2005 年 2 月 2 日 星期三 【晴】

今日番工都係咁啦~~咪又係個D野~~不過S小姐做既野就真係相當無謂羅~~呵呵呵~~
正合我意TIM啊~~跟住就終於捱到放工既時候啦~~HAHAHAHA~~
正當我同源源係度諗今晚去邊既時候~~佢已經黎到公司樓下~~咁就走左先講啦~~
捱左成日勁肚餓~~所以我地第一時間就係搵野食~~源源竟然第一句就話去食譚仔記~~
佢真係食上引啊~~至從到同佢食左一次之後~~咁我地就行過去啦~~

我當然就係照舊叫番我既至愛啦~~炸醬竹笙米線啦~~真係食咁多次都係咁好食~~
雖然明天都會同騎呢仔黎食~~HAHAHA~~大家一路食一路講起阿當~~
依號人物真係無得頂啊~~姐姐教落"玩人串人~~就預左人地會串番你"~~
你點對人人點對你既者~~仲諗住跟埋黎行街街~~唔緊要家我~~大家都唔熟~~
到時悶親你就真係過意唔去啦~~到今時今刻~~我先知原來依個世界有咁多依D人~~HAHAHA~~

食飽之後~~就去屈人錢度交電話費啦~~仲諗住要過五百TIM~~成三個月無交過啦~~
點知只係二百六~~少左好多~~好開心~~^^~~跟住就同源源去睇袋~~依幾日佢真係瘋狂掃貨啊~~
一來周圍都有得平~~二來臨近新年~~出左花紅之後我都要買野先得啦~~
我地去左潮區度睇袋~~睇左幾間之後~~都有睇岩既~~最後都買得成~~

之後去左兆萬度巡視一下~~艾奧尼亞已經唔係間間有啦~~仲要有都未必有牌~~咁就大穫啦~~
行到最底個層~~終於都出現啦~~黃金獅子艾奧尼亞~~就係上次接艾奧尼斯既個間鋪~~
佢地兩兄弟要重逢啦~~但會錢都係咁尊貴羅~~HAHAHA~~咁我地就去左對面個間度睇野啦~~
發現左勁得既哈囉喇叭啊~~真係好得意~~又唔係好貴喎~~不過可惜既係要乾電~~唉~~
係鋪度入面仲聽到有人唱886 TIM~~依排先發覺身邊有咁多依D人~~呵呵呵~~真係乞兒兜度拿飯食啊~~

行完晒街之後就係戲玉啦~~因為今晚我地要穿耳~~我同源源係家樂度行左幾個轉~~
望望邊D姐仔信得過D~~源源話阿CA有介紹一間唔錯~~根據佢描述既地形~~
個間野已經執左啦~~O~~咁我地係度周圍搵之際~~太郎仔就黎左啦~~我地三個入左一間度睇~~
太郎仔見個度無佢想要既耳針~~咁佢就話唔想係個間度穿~~我地就即刻走去瓊華啦~~
本來太郎仔想穿多一個家咋~~但源源又想穿多一個~~係一場耳洞爭奪戰~~
最後太郎仔都係效法佢既小朋友~~穿多兩個~~右耳三個~~左耳一個~~

太郎仔穿先~~我同源源背住迴避~~唔敢望~~聽到聲之後就知穿完啦~~太郎仔話今次痛過上次~~
死啦~~我好驚啊~~聽到佢話痛~~但都黎左啦~~算啦~~豪一次~~揀左兩對耳針~~
係代表男子漢既友情~~同伴記號同尊貴偉大而長青既YOSHIKI大人既"X"~~
另一對係代表厚厚悠仁既靚靚星星~~首先穿左靚靚星星先啦~~都唔係好痛者~~只係有點兒熱~~
跟住就到源源打啦~~其實佢之前都打過兩隻啦~~但個樣好似想縮沙咁~~大丈夫啦~~
我同太郎仔就眼仔碌碌咁睇住佢釘~~打左入去初頭佢都話唔痛~~但後來就黎料啦~~
可能因為個位都幾高啦~~跟住又到番我啦~~一釘入去個野即刻叫左出黎~~
真係痛啊~~眼水都差唔多標埋出黎~~釘完之後我地三個就去左太久保食蛋糕~~

唔掂啊~~好痛啊~~所以要食番D甜野~~大家一坐底就買野食啦~~太郎仔食朱古力蛋糕~~
我同源源就食壽司~~我一路食一路叫痛~~仲用源源部機映左相~~太郎仔就話當我痛既時候~~
依個世界仲有個人陪我一齊痛~~HAHAHA~~我講起琴日SEND比源源個MSG"煙人"~~
源源話讀落似"閹人"~~HAHAHAHA~~個MSG仲要係話我身邊有好多煙人~~
各位兄弟對唔住啦~~搞到其他人誤會你地係閹人TIM~~HAHAHAHAHA~~~~^^"~~
食完之後大家都好似無咁痛~~咁之後就番屋企啦~~

P.S.每日一句：你點對人~~人點對你~~希望大家唔好再問埋D 愚蠢既問題~~雖然我唔介意答~~
但答同一個答案咁多次係會唔悶家~~唔該~~HAHAHAHA~~

>>February 9, 2005 at 5:03:05 PM GMT+8

2005 年 1 月 22 日 星期六 【晴】

纖瘦很難~~

女：最好有生一日都瘦下去
但誰人能將纖瘦當做終生興趣
男：EVA其實只為找到24吋
面對現實脂肪很快便長流細水
女：可惜我不智或撓幸對脂肪天生敏感
男：不過任褲帶拉得再緊
XXXXXXXXXXXX

合：也許纖瘦很難
就難在其實脂肪各有各寄望怎麼辦
24吋都難
受太大脂肪會內疚卻也無力減還

合：也許不瘦不難
但如未成功減磅也會怕呀Bi前途黯淡
減不減都難
未快樂先有責任給予脂肪面露歡顏

女：得到呀BI　又要有脂肪
男：得到定局　卻怕磅到磅爆
合：然後磅得多減不到不介意豁達
又擔心　Milk姐看不過眼
然後磅得多減不到都永遠記住第一戎
別要張開雙眼

>>January 23, 2005 at 6:23:20 PM GMT+8

2005 年 1 月 17 日 星期一 【晴】

今日同祖安娜講電話講某人~~真係講到興高采烈~~不過其實有好多野我地都理唔到咁多啦~~
人地要話無我就唔會問多次~~我會信羅~~但如果人地要去食~~唔通我又可以阻止到咩~~
佢都要去羅~~試又試過啦~~阻唔到都無計家~~所以大家都係放長雙眼睇下點仲好啦~~^^~~

>>February 20, 2005 at 3:04:39 PM GMT+8

2005 年 1 月 17 日 星期一 【晴】

今日同祖安娜講電話講某人~~真係講到興高采烈~~不過其實有好多野我地都理唔到咁多啦~~
人地要話無我就唔會問多次~~我會信羅~~但如果人地要去食~~唔通我又可以阻止到咩~~
佢都要去羅~~試又試過啦~~阻唔到都無計家~~所以大家都係放長雙眼睇下點仲好啦~~^^~~

>>February 20, 2005 at 3:02:24 PM GMT+8

2005 年 1 月 14 日 星期五 【晴】

今日真係節目豐富啊~~一早就有源源叫我起身食早餐啦~~不過佢竟然想早餐食景福宮~~@.@~~
我地邊有咁早起到身啊~~咪又係差唔多四點先出到觀塘~~但大穫啦~~撞岩佢地落場啊~~
所以無得食啦~~我地就轉移陣地去左隔離既椰林閣啦~~本來都坐到卡位家~~
點知有個女人無拉拉咁就霸左~~真係唔抵啊~~只係爭個馬備咋~~>.<~~

好彩係叫野食之前都有卡位坐~~都係叫左我至愛既芝士火局什菌意粉~~都係咁好食~~^^~~
唔知做咩野今日大家係咁講小林幸子~~當然就唔少得有米村憲一啦~~哈哈哈~~
望到源源個爛琴~~就諗番起以前同KAR嘟佢地度過學小提琴最艱難既日子~~
話晒比個鮑魚刷堂堂刷喎~~真係慘過非常啊~~>.<~~諗番起都真係恐怖~~
但唔知點解突然好有衝動想學番喎~~都唔知點解~~如果學得成功既話我好想......呵呵呵~~
當然唔少得件機關衫啦~~HAHAHAHA~~不過唔知道到等到幾時呢?????有D心急TIM~~

食飽之後我地就羅個爛琴去拜訪CA宅啦~~不過CA姐姐就去左街~~(成日都去蒲喎~~)
好彩光仔係屋企咋~~跟住無野好做咪走去舊麥記度坐羅~~見到個TOILET就諗起嘔得起的鼠男~~
個日真係陰功~~唱完K只不過去打機同陪Q太郎仔食雪糕之麻~~咁都會中暑~~>.<~~
食下食下就到九點啦~~咁我地就出左旺角參加米華姐姐既生日會啦~~
我地記得家~~唔大搞啊麻~~只要有蛋糕切就得啊~~我地已經預備左大大既蛋糕同神秘禮物.....
不過我地見有時間就巡視左兆萬先~~都係唔行咁耐~~尊貴的人正在召喚某人啊~~~

終於都上去啦~~今次係間新既CAFE~~太郎仔岩岩放工就同埋佢一齊上去~~
點知係上去既時候見到小露寶~~好彩我地唔係最遲既者~~上到去真係比馬丁家族嚇親~~
駛唔駛咁差多人啊~~仲要得幾個係識既TIM~~大家傾左陣計就梗係到切蛋糕同送禮物既環節啦~~
米華姐見到我地個蛋糕真係超開心....(我地估家咋~)收埋禮物就更加開心啦~~
第一份既係我同伊碟馬丁太郎仔送既"肚兜連底底配襯埋個手袋仔豪華版套裝"~~
米華姐見到黑色又龍又鳳梗係開心度不得了啦~~仲要問我好多關於依方面既問題~~
好彩難唔到我者~~話晒人地都係大進做牛做馬做左咁耐啊~~但夠啦~~我放左工家啦~~>.<~~
跟住就係Q送既馬騮咕口臣~~NEL自製既鏡~~伊碟買MP3送既小飛俠袋~~
同埋馬丁同人(HUGO~~仔~~風~~)送既士多啤梨加酒~~本來應該係米華姐一飲而盡家麻~~
但最後都係我太郎仔Q伊碟米華姐小寶分左支野佢~~後黎我地仲要米華姐將我地送既野著晒上身映相~~

係米華姐臨番屋企之時~~布布竟然來電~~搞到馬丁勁開心~~連米華姐Q加太郎仔都唔走住~~
跟住大家就不斷係度大發"布"論啦~~某人表面面仔紅紅其實心底裡都不知幾咁高興啊~~
米華姐Q太郎仔小寶走左之後~~大家就係度玩波子棋~~嘩~~好耐都未試過咁多人玩啦~~
到CAFE差唔多打烊我地就走啦~~不過我諗我地以後都唔會再黎依間啦~~
玩到咁嘈又倒瀉野喎~~呵呵呵~~^^"~~之後馬丁就帶我地去食宵夜啦~~咪又係十蚊面~~
仲以為係邊間TIM~~原來係以前同太郎成日食個間~~旺角既十蚊店幾乎都食過晒啦~~
無計啦~~THE GOD OF POOR時常與我同在啊麻~~大家真係貧友啦~~貧窮之友啊~~--______--"~~

食完大家都諗住散家啦~~點知源源同阿仔又唔想咁早走住~~咁我地拉埋伊碟就去左海景度坐~~
估唔到依間係二十四小時啊~~大家講下講下就天光啦~~諗起琴晚係百老匯度有玩死男朋友~~
如果叫馬丁同Q上去玩就正啦~~我同伊碟都覺得佢地係最佳人選~~淨係一句死肥Q已經無得頂~~
到天光啦~~本來都諗住走家啦~~點知阿仔話去打機~~咁我地就去左打機同去KFC食早餐~~
打機個時伊碟玩炸彈人成日炸到自己喎~~跟住就源源同阿仔玩啦~~我就自己玩左幾鋪呃錢GAME~~
然後大家就去左睇功夫早場啦~~依排真係咩戲都睇晒啦~~不過功夫無少林足球咁好睇~~
仲有一個場面熟口熟面~~散場個時我同源源諗左好耐先記起原來似恐龍戰隊~~@.@"~~
跟住大家就番屋企啦~~我同伊碟都問左對方一個問題~~阿仔原來係第一次見家咋~~勁啊~~
竟然叫住我地陪佢天光~~馬丁你教下你個仔啦~~真係啊~~>.<~~

P.S.http://edith.no-ip.com/MAVIS/ <=米華誕生日珍貴片段~~^^~~

>>February 20, 2005 at 2:49:56 PM GMT+8

2005 年 1 月 13 日 星期四 【晴】

今日又係好悠閒咁番我既工~~但只係去到上午咋~~下午昌哥終於有新單比我同騎呢仔啦~~
但好不幸啊~~我接到不祥之單~~"屎撈屁"啊~~即係SNOOPY咁解~~昌哥話邊有不祥啊~~
叫我唔好咁睇SNOOPY~~唔係啊麻~~之前QUEENIE跟完之後衰左單大穫野要辭職~~
PEGGY又係衰係佢手上~~睇黎我都係難逃一劫家啦~~>.<~~唉~~聽天由命吧~~

由於係新單~~又要急喎~~所以今日一定要出晒D單先~~我同騎呢仔下午就一齊好落力地出單啦~
騎呢仔就跟左我張菲力貓~~SNOOPY第一樣不祥既野就係搞到我比粒釘界親隻手指~~
差唔多都六點啦~~大家都好落力地做野~~但我同騎呢仔就更加努力啦~~因為今晚我地四個有約啊~~
我地相約一齊去睇驚天奪寶啊~~曉曉同細MAY一早已經放左工~~仲走左上黎搵我地TIM~~
本來諗住叫佢地去買住飛先家~~但佢地就去左惠康買野食~~我地做完野就去惠康搵佢地~~
大家買左好多零食啊~~跟住我同騎呢仔就去買飛先~~間戲院竟然唔比我地用散紙啊~~
有無搞錯啊~~散紙都係錢黎家麻~~真係麻鬼煩~~不過後黎我地都買到飛啦~~

買完飛收到細MAY既電話~~佢叫我地向前望~~原來佢地係對面馬路度篤緊魚蛋~~
咁我地就一齊過去篤埋魚蛋先入場啦~~間戲院條電梯原來唔用家~~搞到我地要行樓梯~~
入到場得個小貓三四隻~~不過都好~~價錢同GV一樣~~但就好似包場咁~~^^~~
不過開場前想去TOILET就唔敢自己去啦~~所以搵左曉曉陪我一齊去~~搞惦晒D野就開場啦~~
基本上由第一幕我地已經開始笑啦~~真係勁似解謎者同古堡幽靈~~雖然依套戲本身都好笑~~
但我地四個就絕對唔係笑佢D笑位羅~~呵呵呵~~係依度我地四個就真係笑得好大聲~~
雖然其他人唔知我地笑咩~~但我地已經唔會在意其他人既目光家啦~~因為佢地無玩過隻GAME~~

睇完之後大家都話好睇~~曉曉仲話依套戲係要我地四個一齊睇先知好睇~~哈哈哈~~
我都覺啊~~睇完之後大家就散啦~~騎呢仔就問我同唔同佢加細MAY入青衣~~
佢話請我食宵夜喎~~HAHAHA~~唔啦~~下次先啦~~岩岩食完野又食啊~~就係咁大家就番屋企啦~
CA姐姐同祖安娜今晚都睇戲家~~但佢地好似無睇到歌聲魅影~~真係走寶啦~~>.<~~

P.S.今日不安感一掃而空啦~~HAHAHAHAHA~~^^~~辛先生次次都係有事相求先會打黎搵源源~~
不過最唔鐘意都係佢講既說話~~不過算啦~~本小姐好多野要記家~~邊記得你咁多野啊...呵呵呵~

>>February 14, 2005 at 7:10:44 PM GMT+8

2005 年 1 月 12 日 星期三 【晴】

今日既不安感達到最高點啦~~希望唔係我所估既野啦~~所以今日好早就番左屋企~~
本來諗住搵CA姐姐傾下~~但佢只可以打訊息~~同埋又唔覆人喎~~所以都係唔搵佢傾啦~~
今晚幾乎個個都比我打搞啦~~唔好意思啊各位~~但多謝你地啊~~^^~~

>>February 14, 2005 at 6:41:36 PM GMT+8

2005 年 1 月 11 日 星期二 【晴】

今日係五樓發呆既時候~~源源突然打電話黎~~原來佢同KAREN去左唱K~~
仲專登唱相愛很難比我聽TIM~~真係驚訝~~竟然唔係唱纖瘦很難~~@.@~~
到放工既時候要即刻走啦~~因為約左馬丁同伊碟~~要為米華姐既生做準備啊~~
我地首先就去左聖安娜度訂蛋糕~~由於米華姐要求無論如何都一定要切蛋糕~~
個蛋糕仲要係有芒果~~士多啤梨~~同埋朱古力~~真係多要求啊~~
既然係咁我地就加更加要滿足佢三個要求啦~~

不過去到聖安娜第一句就問個姐姐個蛋糕可唔可以有依三樣野~~佢既答案係訂做吧啦~~
真係麻煩~~不負使命啦~~我地係目錄度研究左好耐~~終於搵到一個超正既蛋糕~~
上面係鋪晒士多啤梨既~~而中間我地就叫姐姐幫我地轉做芒果底~~周圍再灑朱古力~~
實在太好啦~~可以一次過有齊三個願望~~仲要有個勁大個既壽字係中間~~正啊~~
米華姐實開心死啦~~搞掂個蛋糕之後~~馬丁哥就走啦~~本來我同伊碟都諗住走家啦~~

但最後都係諗住行多陣~~咁我地咪行女人街羅~~點知比我地發現正野~~
我地見到D肚兜真係非常歡喜~~我地揀左好耐終於都揀到認為好襯米華姐家啦~~
係黑底繡金線~~仲要係又龍又鳳家~~好鬼熱鬧家~~正到啊~~真係無得頂~~
去到花園街揀左好耐都買到下面個件~~本來諗住問下馬丁佢地夾唔夾埋一份家~~
我聽錯左佢話NEL NEL買比米華姐個份野~~真係嚇死我啦~~以為NEL NEL送D咁既野~~^^"~~
跟住就同伊碟行下聯合廣場~~睇下鞋睇下衫咁啦~~行左一陣就等埋太郎仔放工啦~~
發現左我之前睇中個對鞋特價~~但同件肚兜好似樣~~我諗我都係唔會買家啦~~
伊碟果然係喜歡DIY啊~~竟然叫我買對高筒鞋番黎改做爛佬鞋~~HAHAHA~~

太郎仔知道我地買左正野比米華姐就話要買番個襯既袋去裝住~~又再重番女人街啦~~
行到街尾先至搵到岩既~~真係天意啊~~跟住我地就去左太久保度食蛋糕啦~~
仲諗住羅出黎睇下~~點知比一個貌似ELLA既姐姐見到~~佢仲要係咁笑~~真係好瘀啊~~>.<~~
食飽大家就歸家啦~~HAHAHAHA~~好期待星期六啊~~好想快D到啊~~HAHAHAHA~~

P.S.不安感減少左之後~~又再次反彈啦~~到底發生咩樹啊......我想知....但無辦法知.....

>>February 11, 2005 at 7:59:25 PM GMT+8

2005 年 1 月 10 日 星期一 【晴】

今日都係係五樓好似做阿四咁羅~~所以周不時走番娘家度食野~~依排好似成日都想食野咁~~
真係大進啦~~體重大大進步啊~~一落到娘家源源就打黎啦~~原來佢就快測驗~~
竟然話測驗前無野做所以打黎~~又勁喎~~識得打黎娘家~~既然係娘家就可以大大聲咁講啦~~

係講講下既時候~~無拉拉轉左阿BELL黎講~~阿BELL仲好似好羡慕我份工咁~~
其實依份工唔係你想像中咁好家咋~~你估真係坐係度唔駛做咩~~雖然我地依班冗員成日都玩~~
但都有認真既時候家~~HAHAHAHA~~同阿BELL講左陣就比番源源聽啦~~
佢仲話我地講到好似好熟咁TIM~~女仔好易熟既者~~之後佢地就要測驗啦~~

終於都到六點啦~~今晚番學前好唔同啊~~因為我同源源並唔係去依個鄧媽媽度食啊~~
反而去左仙桃源度食~~不過....食飽就番學啦~~今晚又係上英文堂啊~~唉~~

P.S.今晚好似有D不尋常既野啊~~可能係我多心掛~~但總係有種不好的預感.......

>>February 11, 2005 at 7:26:41 PM GMT+8

2005 年 1 月 9 日 星期日 【晴】

真係就快比佢地激死啦~~可唔可以唔好次次都係等我去到葵芳出左閘先話比我知唔駛番啊~~
真係車錢都豪左唔少啦~~>.<~~今日又係咁喎~~唉~~既然係咁可以點啊~~
都係搵源源一齊醫左個肚仔先啦~~醫完之後大家又再次巡視下葵涌廣場啦~~
本來諗住格下各大黃金聖鬥士個價既~~點知有新發現啊~~竟然見到青蛙又有新野啦~~

今次出既係好似扭蛋機既物體~~上次既錢箱發現既時候為時已晚~~全部都比人抽晒~~
但今次就唔同啦~~係今日先新出家~~仲要係滿既TIM~~不過大家就真係再次瘋狂啦~~
我地夾埋唱左成四十蚊~~但就唔敢輕舉妄動~~話晒咁滿~~有戀愛運~~學業運~~事業運~~金運~~健康運五種~~
每個運入面仲有五隻細細隻既青蛙仔~~好似占卜咁可以放入每個運入面扭出黎睇下係咩色~~
好得意啊~~我同源源都最想要戀愛運~~大家唔好誤會~~只不過戀愛運個隻係咁多隻中最靚既~~
係巫女黎家~~仲要係粉紅色喎~~第二想要既就係金運啦~~金光閃閃咁~~跟住就係健康運~~

要開始抽啦~~第一隻竟然係事業運~~第二隻係金運~~第三同第四隻係健康運~~真係激死人~~
正當諗緊好唔好再抽既時候~~有兩個女仔見到佢地即刻唱錢要抽~~依兩位咁恩愛既人兄~~
竟然都係想要戀愛運~~果然識野啊~~要最靚個隻~~點知佢地一抽真係戀愛運~~仲要連續兩隻TIM~~
早知我地就抽左佢啦~~跟住個女仔勁好彩~~之後既每隻都無重覆度~~係淨隻事業運~~
咁我地就唯有用我地隻事業運換左隻戀愛運~~但係我都想要巫女啊~~>.<~~
到另外個女仔扭啦~~佢又係抽到兩隻戀愛運~~好野~~可以羅多左個隻健康運同佢換啦~~
跟住佢地個阿叔FD又想抽~~都抽到想要既~~後黎源源仲抽多隻金運TIM~~
不過而家我淨係爭隻事業運就夠一套~~唉~~又唔敢再抽喎~~唯有上網BID啦~~

經過今次扭蛋事件~~原來扭蛋真係可以令人咁瘋狂家~~又再次比個兩個女仔同個阿叔誤會~~
仲要三個講同一番說話~~你地真係FD啊~~HAHAHA~~最衰都係賊佬蛙同粉紅豬~~
如果唔係依兩隻蛙~~我地又點會由上年開始就咁沉迷啊~~雖然唔係每一代都會儲晒~~
但一有新野都會好瘋狂~~就好似上年一放學點都會黎巡視一下咁~~日日如是~~好懷念啊~~^^~~

>>February 10, 2005 at 7:22:48 PM GMT+8