2004 年 11 月 19 日 星期五 【晴】

今日係短週啊~~訓到差唔多四點幾先起身~~一起身就約左CA姐姐去觀塘開倉啦~~
其實都真係幾抵~~但好可惜好眼訓~~所以無乜心機睇~~唯有下一次啦~~HAHAHA~~
不過都有收穫啊~~就係買左夫君既仔仔啊~~好得意啊~~SONY貓既仔仔啊~~仲有依哊仔啊~~
CA姐姐都有收穫~~大家行左一陣就番屋企啦~~今晚番到屋企陪媽媽食飯啦~~呵呵呵~~

>>November 28, 2004 at 9:33:50 AM GMT+8

2004 年 11 月 18 日 星期四 【晴】

今日放工要同CA姐姐加豪哥哥去TOUCH MUSIC~~但放工之時佢兩個都未到~~
咁就唯有周圍行下先啦~~HAHAHA~~我就當然去我既老家之一~~兆萬啦~~見到厚哥哥啊~~
佢染左頭髮啊~~都係黑髮襯佢多D~~跟住就梗係見到好多老叮既野啦~~但CA姐姐就叫我唔好流連忘返羅~~
不過依D都係難免家啦~~因為最後都係遲左~~去到已經見到CA姐姐同豪哥哥啦~~^^"~~
CA姐姐仲羅住我既愛人老叮TIM~~多謝你啊CA姐姐~~老叮MTR一套三隻~~你仲可以羅到兩套比我~~呵呵呵~~

跟住我地就出發啦~~原來個度就係我公司既附近~~早知頭先留係公司附近啦~~
CA姐姐好似媽媽咁帶住我同豪哥哥~~可能佢上次幾乎比的士撞到~~所以佢唔比我地兩個衝啊~~
去到附近豪哥哥係咁搵地址~~佢都唔記得左將個地址比左我喎~~--_____--"~~
終於去到啦~~但竟然落左大閘喎~~@.@~~地址無錯喎~~但周圍都搵唔到入口~~唔通遲到唔比入???
CA姐接受唔到依個事實~~即刻打比佢細路叫佢細路搵電話~~點知個電話打去無人聽~~
彷如騙局一樣~~CA姐姐並不死心~~仲想扮蜘蛛俠爬入去TIM啊~~唔好咁衝動啦~~
之後大家就好無奈咁去搵野食啦~~既然係依頭~~咁我就梗係要帶大家去食遠近馳名既譚仔記啦~

去到譚仔記我叫左我既至愛~~^^~~豪哥哥就好似個D好假既美食節目主持~~一放入口就話好好味~~
HAHAHA~~味皇再現啊~~由CA姐姐既眼神可以睇得出佢仍然心深不忿~~一路食仲係度一路諗~~
大家食飽之後就去左朗豪坊度行啦~~其實去咁多次都係去無印既者~~豪哥哥話想睇衫~~
唔係掛咁快又轉工啊~~搞到好似好易搵工咁喎你~~HAHAHA~~行完朗豪坊陪佢睇左陣NOTEBOOK~~
咁豪哥哥就走啦~~咁早就眼訓啦~~咁我同CA姐姐就繼續行旺中啦~~依個時候二佬無拉拉打黎~~
原來佢今晚約左大佬去鼓房啊~~仲叫我去陪佢TIM~~原來大佬遲到未到~~咁"怕羞"既二佬~~
就唔好意思面對住阿櫃台姐姐啦~~唉~~我上到都係我幫佢借鼓棍~~你真係啊~~要大膽D麻~~>.<~
大佬黎啦~~真係好耐無見過你依兩位哥哥啦~~元祖狂歡三寶大集合啦~~HAHAHAHA~~^^~~
大佬二佬打鼓~~咁我同CA姐姐就係度拉小提琴啦~~好耐無拉啦~~後黎二佬要我搵歌比佢打~~
咁唯有打住我電話入面有既鈴聲先啦~~二佬打ENDLESS RAIN都唔差~~不過令佢重拾自信既....
點都係ITSKANO~~佢重諗住挑戰白河愁TIM~~果然係勇氣可嘉啊~~大家打到咁上下就肚仔餓啦~~

頭先打到愛與誠既時候~~搞到我好想唱K TIM~~大佬二佬問我想食咩~~我就梗係話不如唱貓頭鷹啦~~
佢兩個即刻係度講話睇下你個細妹比D損友教到幾壞~~HAHAHA~~咁又係啊~~有CA姐姐依D壞女孩~~
成晚二佬仲不繼咁玩CA姐姐~~之後二佬又有新既經典語錄啦~~真係激死我啦~~
大家食完就一齊搭小巴番觀塘~~送左CA姐姐之後我地三寶就一齊打的番屋企啦~~

>>November 28, 2004 at 9:24:54 AM GMT+8

2004 年 11 月 17 日 星期三 【晴】

今日又係勁FREE啊~~唉~~睇黎我地D咁既生活並唔係辦法喎~~
訓到十二點半KELLY就叫醒我啦~~咁我同細MAY就上左二樓工場玩~~其實都唔係玩既~~
只不過係運用公司資源做番D野者~~我搵到塊靚靚MICROFIBER布~~仲要係粉紅色家~~
咁我就用黎車左個MP3袋啦~~^^~~好靚啊~~仲好似櫻花咁~~令我諗起櫻木町啊~~呵呵呵~~
至於細MAY就用佢自己買番黎既布車沙袋~~我地真係好用到足~~連裁床都用埋啊~~
終於我既第一件製成品誕生啦~~原來MICROFIBER真係好難車家~~小芬我要向你致敬啊~~>.<~~
由於細MAY有太多袋要車啦~~所以一個LUNCH真係車唔晒~~唯有明天再車過啦~~

到左下午就更加過份~~^^"~~至從KELLY姐姐SEND左個有好GAME既網站比我地之後~~
大家就變左電視廣告入面個個"遊戲機"啦~~今日我就同細MAY一齊玩雙打TIM~~
就係玩番我同芬姐成日搵個個射波波啊~~真係玩到我同細MAY勁緊張~~
仲發生好多笑料TIM~~笑到阿曉死咁濟~~但D SUPPLYER都好唔識做羅~~依個時候先打黎~~
仲要全部都係搵細MAY既~~到最後連源大人都打黎~~我就夾住個電話一路打一路同佢傾啦~~
比阿曉笑TIM啊~~>.<~~打到六點幾到~~我地依班盡責既辦公室小姐就一齊走啦~~HAHAHA~~

之後就約左太郎仔~~但佢未放工咁我就去左新世紀上演孤獨逛街記~~不過都唔係好耐者~~
因為源源已經出左黎啦~~跟住等埋太郎仔~~我地三個就一齊去左食野~~
食完之後大家仲一齊行街TIM~~不過太郎仔實在太多口啦~~搞到人地面仔紅紅TIM~~
講咩厚啊~~不如一齊去見下仲好啦~~^^"~~但去到既時候厚哥哥已經唔係度啦~~真係激死啦~~
行到好眼訓~~大家就去左MANDY度坐~~唔知點解依排MANDY唔係度既~~唔通無做~~@.@~~
今日出左食野啊~~芒果芝士蛋糕其實只係普通既芒果蛋糕~~被騙啦~~>.<~~
不過食埋我地就走啦~~要趕尾班車~~HAHAHA~~~

P.S.佢兩個同時出現真係....HAHAHAHA~~飛不起的鳥係一首好好聽既歌黎家~~

>>November 27, 2004 at 9:55:45 AM GMT+8

2004 年 11 月 16 日 星期二 【晴】

今朝起身簡直係耳猶未盡啊~~琴晚都真係幾乎訓唔著啊~~太正啦~~但今日就要番工~~太慘啦~~
不過都好彩今日時間過得好快~~但係就好似唔多出到聲羅~~唉~~不過都係抵睇家~~HAHAHA~~
昌哥又再次唔係度啦~~我地梗係再次作反啦~~我今日訓左好耐啊~~由十一點訓到十二點半~~
其間仲發左個好恐怖既夢~~都唔知點解會夢到佢兩個~~真係嚇死人~~夢入面佢仲要喊緊TIM~~

係就快放工個時細MAY問我去唔去街~~唔早講~~已經約左人啦~~下次再同你行街街啦~~
點知依個時候~~太郎仔都打黎問我出唔出街~~佢今日可以早走啊~~但都係去唔到~~
放工之後真係超緊急啊~~要係七點前去到北角搵CA姐姐羅數碼相機~~然後再落中央圖書館搵源源~~
點知去到北角CA姐姐竟然好似見唔到我~~佢係度聽緊歌~~完全無反應~~唔通聽緊UNCLE TOSHI~~@.@~~
HAHAHA~~CA姐姐仲讚我好好學TIM啊~~依樣就梗家啦~~你見我屋企咁多"嬴"你就知啦~~

終於都去到天后啦~~本來一直行就係中央圖書館家啦~~但點知我地一路講野一路行~~
行到過晒都唔知~~好彩後來見番個時同芬姐姐行過個條樓梯先記得係邊度~~^^~~
順利入到圖書館啦~~咁就分頭搵書啦~~我其實都無乜特別野想睇~~淨係想睇下有咩新書者~~
源源就想搵D關於軍服既書~~後黎都比我發現好野~~係杜哥哥既"小明星"啊~~
其實都想搵下有冇咩小說好睇~~但最後都係無收穫~~同埋借左一本"園丁"~~好似幾好睇咁~~
源源就搵唔到佢想搵既書~~咁就唯有上藝術圖書館睇下啦~~一上到去~~大家都好靜啊~~
不過真係好多正野~~我仲搵到一本我中一個時睇過好歡喜既書啊~~^^~~
後黎源源都係決定轉行做旗袍~~好啊~~依樣都唔錯啊~~最重要係有好多資料~~
可惜唔可以借走~~睇黎要搵地方進行偷影大行動啦~~不過九點啦~~要關門啦~~

一出到去好鬼凍~~又要諗食咩啦~~咁凍梗係去火合下火合下啦~~行左好耐見到有兩間~~
個兩個姐姐爭客幾乎搞到打架咁濟~~後黎有個哥哥話惡D個個阿姐好味D~~咁我地咪上去羅~~
係臨入去之前先知原來個個哥哥係做妹家~~係外面望間野~~成間黑店咁~~所以我地即刻轉啦~~
就上左二樓善良D個個姐姐度~~其實都唔係貴好多者~~但睇落地方就好好多啦~~不過最慘係唔送野飲~~
所以我地就自己買野入去啦~~好彩買柚子綠茶入去咋~~原來個度只可以叫佢地有既野飲~~
咪就係全個道地既系列羅~~都幾正家~~真係任食啊~~D野食仲好多TIM~~不過...抵就梗係有代價啦~~
咪就係又會肥羅~~>.<~~唉~~食到咁上下CA姐姐打黎~~本來諗住叫佢一齊黎~~可惜佢要番屋企啦~~
食飽之後我地就歸家啦~~真係慘~~番到去都唔可以即刻訓TIM~~--___________________--"~~

P.S.今日又用唔到世貿D幣啦~~已經差唔多成半年啦~~唔知幾時先用到呢????

>>November 27, 2004 at 9:39:22 AM GMT+8

2004 年 11 月 15 日 星期一 【晴】

今日心情超好啊~~簡直係無乜心機做野啊~~因為今晚要去睇LOVE PSCH既LIVE啊~~^^~~
YEAH~~終於都有得睇啦~~勁開心啊~~搞到成日做野都好似提唔起勁咁~~正啊~~HAHAHA~~
KELLY阿曉同細MAY問我今日LUNCH想食咩~~我初頭以為佢地想食車仔麵~~點知.....
原來佢地想食元氣~~好啊~~大家就係咁一齊去食啦~~不過都唔可以一次過走晒既~~
十二點五十分阿曉同KELLY就去左搵位先啦~~咁我同細MAY就一點先走~~點知李生係依個時候黎左~~
原來佢話自己放假喎~~所以想黎請我地去食LUNCH~~咁你又唔早D講~~不過唔緊要啦~~
要同你地D大人物食~~我寧願得我地四個食啊~~^^~~跟住我同細MAY就起程啦~~
HAHAHA~~我可愛既炸蝦壽司啊~~真係食咁多次都係咁好食~~今次元氣仲有出到新野啊~~
係帶子啊~~我同細MAY就叫左一碟~~阿曉好想知好唔好食~~就叫細MAY試下~~點知點左太多啦~
搞到答唔到阿曉既問題~~咁就唯有等我黎試下啦~~阿曉問有冇鮮味~~我就真係食唔出啦~~^^"~~
食飽之後大家就買朱古古新地做甜品~~仲買一好多O茶~~阿曉話以後每飲一包就放三蚊去BB度~
咁睇黎我會放好多啦~~HAHAHA~~跟住經過報攤大家就夾份買雜誌~~越黎越似OL啦~~~
番到公司大家做下野傾下計~~咁就六點啦~~真係快樂不知時日過~~不過今晚我係點都唔會OT~~
話晒張飛咁貴喎~~>.<~~如果係柚柚既話~~睇黎我唔番公唔番學都會去啊~~HAHAHA~~

放工就約左曉盈同RAY哥係BODY SHOP度等~~佢地未到咁我就去信和度行陣啦~~
聽到播LOVE PSCH既歌啊~~正啊~~好緊張啊~~好想快D去啊~~HAHAHAHA~~
見到RAY哥啦~~但就未見到曉盈~~又遲到啦佢~~RAY哥一見到我就係咁研究我件新衫~~
佢講左個好問題~~點解針織咁難整但就賣咁平~~梭織咁易就賣咁貴~~我都唔知點解~~
所以都唔好問我點解~~HAHAHA~~曉盈係依個時候出現啦~~陪佢去換對鞋~~
跟住我地就去食少少野啦~~都唔少家啦~~走左去食越南野~~一路食RAY哥已經表現得好雀躍~~
梗係啦~~係期待已久既小KUME同小NORKI喎~~但佢就食完都唔肯走羅~~因住後悔啊你~~

話咁快就後悔啦~~場LIVE八點開~~但八點我地仲係旺角~~係咪呢~~之後就搞到好趕頭趕命啦~~
我終於都見到咩叫小樂迷啦~~HAHAHA~~好大個人辦係面前~~真係嚇親我同曉盈啊~~
放心啦RAY哥~~你未到小KUME同小NORKI都唔會唱住既~~之後一到站就大家一齊飛奔啦~~
有人係電梯面前阻住~~RAY哥即刻好惡咁叫人走~~@.@~~唔駛咁激動喎~~我同曉盈驚比人打家~
去到會展~~兜黎兜去終於都上到去啦~~估唔到仲要查袋~~RAY哥就比人搵到個樽要丟左佢~~
算啦~~無理由為左十幾蚊既樽~~唔去睇四百九十蚊既飛掛~~HAHAHAHA~~入場啦~~
真係好多人~~以為會爆啦~~點知比我地見到有一行得一個OL坐係度~~仲有好多西裝友啊~~
大家一齊係度等~~等到差唔多九點先開始~~一開始我同曉盈都見到D估唔到既場面羅~~呵呵呵~
跟住我仲打比CA姐姐諗住可以比佢聽下現場~~點知佢都係聽唔到~~太郎就打唔通TIM~~
曉盈同RAY哥就羅埋相機同電話出黎盜錄~~HAHAHA~~你地真係啊~~不過真係好鬼正~~
雖然貴左D~~係肉痛D~~但係都係值家~~話晒只演一場~~至於點樣正法真係好難打出黎~~
依D咪就係非筆墨所能形容羅~~^^~~最後一首歌之後~~NORKI話NEXT YEAR再見~~
你唔好水我啊~~我等你明年家啦~~HAHAHA~~下次真係要再早D買飛先得啦~~

睇完之後~~我地去左茶餐廳坐陣~~唔得啦~~隻腳勁酸~~把聲又沙晒喎~~但個間野都幾好味家~~
尤其係個拿破崙~~正啊~~我地坐左陣就走啦~~要番屋企啦~~今晚大家簡直係瘋狂啊~~YEAH~~
X~~去感覺~~X~~去叫喊~~X~~拋棄一切~~如果係睇X我諗仲癲~~不過可惜無機會啦.....嗚~~

>>November 24, 2004 at 5:52:47 PM GMT+8

2004 年 11 月 12 日 星期五 【晴】

今日係長週啊~~琴晚咁夜先番到去~~今日又要咁早番喎~~真係大穫啊~~
最慘既係曉曉同埋細MAY下午都唔係度啊~~都唔知點算啊~~會好悶家~~
點知昌哥出現左~~唔係掛~~我寧願佢唔係度啊~~搞到唔可以開歌聽TIM~~仲要得我地兩個~~
不過聽曉曉講原來佢今日生日~~唔係掛~~咁仲唔快D去同屋企人過生日~~唉~~
好彩下午大李生突然出現~~都算係咁啦~~不過佢地兩個又邊會有D好有趣既話題啊~~
咪又係講下邊隻股票~~唉~~真係悶死我啦~~正當大李生要走之時~~好野就快六點啦~~
我已經急不及待要執野走啦~~點知昌哥係依個時候先至話要落一落街~~唔係掛~~
係就放工既時候~~就係咁~~所以我就搞到遲左十分鐘先走啦~~>.<~~

今日約左CA姐姐換季啊~~就係撘車既時候~~源源都有打黎~~好可惜話太遠所以佢就番左屋企啦~~
咁我同CA姐姐就去左荷里活啦~~大家其實都係自在行既者~~買唔買到都無所謂~~
我地行左好多地方~~不過都係食左野先啦~~點知一食就傾左好耐啦~~都唔知點解咁多野講~~
跟住就繼續行啦~~嘩~~見到一件好歡喜既衫~~可惜價錢亦相當尊貴羅~~@.@~~要諗諗先至得~~
睇黎今年都可以行柯南LOOK啊~~^^~~之後我就見到一件有兩隻貓同一件有好多貓既~~
到底要邊件好呢~~之後去到一間簡直係大出血啊....CA姐~~買一件無折~~兩件九折~~三件八折~~
梗係買三件啦~~所以CA姐姐就買左一條褲同一件褸~~我都買左件褸啊~~仲有少少突破既TIM~~
不過真係好好彩啊~~個人計左六折比我地啊~~好野~~好野~~買咁少都仲有得平~~

買晒野咁就梗係要去打番鋪機啦~~其實我覺我地似係為左打機羅~~想快D買完就去打機~~
HAHAHAHA~~打完機就真係要番家啦~~話晒財散人安樂啊麻~~^^"~~

>>November 24, 2004 at 5:09:15 PM GMT+8

2004 年 11 月 11 日 星期四 【晴】

今日昌哥照舊唔係公司~~正啊~~HAHAHA~~所以我都做左一個好員工既表現~~
一放工六點過少少就走啦~~HAHAHA~~今日約左同源源去買衫~~第一個景點就梗係去波鞋街啦~
真係諗到頭到爆啦~~要一次過諗晒成SET都有點兒哪個啊~~唉~~所以大家都係行下先~~
跟住上到一間樓上鋪~~嘩~~~全部都係T-SHIRT黎家喎~~冬天點著啊~~不過就發現左D好迷人既野~~^^~~
個樣咪就係迷人既紫色羅~~件紫色衫真係超靚啊~~但係.....源源著我都覺得有點兒大件~~
HAHAHA~~我諗比我做裙就差唔多啦~~^^"~~跟住見到既配答就彷如一棵樹~~HAHAHA~~好啊~~
所以到最後都係無買到~~出到門口先至發現一樣野~~@.@~~HAHAHAHAHA~~~

跟住都係睇番鞋先~~點知係睇鞋既途中發現有人賣冷喎~~咁就梗係去睇下啦~~
今年D色都唔錯家~~唉~~不過如果某D人記得咁就好啦~~有人話織比我織左成年都未見到條冷~~
都岩既~~要成條DIY~~梗係要由紡紗開始家啦~~呵~~但我地都係無買到~~跟住又上多次個間鋪啦~~
諗諗下不如去聯合啦~~反正又唔係好遠者~~去到既時候梗係第一時間去雜誌鋪啦~~
太郎仔見到我地好驚訝羅~~HAHAHA~~之後我地就去左必去既地方啦~~都係無乜收穫~~
最後就梗係去埋新世紀啦~~乜都唔好放過啊麻~~^^~~其實依度會多D羅~~
跟住去左HOSO~~真命天子終於出現啦~~睇左咁多對鞋都係依對好D~~但價錢都係多麼地尊貴~~
真係要好認真地諗下~~既然係咁~~不如去食左野先啦~~一要諗野肚仔就會自然餓家啦~~
我地就去番老地方食野啦~~跟住就再戰新世紀啦~~雖然係個度兜左好多個圈~~
兜到SALES都認得我地都係無買~~太尊貴啦~~但就買左件衫~~係有兩"解"家~~^^"~~

係離開新世紀之時~~太郎仔突然打黎~~原來佢放工啦~~佢問我地兩個仲係唔係度~~
咁佢就黎左搵我地啦~~佢兩個一見面就超搞笑羅~~係咁讚對方靚仔左同靚女左之後~~
就不斷係咁搞對方~~今日係難得一次我可以置身樹外家~~但好可惜羅~~只係維持左一陣~~
當太郎仔再搞源大人既時候~~源大人就搞番我轉頭啦~~嗚~~關我咩樹啊~~仲搞到阿西TIM~~
唉~~真係可憐啦~~既然大家都諗唔到去邊既話~~咁不如去番MANDY度啦~~不過去到先發覺....
MANDY今日唔係度啊~~好少呵依個鐘數唔見佢家~~我同太郎仔兩個一齊食芝士蛋糕~~
無樹既~~只不過係兩個人食一個之麻~~源源一個人食晒都無野啦~~HAHAHAHA~~
唔知點解今日播既歌都係我同太郎仔成日會唱既歌~~好耐無唱K啦~~下星期一齊去啦~~

食飽之後我地就去左打機啦~~不過太郎仔打左一陣就走啦~~唔緊要啦~~下次再玩啦~~
但我地就打到關門羅~~都唔知點解打親BOMB MAN~~隻BOSS都係咁鐘意跟住我既~~太過份啦~
仲要成日想走都走唔到~~唉~~今日玩百萬大問答~~第一次玩到季冠軍啊~~HAHAHA~~
玩完之後我地就去仙踪林飲野啦~~個度D哥哥就真係幾過份羅~~明明見到都扮見唔到喎~~
搞郅等左好耐先至可以叫野飲~~今日終於都見識到咩叫斗雞眼啦~~@.@~~我就真係整唔到啦~~
之後講起某D野~~仲攪到唔小心噴左D標標加小司綠茶出黎TIM~~真係失禮晒~~
不過好彩無噴到對面個位者~~唔係就以後都唔駛噴啦~~HAHAHAHAHA~~
飲完之後大家就各自回家啦~~明天仲要番工啊~~>.<~~不過無計啦~~為了四人一房啊~~^^~~

P.S.源大人~~唔係個個TOILET都去得家~~有D要比錢家....

>>November 18, 2004 at 9:20:16 AM GMT+8

2004 年 11 月 11 日 星期四 【晴】

測驗一 : 你的金錢觀如何 ?
>
> 選 A菠蘿面包 的人
> 只要哪里有便宜好康,或是有什麼俗擱大碗的東西,找你就對了 !
>
你天生就是小氣家族忠實支持者,能不花自己的錢就可達到最大滿足,是你一生追求
的目標 .
>
> 選 B奶酥面包 的人
> 你對於金錢的概念就像亂成一團的毛線,很難理出一個頭緒來,理財對你來說
,
>
簡直是痛苦至極,自己有多少錢,你從來沒搞清楚,反正只要今天口袋還有錢管它明
天會怎麼樣 .
>
> 選 C牛角面包 的人
> 該用則用,當省則省,你對於自己的經濟狀況蠻了解的,如何在每個月的支出和
收入
之間取得平衡,是你對自己的要求,對於理財也小有概念,有計劃的花錢,讓你的生活一直
在水準之上 .
>
> 選D起司面包 的人
>
你的品味不錯,算是一個注重生活品質的人,在你的生活哲學之中!,精神的滿足會比
金錢的付出來得重要,雖然不至於揮金如土,但確實不太在乎金錢的支出,一切花費的原
則都是 : 開心就好!
>
測驗二 : 你有同情心嗎 ?
>
> 選 A眼睛流血的骷髏頭 的人
>
你的個性十分堅強獨力,非常受不了別人動不動就哭哭啼啼的模樣,你覺得無論是
發生什麼天大的事情,最後都會有解決的辦法,每一個人都要對自己負責,實在沒有什麼
好同情的 .
>
> 選 B滿臉膿包的水怪 的人
>
你就是心太軟,情丰富,聽到一段感人的故事就會落淚,看到小動物受傷就會難過,你
是一個有愛心有同情心的人只要別人有難,你一定盡全力幫忙,可以去參加好人好事代表
了
>
> 選 C凸眼長舌的妖怪的人
>
你對於表現同情心的分寸拿捏的很好,絕不愿意當爛好人當有人真的需要你幫忙時,
你會義不容辭的付出,但若是助紂為虐的幫忙,你就會抵死不從,很有原則 !
>
> 選D流膿暴牙的禿頭虫 的人
>
你也是一個有同情心的人,不過要和你很熟的人才了解你的真性格,因為你平時看起
來冷冷的,說話很直接,有時傷到別人的心都不知道,說具體一點,!
就是嘴硬心軟,明明
熱心助人,嘴裡卻死不承認...

>>November 13, 2004 at 4:29:10 PM GMT+8

2004 年 11 月 11 日 星期四 【晴】

>測驗一:
> 你經過面包店的門口 ,
> 面包店里新鮮的面包剛剛出爐 ,香味四溢 ,
> 以香味來判斷 , 你覺得是哪種面包呢 ?
>
> A . 菠蘿面包
> B . 奶酥面包
> C . 牛角面包
> D . 起司面包
>
> 測驗二:
> 這是一個令人難忘的玩具城 ,
> 因為里面有讓人看過一次之後 ,
> 就會吐到不行的恐怖玩具 ,
> 在這些玩具當中你覺得哪個最讓你想吐 ?
>
> A . 眼睛流血的骷髏頭
> B . 滿臉膿包的水怪
> C . 凸眼長舌的妖怪
> D . 流膿暴牙的禿頭虫

>>November 12, 2004 at 1:58:02 AM GMT+8

2004 年 11 月 10 日 星期三 【晴】

今日係JAN姐姐既牛一啊~~恭喜恭喜~~不過正日都輪唔到我家啦~~所以呢~~
都係等下次先同你補祝啦~~呵呵呵~~今日昌哥都仲未番到黎~~所以我地四個又係好FREE咁~~
係公司度悠悠閒閒咁渡過~~KELLY依D打機女王~~梗係成日係度無停手啦~~HAHAHA~~

到左下午~~我地突然諗起可以將部MP3插入部電腦度聽歌喎~~咁就急不及待啦~~
我同細MAY加KELLY研究左好耐~~終於開到個USB度門啦~~入到歌啦~~真係入到歌啦~~
咁就梗係要即係搵個"小懶貓"出黎聽啦~~正啊~~音色雖然麻麻~~但能夠一路做野一路聽歌~~
都幾有種賓至如歸的感覺~~HAHAHA~~今日聽到收工啊~~如果日日都可以咁就好啦~~

放工之後就約左源源去新之城~~要去睇佢對鞋~~睇黎都幾難揀喎~~>.<~~
之後本來行都無行度~~今晚要番學啊~~HAHAHA~~所以我地都係番葵芳啦~~
去到葵芳先至睇啦~~見到米老鼠既衫但係就睇唔到條褲~~跟住我地就去左食小丸子~~
好似以前番學咁~~一放學就去葵涌廣場度食野~~食飽之後就番學啦~~今晚要畫畫啊~~
唉~~畫左咁多堂仲未畫完啊~~HAHAHA~~^^"~~不過都好彩~~時間過得好快啊~~
畫左無幾耐就落堂啦~~今日終於見番阿花啦~~佢好多堂都唔係度啦~~仲以為佢退左學TIM~~
今日仲識左個姐姐叫阿清既TIM~~佢係咁講好想睇姐卵既演唱會~~原來佢對演唱會都幾有研究~~
真係比得上芬姐姐啊~~芬姐姐依D簡直係演唱會既新寵~~逢演唱會必到啊~~HAHAHA~~

放學之後我就陪左佢地成班去食晚飯~~有CINDY~~翠兒~~利桔~~RAY~~JACKY~~同埋班長~~
真係多人啊~~不過個個都掛住睇爭分奪秒~~但我好想睇永恆國度羅~~唉~~--_____________--"~~
之後我同利桔就先行離席啦~~要羅布辦比源源~~跟住大家就一齊走啦~~好眼訓啊~~
但仲有第二場~~唔緊要~~為左你地我會捱下去的~~一去到坑口就見到有人夾道歡迎啦~~
KAR嘟同埋雪兒姐姐~~好耐無見啦~~依個世界真係細~~點會估到我既中學FD會係番工既時候~~
識到我小學個FD啊~~今日仲可以三個一齊去食糖水TIM~~呵呵呵~~係去既途中仲有D小插曲TIM~~
HAHAHA~~九龍城合成糖水同埋西貢滿記啊~~HAHAHAHA~~但我地唔係去依兩間~~我地係去.....
座落於坑口站同將軍澳醫院中間~~近西貢背山面校既坑口村....前面既洞蜜園~~但係無慈姑家~~

依度既炸蘿蔔糕好好味~~搞到我地一食就食左兩碟~~對唔住BIBI啦~~>.<~~但KAR嘟就係咁話想食多舊~~
我地又再次用番以前個招啦~~HAHAHA~~好耐無用啦~~成功咁有多幾舊~~但磅數亦成功增長~~
雪兒姐姐見到都好嚇親~~HAHAHA~~你見多幾次就慣家啦~~真係好開心~~可以一次過見到你兩個~~
如果可以見埋JESSIE~~CATHERINE~~同埋甘爺就更加好啦~~不過甘爺就好彩D~~係佢生日前十五分鐘~~
我地係坑口站相遇~~HAHAHA~~下次有幾會既話一定要黎我家啦~~你地都講左成年啦~~HAHA~~

>>November 14, 2004 at 3:25:46 PM GMT+8