2009 年 3 月 15 日 星期日 【晴】

星期一，連上九個鐘的一日。

>>March 16, 2009 at 3:11:29 PM GMT+8

2009 年 3 月 13 日 星期五 【晴】

星期六。一番學，就會諗到好多野唔識，待留到假日才作個溫習。一到假，便想起番學時的疲倦，什麼也不想做~~
每個禮拜都番足五日既日子已由新年至今，這就是大學和中學的不同之處~~
中學記得最長都係連上三個禮拜五日既堂，之後既禮拜總有些活動按排，好似參觀麥館默館，教師發展日，旅行、聯校運動會等等，依d日子通常都會同三五知己過。
大學就無依類型既時間…所以獨立得很…過份..........

>>March 14, 2009 at 3:09:24 PM GMT+8

2009 年 3 月 9 日 星期一 【微冷】

一日內竟打三次日記，那麼每一篇還算日記嗎？還是時記~

不過，依篇一定要打，因為終於同人補習了。
二十歲先第一次幫人補習搵外快算不算太遲？
過去二十年只有俾學費人去學野，今日終於收人地學費去教野，這感覺太正了吧~
難忘不止在於即場收錢的那一剎那，幫人、把自己所學到的轉教別人，讓人明白，讓人把一直積存的問題逐一解開，那一種氣氛，那一句：「我琴晚諗爆頭，你一下就做完」，真係非言語所能形容的興奮~~~
當初所害怕的唔識教，唔識講野，可以遠遠拋棄了。
相信這一宗交易可長久好一段日子！聽說人家話補耐左就會好無癮好悶好煩，就像老師的職業般，也許有一天我也會有這樣的感覺，不過這一天的來臨，我會遠遠放在行事曆的最後一頁。

>>March 10, 2009 at 12:24:48 PM GMT+8

2009 年 3 月 9 日 星期一 【晴】

生命不可停留，現今的日記不再像上世紀般獨封在抽櫃裡，在互聯網上看著曾一起努力的戰友所留下的文字令人感動。

我們就像在玩終生遊戲的世界裡，在不同地方升Lv，盼日後在高手排行榜上相遇。

>>March 10, 2009 at 3:35:55 AM GMT+8

2009 年 3 月 9 日 星期一 【微冷】

好開心啊~~因為有人主動黎搵我補習~~
其實隔離屋阿姨都搵過我…不過果陣我太笨喇，無即時應承佢，搞到咁正既機會錯過左~~
今日就第一日幫人補習了~~~不知道應該點做，好緊張呢~~~
希望會補得長啦，可以比個好印象個學生…聽說佢上個補習老師鬧到佢喊…我諗我既耐性會好過佢既…錢字當頭唔會倒自己米…
如果補得長就可以多好多零錢洗喇！唔洗日日一個三文治！

聽說找我補習的那個人是在祈禱中找到我的，真的很感謝主，因為以我咁既成績都有人肯比機會我，我一定要比心機教好佢~~
願我有聰明智慧同耐心去教好今日既小朋友~~~~

當真半年了，在浸大日子已過半年，默默地接受讀化學這一科，不過始終都無原動力去讓我讀好這一科…我只好頹廢地渡過…遇到想聽既野先會去聽，唔想聽既就訓覺…
訓覺既總數真係同當年既澤澤差唔多….............體會到點解會成日訓覺…唔單止眼訓…原來無興趣加上講者既納悶程度，真係可以有咁既魔力~~~
借左d書都未睇…依十日裡面又有三個mid-term~溫得幾多就幾多啦...~~

>>March 10, 2009 at 3:11:14 AM GMT+8

2009 年 2 月 28 日 星期六 【晴】

多謝西王的留言，唔知過埋三月或者五月後仲會唔會搞去旅行，不過都多謝你的心意~

不經不覺已踏入了三月，只有二十八天的二月轉眼便過去。

發覺自己真的沒什麼大改變…也許要出一出香港散一散心，喚醒自己~

好想學一d關於人既野，唔想日日對住一些死板的文字同圖案。

有了打籃球的興趣，不過只能獨自在球場上射波，以前中四五日日打波既時代，一班熱愛籃球，熱愛出汗，熱愛踫撞既朋友，成為追憶~
人大了，要學習在社會上生存，儘管心裡百般的不願，也要把時間投放在學業、工作上。
大人喜愛人比人，每當答升降機遇見一班已成父母既人，總會問你：「讀緊書定做緊野？讀邊間？讀咩科？」是不是為了每次遇到這些問題時能回答一些令人羨慕震驚的答案而不斷努力？
人總要住、總要食和穿，因此為了滿足，必須做一些不願做既事~
時間有限，一生中有幾多時間係用黎做自己想做既野？

>>March 1, 2009 at 10:48:22 AM GMT+8

2009 年 2 月 15 日 星期日 【晴】

這個日記…色彩已慢慢淡化…
差不多半年的浸大生活，自己一個並不好受，人越大，反而認識朋友的技倆越少。
舊的朋友離別，新的朋友也沒來，這樣的一個大學生活，丁點兒也不覺得有趣
將時間寄予書本，寄予電腦，在這個面積少而人口高達七百萬的地方，我竟找不到一位知心好友~
第三年的情人節收到你送的朱古力，心裡很開心，時間沒有使我們遠離，地方的不同沒使我們分開~
唉，唔知以前班老友會幾時打電話黎搵我食餐飯~~~~

>>February 16, 2009 at 3:47:11 PM GMT+8

2009 年 1 月 30 日 星期五 【晴】

新年快樂！
09年一月既最後一天了，過去一個禮拜都回鄉拜年~
年廿八同小琪琪行維園，很擠迫很溫暖~
年三十晚很早便訓覺~
年初一第一封利是係爺爺俾~~~果日同睇証人~~同姪女踢足球，踩單車食「幾個」同堂細佬打籃球~~
年初二睇保持通話，自己去踩單車，同買左煙霧彈炸隔離屋晚晚都吠到好嘈既叫春狗~本來平平無奇的一天，晚上表弟帶了一個孔明燈上黎，係我廿歲黎第一次放孔明燈，寫了願望，影了相，便燃點蠟燭，望著它緩緩升起，一直將我地既願望帶上天，晚晚變細~~
年初三，一早便去飲茶，三圍台，之後去左行街，同去左一個名為蓮湖公園的地方，果度有遊樂場，，攤位遊戲同由高處望落去既景色~~下午踩單車去左士多啤利田擇士多啤利，又係一生人中的第一次~~~拍下年很多美麗的照片~~
年初四便要去媽媽那邊，執屋同睇阿旺~~
晚上打左陣波，去酒樓食左個好豐富既晚餐，夜晚睇森林反恐隊2......同玩啤牌~~
年初五又去飲茶，打機、打波…食飯…番香港…
本來都幾充實同有趣既五天…比我講到好似好悶咁添~~~
好耐無做咁多運動了…依家周身骨痛~~
新年就咁過去了~~
祝今年麥都順利~

>>January 31, 2009 at 2:38:10 PM GMT+8

2009 年 1 月 13 日 星期二 【晴】

久違了…久違了…日記…
幾想自己起十年後睇番，睇自己既轉變、成長、成就......
機會…阿雞俾左個可以另我有機會贏到名牌大學學生，甚至勝過好多小企業家既機會，但係我選擇左拒絕，咩原因呢？
原因又係咪籍口，依一刻…我真係唔清楚，我只係覺得，靠把口搵食，毫無疑問，係幾易的，但係真係開口，去賺朋友既錢…好似唔係太好…
雖然就好似叫人去長隆咁…問人去唔去…聽落真係好易…但係一千蚊既長隆費，已經令好多人卻步了…可況是萬幾蚊既facial或者係讀書…
出面，的確有好多人才，把口好叻，鍾意講野…但係我…唔想用黎搵錢，討好人又好，搞關係又好，但唔想用黎問人出咁大筆既錢.......
事實，生意係一門一定要靠口既職業，靠宣傳、靠信譽黎拉客，草客，但我真係做唔到，亦做唔黎，我做幾耐都唔會有其他人業績咁好，因為並唔係我興趣…我自己…好清楚....有朋友搵我幫，我好樂意，但專登去問人有無野要幫…感覺怪怪的.....成功有很多方法…讀到有1st honor，可能係一種成就咁…月入可能好低，萬一二蚊，但無唔願意既話…我覺得都會快樂…人生匆匆數十載，比你得到全世界又點？我覺得會好倦…無人一世可以做第一…平平淡淡…
的而且確…感覺上好笨，有錢做都唔做…但我感覺舒服…唔知日後會唔會後悔…但依一刻，輕鬆是真的...

>>January 14, 2009 at 2:50:12 PM GMT+8

2008 年 12 月 17 日 星期三 【晴】

請收聽《告一段落》

>>December 18, 2008 at 9:45:56 AM GMT+8