2009 年 6 月 25 日 星期四 【晴】

六月，零九年的暑假，相約了一班好友到長洲宿營，開心美滿的三天兩夜，只是最後下雨有點「狼狽」。
第一天，一點相約在中環五號碼頭，走進第一次踏入的閘口，一小時的船程，便到達了長洲~
繁榮的街道，色彩繽紛的商店，炎熱的天氣，交織了很棒的氣氛，伴隨著我們邁向將會充滿歡樂的小屋。
木板地，雪白的牆，矮天花，兩房一廳，這便是我們的小屋。
整頓一番後，便去「cook myself」食野，一般同貴的餐廳。
然後到welcome增添日用品和小食~~~~水~~~
番小屋玩UNO~~~睇比卡超，同自己吹左陣海風~~
很快便七點多，出海邊食海鮮，便宜滋味飽滿的晚飲，眾人圍著一圈，充滿歡樂。
之後散步，走了很多路，去了不同的街道，記低美食地點~~
回家看電視、講笑話、打麻雀、傾計，打牌，十一點再到海邊食宵夜。什麼奶茶…炭燒串燒、滑漏牛腸粉。個個都拎住行番小屋食，然後玩小遊戲，傾計吹水，男子組出左去行，好多蟑螂，玩了一會蟑螂，亦被蟑螂玩了一會，最後一個沖涼(三點三)，之後有d訓左，亦有d人好精神，玩左d低能好笑既傻games^^~~
五點九出左去睇日出，不過可惜位置不佳，看不見咸蛋黃，只有美麗彩霞，亦拍攝了不少美麗照片。
番番小屋，個個都小睡了四個鐘，就起身飲茶喇，很好食既點心、炒飯同麵。又增添野飲就答街渡到張保仔，行山路，，不過景色美麗，海風清涼。沒帶電筒，不過就變多左個難忘回憶。
由張保仔行番碼頭，真係好倦，亦很開心，郊遊~~
之後食糖水，番屋休息，入水彈，出沙灘，無落水，有點兒失望，加上沙好粗，好多雜物，只怪遊客的自私~~
數字球，積極game同兩輪閃避球後，就帶著飢餓既肚皮食飯喇，是但入左間西式餐廳，沒有其他客人，只有一個笨老闆，不過佢有出色的廚師，好好味既晚餐~~~
番屋企第二個沖涼，女子們在房傾計，男子門在廳鬥地主~~~
睇完珍奇再玩到一點，出去買宵夜，之後玩相機，玩螢光棒，睇「霧地異殺」食雪條。
跟住就訓了。
第二朝無食粥，不過check out完就食左張記魚蛋粉，日本婆紅豆沙同手卷，去左運動場打羽毛球，食糖水，拎手信，就答船離開了，答埋天星番尖嘴，不過我很笨…答地鐵無答火車…無得一班人答車…超唔開心…
帶走了回憶，留低了足印，這三天真的很開心，很美滿~~~~這些日子…這些時間，真的很珍貴~~

>>June 26, 2009 at 1:44:40 PM GMT+8

2009 年 6 月 7 日 星期日 【晴】

6月8日，堂家姐銀女的結婚日~~~
前幾天每天都搵工，每天都深有消息…失望也沒用，不早認定自己讀既學校同系都係廢既~~
要黎既始終會黎，唔黎既勉強都無用，盡人事，聽天命便可以了。
琴日，番左大陸飲…

>>June 8, 2009 at 3:57:18 PM GMT+8

2009 年 5 月 31 日 星期日 【晴】

第二天的同一時間，今天實踐了作天的說話，做好自己，為自己踏出第一步，雖然唔係咩特別事，但總好過差不多頹廢了一年的我。
運動日，男子組的運動日，用左五十蚊，打左一個鐘桌球，兩個鐘保齡，一個鐘壁球，一個鐘乒乓波~~~食左個學生吉野餐，買左支水，舒暢自由的一天，今天的笑容特別多。
之後收到麥V既電話，叫我去補習，九點半番到屋企，食飯，同阿爸阿媽傾計，打牌，就到依一刻了。
明天的我努力吧，知道嗎？
兩個家姐作天便上機，實踐一個月的歐洲旅行了，希望她倆順利平安。這一個月自己一個一間房，真係好正！

>>June 1, 2009 at 4:09:26 PM GMT+8

2009 年 5 月 30 日 星期六 【晴】

五月的最後一天…一個廿十歲出頭的大學生，應該前途無限才是，但為什麼我面前很像什麼也預見不到，是我沒有向前踏步？我的爸爸前兩天作了一個很大的決定，買了銀湖天峰的一個單位，四百五十萬的一個決定，一個地盤佬點樣買起咁貴既物業？快五十歲了，老來才背起這樣沉重的包袱，為什麼？
作為人子的我…只有不斷的埋怨，認為是多麼愚蠢的決擇，認為他只是一時為了面子的選擇…但是，我好像錯了，雖然我唔知這個決擇最終的結果，是否只換來沉重的負擔，但原來，我爸爸想改變，勞碌了大半子，還要住在公屋嗎？住私人樓，住高尚住宅區，難道只是有錢人的玩意，遙不可及的事情嗎？
作為人子，我理應同意爸爸的做法，不竟買新樓住大屋，背山面海是所有人渴望得到的事…他老了，擔子早應給我承擔，為爸爸甚至媽媽達成這個夢想或理想。
我不是蛀米大蟲，我要嘗試努力為爸媽減輕身上的擔子…
做好現在的自己吧，就由這一刻開始做好自己，姚漢明，你懂嗎？
不要虛渡光蔭，不要再原地踏步了，知道嗎？

>>May 31, 2009 at 3:59:01 PM GMT+8

2009 年 5 月 20 日 星期三 【綿綿細雨】

轉眼間，又一個月了。所有的校內試已經完結，GPA分數可以推測少於2.5
講左一年了，兩個學期，都話唔鍾意依科，唔鍾意依間學校，真的很幼稚。
三個月的時間，我想起依三個月做咩呢？做咩先至對我有利？
一個學期三萬蚊，六個學期十八萬，我連我自己讀完個大學搵唔搵到工都成問題，點樣去用我起依三年學到既野去搵番依十八萬？
突然由一大班既同學，每天做埋同一樣野，跳到大學，獨立自主，真係唔適應
主動？參加？我應該有咩都參加有咩都報名…
前兩天有份要俾三千蚊出黎先既工…我係咪又要去參加？
我只係想搵多兩份補習…每個禮拜起碼有五百蚊既收入…
做補習社比較好嗎…還是根本沒有選擇的權利。
還有三天就到廿一歲生日了…我做過d麥？
半個廢柴，唔識幫輕家庭唔識諗將來連自己鍾意做咩都唔知…
依個就係做左廿一年人既我…
我想禱告，我想聽到指引我既聲音…

>>May 20, 2009 at 5:24:22 PM GMT+8

2009 年 4 月 25 日 星期六 【晴】

轉眼間，又廿六號了，嘉琪現在是我的女朋友，上一篇日記，我知道，如果俾她見到，後果會不堪設想，因為的確是對不起她的一篇日記。
不過，我最後還是打了，還upload了，因為這是我的日記，想把心裡的說話記低，或者是一種抒發情感的動作，總之，就是打了…
毫無疑問，我的確在這裡記下我和小琪琪發生的事情特別少，或者真係唔想某些人看見…不過有些東西又不能在這裡盡言...
曾經認為，愛情是很簡單的事物，只要交出最純真的心便足夠，可是這個真的我，只會使愛情更快失去。
保留，自然地成為我對愛情的態度....
小琪琪，希望你會體諒我，同樣，我也會體諒你。現在，的確我是你的男朋友~

>>April 26, 2009 at 10:31:44 AM GMT+8

2009 年 4 月 21 日 星期二 【晴】

今晚，約左華哥、大力同肥仔三個多年的中學同學食飯，聚舊。
當然唔少得回憶當年事，有講有笑，不斷圍繞舊時既話題，傾到沒完沒了…

在楊中的中學生涯話長唔長，話短唔短，不過發生既事就多到不得之了。
中一，由小學轉變為一名中學生，胡里胡塗就過左，中二，十個男仔，女人的香味充溢著整個班房，恨發育得遲，不懂細嚼回味。中三，得七個男仔，遇上了一生也不能被取替的心上人，因為歷史科一篇要用電腦打的文章，另我倆拉近。由同學成為朋友升為兄妹昇華成情人。
今日回憶的往事只是一丁點…便「金勾」起了在腦底深處一直被壓抑的景像、畫面，如一連串chain reaction般湧現。
當時的我，是多麼的俊朗、瀟灑、幸福和甜蜜，一年陸運會，贏取四面獎牌，全靠一個人在背後的支持和鼓勵，才能激發我內心深處的潛能，達到體力既極限。
可惜，時日不再，儘管回到相同的地點，但人面已全非，昔日的歡樂，只能在自己的心中回味。雖然係兩個人之間既回憶，但係另一方可能已經唔覺得有何值得追憶的地方…甚至以被遺忘。
五年了，轉眼間已五年，相信現今的她已和往日的不同了，已有別的人在她的人生旅途上陪伴、照顧…那個小時候的她，好好刻印在我的回憶裡吧…
中學生涯發生的每一件事，慶幸到現在還未被時間的薄莎覆「慨」。
我喜愛回憶，因為我的過去是快樂的，同樣令我感覺到自己的存在和成長。

>>April 21, 2009 at 5:29:17 PM GMT+8

2009 年 4 月 15 日 星期三 【晴】

時間就好似飄移既速度逝去，復活節轉眼間又過去了。

這個假日，真的什麼也沒做，玩又無，溫書又無麥~~

開心的事太少了…人生如何找尋樂趣

>>April 16, 2009 at 8:40:26 AM GMT+8

2009 年 3 月 22 日 星期日 【晴】

又禮拜一，最難過的一天又過去了，緊接落黎既係lab report，好長…

今日最震驚既應該係頭條，「香港學生港鐵月台公然親熱」
作為一個香港學生對此有何感覺同回應呢？
段片就由頭睇到尾了，兩位主角真係對身邊既環境同人仕至之不理，極之陶醉。
是否情到濃時？作為一位男性，這行為未免太不尊重那位女性吧，直情可以用有殺錯無放過黎形容，觀勿論那位女性的容貌，他的行為給我的感覺係.....係女都照搞，搞左先算....咁既獸性行為被人紀錄低，且供之於世，真係七到無朋友…

另一件事係港男港女，由星期日檔案播出既「港男講女」後，另一熱切既話題。
亦係我R.P.要做既工課…~~~~~
打住咁多先…做report要緊.......

>>March 23, 2009 at 3:38:15 PM GMT+8

2009 年 3 月 16 日 星期一 【晴】

好耐………好耐無放長假喇！！！
有長假又點？又無戲想睇…又唔愛唱K…打波？得自己一個…又無d由細打到大既隊友......
去海洋公園？都唔錯，都有幾年無去過了…由中五到依家都無去過旅行…

夏天快到來吧…想去一去沙灘…想租很多的碟看，去四五日既宿營，打超多圈既麻雀……
想拋開所有既野…擁抱懶惰…

>>March 17, 2009 at 3:20:39 PM GMT+8