2005 年 2 月 20 日 星期日 【晴】

今日一早起身好多人打電話黎啊~~好彩我都一早起左身者~~本來今日係去搵曉細美同騎呢仔家~
仲諗住中午搵佢地食譚仔TIM~~點知佢地話今日佢地有供應商請食飯~~所以唔得~~
我估請食飯個個都係得布廠嚴生家啦~~一早打黎既各位都係番工番學好鬼悶先打黎~~
尤其係源姓人氏啦~~琴晚決戰四方城~~大殺三方之後仲可以吃完早餐就直接番學~~勁啊~~
完全唔駛訓家~~既然你咁悶啦~~就等我講個笑話比大家聽啦~~難得打咁多個字~~
咪一次過SEND埋比其他人羅~~點知得出黎既結果係~~源源祖安娜芬姐神童都信係事實~~
因為佢地話故事主人翁一定做得出~~CA姐就真係唔好玩啦~~諗得太過理性~~仲係度同我分析疑點~~
救命啊~~好無趣啊~~--___________--"~~太郎仔就無回應~~可能佢知生命誠可貴既道理~~

之後我就係度執房啦~~自從番工之後都無執過啦~~不過我間房既凌亂程度真係點執都唔得~~
後黎神童打黎傾左陣~~恭喜佢就黎可以自己搬出去住啦~~真係好啦~~有人買屋比佢~~
到六點我就番學啦~~重拾當年坐廿個站番學啊~~好遠啊~~>.<~~到個時利桔問我知唔知邊度有粥賣~~
我地就去左好好度買~~原來新都會開左間糖水鋪~~真係平時都唔發覺~~今日又係上好悶既英文~
仲要做LISTENING~~好難得好比心機做啊~~終於都捱到放學啦~~我地去左食野~~HAHAHA~~
今晚突然好想飲羅宋湯~~羅宋湯單叫要成十二蚊~~但叫個餐轉湯都係十二個半~~
咁就梗係叫餐啦~~但後黎就後悔啦~~早知就唔貪小便宜啦~~個湯麵碗仲大過我塊面~~@.@~~
真係洗臉都得啦~~食到好鬼飽~~之後大家就歸家啦~~JACKY想學結他~~好搞笑~~^^"~~

今晚又一樣啊~~差唔多五點~~不過今晚係懷舊金曲之夜~~HAHAHA~~好厲害既沉睡啊~~

P.S.個笑話係咁既...
二佬見大佬成面腫到豬頭咁，很奇怪。就問啦：大佬，做乜搞成咁啊?
大佬：尋日同琴姐拍拖去新界釣魚，釣釣下魚，突然有隻蜜蜂飛落我塊面度。
二佬：乜你無用手趕佢走咩?
大佬：有啊，不過我都黎唔切用手趕，琴姐就已經用船槳將隻蜜蜂打死啦。

以上笑話人物如有雷同，實屬巧合。生命誠可貴，琴姐價更高.....大家小心....^^"~~

>>February 26, 2005 at 1:40:23 PM GMT+8

2005 年 2 月 19 日 星期六 【晴】

今朝米華姐一早就打電話黎~~點知不經不覺就同佢講左成個鐘電話~~
後黎媽媽走入黎話叫我以後離開張床先好講電話~~原因係我係張床到太舒服啦~~
會有排講喎~~^^"~~同米華姐講電話既時候先發現原來我真係入戲院睇左好多戲~~
咁又係~~依個檔期既戲我都差唔多睇晒~~不過我又唔係咩野無無聊聊既都會睇既~~
入去睇都叫幫左香港電影業一把啊~~HAHAHA~~>w<~~
下午執房既時候一路執一路睇玩死男朋友~~依套野真係無得頂啊~~好正~~不過日本個D好笑D~~
今日好似過得好快~~無乜野好做~~不過米華姐個話劇都幾好笑既~~最好笑都係佢MISS~~
以普通話成積黎分角色~~高分既就做主角~~低分既就做二打六~~我諗有人要扮樹或者扮DUMMY啦~~HAHAHA~~^^~~

>>February 22, 2005 at 8:16:55 PM GMT+8

2005 年 2 月 18 日 星期五 【晴】

本來琴晚話今朝早D起身中午同源源去食景福宮既~~但到最後我地兩個都起唔到身~~哈哈哈~~
唉~~真係啊~~又要食又要起唔到身~~(其實都話埋自己)~~卒之我地兩個都係差唔多四點先起~~
我地好易話為者~~咪改做食夜晚羅~~有排先到九點~~咁我係屋企就打陣機先啦~~
奇幻仙境都唔知想點~~好似就爆機~~但仲有好多地方都未去家喎~~都唔知點玩~~又無攻略~~
咁唯有叫我隻無敵貓仔PETER仔幫我周圍搵住野食先啦~~打打下點知唔覺意走左去打大魔王~~
好鬼驚啊~~但都係死鬼左~~話比CA姐聽~~佢就話佢係地圖都已經苟且偷生啦~~
唔敢去打第一隻大佬樹人~~唔怪得啦~~"樹仁"你就梗係唔夠打啦~~佢咁勁......................^^~

本來今日諗住叫埋利桔家~~但個死仔走左去打機~~唉~~算啦~~
差唔多八點半我就出門口啦~~今日都係唔好冒險坐小巴啦~~上次等左成十五分鐘都唔開車~~
終於到達景福宮~~今日都幾多人啊~~唔通因為今日好凍~~個個都走黎打邊爐加韓燒~~
今日我地既食慾都唔錯~~食左好多野~~依排好似各人都好歡喜整蛋糕啊曲奇啊個D野~~
做咩呢???唔通係熱潮黎既~~不過學多樣野都好既~~又學又玩又食啊麻~~^^~~
講起學車~~其實我都幾想家~~最想就係綿羊仔~~但源源同二佬講既野一模一樣~~
單車都未識踩就學人坐綿羊仔~~>.<~~不過如果我真係學車既話大家就真係要小心~~
除左要有連身鏡之外~~大家都係唔好亂出街~~同我玩過賽車GAME既芬姐姐就最清楚啦~~^^"~~
食到打烊個時~~D人走得七七八八先記起樣野~~爭D唔記得左TIM~~要幫源源畫個DUMMY姐姐~~

繼伊甸園之後~~第二個做功課既地方~~連阿姐都好驚訝我地竟然係度做功課~~HAHAHA~~
畫完我就去左金沙度打機啦~~今晚都幾多人啊~~我地比人迫左入死胡同個部度~~
後黎想打槍GAME都滿晒~~所以今晚就趕到尾班車番去啦~~真係好鬼凍啊~~都唔知咩天氣黎家~>.<~

>>February 22, 2005 at 8:05:09 PM GMT+8

2005 年 2 月 17 日 星期四 【晴】

今日好早走左身啊~~無訓到下午啦~~HAHAHA~~所以就要做我一直想做又做唔到既野~~
就係去匯豐開戶口啦~~由岩岩入大進個時想開到依家都開唔成啊~~>.<~~
不過行度去新都城羅完籌就有排等啦~~咁我就周街行啦~~嘩一排無黎開左好多新既玩具鋪~~
咁就間間都入去巡視下~~行埋玩具斗斗城TIM~~等左一個鐘零十五分鐘終於都到我啦~~
終於都開到戶口啦~~不過就無左五舊水~~唉~~好彩有陪MP3陪我者~~咁跟住就番屋企啦~~^^~~

>>February 22, 2005 at 5:49:17 PM GMT+8

2005 年 2 月 16 日 星期三 【晴】

自從要對個個計劃作出行動後~~好多野都要節檢啊~~>.<~~要加油啊~~
所以今日睇戲就搶左大佬房入面二張既超人特工隊既免費贈劵啦~~不過要出到尖沙咀度睇~~
本來諗住早D出去揀位家~~但都係唔知醒~~套戲四點五十分開場~~四點十五分先出到去~~
買完飛之後見有時間咪周圍行下羅~~點知見到好大個廣告版~~好野~~
宮生套戲肯上啦~~三月~~好~~我同太郎仔三年前知道既時候已經開始等既"哈爾移動城堡"~~^^~~

今個復活節都有幾多套戲啊~~仲有套"捉迷藏"都好似幾好睇~~不過係恐怖片黎既~~@.@~~
HAHAHA~~我又諗起上次CA姐同祖安娜睇魔間行者嚇到啊~~仲有套變相怪B~~不過無乜興趣~~
等左好耐源源都未到~~又越黎越多人喎~~後黎有個人行黎我面前~~幾乎唔認得佢啊~~
差D唔記得左源源染左個橙金頭~~仲等我既視線係咁望住D黑髮既人TIM~~不過真係好鬼懷念羅~~
好似岩岩VTC開學個個頭~~成個鳴門走左出黎咁~~點知原來佢依家班同學都以為佢係跟鳴門去染~~
入場前梗係要偷運D野食入去啦~~去左買爆谷同雪梨茶~~依場好多"SAILOR MOON"同"小新"~~
同上次睇"鯊膽大話王"一樣~~不過我諗依套都會好睇既~~話晒都係迪士尼~~好期待~~^^~~

睇完之後都唔覺睇左成二個鐘~~可能一直都係度笑啦~~HAHAHA~~跟住我地就去左馬會先~~
本來諗住搵RAY同利桔既~~點知RAY仲係蔡琴姐姐既被遺忘的時光~~利桔就直頭係屋企~~
咁即係唔番啦~~咁就行街啦~~去左好耐都無去既HMV~~之前番工一直都係去銅鑼灣個間~~
好多碟都特價啊~~不過都唔係平左好多~~但柚柚就真係鐵價不二啦~~阿愛姐都係啊~~>.<~~
跟住源源發現小林幸子同米川憲一~~依兩位人兄都放得好近喎~~見到早安少女隊真係嚇親~~
我諗係佢地既風扇先知識分佢地~~後黎我見到有隊野~~四個靚仔~~好鬼熟口面~~
原來正係神童既東宮娘娘小右既火焰啊~~好耐無見到啦~~出左碟之餘仲換走左恭平TIM~~
咁咪好羅~~成隊野即刻好睇左好多啊~~HAHAHA~~後黎就見到一大堆特別呃錢紀念版~~
梅姐個D要賣六七百~~但歌神個個就要賣成千幾蚊~~盒野仲可打死人TIM啊~~真恐怖~~>.<~~
不過更恐怖既係依度竟有個隊CREAM既碟都無FIONA~~HAHAHA~~嚇親啊~~^^"~~

行完之後芬姐就打黎問我地去唔去觀塘食野~~連妙姐都比面出席啊~~咁就更加唔去啦~~
我地就去左好鬼討厭既玩具斗斗城~~要去視察下SUNNY既環境~~但入到去周圍都搵唔到對鞋~~
唔通無左~~既然都黎到啦~~咁咪行下羅~~話晒平時都唔會點行既~~之前同太郎仔佢地都係鐘意行依間~~
夠大啊麻~~第一站見到天猛星~~其實個價錢同出面都係差唔多者~~跟住就見到好多高達~~
嘩~~D名真係嚇死人啊~~@.@~~都唔知邊個改家~~咁都改得出~~後黎仲要見到好多賣唔出既雙魚座~~
終於都見到對鞋啦~~係就係少左好多既~~仲好亂TIM啊個場~~唉~~算把啦~~
跟住我地去左玩比小朋友穿黎穿去個D膠屋仔~~有間都幾得意既~~成間小木屋咁~~
一入到去我就比人LOCK左度門啦~~入面都幾闊家~~仲設備齊全TIM~~有後門同後園家~~
出番黎個時見到個價錢真係嚇親~~八千幾蚊~~仲金過我一個月~~依家D小朋友真係幸福啦~~

走個時見到粒粒雪糕會全面撤離香港~~咁就買左兜去海旁食羅~~今晚真係大霧~~
映相一定似沙龍啊~~之後去埋吉吉家食野就去左打機啦~~今日炸彈人真係不在狀態啊~~
炸到自己之餘~~源源仲係臨打大佬之前炸左我同佢個成排蛋~~搞咩啊~~所以今日係爆唔到機既~
竟然無泡泡龍玩~~唉~~又無野想玩喎~~咁大家就番屋企啦~~今日用左唔係好多咋~~呵呵呵~^^~

>>February 22, 2005 at 5:42:30 PM GMT+8

2005 年 2 月 15 日 星期二 【晴】

今日食飽晚飯之後~~芬姐姐無拉拉問我出唔出觀塘打機~~好啊~~
好耐都無同芬姐出過去啦~~雖然我自己都係屋企打緊奇幻仙境~~本來放埋左一邊既GAME~~
依排CA姐打搞到我又好想打番喎~~我食飽飯就出左去金沙啦~~點知芬姐遲到~~>.<~~
跟住我地梗係打米少女戰士死口靚妹先啦~~去到第二版個隻死人禮服人~~仲諗住佢會搞掂隻大佬~~
搞到我同芬姐就無拉拉比隻大佬搞掂左~~>.<~~激死啦~~不過我竟然做到最高分留名~~
之後就打炸彈人~~芬姐竟然係最後大佬既時候死左~~我就爆機啦~~HAHAHAHA~~
一路打就一路聽番佢同妙SAM入CAMP既野~~真係笑到我勁肚痛啊~~最衰無入到去啦~~
仲諗住芬姐會食埋野先走TIM~~點知原來有毛毛過黎送佢番屋企~~唔怪得啦~~
搞到我好孤獨咁同埋個電話係十二點鐘之前就比芬姐拋棄左啦~~嗚~~嗚~~
不過終於都見到毛毛啦~~個樣有點兒似艾芬~~@.@~~O~~又會咁既~~
番去個時一路都同緊源源講電話~~搞到唔知原來芬姐SEND左好多個MSG黎~~
唔駛咁擔心喎芬姐姐~~唔似平時既你喎~~今晚同芬姐差唔多講到四點~~
諗住訓既時候~~CA姐姐竟然又SEND MSG黎~~唔係麻~~咁夜都SEND黎~~勁啊你~~>.<~~

>>February 20, 2005 at 3:27:18 PM GMT+8

2005 年 2 月 14 日 星期一 【晴】

話說上回同伊碟會合左之後首要任務就係要搵生日蛋糕買~~點知間間都關晒TIM~~
真係大穫啦~~既然係咁~~就唯有去伊藤家度買啦~~都唔知點解個個都要士多啤梨既~~>.<~~
買完之後我地就去BODY SHOP度接班鴨仔啦~~依個馬丁家族真係好恐怖羅~~
一黎就黎左成十幾人~~仲要好多個都未見過家~~而啊馬丁哥仲要遲到TIM~~唉~~真係啊~~

等左一陣總算叫齊人啦~~我地就拉大隊上伊甸園啦~~其實頭先我同伊碟都已經上過去一次~~
仲驚BOOK唔到位~~成十幾個人喎~~點知我地實在太高估伊甸園啦~~上到去咪又係得我地一班人~~
HAHAHA~~都唔知佢地點樣維持生計家~~次次上去都係得我地依一班人喎~~
都係例牌啦~~第一個環節都係自我介紹先啦~~今次唔識既人真係好鬼多啊~~
名又差唔多喎~~真係好難計~~今日有NEL NEL~~阿仔~~HUGO~~TIMMY~~SUNNY~~IVAN~~KENNY~
阿星~~路易~~阿風~~我同伊碟馬丁~~好似仲有家~~不過我唔記得D名啦~~^^"~~

十二點前都係阿仔既世界~~佢明天就要過外國讀書啦~~唔知係咪讀書貴~~
我地係咁串佢條褲爛成咁都仲要著~~睇黎無錢買褲啦佢~~大家都玩左D小遊戲既~~
不過都係圍繞要NEL NEL除衫~~後黎圍妹既時候~~馬丁仲向伊碟使出獨門絕技"斜車"~~
大家同阿仔映下相送下禮物~~咁阿仔係十二點前就走左啦~~
跟住就係戲玉啦~~十二點一到就NEL NEL生日啦~~牛一快樂~~^^~~佢個士多啤梨蛋糕真難搵~~
分完蛋糕就送禮物啦~~原來NEL NEL都鐘意宮崎駿家~~個個都係送宮崎駿既野~~嗚~~好靚啊~~
之後大家玩得興起就係咁除NEL既衫~~伊碟就好專業咁羅部相機出黎映~~仲拍埋短片TIM~~
唔通伊碟平時係拍開依D既~~唔止反應快仲拍得好專業TIM啊~~>.<~~

後黎大家都走得七七八八~~得番我同伊碟~~馬丁~~NEL~~HUGO同埋阿風~~
咁我同伊碟就落街買宵夜食~~個姐姐都係個句啦~~依度其實有野食家~~你地下次唔好再買上黎~
但我地就次次都係自己買上黎食羅~~呵呵呵~~無計啦~~你依度都無串燒食~~
不過D宵夜麻麻地好食~~唔係好夠味~~仲要係樣樣都唔夠味啊~~真係陰功啦~~
大家食飽就走剩我伊碟馬丁NEL四個啦~~馬丁同NEL就係咁映埋晒D王家衛既相~~
佢兩隻野仲要扮埋TWINS TIM~~真係笑死我同伊碟~~大家仲係伊甸園度不斷咁研究燈光問題~~
同埋D角度啊姿勢咁啦~~映完之後真係好似2046羅~~仲要係張搖搖椅度映喎~~
不過映完之後~~原來NEL有D角度都幾似ARASHI既松本潤家~~@.@~~唔知吉吉知道會點~~
而馬丁就絕對似吸血彊屍尼古拉伯爵啦~~HAHAHAHA~~

我地映完就埋單啦~~依家做左會員之後仲可以儲積分~~"黎伊甸儲積分"~~
不過個姐姐就真係.....唉......~~我地玩完之後就走啦~~一出門口源源就打電話黎~~
又係訓到岩岩先起身~~真係勁~~佢染番上年開學個個頭啦~~咁咪即係變番做鳴門羅~~
HAHAHA~~真係好想快D見到佢個頭~~今日大家仲有個新計劃啊......估唔到出自佢~~

.....捱不過這極限 用我作你支撐 不過要堅守絕不可折返
暴雪太專橫 獨木舟都要翻 卻沒法阻礙旗艦
一個人拿傘 風會特別猛
同步過冬 一起對付寒風 當天金粉多重
也別要被昨日快樂的日子操縱 面前疾風 冰冷面孔
都抵不上這夜迎面抱擁
同步過冬 一起冀待晴空 雙肩不怎麼重
我願雪下過亦帶著希望的手信 走過寒冬 擁抱成功
改天想起這次不算凍.....

P.S.：http://edith.no-ip.com/0215/ <=大家可以黎依度睇伊碟既專業拍攝.....^^"~~記住有短片...

>>February 16, 2005 at 12:34:31 PM GMT+8

2005 年 2 月 14 日 星期一 【晴】

今日本來要同CA姐姐祖安娜加江仔去唱K家~~但係睡魔急CALL~~雖然佢地打左黎好多次~~
但都係起唔到身啊~~真係對佢地三個唔住~~突登就我係觀塘唱~~不過係十二點幾我終於都出去啦~~
搭車既時候~~佢地就打黎話已經CUT左歌啦~~>.<~~O~~BAD~~但都無計啦~~都出緊去羅~~
不過最慘既係~~我掛住聽歌~~坐小巴竟然唔記得叫落車~~咁司機就車左我去九龍灣啦~~@.@~~

咁唯有自己一路聽歌一路行番去觀塘啦~~好彩CA姐同江仔係裕民者~~
去到既時候~~江仔哥哥就話我阻住佢兩個行街喎~~但都無計啦~~係CA姐姐叫我黎家喎~~
之後我地就去左寶聲打機啦~~不過依家都係鐘意去金沙多D~~以後要叫做金沙機鋪女王啦~~
一落到機鋪CA姐姐就係咁話要玩擊鼓王~~知你勁啦~~我仲未玩得好好~~因為成日當左佢係太鼓~~
跟住就玩左鋪太鼓啦~~真係玩到勁熱啊~~咁我地就上左去買野飲~~隔離間鋪真係賺死佢啦~~
再次入機鋪~~只係自己好孤獨地玩泡泡龍~~CA姐姐都唔玩既~~跟住佢終於忍唔住打DRUM SET啦~~
HAHAHA~~雖然係打初學者~~但都真係勇氣可嘉啊~~比我就一定唔會玩啦~~
隔離班男仔個個都打得咁勁喎~~不過最好笑既係CA姐同隔離個男仔揀左同一首歌~~
CA姐玩初學者就逐下逐下咁打~~隔離個男仔就打得超勁~~真係大對比啊~~^^"~~
江仔哥哥玩GUNDAM都玩左好鬼耐啊~~咁又係一蚊鋪喎~~HAHAHAHAHA~~

打完機之後我地就去左買樂器個度買弦啦~~一入到去個兩隻貓仔依然係咁得意~~
仲好熱情TIM~~係咁跟住我~~CA姐姐唔知整到佢地邊度~~搞到佢地出晒爪咁~~
我地研究左好耐買邊隻好~~CA姐問源源係咪想整完自己玩~~CA姐你咪玩啦~~
後來我地買左隻唔係貴唔係係平既~~搞到我好想學番啊~~原來跟CA姐個個都唔係好貴家咋~~
短期目標：下一份工就買個新琴~~舊個個江仔以友情價接收~~希望大佬二佬嫁個日可以拉到啦~^^~

搞掂晒D野我地就去會合祖安娜啦~~大家要出旺角電影中心睇魔間行者~~本來我都唔諗住睇家~
但大家咁想我去~~又比我叫到友情價七蚊~~咁就去睇下啦~~我地買埋麥記就入場啦~~
祖安娜仲見到雷宇揚TIM~~成套戲都好似狙魔人咁~~不過依套就差D~~淨係SALE奇洛~~
不過佢又真係幾型既~~^^~~仲要著住套老西~~最好笑係祖安娜同CA姐嚇到勁驚~~
佢地仲要成日望住我睇我驚唔驚~~仲話我梗係成日陪人睇戲所以已經唔怕啦~~
我想講我一向都係唔怕睇依D家~~我淨係驚睇鬼片家咋~~HAHAHAHAHA~~
不過睇佢兩個嚇親個個樣~~我同江仔都已經覺得值回票價啦~~^^"~~
跟住我同CA姐姐祖安娜就去左天使度做"飛蘇"~~都幾抵既~~百五蚊三樣野~~
CA姐最後咪又係同我地一齊去~~呵呵呵~~九點幾我就去JOIN伊碟啦~~
CA姐同祖安娜就去左瓊華度釘耳仔啦~~估唔到CA姐都會去釘啊~~呵呵呵~~
待續........未完家~~

>>February 16, 2005 at 11:13:31 AM GMT+8

2005 年 2 月 13 日 星期日 【晴】

今日訓到四點幾先起身啊~~梗係啦~~今朝六點先訓喎~~HAHAHA~~起到身都算係咁啦~~
不過起到身食下野~~洗下白白~~同媽媽落東港城行下咁就要去米華姐度啦~~
本來諗住早少少上去拜年家~~但都係趕唔切~~咁就算啦~~我去到相約地點~~
只係見到伊碟同小寶~~其實人都遲到啊~~真係啊~~話晒係妖怪家族@情人節篇麻~~>.<~~

最後米華姐同Q都黎到啦~~我地首先就去泰式美食度睇下有無位~~但出面排晒長龍啊~~
咁唯有去小曼谷~~真係小曼谷啦~~小到如果我地六個入去一定會包場啊~~
所以我地就決定去路邊雞度食啦~~雖然都要等位~~但就唔使等咁耐羅~~
伊碟竟然係個度見到一個佢識既細路女~~勁啊~~咁都會相遇到啊~~HAHAHA~~
Q又母性大發啦~~即刻走去同佢玩~~我見Q有成袋無印既朱古力~~原來佢班同學以為佢咩~~
所以就送左咁多野比佢~~我同米華姐都話我地都要扮下咩先得啦~~^^"~~
馬丁哥終於都黎到啦~~估唔到佢一黎就每人送一份朱古力~~真係感動~~好耐都未試過收啦~~
仲要係馬丁哥自己整既TIM~~阿Q就驚有毒唔係好敢食~~咁又係你同馬丁咁大仇口~~
咁我就做第一個試食啦~~嘩~~真係好鬼死甜啊~~係甜得好過份個隻啊~~仲要好似食到沙咁....

不過算啦~~既然係馬丁哥既一番心意~~多謝你啦~~終於都等到位啦~~
入到去大家淨係諗食咩都諗左好耐~~Q就淨掛住睇電視~~我地食完岩岩就做標仔啦~~
伊碟識個個妹妹就走左個黎~~Q再次母性大發~~不過今次就真係好似金魚婆婆啦~~
我地食飽就去左個公園度做超齡街童~~但係今晚既公園個個都一相一對~~我地唔知係咪玩得大聲得濟~~
好似嚇走左D人~~跟住大家映下相玩下啦~~就走去食糖水啦~~

去到甜品哥哥度~~大家終於可以傾下計啦~~原來小寶都出左3G啊~~搞到我都好想出TIM~~
跟住大家就談論搵錢既方法啦~~我同伊碟都好期待馬丁哥同Q上"玩死男朋友"既節目~~
如果話講出最親暱既稱呼~~一定係"死肥Q"同埋"馬丁爸爸"啦~~HAHAHAHA~~
不過最多都只係可以羅到一千蚊~~而克勤哥哥個節目就唔同啦~~越捱得耐就越多錢~~
佢地就見議我同源源上去唱"纖瘦很難"~~唔係掛~~可能會羅到好多錢啊~~
但就真係以後都唔敢出街家啦~~話晒全港既人都會睇家麻~~反正都要拋頭露面既話~~
我寧願玩百萬富翁啦~~HAHAHA~~要加油啦~~係未搵到工之前~~HAHAHAHA~~

大家食完糖水就走啦~~但我同伊碟小寶都唔知咩樹~~架架車想上既時候都上唔到~~
終於都上到啦~~去到寶琳都仲要行番去坑口~~一路行一路同祖安娜CA姐SMS~~
講左好多個方法都好似唔係好行得通喎~~唉~~算啦~~到時先算~~
終於今晚做到灰姑娘啦~~係十二點前番到屋企~~雖然係十一點五十五分到屋企~~HAHAHA~~^^"~~

>>February 14, 2005 at 7:52:00 PM GMT+8

2005 年 2 月 12 日 星期六 【晴】

真係恐怖啊~~下午六點先起身~~吃飽飯就同全家睇電視啦~~好耐都無試過啦~~
二佬同肥姐姐就買左好多新衫番黎~~原來佢兩公婆係新年期間殺到佢地班FD一頸血~~
二佬仲要打去班FD度逐個多謝佢地送既野~~你真係唔驚比人打喎~~HAHAHA~~
今日搞到差唔到三點先訓~~係要訓既時候~~源源打黎~~原來佢訓到岩岩先起身~~
唔係掛~~咁誇張~~跟住我地講下講下又再次六點先訓啦~~HAHAHAHA~~^^"~~

>>February 14, 2005 at 8:00:17 PM GMT+8