2008 年 3 月 10 日 星期一 【晴】

如果以mock既result作為AL成績，相信一間大學都唔會收~~~~

還有十四天

>>March 11, 2008 at 2:17:37 PM GMT+8

2008 年 3 月 1 日 星期六 【炎熱】

........中七既mock exam已經考完了！明天才派卷~~現在剩下的，只有不足一個月的自我發奮時間…其實，我已經知道唔足夠…但點解我仲咁懶散？
起依半個月裡，發生了不少的大事，最記得既係肥肥死在…所有電視、新聞、報章都不斷提及，然後係陳冠希，一個好失敗既表年~~~

中七成日話完，但係都仲有三日既半晝，然後各有各造化~~有幾多係永遠既朋友？~~

說到依度，聽日仲要交紀念冊…點寫好？但係我想打進日記裡~~
中五時已經有好多老師「釘足」我一定要上到中六，原因係依個社會好現實，你無高既學歷，唔使「止意」有揀工既機會，但係我升中六，除左涉及以上既原因外，仲有一個原因，就係覺得上左中六之後，好多野會變得好型，就連好辛苦行上五樓或者六樓之後，轉個彎，行入中六或者中七班房既門口，已經好型，因為細個果陣覺得要贏會考依個門檻係好難既事，所以要踏入依度門並唔易，不過最後，我都成功了！
而且，仲識到一班好好好好既同學！係我永遠唔會忘記既朋友~
中六未開學之前有個迎新日，我同燒雞答埋同一架車，果陣完全估唔到會係咁要好既朋友~就連TAS都有same improvement~
之後開學無耐就有個camp，我真係好鍾意，亦都好珍惜果陣既時間，是關我咁大個仔都係第二次去camp~果晚我地玩killer，打牌，仲食杯麵，引到小馬、肥官好想食~嘻~
不過兩日一夜好快就過了，完左都仲未認識晒所有同學既名字…
第一次上堂就好驚miss so既堂，由其是個人短講既時間，唔知到大家有無咁既同感，而最容易過既就係潮立既堂，起好多sssssss底下渡過~~就連陳沛澤既名後面都有s~
係咪我唔識得享受中六既時間呢，定話有四科TAS…好快就到中七…數學組同生物組既同學…可以只有中、英文堂先遇見…所以接觸唔係好多，不過好在，仲有其他地方可以聯宜，放學後既拱豬、傷心小棧、四種顏色既棋咁、所以就識左大佬德、美人ray、肥官~至於力蘇、小馬同云靖就可以起PE堂打果一陣籃球識喇~~~仲記得班際高級組冠軍嗎？
至於六叔最後果兩個月同你坐，所以都熟絡左好多~~係咪無人會估到佢考左救生員牌？
不過盛哥、魔鬼同子魯就真係唔係好熟喇，就係知佢地好有禮貌，成日都請問前唔該後的~~
其他無提及過既男仔就好熟喇，熟到都唔使講~國寶就一半一半啦，不過佢寸人既好笑既~
女仔方面就有賴小琪咁就識左開朗的阿鑫啦，有個好有趣植物器官英名既綺琪、純爆既澤澤老婆、見到昆蟲會變西牛既cherry、超嚴厲既魔西同佢家姐係我家姐同學既海味，就我記憶中，佢地都係一群群的....~去邊都一齊的~仲有想做護士既羅家「鷹」，哈哈~~而ady就phy堂同佢坐，一個超愛祖兒的長不大女孩，敏敏就西利喇，說話可以不用嘴郁的~~鍾意好似彭彭咁大pat pat的winnie就好易喊同嬲啦....要改改呢~~~而兩個中七入黎既同學其實一早已經係同學~不過好似起中七無講過d麥，不過依d野心照啦~~其餘既同學又係熟到唔洗講~
爛gag gag小隊隊長西王，起唔適當時候做唔適當既野既大力，好聽話的彭彭，理性化的燒雞，鍾意周星馳的多年同學華哥~~我地會實現長隆之旅嗎~~
至於女孩子玩開果班就有七年同學但都無變過既crystal~長情過我嫁佢~好白同好好氣既emily~經常捲入三角形的魚魚，佢都係好善良的~仲有那難以抵抗笑容的唐同學~終於簡簡單單說過晒d同學了~無漏掛~~
講真依兩年都好開心，澳門果日真係好玩呢，難忘的回憶不過無得過夜就真係有點學那個，旅行果日就真係美中不足喇，玩唔到水彈…
中六中七既點點滴滴其實已經起晒大家既腦海中，而依家最重要既都係好好考埋個高考，然後果個漫長既五個月先至最緊要！希望最起碼會搞得成camp啦~其他有咩活動打個電話俾我咪得囉~唔好睇我個樣好似好惡好難相處咁，其實我好隨和嫁，起依兩年我都相信大家都感覺到既，係囉，我們不再是中學的同學了！但我們是永遠的朋友~7B！我好愛的呢~

>>March 2, 2008 at 2:38:50 PM GMT+8

2008 年 2 月 13 日 星期三 【颳風】

年初八lu~~~
就說說這八天如何渡過~
年三十果日就番左大陸了！一家，少咁二家姐一路上北~
有run舅父車我地，唔洗迫，不過過關都唔係好多人，不過我媽媽就俾一個金毛既大隻佬deliberately撞左一下，我阿媽係咁鬧佢，我見唔順眼都鬧左兩句，但個大隻佬望都無望我地就走，我諗佢都覺得魚~~
帶左書番去溫，都起架車度訓著左~太多高速公路喇，75分鐘既車程就已經到左…
仲記得細個果陣望住個窗數牛牛，數到訓著，醒番再數牛牛，數幾次先到…
昔日那佈滿泥濘的鄉村，現已被石屎泥翻新，還怕自己那雙兩年前買的舊鞋沾污地下~
好誇張呢…
爺爺和麻麻今年有新屋住，我同家姐都去左新屋訓，我好鍾意間房，因為隔壁就係浴室，唔使好似以前咁要很好遠…所有野都係新，真係好似依家傢俬咁~仲有張書台~
之後就行哉大伯度！見到BB喇！我既姪女，雙眼好大，眼「睫」毛好長！相信日後是個大美人~
之後好快就食晚飯…無人敢同我捉象棋…同上年比…真係唔知講咩....
然後各有各番房，我同家姐都番上房，溫書，沖涼，之後無端端麻麻上黎話同佢落去睇電視，食【「橋」頭】~又上番去溫書~
大年初一，最好玩既一天，堂大佬一家都番左黎，熱鬧好多，但個個都掛住玩BB~
下午搭巴士行商場，買杯麵、鐵蛋，同碟~~~果度已經有長江同理髮師既老翻了~
我地買左理髮師同saw 4~~
之後食「幾個」同買煙火，飲涼茶~
太多野打唔晒了，夜晚玩煙火睇碟第等便訓覺，年初二竟然去左打鄉村籃球…
倦......初三走。
初四、初五、初六陪人~初七、初八溫書。

話時話，情人節快樂
今年有約二千利是~

>>February 14, 2008 at 2:57:58 PM GMT+8

2008 年 2 月 4 日 星期一 【颳風】

一早便同朋友看長江七號，沒預期中的好~

明天便回鄉過新年了！在中國渡過，有很多在香港沒可能踫到的事會看到~
燒紅炮獎、同三十多位親戚食飯，玩煙花~~you name it~

恭祝大家新年快樂！心想事成！

>>February 5, 2008 at 2:33:31 PM GMT+8

2008 年 1 月 31 日 星期四 【晴】

中七所有既堂都上完了！心中有一陣空虛感…為什麼？我也不知道

昨天差不多所有堂都係俾我地學生玩，同聚埋最後一天上課的時間

朋友、同學~~~~P.E堂打波~~最後一日竟在籃球場過，就像我中一剛入來這學校在籃球場上認識同學的那時~~~

夜晚同平時玩開既同學食飯，去左青葉，好飽…

之後去左影貼紙相，係幾耐之前既事呢？對上一次影已經唔記得了…

還記得上年一齊去玩既係AIA~~真係唔明點解政府會將天馬艦改建…令那小撮可讓港人輕鬆的地方也掩滅…
今日學校大掃除，很多熟悉的面孔…將會慢慢地在日後的日子裡變得陌生，我還未懂得接受舊的朋友離去，再去認識一班新的…
無論如何，中七生捱剩下的只有考試，壓力來臨，什麼也不要去想…

>>February 1, 2008 at 7:59:06 AM GMT+8

2008 年 1 月 29 日 星期二 【乍寒還暖】

1月30日，話咁快，離開倒數那天又快一個月了，中七的正常番學天也只有明天~
興幸的是明天會有所有既堂，包括P.E~不知道老師們會和我們說什麼的話，不知道同學們心裡想著的又是什麼~這年半時間裡，同學們也為著大學這道路進發的，現在還剩兩個多月，不單止不能半途而廢，更需要最後衝刺的幹勁~
楊中，的確帶給我很多很多的回憶和知識~雖然唔係什麼明校，但從中學到既野，絕不比明校的少~
雖然有點留戀學校中的事和物，但我並不想下年重踏這個地方~~
鳥兒也有離巢的一天，我也想踏入大學，感受大學的生活~
希望有日一班會再有機會聚埋一齊講述自己在大學中的事情~

>>January 30, 2008 at 2:54:05 PM GMT+8

2008 年 1 月 23 日 星期三 【乍雨乍晴】

起身，只見窗外天色很沉，街外地上濕了，原來正下著濛濛細雨~
穿上校服記起今天有體育堂，便除掉所有的衣服，內裡只穿一件底衫，便穿上單薄的校服…
怎料到街外如此冰寒…今天整天寒冷刺骨…
意見不合的關係，大半天靜靜地做功課~~
lunch食「改良擔擔麵」係個餐個名~~
體育堂雙人羽毛波賽~勇奪冠，魚的功勞~但輸的一隊很不開心…唔知講咩好…
放學羽毛球，琪贏一輸一
回樓下自修室，做了兩個鐘section E....
寒…………

>>January 24, 2008 at 2:20:49 PM GMT+8

2008 年 1 月 22 日 星期二 【晴】

好多時都無打日記…並不覺得是忙的原故~~

影左畢業相了，mock的時間表也出了~

中學~~~有點留戀呢~
真想說說在楊中這八年的感覺~~
第一年中一，因為無考到入學試，是但咁俾人分派到去1C班~~
起這一年，契左好多姨媽姑爹~~~包括無數個細妹同家姐....家中的電話響個不停~~那年收了不少的追求信~~真好笑~~
中二就入番精英班，這個名字真係好誇張，名不符實的~~這年認識了很多同學，而這些同學差唔多個個都起未來四年共在一班~~而依一年，無記錯有九個男仔~~當了一年風紀，小小的中二生，跟本無能力去挾制比自己高班的同學，最記得係守lunch~~吃了一個月免費午餐，很多中一既同學每次都會叫哥哥吃飯~~~~回味…不是那些飯盒，而是那種被稱為哥哥的感覺~
還記得中二開始做義工，發覺了自己很容易愛上別人，當年浪費了我不少的時間，不管怎樣，也是舊事了~
中三，同樣是精英班，得七個男仔，這一年，令我兩年後改變了很多~~最記得既都係做左一個人既哥哥~~而暑假便開始了我第一次既真正談戀愛~那年，每天放學也留守家中玩icq~哈..........
中四選了理科，全無要會考既感覺，中四中五發生了很多很多的事，悲歡夾雜~~是我人生的一個轉捩點。
會考唔夠分，重讀！是很大的打擊，辜負了爸爸媽媽的心血，他們的聲音…安慰既說話，深深感受到他們的失望同傷心...
新一年既中五，差不多全班的新同學，終於知道會考的重要，社會的現實~半年的努力無白廢，為相親消除那失落的心~升上中六~當中亦同樣學會了更多…有很多事…只想記在心裡…唯有在這輕輕帶過。
想不到，中七也將完結…未來的一年會是怎樣~~
今日聽左句至里名言：「萬般皆下品，唯有讀書高」
中七的最後皆段，我只好用這句說話作總結.....

>>January 23, 2008 at 2:41:07 PM GMT+8

2008 年 1 月 15 日 星期二 【乍雨乍晴】

天氣很寒，但我喜愛這樣的天氣，因為有冬天的感覺~很多地方是沒有寒冷的冬天的，有是一種福氣~
chem測inorg..既d block...我真係唔識…點算？成個inorg都好似無學過野咁…要靠K仔d筆記！
bio堂，終於做了預科bio必做的實驗~~解剖白老鼠~~
著上chem袍，戴上口罩~~拿著解剖刀，繼上次生「湯」草蜢後，真的全無感覺了~~
亦進行得很順利，只係佢發出陣陣的臭味…有點兒想嘔既感覺…
覺得隻手好污濁…雖然戴左手套…洗埋手，但係今晚食麥記時…都有點兒那個…
那「鼓」鼠內臟味，真係到依家都好似仲未散去…
最難係畫圖…階因阿爸阿媽所有有既畫畫天份都去晒我二家姐果度…
最終勉強完成~~
今日oral堂有老師睇，係兩年內最有用既oral堂，零壓力，但百份百學到野~~
所有chem TAS都做完了，只有最後今晚要趕埋既report~
bio亦應該完晒~~phy就要新年做埋佢~~
seven就完嫁喇…

>>January 16, 2008 at 2:35:30 PM GMT+8

2008 年 1 月 14 日 星期一 【晴】

15號？已經十五號…時間，很快~~
新一年，新年快樂~
新曆的新年總不能和舊曆的比美~~氣氛、環境、色彩、人聲，也遠遠超過新曆~~
朋友，無聊時請找找我

>>January 15, 2008 at 1:42:34 PM GMT+8