2005 年 10 月 24 日 星期一 【晴】

伊娃鬼叫之連環不幸事件~~
永遠唔好既野之後都會有好野~~
相對地~~好野之後都會有唔好野~~
仲會係唔好惹~~

有d野想像中會係好完美~~
但最後少少既裂縫就會將之前既完美摧毀~~
心情由天堂跌入谷底.....應該話係地獄......
仲有就係時間既差距~~一分鐘就係一分鐘....
一百二十分鐘就係一百二十分鐘.....
一百二十分鐘內發生既野~~同一分鐘內發生既野都係大同少異......

P.S. 原來個個時候既我真係咩都做得出.......

>>October 26, 2005 at 3:28:52 AM GMT+8

2005 年 9 月 1 日 星期四 【晴】

今日玩得好開心~~一早就鏟醒左源源~~哥哥同阿源陪我唱K~~好新既組合啊~~呵呵呵~~
好彩開左學咋~~無乜人去唱~~到左十二點幾都仲有K LUNCH~~四個人比左間勁大既房~~
入到去我地仲以為入錯房~~牆上仲有十二星座圖~~好符合我既讓奇妙飛翔~~^^~~

本來大家都係好正經度坐係度唱既~~但一到紅花會~就要起黎啦~~但竟然得我一個起身羅~-__-~
唔好浪費依個咁好既場地~~所以一上就上左木台度啦~~^^"~~不過我始終都係A貨黎既~~呵呵呵~

>>September 4, 2005 at 11:18:52 AM GMT+8

2005 年 7 月 24 日 星期日 【晴】

勞斯和萊斯　都是花樣男子
勞斯原是個校隊的優秀種子
萊斯只喜愛讀書　偏偏他倆
早見晚見　每日著住同樣純白襯衣
羅曼史開場於　相鄰的桌椅
不過二人　不敢放肆

能成為密友大概總帶著愛
但做對好兄弟又如此相愛　旁人會說不該
忘形時搭膊自有一面退開　　　
暗裡很享受　卻怕講出來
兩眼即使移開轉開　心裡面也知這是愛

男子和男子　怎能親密如此
勞斯難面對卻跟她勾過手指
萊斯偏偏那樣痴　終於一次
她撲過去　四目對望然後除下襯衣　
迷惑中的勞斯　此時先至知
一向沒當　這好手足女子

能成為密友大概總帶著愛
但做對好兄弟 又如此相愛　旁人會說不該
純情何時會讓這悲劇揭開
他真的很意外　想起相識以來
一起溫書逛街聽歌看海

日日也親暱如情侶　底牌終揭開

為何還害怕若覺得這樣愛
尚在計算他又是誰可否愛
旁人哪個接受這種愛
明明絕配　犯眾憎便放開
永遠的忍耐　永遠不出來
世界將依然不變改
只會讓更多罪名埋沒愛









..........................可要像梁祝那樣愛

>>July 25, 2005 at 3:08:51 PM GMT+8

2005 年 7 月 23 日 星期六 【晴】

今朝早差唔多八點先番到屋企~~一訓落張床就訓死左啦~~直到下午四點幾先正式起身~~
之前都唔知比幾多個電話嘈醒~~真係多謝晒芬姐神童同KAR嘟既MORNING CALL啦~~>.<~~
一起身就開電腦睇下D生意啦~~之後同哥哥傾左陣電話~~不過都唔陣家啦~~都差唔多成個鐘~~
哈哈哈~~一切既謎團都已經解開了~~@.@~~結果太令人意想不到啊~~呵呵呵呵~~
后黎我講番今朝發既夢比哥哥知~~笑到佢爬係度咁濟~~我都估唔到會發埋D咁既夢~~
個夢入面有源源~~哥哥~~NEL仔~~阿源~~伊碟最後都有執番個尾彩出現~~
話說我係個夢入面係識游水家~~唔知係咪因為佢地送左老叮牌游水袖比我呢???
之後既情節就真係將平時既野撈埋一碟~~最精景既都係伊碟最後講既說話~~

講完電話無耐~~琴姐姐就出現啦~~尊貴的人今天仍然很尊貴~~從佢一身既裝扮就知道啦~~
見佢咁尊貴~~老叮KFC咁尊貴既價錢就梗係同佢講啦~~用盡我既口才~~講左好多"真"話~~
尊貴既琴姐終於係銀包入面羅左張金牛比我做生日禮物啦~~我見我大佬滴晒汗~~
睇黎都係係我大佬度扣番家啦~~^^"~~跟住我就衝落樓下既KFC接老叮佢地番屋企啦~~
番到屋企點知琴姐話要減肥~~所以我既代價就係要食雞啦~~算啦~~食一餐可以慳五舊水~~
抵既抵既~~之後依莉姐姐都黎左啊~~今晚真係熱鬧喎~~

後黎我將我既變身套裝比佢地睇~~大佬同二佬就話我終於大個女啦~~終於都出黎做啦~~
咩意思啊你兩個~~--____________________--"~~跟住就好認真地做一樣野~~搞到四點先訓~~
我自己都覺得自己好叻啊~~勁啊~~又一創舉啦~~呵呵呵呵呵~~

>>July 25, 2005 at 3:06:22 PM GMT+8

2005 年 7 月 22 日 星期五 【晴】

訓到傻下傻下個時好似聽到直到相逢之日~~仲聽到三次~~跟住就聽到屋企電話響啦~~
嘩~~~~原來已經成九點二啦~~仲約左九點係觀塘景福宮TIM啊~~大穫~~正想換衫之際~~
我個位可愛既老媽子竟然將兩隻鼠既背心放左入洗衣機~~依個仲大穫啊~~唔理啦~~
坐車個時連婷姐姐都有打黎啊~~仲有KAR嘟啊~~唔通因為廿一既關係~~所以所有稀客都出晒黎~
總之今日電話就接個不停啦~~上到擺大壽既會場~~景福宮~~己經發現各位迪士尼之友啦~~
死得啦~~今晚係迪士尼之夜啊~~隻隻米老鼠一見到我無著到鼠鼠衫~~己經羅起雙頭筆啦~~>.<~~
哈哈哈~~真係多謝大家係我手上寫既"生日祝福語"羅~~真係感動到爆啦~~-_______________-~
哥哥畫左三粒黑麻麻既野~~我估係米老鼠黎既~~NEL仔大大隻字寫"DISNEY"驚死人唔知咩~~
阿源就畫左隻唔知咩~~米華姐睇過之後就話肯定係佢個FD WINNIE THE POOH~~
TIMMY就係小EVA一號既位置畫左條蛇~~好似黑幫大家姐~~@.@~~姐姐都只係寫左貞節者~~
Q就係貞節上面寫多個冇字~~嘩~~多謝晒啊~~米華姐只係好正經寫早日做M~~M=MONEY GIRL??
仲有小伊碟都寫左"排肪"同埋畫左條手鍊比我~~唔係"貞節牌坊"咩~點解變左"貞節排肪"~~
寫都唔緊要啊~~係痕到爬係度啊~~搞到我捉住佢地隻手係度叫~~好似生仔咁~~嗚嗚~~>.<~~

搞完一輪終於都有得食啦~~不過電話又黎啦~~係神童黎既~~真係多到嘔啊~~
跟住哥哥同NEL就叫我打比柏健~~點知哥哥唔知比左邊個電話我~~打到去講勁耐個人都唔知我講乜~~
之後先知原來搭錯線~~好瘀啊~~死仔比錯電話~~跟住先打番岩~~又有小插曲啦~~
仲諗住有得食啦~~點知又到切蛋糕既環節~~我仲未食野喎~~>.<~~個蛋糕係伊碟整既~~
CHEESE CAKE之餘仲有樂天熊仔餅同仙丹啊~~嘩~~又係魔術蠟燭啊~~不過好彩今次只係得一支~
上年個二十支~~搞到個蛋糕成個火球咁~~仲比經理哥哥入黎叫我地整熄佢~~驚整到煙霧感應器~
個蛋糕酸酸地仲以為伊碟加料TIM~~原來係益力多CHEESE CAKE~~夠晒創新啊~~
幾驚伊碟真係認真咁整個榴槤CHEESE CAKE我食啊~~>.<~~最好笑米華姐估完係咪生果黎家~~
伊碟話唔係之後~~米華姐再估係唔係熱帶生果黎家~~米華姐睇太多麥兜啦~~咁似黎根既~~

許完願食埋蛋糕就梗係有禮物收啦~~嘩~~成個三蛇酒咁大既箱~~勁啊~~唔知個箱係邊度搵既呢?
唔怪得哥哥今日要CAP帶帽啦~~原來要扮DHC~~登登登登~~登登登登~~
當我開封左之後~~大家竟然禁住我唔比我羅~~>.<~~估唔到係個「加冕」儀式黎家~~
首先就係我既彩帶(潤子既羽毛~~仲要係我至愛既紫色~~>w<~~)
再黎就係我既披肩(老叮大浴巾啊~~@.@~~)同埋我既后冠(老叮牌浴帽~~)
跟住就係我既公主袖(老叮牌游水袖)&我既權杖(老叮牌飯殼)
最後就梗係唔少得我既變身器(DO RE MI 音樂變身器)&NEL仔送既武器(磨沙飛碟一隻)
嘩~~好齊全啊~~XXX力量變身~~~~~~~NEL仔隻碟仲可以當月冕飛擊用啊~~
加上兩隻手既紋身同埋我個獅子頭(你睇我個頭)~~景福宮真係以為黑幫聚會啊~~
不過就算係都係高貴既黑幫聚會~~變完身之後~~個LOOK不知幾咁"高貴"啊~~
咁高貴既LOOK就梗係要遂個映相啦~~本來諗住玩新人家~~點知比對新人玩番轉頭~~
真係多謝晒阿源同NEL仔既額外生日禮物啦~~搞到人家面仔紅紅啊~~>.<~~
姐姐仲同我玩"替月行道~~警惡懲奸"啊~~呵呵呵~~當然唔少得好多精彩既場面啦~~

大鬧完景福宮之後~~我諗我地將會被黑名單家啦~~^^"~~
跟住就得番哥哥~~伊碟~~NEL仔~~阿源~~HUGO同我六個人去APM度坐~~去到我就去沖涼先~~
點知D紋身洗唔到啊~~跟住本來諗住去機鋪既~~但又關門喎~~好錯仲有間糖水鋪咋~~
一路食一路傾計~~諗諗下原來同哥哥都識左一年有多啦~~同NEL就差唔多一年~~
嘩~~乜D時間咁快過家~~跟住我地三個就係度諗番到底幾時識~~識哥哥係Q生日個日~~
至於NEL仔就係煙花之地識既~~應該話放煙花個日識既~~越講越就發覺有好多攪笑野~~
原來大家既記性都唔差家喎~~我一講佢兩個都記得~~有D仲記得清楚過我~~哈哈哈~~
新一代狂歡三寶啊~~^^~~食完之後NEL仔同阿源就走先~~咁我同哥哥伊碟就去公園傾計啦~~

勁似街童啊~~不過依個公園都唔錯家~~夜晚風涼水冷~~坐落於巴士站&TOILET附近~~交通方便~~
又有星星同月光喎~~呵呵呵~~加埋落葉就十足月黑風高殺人夜啊~~~
之前都同某人黎過傾計~~不過今晚我地三個都傾左好多以前既野~~依個公園都真係充滿回憶~~
好開心啊~~好耐未試過咁樣坐公園傾計啦~~尤其係依個公園啊~~不過講起我同哥哥都覺得有D野係此情不再啦~
其實講起既時候都有點兒掛住佢~~唔知點解今年生日特別諗番起以前既野~~
雖然有好既有唔好既~~好彩好既野都係多D既~~三個就咁一路坐一路傾到七點幾~~
其實都唔係好眼訓~~不過都係番屋企啦~~話晒學芬姐話齋~~傾計始終都係夜深人靜個時最好~~

P.S.不過今個生日真係好開心~~多謝你地啊~~其實生日只係一個機會比大家聚下~~
所以即使有人唔記得都唔緊要~~或者只係MSG~~(不過我就唔係鐘意MSG~我寧願打電話~^^~)
但都真係好感激咁多關心我同埋錫我既人~~真係好開心同埋感動~~好多野唔駛講出黎~~
其實大家都會知~~依個生日真係過得好~~過完生日睇黎係時候要變身啦~~係要改變啦~~
首先第一擊就係要...哈哈~唔會再講"你睇我個頭~"要變番做鄰家女孩~發音要準啊~唔係輪姦女孩啊~~^^~~加油~~

>>July 24, 2005 at 8:03:46 PM GMT+8

2005 年 7 月 22 日 星期五 【晴】

正日既早上~~竟然就係要起身番工~~唔制啊~~>.<~~又遲啦~~番到去都無乜心機做野~~
點知就收到傑傑既電話~~話約我中午去唱K~~仲諗住叫埋VA姐同雨君妹TIM啊~~
可惜最後佢兩個都係唔得閒啦~~終於等到一點放工啦~~阿頭係我臨走前仲同我講生日快樂TIM~~
其實佢都勁家啦~~咁都記得~~仲送左一堆老叮野比我~~D咁好既阿頭去邊度搵啊~~

見到傑傑啦~~靚左好多TIM~~點知原來佢係唔記得我生日家~~佢只係咁岩想今日約我出黎~~
你真係好彩啦~~我地周圍行左陣就去左食車仔麵~~好抵啊~~十三蚊大大碗~~雞翼好味~~
大家傾左好耐~~話晒大家小學識到依家~~真係一講又係講番小學D傻仔野~~>.<~~
之後就諗住去自修室搵阿儀~~咁就起程落翠屏~~但都係上左傑傑屋企玩左陣貓~~^^~~
佢屋企兩隻貓勁得意~~勁想抓我但又抓唔到喎~~唔比我摸我就係要摸~~傑傑見到話我一D都無變到~~
係要起程去自修室既時候~~阿儀就話要走啦~~咁就下次先再約啦~~勁眼訓~~就番屋企先~~
隨便差下電~~個電話比我講到無晒電~~ICQ見到利桔~~原來佢唔記得既~~都估到你家啦大王~~
同大王傾左陣~~哈哈哈~~其實記唔記得生日都無所謂~~話晒生日年年都有家啦~~
有好多謎團突然都解開左~~不過最出乎意料既係辛賀同學竟然都會打黎羅~~

之後去訓左陣~~點知就見到有幾個MISS CALL~~有哥哥同JAN姐~~原來係我聽錯~~
我仲以為哥哥得閒到去完旺角再去伊碟家再去旺角之後去觀塘TIM~~JAN姐就一打黎扮晒野唔記得~~
唔記得你又點會打黎啊~~話晒我都係早豪哥哥一日生日既人~~你點會唔記得啊~~
你淨係記得豪哥哥家啦~~唔駛諗點同我慶祝家啦~~你同豪哥哥既浪漫一天就唔係度打出黎啦~~
費時豪哥哥見到就無晒驚喜啦~~呵呵呵~~至於NANA~~我知你唔想係我生日同我講D唔開心野~~
傻女黎既~~唔開心想同我講幾時都得~~我一定會聽~~唔駛突登就我生日喎~~加油啊~~
搞惦晒佢地之後~~仲諗住可以訓番陣~~就到細美打黎啦~~真係慘~~加班到咁夜~~
仲要無得同曉曉騎呢仔佢地去書展~~可惜我都唔得閒啦~~唔好意思~~>.<~~

>>July 24, 2005 at 7:00:57 PM GMT+8

2005 年 7 月 22 日 星期五 【晴】

登登登登登~~終於到左本小姐廿一既牛一成日啦~~梗係要由頭到尾為大家報告一下啦~~
係七月二十二日既夜晚搭正十二點~~係我都未知已經到左十二點之時~~電話已經收到msg~~
係身邊既哥哥同伊碟已經急不及待係我耳邊度大叫生日快樂~~哥哥係一秒之差險勝~~
原來個msg係阿儀send黎家~~佢話係個蛋糕~~可惜我睇唔到啦~~嗚嗚嗚~~
哥哥竟然祝我早日搵個個好既....蛋糕~~哈哈哈~~最鐘意依d咁有意思既說話~~
伊碟就祝我可以財色兼收~~哈哈哈~~好衰家~~講左人地心裡面個句~~每年既生日願望黎家麻~~
芬姐都打黎啦~~佢話要做第一個~~可惜啦~~要煲用白胡椒整既豬肚湯~~搞到唔知時候啦~~

番到屋企開完icq同msn就去左洗白白啦~~出到黎勁開心羅~~見到亮亮第一個同我講生日快樂~~
第二個就係gonshi san~~第三個竟然係六尺四~~嘩~~@.@~~真係竟想不到啊~~睇黎有好事發生~~
之後同六尺四chat左陣~~自從上次係jophen度見過佢都無啦~~唉~~諗起中四中五個時~~
我地成班成日係自修室~~日日溫到悶就出去打千秋~~雖然個個黎自唔同學校但都日日見到~~
而家就各有各忙好耐都無見過啦~~最慘就係個千秋都無埋啦~~諗諗下原來個個都仲讀緊書~~
得我一個做緊野家啦~~>.<~~時間過得真係快啊~~hahahaha~~

之後就訓啦~~想死咩~~明天仲要番工~~芬姐問我做咩唔請假~~唔係啊~~公司上至老細下至阿頭~
都知我生日~~請假唔番工咁咪即係個個都知羅~~所以都係訓先啦~~呵呵呵~~

P.S.已經感覺到有好事發生~~而且好開心啊~~呵呵呵~~

>>July 24, 2005 at 6:05:32 PM GMT+8

2005 年 7 月 22 日 星期五 【晴】

嘩哈哈哈~~終於到左本小姐牛一啦~~又大一歲啦~~過去廿一年真係有好多經歷~~
尤其係依兩年既經歷最多~~有開心既更加有唔開心既~~有此情不再既亦有重新振作~~
好多謝一直以黎係我身邊支持我既人~~雖然平時既我好似成日照顧人~~
但我都有軟弱需要比人照顧既時候~~多謝個d成日都比我煩住既人~~多謝個d兩脇插刀既人~~
多謝個d令我有啟發既人~~多謝個d傷我既人~~更加要多謝個d令我接受現實既人~~
最後要多謝個d令我成長既人~~尤其係依兩個月真係好難捱~~但我不斷令自己可以無野~~
每有新既進展就有新既啟發~~從來都無怪過人~~因為我明白每個人都有佢既難處~~
都有佢迷茫唔知可以點做既時候~~既然幫唔到就唯有支持~~依個就係我既作風.....
發覺係我心目中重要既人位置仍然高企~~新的人物位置亦都不斷上升~~
原來我身邊有好多人都好錫我~~開心死我啦~~新既生日我已經有左新既目標~~
要不斷咁改變~~自己做既野要對得住自己~~改變並唔係只為自己好~~亦為身邊既人好~~
哈哈哈哈哈~~終於等到依一日~~我要開開心心咁過我既廿一歲生日~~呵呵呵~~^^~~
無論結果係點~~只想尋求答案~~問題係要面對同解決既~~以上係我踏入廿一歲既生日感想~~

P.S.回到基本~~人不可孤單一人~~所以拒絕自閉~~唔好將所有問題自己攬晒上身~~^^~~

>>July 22, 2005 at 6:27:08 PM GMT+8

2005 年 7 月 11 日 星期一 【晴】

但是有時連小小的心願都無法傳遞
在這樣的夜讓人失去了信心
這時你不妨來到這裡盡情放聲哭泣
隨著時間過去終有一朝當時的傷悲將不值一題

Again每個人活在世上都必須擁抱孤獨
Again沾滿泥濘的鞋還是能走路
為了讓你是你 靠著一線曙光
與我同行 Again

不願承認自己的脆弱
為心靈加上了一道鎖
有時害怕失去一切的恐懼也曾讓我們動彈不得
我將前往那裡只要與你在一起我不怕面對昔日的自己

Again每個人在內心深處都懷抱著難癒的痛楚
Again讓我們將希望傾注在玻璃杯的裂痕中
縱使沒有答案 我也踏出小小的一步
與我同行

~~今日突然想到這樣~~就這樣~~做左自己要做既事~~咁就對得住自己~~好多野都係要雙方面~~
但原來一直以黎都係我單方面做緊一些動作~~唔知有無用~~但就算有都可能效果會慢~~

>>July 12, 2005 at 7:21:14 PM GMT+8

2005 年 6 月 16 日 星期四 【晴】

一早勁眼訓~~同咩係辦房度度辦~~度到我地係辦房訓左~~之後阿咩叫我唔好走~~
係辦房度陪佢~~唔係佢會悶死~~咁我就羅埋D野入去做啦~~公司其實真係幾FREE~~

今日做GYM好勁啊~~平時一齊做既ANNIE無番~~咁唯有自己一個踩樓梯機啦~~
跟住有位TOMMY哥哥黎到~~係隔離一齊踩~~平時我地都好少講野~~今日佢係隔離踩~~
大家就開始講野啦~~原來佢都幾鐘意睇漫畫家~~我地就由上堂講到差唔多落堂~~
後黎佢同我講話我部機熄左~~我睇番~~原來我不知不覺踩左成六十幾層樓梯~~減左二百幾啊~~
哈哈哈哈~~好開心啊~~一路講野一路踩係最唔覺D時間過得咁快家~~^^~~

之後我就去左朗豪坊搵EMAN啦~~佢今日生意都唔錯啊~~搞到我地成日都唔知傾到去邊~~
我諗我黎多幾次~~就連我都識講啦~~成日係度海藍寶海藍寶.....-__________-"~~
不過佢鋪頭都幾好既~~傾計一流啊~~又有音樂同埋香薰~~又少人經過呢~~不過D情侶就唔得啦~
以為係對出條坑度就無人見到~~偏偏我地係鋪頭入面就睇得一清二楚~~^^"~~
EMAN仲話成日佢都有戲睇家~~放左工之後我地就去左買鞋~~跟住去食糖水啦~~

大家傾左好耐~~講中左好多野~~聽完佢既說話~~我都睇開左好多~~不過真係家~~
今次真係得到好多人既幫忙~~EMAN仲讚我TIM~~搞到我好鬼唔好意思~~呵呵呵~~
不過我都係會堅持我既做法~~雖然唔知佢會唔會有一日通番~~但我會支持~~
EMAN請我食糖水TIM~~話係支持我~~傻啦~~你肯聽我講野已經好好啦~~
要支持我地既交情點會只係值一碗朱古力燉奶啊(仲要係熱既)~~之後我地就走啦~~

P.S.今日好鬼開心~~我會為自己加油~~亦都會為佢加油~~努力~~^O^~~

>>June 19, 2005 at 6:38:20 AM GMT+8