2007 年 8 月 31 日 星期五 【炎熱】

已經九月一號喇，如果今日唔係禮拜六就已經開左學了，這暑假就咁完左lu~~~~

要面對AL了~

>>September 1, 2007 at 3:35:41 AM GMT+8

2007 年 8 月 28 日 星期二 【酷熱】

幫樂善堂賣旗，原來起粉嶺咁遠既地方賣都有著數的，因為一來一回都要一個鐘，企少其他人一個鐘呢~~但並不代表我懶，唔盡力賣，我好俾心機呢，記得第一年係同嚴知婷一齊去賣，半路唔知點解交換左個袋黎賣，最後我俾左佢果個袋夠重，我幫佢賣果個個袋唔夠重，比miss so話要再出去賣過，佢就係咁鬧，係咁喊……
第二次賣係同靜怡，唔知點解果陣既我真係經常性無端端發脾氣，好似係因為d人去晒佢果度幫佢賣而唔幫我賣~~就是這樣…
無記錯應該仲有一次，不過唔係好記得同邊個去賣lu~~~最後係交番去銀行的~~
今次好落力賣足兩個鐘呢~~一生人第一次有人俾銀紙，三張二十蚊~~~新界區的人那麼有錢…~~也許真的很有慈善之心。
站著兩個鐘看著斷斷續續的人流經過，也許太多時間吧，想了很多東西，因為每個經過既人都有一張不同既表情和不同態度既動作~~熱心人自己走上前，把錢放入旗袋，但大多數是小朋友才做這些行為，也許錢是出自父母，貪得意去入下錢落旗袋~~
不過大多數肯買既人都係帶著擁有通行証的心態，條路暢通無阻，挺著心口行....~~
不過亦有例外，買完會繼續買~~~
至於不買的人有很多，用太陽傘擋著任何的視線，避之則吉~有的看著錶走著，很專注的，像無論什麼事也阻不了他的去路~~有的本來慢慢走著，待經過你旁邊便急急跑了兩步，又停下去慢慢地走~為咩呢？
說沒有帶散銀的也有很多，但他們走上路來的確能聽到他們褲袋裡多得磨擦起來的散銀聲~
不屑的眼神裡像歧視般的感覺不太好受~~不買便算吧.......
有趣的是那些抽著煙，紋了身的大漢，只要開口問問他們，一定會幫你買的~~
太多人了，不深刻的也忘掉了~
還有一件事今日俾人問到口啞啞的…一位婆婆問「咩旗黎嫁？」，「係樂善堂黎嫁，幫我買一支啊~」，「樂善堂咩黎嫁？」，「慈善機構黎的，幫了很多有需要既人，有百幾年歷史嫁喇」，「樂善堂起邊嫁？」…「起九龍」，「九龍邊度啊？」，「我唔係好清楚…」，「九龍城啊？」，「唔係…」，「都唔知係咪厄人…」，「……」
第二個係問「今日禮拜三都有旗買？都唔知係咪厄人」，「……」
後生仔應該要做多d服務既工作既…~~~

>>August 29, 2007 at 2:52:26 PM GMT+8

2007 年 8 月 25 日 星期六 【炎熱】

緣份~~真是一種緣份，近幾日電視機不停播著《看幾米●看微笑的魚》，自己也想去睇。
但剛才埋著頭溫書，心中亦無記起要去看電視的念頭，突然今晚早了吃飯，出到去就咁岩睇到開始播這劇集~~慶幸沒有錯過~~

一部沒有對白的卡通畫劇，可以這樣形容吧..~~一個男人有緣地在賣魚店中與一條魚對望，一段時間後，終於決定買牠回家，牠安穩地住在金魚缸裡，男人亦對牠好好，不管在沖涼、看電視甚至發呆的時間也帶著牠在身邊。一晚，他發了一個夢，魚帶他到了一個海洋，途中男人回到兒時開心過的地方，馬路、同埋橋~男人在海邊迎著風吸了口清新的空氣，便決定和魚一起在海中暢泳，游著游著，發覺自己竟在金魚缸中，給很多很多的魚看著自己出不了去，便醒了~~
之後，佢決定放那條魚回到海洋中，讓他自由自在地回到本應屬於牠的地方.....
在決定放生之前，男人想了良久，他在想什麼呢？

魚是有生命的個體，但人把他從自由的地方般到狹窄的金魚缸裡，是不是很自私？
但是金魚缸是一個很安全的地方，定時會有食物供應，不用受大魚的追捕，不用在那深不可測的海中生存~~那麼，這對魚是好的嗎？
但換著是人，一知道自己在金魚缸裡，就非常害怕，更在夢中醒過來，為什麼？
自由和安穩兩者作選擇，人，相信會選擇前者，因為人有能力去克服困難吧。
有能力既人，可以照顧自己既人，便不用怕大浪的吞噬去找尋自由，膽小怕事的人會比較愛在安穩的金魚缸裡~

>>August 26, 2007 at 1:23:47 PM GMT+8

2007 年 8 月 23 日 星期四 【微雨】

新同學與舊同學竟能一起bbq.........是多麼有趣的事，不怕陌生，不怕有隔膜

喫了不少東西，玩了不少遊戲，表現不少的真我…最後不知怎的…竟有這樣的下場…

我真的不知自己錯在那裡，我一早坐車走了如果我沒有想過你的話…

最後自己答車，自己去補習，一個人，想了很多很多的事，我也很想很自私的去做一些自己喜愛做的事…但點解我處處都要為人著想先…

獨處是多麼悽愴而安全的

>>August 24, 2007 at 12:31:02 PM GMT+8

2007 年 8 月 22 日 星期三 【乍寒還暖】

原來有好多天沒打日記了…一個星期有多…依個禮拜…也是很浪費…

原來，時間有好多，係自己唔識善用…

真的沒用…很沒用的一個人…

>>August 23, 2007 at 2:32:14 PM GMT+8

2007 年 8 月 14 日 星期二 【晴】

又一天，今朝番學校做答者~~不經大腦的說話，衝口而出便能說了十多分鐘~~~

很累…很眼訓…每天也很夜睡…是早上不溫書的懲罰吧…

真的累透了…長隆去得成嗎？

>>August 14, 2007 at 4:53:50 PM GMT+8

2007 年 8 月 13 日 星期一 【炎熱】

一天裡，有很多時間都在冷氣房中，差點便忘記炎熱的夏天是怎麼樣~

今天補phy~test optical instruments~九字頭？真想每次也盡力~

之後是一難忘的一天~謝謝你，還沒有想過放棄我...~

我是怎樣一個另人痛恨辛苦的人…我知道…

近日喜愛在黑夜中奮鬥~希望有天會看到成果~
明天是中六迎生日，上年是問者，今年是答者~講真，phy chem bio加埋都唔係話好吃力姐...
只要keep住....並無上年答我果d人講得咁恐怖…

>>August 13, 2007 at 4:33:44 PM GMT+8

2007 年 8 月 10 日 星期五 【寒冷】

颱風，昨天走完再番黎一次，漏帶野嗎？還是香港有他要留戀的事物？但最終他好像也不敢返番黎，走到面前便又離去了~

一個八號風球，不是一個突如其來的休息天嗎？但很像有很多怨氣、脾氣和勞氣...也許我在家中感受不到那交通系統帶來的不方便吧…

風有吹走人緊張的情緒嗎？雨有洗滌人的心靈嗎？
八號風球中的家庭日，有拉近家人間的距離嗎？
天色還是沉沉的，如某人的心情.....

>>August 11, 2007 at 4:59:18 AM GMT+8

2007 年 8 月 9 日 星期四 【微冷】

比預期中失望…肥雞都係唔夠分…唉…

自己就得個3字....~~~琴日去左西徑考察，真係好曬.....好熱.....連欣賞下紅樹林環境既心情都無…只係想快d做完佢.......~~好多螺…好多睇唔到既生物起地底噴氣…自己都踩死唔少野…
跟住就番到屋企，依幾日都有keep住溫下書~~~因為我真係好想入HKU！

>>August 9, 2007 at 5:15:51 PM GMT+8

2007 年 8 月 7 日 星期二 【微冷】

又到一年一度既中五放榜日，自己又再重考左一次英文…但係已經無當年那種感覺了~要有番果種感覺，相信係出年既六月，仲會比以前緊張更多倍~~

有兩個fds都入左hku，我真係好有衝勁想入，雖然我想讀咩都仲未知，不過我一定要入！
有fds入大學既同時，亦有fds陣間就要放榜~~真係好想肥雞夠十四分，我都唔知點解，或者我真係見過佢有努力過啦，覺得付出同收獲起會考個程度應該係會成正比的~

估唔到今晚都咁夜訓，雖然唔關我事…聽日生物科去考察啊！相信是quite好玩的一日，因為由小都喜歡自然界既小動物…不過昆蟲就真係好驚…希望唔會好晒、好熱同好濕啦…

>>August 7, 2007 at 5:07:52 PM GMT+8