2004 年 12 月 17 日 星期五 【晴】

琴晚玩到咁夜~~唔係~~應該話玩到咁早~~本來應該訓耐D既~~
但今日要同源源去GAME 展~~本來我地話要去做頭五百個羅個福袋既~~
點知最後我地兩個都訓唔知醒~~差唔多十點幾先去到~~不過入到場都幾失望羅~~
今年個場細左好多~~又好似無乜野好睇喎~~所以都唔知行邊度先~~
排隊打機既又勁多人~~不過都有D新GAME我好想玩~~我諗最有野睇都係COSPLAY家啦~~
因為要估下COS邊個啊麻~~好多人COS中尉啊~~不過都係一般啦~~

行到十二點我地就走啦~~跟住我地就諗住行番去銅鑼灣搵野食~~
途徑有間GAME ZONE咪入去睇下羅~~點知有源源好想打個部機~~放既位置仲要唔係好揚TIM~~
不過最後都係無玩度~~跟住我地去左吉野家度食野啦~~利桔大王依個時候打電話黎~~
原來佢同RAY~~JACKY~~CINDY~~翠兒今晩去睇相~~問我去唔去~~HAHAHA~~
梗係唔去啦~~又無錢又眼訓啊~~吃飽我地就去左世貿打機~~行埋一八八就番屋止啦~~

今日竟然會五點前番到屋企~~我都好驚訝~~但係我一番到屋企就訓著左啦~~真係勁眼訓~~
原來二佬佢地都仲未起身~~睇黎大家都元氣大傷啊~~>.<~~

>>January 3, 2005 at 8:47:07 AM GMT+8

2004 年 12 月 16 日 星期四 【晴】

經過幾日既努力~~源源份終於好華麗+優美地完成~~好野~~好野~~我可以訓啦~~
所以今日由九點到十二點都係公司度訓~~多謝阿曉KELLY同細MAY仲幫我截住D電話~~
梗係啦~~好夢正甜~~切勿打擾啊~~>.<~~就係咁~~我就係公司好舒服地訓左一個早上啦~~
下午開始就梗係要博殺番啦~~我要即刻加入番大隊做解迷者啊~~大家今日都搵到好多線索~~
終於係番工之時解開晒解迷者一至八~~好開心之餘但又有點兒失落~~話晒三位主角陪在我地咁耐~~
有三個星期啦~~而家淨係爭古堡幽靈四未解開~~不過依D GAME始終都係一齊玩先開心~~
大家可以一齊搵到唔同既新線索啊麻~~^^~~多謝依三位主角陪左我地三個星期啊~~

放工之時大佬打比我話今晚去唱K~~今晚好齊人啊~~有大佬~~二佬~~尊貴的人~~肥姐姐~~FEVER(肥姐姐既妹)~~紫嫦(尊貴的人既妹)~~煜兄~~RACHEL(煜嫂)~~爭依莉姐姐同基爺~~
咁孫田陳羅四家人就全部集合晒啦~~但係我放工放六點~~佢地就話十一點先去~~
我點係旺角捱咁耐~~不過都無計~~好彩旺角有大眾書局者~~咁我就去左個度睇書~~
睇到咁上下~~二佬就打比我啦~~佢話佢要去葵涌廣場買野~~問我去唔去~~梗係去啦~~咁悶~~
二佬駕住佢架愛車黎油麻地接我~~問佢去葵涌廣場買咩~~佢竟然話肥姐姐鐘意食蜜蜂糖~~
所以去買~~唔係掛~~蜜蜂糖周街都有啦~~但佢話得個度賣既先係正版~~HAHAHA~~你都得家啦~~

買完糖我地就去翠屏接FEVER~~原來二佬都有玩紅色房~~藍色房同綠色房家~~
不過佢就連紅色房都過唔到~~--___________________--"~~仲相約下次一齊玩魔法泡泡TIM~~
FEVER今晚好得啊~~著晒短裙~~原來今晚十二點係佢生日~~而更殘酷事實就係叫佢去可以免一個人頭費~~
好殘啊你地~~我地去接埋肥姐姐就去綠盒啦~~但肥姐姐未入房就已經唔惦啦~~
入到房就淨係係度訓~~我地一入到去~~我同FEVER就勁點歌~~因為我知煜兄佢地都唔會唱家啦~~
不出所料~~一入房就叫酒~~咁我同FEVER就好似陪唱咁~~羅住支咪都無停過~~
二佬就睇住肥姐姐~~其餘一干人等已經癲晒咁濟~~唉~~煜兄仲話我係最抵個個~~HAHAHA~~~
梗係啦~~猜極都輸~~不過睇住佢地癲可以聽到好多料~~呵呵呵~~仲好好笑TIM~~

今晚我地狂歡三寶第一首合唱既歌竟然係耿耿於懷~~佢兩個仲要係爭咪唱TIM~~
兩個有咩咁耿耿於懷啊~~心寒依首歌都唔駛多講啦~~我地三兄妹必唱既飲歌~~淨有福氣唱唔到~
跟住我地搵柚子既歌~~呵呵呵~~好開心~~有好多啊~~第一首梗係要唱青啦~~
男子漢既歌啊~~可惜個MV係加拿大國家公園啦~~二佬仲話個男主角係AV黎既TIM~~@.@~~
跟住咪就有戀之歌謠日同虛空啦~~二佬肯定係有練過先黎唱既~~勁啊~~
後黎玩到差唔多六點我地就走啦~~因為我依個伴唱唱左成晚~~佢地就飲左成晚~~
臨走既時候~~肥姐姐終於都醒啦~~佢竟然比幾舊水黎訓~~HAHAHA~~
好彩今晚佢地有車出黎者~~不過坐煜兄車就真係搵命博啦~~THX GOD~~我仲可以係度打日記~~

>>January 9, 2005 at 8:58:04 AM GMT+8

2004 年 12 月 15 日 星期三 【晴】

依排係公司我同KELLY~~阿曉同埋細MAY~~沉迷上隻GAME~~就係古堡幽靈同埋解謎者~~
依兩隻都係個三個人物做主角既~~好玩程度我地比到十分TIM啊~~因為依隻GAME~~
我地本來係昌哥唔係度個時先玩家~~到而家即使佢係度我地照玩~~HAHAHA~~
其實至從上次紅綠藍房之後~~我地就迷上依類GAME~~綠房我為左超渡副白骨~~頭都暈啊~~
細MAY就話覺得我地依家整到公司好似係一間網吧咁羅~~四個人用電腦都唔係做緊公司野~~
仲要四個人都上同一個網玩同一隻GAME~~HAHAHA~~咁都唔錯啊~~鬼叫公司真係悶到無野做咩~~

終於聽到咭鐘響起給愛麗絲啦~~大家都好準時地一齊離開公司~~
源源今日出左黎旺角睇牙~~今晚就係佢份旗袍既LAST DAY啦~~雖然依兩日不斷動用公司資源~~
幫佢整份野~~但好可惜今日昌哥全日都係度~~搞到整到好鬼祟~~^^"~~
回合左之後我地就去左花園餐廳食野先~~肚仔好餓啊~~食完晒之後~~我地係以最快既速度~~
係花園餐廳開工啦~~好彩係坐卡位者~~我地一路畫周圍既人就一路望~~
其實都無諗過佢件旗袍要點畫~~大家越諗就越離晒譜~~搞到件旗袍好似小林幸子裝咁~~^^"~~
HAHAHA~~都唔係既~~咁樣都証明大家係有創意者~~真係好耐無話過FIG啦~~
今次都算係畫得唔錯啦~~話晒我係唔會露短既~~件旗袍就梗係露D畫到既~~遮D畫唔到家啦~~

畫到十點幾都未畫完~~仲有好多野都未做TIM~~但花園又要打烊喎~~咁就唯有搵過第二地方啦~~
一諗就諗到CAFE啦~~就去番上次同EDITH馬丁哥去個間伊甸園~~依間野環境簡直一流啦~~
因為去親都無人幫襯既~~次次都係得我地去~~唔怪得咁好服侍啦~~
我地今次坐搖搖椅~~一話唔夠光就羅晒燈黎~~睇黎依度將會係趕功課既好地點~~
畫到肚餓仲可以落樓下買蛋糕食TIM~~不過買到上黎~~D人就同我地講原來佢地都有蛋糕賣家~~
我一路畫源源就刪佢篇講稿~~梗係啦~~D字多到七彩~~唔刪我諗都要有排先會講完~~
大家整下傾下好快又到左打烊既時間~~初頭仲諗住可以兩點整完~~點知最終都係要搞到三點~@.@~
之後仲好快趣咁排一次TIM~~番到屋企仲有手尾要執~~不過算啦~~其實今晚都預左要通頂家啦~~
好彩明天昌哥唔係公司~~可以係公司由朝訓到晚啦~~呵呵呵~~^O^~~

>>January 3, 2005 at 7:06:42 AM GMT+8

2004 年 12 月 12 日 星期日 【晴】

今日上堂真係麻煩啊~~又要人即堂交野~~但又唔夠機用喎~~
所以最後就同岑健勳講好左~~第二日先交比佢~~咁我陪利桔同RAY哥吃埋手卷就走啦~~
約左芬姐姐去九龍城食泰國野~~但係個衰婆約我九點半竟然遲到~~好彩米華姐姐住附近~~
所以我就去左米華姐姐屋企度坐啦~~米華媽唔係度~~得米華姐姐一個咋~~

我地係度傾計同埋睇電視~~米華姐姐仲請我飲野TIM~~係柚味既野~~
正當大家講到興高采烈既時候~~太郎仔突然打黎~~我同米華姐都好驚訝~~
我唔係米華姐屋企既時候太郎仔都唔會打黎喎~~HAHAHA~~太郎仔係咁同米華姐講靜書同承俊哥~~
之後就梗係華米妹同XX哥啦~~但當太郎講到自己同西村先生既時候就即刻變左做靜書啦~~
好彩太郎唔係四方城者~~唔係就真係"淨輸"啦~~同佢講起我班有個貌京既人~~
雖然佢貌不驚人~~但夠晒貌京咪得羅呵~~呵呵呵~~講到差唔多十一點~~
芬姐姐終於打黎啦~~遲咁多~~幾乎講到都唔記得係約左佢TIM啊~~

就係太郎仔好不願意地~~我地就收左線啦~~之後我同芬姐姐就去左一間叫泰國美食既地方~~
依度就係米華姐介紹個度啦~~我地叫左四五樣野食~~真係幾好味喎~~好正啊~~
不過就真係好肥啦~~仲要咁夜先食~~依次大穫啦~~依排個個都話我肥左~~唉~~
但都無計啦~~有人遲到麻~~仲要咁死好食喎~~>.<~~食左先算啦~~
不過估唔到食下傾下咁就十二點幾啦~~可能因為大家係講起小姐既關係掛~~
吃飽每人埋單都係五十幾~~之後芬姐姐仲未夠~~仲走左去買雞腎同糖水TIM~~

九龍城果然係泥足深陷既第一首選啊~~跟住我地就去搭車啦~~可惜既就係交通唔方便~~
芬姐姐等左一陣就上到車~~我就有排等~~仲要走左架去到坑口既車~~
搞到要坐架去到寶琳既車~~又要行啦~~不過都好既~~咪當食完運動下羅~~
幾經辛苦~~終於都行到啦~~源源依個時候打黎~~原來佢岩岩先訓醒~~@.@~~
由琴晩訓到今日成日都無醒過~~連學都無番~~厲害啊~~竟然打破芬姐"沉睡昏"既美譽~~
睇黎連利桔大魔王都超越啦~~不過都係唔公平~~佢一起身就話要食野~~食飽仲諗住再訓~~
我食完就有排都唔訓得~~我諗都係要坐係度發呆家啦~~--__________________________--"~~

>>December 24, 2004 at 3:17:28 AM GMT+8

2004 年 12 月 11 日 星期六 【晴】

今日有一個好艱鉅既任務~~就係要挑戰TYPING OF DEAD既極限~~
係四個鐘頭內幫源源打晒D旗袍資料~~本來BOOK左中央部機三點~~但最後我三點先到~~
源源就直頭要遲到TIM~~咁我就唯有睇住書先啦~~好耐都無去過圖書館睇書啦~~
所以第一本唔好揀D咁難既~~好好彩就搵到本講動漫畫既評論書~~

睇左一陣源源就黎左~~不過佢竟然話佢自己打番先~~叫我睇下書~~咁我就番番去個度睇啦~~
好忙啊~~一路聽歌一路睇書仲要一路同芬姐姐CA姐姐SMS~~點知有個圖書館既人黎話我嘈~~
唔係啊~~打MSG同聽歌都嘈到你~~>.<~~睇到咁上下就番過去幫源源打字啦~~
打到都唔知原來坐左四個鐘~~一路係咁打~~隔離又有人望住啦~~唉~~無奈~~
後黎都未等到關門我地就走啦~~頂唔順啊~~真係人到癲啊~~

跟住就去左吉野家醫肚~~成日用腦搞到肚仔好餓~~但大家都無乜胃口食~~
因為一路食一路要睇資料~~真係激死我啦~~MANDY我恨你啊~~>.<~~
大家睇到頭都暈~~咁就去世貿抖下啦~~可能今日再次狀態不佳~~炸彈人竟然有種史無前例既死法~~
就係就夠鐘既時候~~手掣唔知做咩樹上唔到去~~入唔到出口而死~~
源源見到之後笑到收唔到聲咁制~~真係啊~~比佢用穿牆彈圍住黎炸又試過~~
比佢華麗既火力炸又炸過~~就係未試過咁史無前例既死法羅~~---_____________________---"~~
打完之後就玩TYPING~~經過今日既苦練~~好明顯係勁左啦~~HAHAHAHAHAHA~~
源源都有玩帶狗散步~~依隻GAME真係好耐都無玩過啦~~

玩完之後就去左許留山度買野飲~~跟住就番屋企啦~~唉~~今日又好似用左隻新香水咁~~^^"~~

P.S.今日係肥姐姐生日啊~~咁就唔叫佢肥姐姐啦~~佢係閃亮既螢火蟲啊~~@.@~~
真係開心死佢啦~~又有鏈又有野吃~~呵呵呵呵呵呵呵~~~^O^~~

>>December 23, 2004 at 3:52:36 AM GMT+8

2004 年 12 月 10 日 星期五 【晴】

今日放工之後無咩好做~~咁咪自己一個去左西九龍度行下羅~~西九龍都唔知做乜野~~
全層都係冷鋪~~仲有好多姐姐係度織野TIM~~唉~~年年都係我織比人~~
如果有人織比我就好啦~~HAHAHA~~跟住我就去左賣花茶個姐姐度~~點知佢生完就去左抖~~
依家係又第二個叫NANCY既姐姐看鋪~~佢都幾好傾既~~原來佢地個大大老細係叫EVA啊~~@.@~~

行到無野好行~~諗住搵米華姐姐食飯啦~~點知打到比佢~~反而係佢問我得唔得閑~~
原來米華媽唔小心跌親~~要入院啊~~咁我就即刻過去廣華啦~~見到佢地~~
就係急症室度等啦~~米華媽好不幸地比護士姐姐放係三煞位~~係一個見唔到我地同睇唔到電視既位~~
不過睇唔到都唔緊要啦~~做緊歡樂滿東華~~仲有連賤人車邊都沾唔想既物體~~
歌迷會邊度咁有錢啊~~九成係佢自己比家啦~~跟住我就出去幫米華媽買野吃啦~~
去到小食店見到頭先係醫院好煩個對情侶~~睇真D男個個可能係肥霖黎家~~
依個賤精先生原來仲係人世~~之後番到去原來米華姐同米華媽入左去見醫生啦~~
咁我就好彩有MP3機~~寧死不屈~~係度唔睇家啦~~後來米華媽要入院啊~~

跟住我同米華姐去左食少少野~~成晚未食過野啦~~之後就再同米華姐坐的去播道睇醫生~~
不愧係私家醫院~~真係好甘~~米華姐唯有同個大夫講下價~~睇下可唔可以食少幾日藥啦~~
搞掂晒之後就真係要歸家啦~~夜晚既九龍城好靜啊~~行左好耐先去到搭小巴~~
仲要走左家車~~搞到搭到去寶琳再行~~今晚好彩有你咋......................MP3機~~^^~~

>>December 22, 2004 at 8:21:45 AM GMT+8

2004 年 12 月 9 日 星期四 【晴】

今日放工約左CA姐姐去旺角羅衫~~AMY就結婚啦~~佢要做姊妹~~咁梗係要著得好好睇睇啦~~
去到旺中幫佢揀左幾件衫~~不過差D唔記得佢是一個好"完"既女孩~~所以都係搵埋祖安娜姐姐黎啦~~
祖安娜姐姐今日終於都見到我個頭啦~~可能耐無見~~我地一見就係到閒聊~~
好像遺忘了某位要揀衫的人~~終於我都不負所託~~幫佢揀到件衫~~後黎祖安娜姐姐話CA姐姐見到我時特別唔同~~
會特別多野講~~同埋串D~~嗚~~嗚~~祖安娜姐姐你終於都明白我平時係點比人欺負家啦~~>.<~~
話口未完~~CA姐姐已經講左句好串既野~~唉~~我對你真係心都淡埋~~--________________--"~~

既然係咁我就梗係中途離場啦~~七點幾我就過中央搵源源啦~~佢要趕MANDY份功課~~
可惜個度既書係唔可以借走家啦~~所以唯有發揮TYPING OF DEAD既力量~~
即場係度打啦~~可能圖書館太靜~~當我打字既時候~~隔離個哥哥用D好不屑既眼神望住我~~
有咩好望喎~~要怪就怪圖書館個KEYBOARD太嘈啦~~其實個哥哥玩CHAT ROOM又夠嘈啦~~
佢仲搞到比人話TIM~~打到九點度~~我地就走啦~~好肚餓~~所以就去左吉野家度食飯~~

食飽之後唔駛問就梗係去老家啦~~今日真係見到TYPING OF DEAD部機都驚啊~~
不過都係受唔到誘惑同源源玩左一鋪~~今日狀態唔係咁好~~可以用亂馬入面既一句說話形容~~
就係"絕叫"啦~~源源坐隔離我諗佢淨係聽到我係度大叫家咋~~>.<~~
本來想玩三弦琴家~~但有人霸住左~~之後想唱錢~~大野哥哥就唔比啦~~原來佢地要打烊啦~~
咁我地就去左許留山坐左陣就走啦~~嗚~~嗚~~嗚~~明天由要繼續番工啦~~加油~~^^~~

>>December 21, 2004 at 8:16:43 AM GMT+8

2004 年 12 月 7 日 星期二 【晴】

今日放工本來諗住去荷里活度打機家~~但係因為個度無咩好食~~咁我就趁依個時候去視察下先~~
但係個度真係百無羅~~即使去到都係搵唔到野食~~終於搞到入埋村都搵唔到~~
咁唯有番去荷里活度睇下有冇個部機啦~~睇黎我同源源都比阿西欺騙了~~個度根本就無個部機~~>.<~~
既然荷里活都無乜留戀~~咁就唯有番觀塘老家啦~~

依排好似成日都番去咁~~而且今日都係景福宮~~不過去之前梗係打番鋪機先啦~~
我地就去左隔離既金田~~本來都係諗住打一陣者~~點知一打就打左成個鐘~~勁啊~~^^"~~
跟住就上去啦~~不過今日真係唔係咁抵~~因為依個天涯俠醫既關係~~搞到我地淨係掛住睇~~
都無乜點燒到野黎食~~連平時燒勁多野既源源都掛住睇電視~~最衰都係個姐姐比個電視住我地啦~~>.<~~
既然唔係咁燒到野~~咁我咪係咁食下D甜品羅~~當我羅到個批番去既時候~~
源源話我依舊係咩黎既~~我只係好順口咁答佢係檸檬芝芳批~~點知佢就即係唔食啦~~
佢話依D檸檬"脂肪批"係要我食先至抵~~真係一時間諗唔到原來個名咁有意思~~--________--"~~
依件簡直係不祥之物啊~~@.@~~食飽之後大家就走去寶聲打機啦~~但係炸彈人部機比人霸左~~
咁我地就唯有玩個部中文拍子機啦~~我覺得部機最差既都係要踩腳制~~好累啊~~
之後我就竟然同佢玩槍GAME~~梗係好快就死左啦~~跟住更加估唔到既係會賽車~~
HAHAHA~~都算係咁啦~~唔駛包尾~~^^"~~仲有玩射飛機TIM~~
我入機鋪最唔會玩既就係賽車~~槍GAME同埋射飛機~~但今晚竟然三樣玩晒~~
唉~~睇黎無得玩炸彈人同泡泡龍既日子就係咁家啦~~嗚~~嗚~~嗚~~~

打完機之後大家都唔係好想走咁~~所以又係去左食糖水啦~~可惜糖水鋪都容納唔到我地~~
佢地竟然打烊啦~~咁我地咪唯有買外賣去公園食啦~~點知食下傾下玩下咁就成三點啦~~
跟住我地就一齊行去金行條街搭車啦~~如果明天唔係要番工~~我諗我地會玩天光啊~~

P.S.番到屋企竟然中了媽媽的計~~果然係薑越老越辣家~~真係魔高一丈啊~~

>>December 21, 2004 at 7:51:28 AM GMT+8

2004 年 12 月 4 日 星期六 【晴】

今日本來祖安娜姐姐叫我去食佢整比江仔同爺爺既蛋糕~~但係...都係算啦~~
時間好急同埋無乜心情啊~~係屋企食左少少野~~咁就出左去德福搵源源啦~~
今晚約左睇BJ~~但係未開場~~咁我地就梗係去左機鋪打陣機先啦~~HAHAHA~~
打炸彈人越黎越順利啦~~之後我地仲玩左九個制TIM~~第一次竟然過唔到星矢~~
唔得啦~~要覺醒啦~~之後仲玩埋PINK ROSE~~九個制幾時都係咁好玩~~

打完機之後我地就去左麥記~~嗚~~睇黎我會中"不瘦降"啦~~琴日又同CA姐姐食麥記~~
所以今日我淨係食....朱古力新地~~源源食淨薯條同汽水入戲院食~~但係最大問題係點樣偷運入去~~
最後就梗係放係我個袋度啦~~唉~~好凍啊~~>.<~~順利入到去啦~~個位都唔錯家~~幾正啊~~^^~~
至於套戲都好好笑~~尤其係有句我同源源都以為打錯字~~原來係BJ講粗口~~^^"~~

睇完戲之後無咩做~~我同源源就諗住行去觀塘食糖水~~點知行到去太郎仔屋企樓下既時候~~
源源話迎面有名女子眼神好陰濕咁望住我~~睇真D原來前面戴牛仔帽著得好搖滾既正是西村夫人太郎仔~~
佢一見到我地就陰陰嘴笑話我地係佢屋企樓下等佢~~真係估唔到會係太郎仔屋企樓下相遇~~
係命運既安排啊~~太郎仔話最估唔到既係佢會係歸家途中同我地相遇~~HAHAHA~~
本來想叫埋太郎仔一齊去食糖水~~但依位穿黑衣既灰姑娘要回家啦~~不過經我地三個既一番擾攘~~
太郎仔都係趕唔切係係十二點前歸家~~^^"~~跟住我地就去左食糖水啦~~
然後就當然係去寶聲啦~~估唔到會玩左部老翻炸彈人~~D色水就真係差D~~打到打烊~~
我地就去左食篤篤三寶~~BJ搭上左兩個男人~~一個係"雪"~~一個係"糕"~~
而我就好不幸地搭上左另外兩個~~一個係"茄"~~一個係"子"~~大穫啦~~>.<~~

食飽之後~~大家飲埋野就走啦~~唉~~番到屋企都唔可以訓住TIM~~嗚~~嗚~~嗚~~~

>>December 14, 2004 at 7:04:11 PM GMT+8

2004 年 12 月 3 日 星期五 【晴】

琴日既教訓我依一世都會記住~~我唔會再比自己犯相同既錯誤家啦~~>.<~~
多謝各方好友依兩日既"寶貴意見"同埋"獨特見解"~~尤其係M先生個D咁勁既電影情節~~
雖然搞到我苦惱左成晚~~但你既電影情節都令我由琴晚笑到今日羅~~
(HAHAHAHAHAAHAHAHAHA~~~真係衷心多謝你地家~~^^~~)仲有細MAY既語出驚人啊~~

今日訓醒之後就同CA姐姐去左德福~~大家都無乜目的咁行~~不過最後都有收穫~~
我終於都買到個京織銀包啦~~係好靚靚既櫻花~~呵呵呵~~~仲平左TIM啊~~
其實今日最想就係同CA姐姐商討下解決方法~~不過都係去左打機同食糖水~~
打炸彈人既時候~~CA姐姐問我最勁可以打到去邊~~我就答佢睇下同邊個夾啦~~
同芬姐姐打可以打爆機~~同源源打就可以打到差唔多爆機~~但同CA姐姐就...你要再努力練下啦~~^^"~~

P.S.番到屋企就要決勝負啦~~米華姐同馬丁哥~~加油啦~~

>>December 14, 2004 at 6:39:46 PM GMT+8