令人快飽的包、潮州粉果等.....
如中三教的「請客」一文一樣….......
之後番屋企睇國產 007.....~~睇幾次都仲會笑.............~~
同肥雞去自修~~終於完成S.H.M~~~
之後番歸幫阿媽煲湯，食左隻蛋，傾左陣電話就出去同肥雞跑步~~~
由廣源跑去濱景~~晚上的風很舒服，迎著風答上歸家路~~~
沖完涼砌風扇~~食埋個飯又睇多陣電視....~~~
咁又一日…

>>April 1, 2007 at 2:06:42 PM GMT+8

2007 年 3 月 31 日 星期六 【晴】

4月~~~~~愚人節…
岩岩打完打左12粒鐘既機…唉…終於爆左…可以專心溫書~~

>>March 31, 2007 at 5:44:23 PM GMT+8

2007 年 3 月 29 日 星期四 【晴】

原來我都有一陣子無打日記，近兩個禮拜，的確有點不善用時間，連自修室也沒去…
放假了，真的不能懶散，中七的為前途不斷努力…我卻像沒有半點壓力的…
唉…我在做什麼？

>>March 30, 2007 at 2:44:17 PM GMT+8

2007 年 3 月 23 日 星期五 【微冷】

ling就碌完lu~~感覺很好，唔錯~~~之後食吉野，再打壁球同乒乓波~~~運動日，番到屋企之後廢左個夜晚...........
琴日就係澳門之行喇！5點9起身，期待同呆滯既心情去答車，第一次去，影左好多相，好有特色，第一站上山，嶺南中學上面，有個教堂，
由高處望落澳門，起邊都見到新葡京......影完班相之後去觀光塔58 and 61樓睇景，好大風，亦好高，行左幾個圈就落番去樓下食自助餐…仲以為話起上面有得轉住黎食果度食.............
好笑的午飯後，四個男去左老虎機場，不過唔俾影相，燈色柔和舒服的，就去左兒童區度打機…玩跑馬機~~2400米加上偏歪了的馬頭，真的很累，最後包尾~~~~激烈運動後去了S恭J媽閣廟行街…鉅記…買野，好多人買~~之後又行左上斜坡，又有黃色建築物，又落番去買野…就離開S恭J了，不過條橋d景好靚，之後去左有個湖同健身器材既地方~~~~有個噴水池好靚的~~~拍拖都幾好既…同雞雞見到好似有個男人求婚.......仲有唔知去左邊度食最有名的豬扒包…麻麻地…係個包皮脆...
之後好似就係去大三巴，宏偉的建築物，好有澳門feel~~~又係咁影相，and then行過一條街，經過一個小小的天后廟去左個教堂，第一次入~~~同電視播的差唔多，只後暗左d~~~之後出番去左警察演湊~~~又再行一條地下好多圖案既街，上番車去最後一個景點，漁人碼頭同巴比輪賭場….......d時間好趕急，雖然兩個地方都有去，但係就唔深入去睇.....................
就番去碼頭答船…好開心的一天，但表達唔到出黎~~~~~番到香港之後可能太倦，有d呆滯......
同嘉琪去左又一城食吉野做晚飯，就番屋企了…~~涼都無沖就去睡覺.......無USB線…入唔到相.....想快d番學，不慣放假和沒有同學的日子…遲d一定會再去過的！~~

>>March 24, 2007 at 6:17:36 AM GMT+8

2007 年 3 月 20 日 星期二 【微冷】

自新年假之後，又一比較長的假，四天~~~好開心，聽日四個男子組去碌ling~
後日去第一次去既澳門，成班去，都唔好話唔期待~~
tas雖然多，但計落又唔算好多功課~~~~近排開始做phy~~~好多以為識既野，原來有好多都唔熟，唔識~~~要努力追~~

比心機~

>>March 21, 2007 at 2:07:09 PM GMT+8

2007 年 3 月 17 日 星期六 【微冷】

耐無打日記，很想打的，只係唔知點解上唔到網…上唔到網…我就打唔到日記…依d就係上網打日記既唔好處…~~~~依幾日發生左d咩真係唔記得，唔打日記，真係唔知自己做過d麥，只係機械式地做野…
今日唔同，今日好開心，去左沙田污水處理廠，是關難得的開放日，bio人，怎能不去？
有趣的是今日去左兩次，起果度真係見識左唔同既野，例如知道咩係基本、一級、二級處理，知道要用好多電，係因為要起唔0同既地方泵d水入黎，亦要用電運作離心機~~其餘係要用大面積，因為要好多既沉澱過程~~
都有唔少人去~~証明香港人都好注重環保同自身既事物~~
感慨良多，祝琪爸生日快樂~

>>March 18, 2007 at 11:44:15 AM GMT+8

2007 年 3 月 12 日 星期一 【微冷】

依排無麥功課，但依然好眼訓…好倦…累積多時的筆記仍然未看.........總會看的..........

今日bio tas drawing草蜢，我真係好驚昆蟲同唔識畫畫，但好難得畫左幅自己好滿意既圖.....

足足畫了三個鐘….......放學後又去補習…挨不住睡了幾分鐘........

近排好肚餓同好貪睡........明天又到chem tas..~~~不過總好過pure要計數.......

wake up and spice up!

>>March 13, 2007 at 2:10:27 PM GMT+8

2007 年 3 月 8 日 星期四 【微冷】

今天的日記一定要打，因為真係太好彩了。
早上，如常地按熄鬧鐘繼續諗住訓多陣，陣間過一兩個字識得自己醒。但係估唔到，我一醒，就已經8點08分，起度諗，今日係咪要番學呢？係咪禮拜五？係bor......但係學校打左鐘.....
諗左兩諗番唔番學，但拎左人地本工課番屋企，一定要番，洗完頭，好似無刷牙，換完校服就出門，落到樓下8點13分，上左架的士正到隆亨落車果陣見到兩個著楊中衫既人行緊番學，心諗，完來有咁多人遲到，8點25分，入到學校門口，無晒prefect~前面個楊中人拎左張學生証俾個校工一睇，就入左禮堂！係bor~中五考mock，我都照樣拎個銀包出黎諗住拎學生証，個校工以為我都係中五就話：「唔洗喇，入去啦！」哈！！咁我就入左去，好安全咁番上五樓，見到其他班都有個點名簿掛左起門口，淨係我果班無，入到去，見到阿sir剔緊名！！太美好喇，佢問我係咪遲到，我好自然咁話無，只係肚痛去左廁所。好多謝阿sir既信任........
最後8點30分坐番起自己既坐位，真係好驚險同大命~以後都唔敢鬧鐘響左仲訓.........
不過今日上堂真係精神左好多~~~~希望無老師睇我日記...........thx God~
第一堂中化又唔洗速讀，最後兩堂又去左學校入面既網吧聽林「割」開teacher講關於mo既野，好快話放學，好幸福的一天~~~依兩日假期要努力睇番d補習notes~~
今晚十兄弟同迎妻接褔大結局~~~

>>March 9, 2007 at 11:55:47 AM GMT+8

2007 年 3 月 6 日 星期二 【乍雨乍晴】

今日好似話係九度，依四日，真係好多功課，晚晚都做到三更半夜，今日終於可以略為放鬆下~~在學校中，沒多大的特別事，反而起日記打關於屋企既事好少…

依家既屋企…如餐廳，只在晚上吃一餐，如自修室，上網搵資料做功課，如酒店，提供一張床給我過夜似的。
但家中的爸爸媽媽，竟然好少理會…今朝睇報紙，話如果人在年輕時不太懂去愛父母，到父母年老時，那種愛，只能在心中永遠不能表達出來，心中會感到很痛苦........

我真的不太懂孝.....

>>March 7, 2007 at 1:24:57 PM GMT+8