2004 年 12 月 28 日 星期二 【晴】

今日放工約左芬姐姐同妙去食飯~~好耐都無三個人一齊食飯啦~~
不過有D人唔係好比面羅~~初頭又話出黎~~後黎就係人地個留言信箱度~~
用把超"可愛"既聲線錄左段留言比我話唔黎~~最後搞到要芬姐姐出馬請佢出黎~~
真係啊~~本小姐時間好寶貴家~~搞到我係觀塘度行左成四十分鐘~~又唔係唔知觀塘無野行喎~~

真係激死我啦~~人又肚餓喎~~佢地又未黎~~咁咪打去同源源研究下邊度有蜜蜂糖賣羅~~
原來佢仲未送比JOJO家~~去到茶餐廳又要等左好耐先有卡位~~係要等到有卡位佢地先到~~
真係等死人啦~~大家一坐底就叫左兩個煲仔飯~~有D人又話唔舒服~~但又要係食最多喎~~
驚死會蝕底咁羅~~之後大家咪講下近況羅~~我講七個小矮人之夜~~某人又要眼紅~~
真係笑死我同芬姐姐~~不過最好笑我諗都係佢同SAM係我地面前電話吵架~~
繼而仲要講埋晒D九唔搭八既比喻~~扮晒野咁羅番成件事大家一齊討論~~HAHAHAHA~~
搞到今晚我同芬姐姐個肚激痛啊~~唔係食錯野~~而係笑到飽啦~~>.<~~

食飽之後~~佢又話屋企要佢早番屋企~~咁我同芬姐姐就去左金莎度打機啦~~
芬姐姐可能太耐無玩炸彈人啦~~竟然我仲玩得耐過佢喎~~之後我地仲打左泡泡龍~~
同埋美少女戰士~~打美少女真係打到上引啊~~我地去到第二版既大佬時~~真係笑到肚痛~~
禮服蒙面俠突然出黎救我地喎~~HAHAHAHA~~打到第三版我地就走啦~~^^~~笑死啦~~

>>January 18, 2005 at 5:48:27 PM GMT+8

2004 年 12 月 27 日 星期一 【晴】

今日真係慘啦~~都已經糧尾家啦~~仲要咁岩大大老細生日喎~~要每人夾錢野~~
唉~~今次真係財散人安樂啦~~每人要夾一百五十蚊送支酒比佢啊~~嗚~~
不過算啦~~可以有餐飯食喎~~最重要係~~我知道大大老細係唔會請CHEAP野既~~
根據KELLY細MAY同曉既情報~~每年大大老細生日都一定會食得飽飽的~~

一放工我地四個就去左尖咀既桃園酒家~~係開席之前大家咪玩下UNO先羅~~
玩既期間仲收到唔少風TIM啊~~@.@~~如果S真係有咁既想法~~你咪即管黎羅~~
反正我人工又唔係高~~你叫昌哥咁做~~咪仲要補番人工比我~~我無所謂家~~
玩到咁上下~~細MAY佢地突然好想唱歌~~就問個姐姐有冇K唱~~點知原來係有家~~
但大家見AMY佢地睇電視睇得咁開心又點好意思話唱K啊~~之後大大老細就話玩射龍門~~
唔知係咩黎既~~咁就梗係要去睇下啦~~曉同細MAY都有份玩~~好似幾好玩咁喎~~
仲好刺激TIM~~最衰我同KELLY糧尾啦~~唉~~搞到我地兩個淨係得個睇字~~
大大老細就真係超豪啦~~無機既都放一百出黎~~一陣間連大大老細既老友都落場玩~~
一陣間桌上已有差唔多七千蚊~~唔係掛~~@.@~~仲多過我份糧啊~~>.<~~
不過點都唔夠大大老細黎家啦~~佢真係超好彩~~最後七千蚊都係入番佢袋~~

臨開席既時候~~大家都打下麻雀~~射下龍門~~跟住竟然比我地聽到隔離房傳出好恐怖既歌聲~~
仲要係不斷重覆又重覆咁唱"容易受傷的女人"~~嘩~~個位姐姐咁睇唔開啊~~駛唔駛唱咁多次~~
太子女聽到就叫我地快D迎戰~~阿曉話咁就要唱番首"男人最痛"啦~~HAHAHA~~
跟住就係映大合照同食蛋糕~~人齊啦~~可以開席啦~~開席前梗係打比利桔大王啦~~
今日都係佢生日啊~~但原來佢係公司加緊班~~咁唔阻你啦~~要加油啦~~
好肚餓~~我地四個即刻就睇下個餐牌食D咩~~第一道係龍蝦沙律~~好似幾正喎~~
仲以為要自己羅~~點知個姐姐放係桌度比我地望一陣就自動幫我地分啦~~真係殘廢餐啊~~
之後仲有人問我地飲咩~~我同細MAY就叫左杯紅酒~~一睇就知貴野~~梗係要試下啦~~
細MAY仲教我睇靚唔靚~~之後既餸都唔係好記得啦~~淨係記得有要用筷子黎食既魚翅~~
海參~~最重要係糖心飽魚~~>.<~~真係超正啊~~咁大個女第一次食咋~~所以即刻羅電話幫佢映相~~
仲有好多好野食~~不過太多啦~~唔係好記得~~淨係記得樣樣都好貴~~食到咁上下~~
聰少就羅住D利是黎~~一人一封~~仲要係一百蚊~~咁咪即係每人夾十五蚊已經食到咁多野~~

好抵啊~~甜品又係超正喎~~椰菁入面登雪鴿膏~~超好味~~食到尾聲既時候~~
阿曉突然好想唱歌~~咁我地又JAM歌啦~~今次仲加埋ALICE同JANET~~不過JANET好似無咁好玩~~
ALICE就簡直係同阿曉係同一個年代既~~大家唱左好多經典歌曲~~唱唱下曉話不如下場去唱K~~
本來我都無乜所謂家~~雖然今晚約左大佬煜兄佢地同許生飲野~~但好似唱K好D~~
不過最後都係去唔成~~一來凍~~二來主辦人曉的相公一句講出黎~~"你估你自己仲後生啊~~"
阿曉即刻無得去啦~~我同佢講唔好咁唔開心~~等你相公唔係香港既時候再去羅~~
點知阿曉同我講~~佢個心都係咁諗~~---______________---"~~你真係啊~~HAHAHAHA~~
最後敬酒~~陳太走黎問我做乜養金魚~~咁我就同佢飲啦~~一杯無事既~~^^"~~

十一點幾大家都走啦~~仲打包左壽包明天做早餐~~阿曉自己行去搭車~~
咁我同KELLY細MAY就搭到去中環~~本來想睇下老叮仲係唔係度~~點知佢走左啦~~
咁就唯有搭番屋企啦~~番到去先知原來取消左今晚飲野~~咁我就番屋企訓啦~~呵呵呵~~

P.S.今晚源源去左睇陳慧琳演唱會~~佢話真係好似睇緊小林幸子咁~~果然不出所料啊~~^^~~

>>January 18, 2005 at 5:33:15 PM GMT+8

2004 年 12 月 26 日 星期日 【晴】

今日放工要即刻碌番屋企啊~~平時可以周圍碌~~但今日一定要第一時間碌番坑口~~
因為今天要幫女麻女麻做生日啊~~估唔到咁快又一年啦~~今晚除左有我地孫田兩家~~
仲有依棋一家~~仲有個特別人物~~咪就係我既第四位哥哥~~許生羅~~
佢今次係美國番黎~~係香港唔係逗留好耐~~主要都係陪佢女友番台灣~~

真係啊~~又唔帶嫂子一齊黎喎~~但今晚大家都好安份守己~~唔飲啦~~大家都好乖啊~~^^~~
梗係啦~~咁多老人家面前費事啦~~但煜兄好似唔係好想羅~~係咁叫我地飲~~
好彩二佬今晚真係去左飲者~~唔係就會有陪家啦佢~~其實大佬好想飲既~~一睇琴姐都係~~
跟住許生就黎會佢啦~~HAHAHA~~你地班友仔啊~~真係頂你地唔順啊~~HAHAHAHA~~
我同依莉姐姐梗係淨係度食啦~~我地依D小朋友~~^^~~

大家吃飽之後就走啦~~咁我同許生就上左煜兄屋企睇下有咩新書睇~~
不過都係無乜新發現~~所以都係番屋企打機啦~~HAHAHAHA~~

>>January 18, 2005 at 3:09:46 PM GMT+8

2004 年 12 月 25 日 星期六 【晴】

話說上回講到小妹吃埋最後一鋪~~大家一齊離開後~~我~~源源~~馬丁~~NEL NEL同阿風~~
就一齊去左KFC度食早餐啦~~一路食早餐~~電視就播緊SAMMI既演唱會~~
好多歌都好正~~搞到我地好想去唱K TIM~~不過唔可以家~~要忍住啊~~
尤其係我同馬丁NEL NEL~~今晚仲有一場家~~大家唔好咁睇唔開啊~~

不過最後我同源源都係睇唔開~~走左去睇早場~~睇依個鯊膽大話王~~
睇之前仲去左打鋪機TIM~~機鋪果然係最好既地方~~咁早就開左啦~~HAHAHAHA~~
不過無敵是最寂寞的~~炸彈人打完之後~~我地決定要玩下泡泡龍~~
可惜唔夠時間~~唔係就會玩埋美少女戰士~~跟住夠鐘我地就入場啦~~真係估唔到~~
早場爆晒咁濟~~好多小朋友咁早起身黎睇早場~~不過依套都幾好笑既~~
係中間有少少冷場者~~不過整體黎講都幾好睇~~唔錯啦~~睇完之後大家真係要番去訓啦~~^^~~

☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆★☆

番到屋企~~一訓就訓到七點幾啦~~一起身就要叫埋馬丁哥同埋NEL NEL~~
不過原來馬丁哥一早起左啦~~佢比米華姐佢地奪命追魂CALL搞到無得訓~~
好彩我無者~~^^~~九點約左馬丁同NEL NEL係BODY SHOP度等~~見到佢兩個之後~~
原來佢地仲未買禮物啊~~有無搞錯啊~~交換禮物竟然無買禮物~~我地即刻走左去SASA~~
我即刻幫佢地揀左盒MASK~~今年我係咁叫人買MASK~~實用麻~~大穫啦~~遲到~~
我地上到伊甸園~~米華姐Q同伊碟已經到左~~佢地仲係度好奇怪點解我地會三個一齊黎~~
好過份羅~~大家傾傾下計~~馬丁哥成日都因為某人既電話而我地不顧羅~~>.<~~
不過都係正常既~~大家玩下傾下~~時間過得好快~~尤其係談論起琴晚馬丁哥個筍盤羅~~
嘩~~真係多謝晒啦~~都估到你家啦~~--__________--"~~跟住就係交換禮物啦~~

經過一場好激烈既你爭我奪~~我竟然抽番馬丁同NEL NEL買個份~~咪即係我揀個份~~
早知揀貴D啦~~米華姐就抽到我個份~~EDITH就抽到米華姐個份~~馬丁同NEL NEL就抽到Q個份~~
Q就抽到EDITH個份~~大家都幾實用啊~~水份保濕MASK又有~~EYE MASK又有~~>.<~~
個個都係買依D~~Q抽到伊碟個份一禁制個公仔會係咁郁既野~~仲話可以分屍~~
咁我要左脾啦~~唔該~~之後太郎仔放工都黎左玩~~但太郎仔黎左無耐~~米華姐就要走啦~~
米華媽既奪命追魂CALL啊~~果然有其母必有其女啊~~@.@~~咁米華姐就好暗然離去啦~~

但米華姐走左之後先係戲玉啊~~米華姐走了先至係浪費啊~~我幫Q做既野~~
說不定係耗用左我一星期既運氣啊~~係七十八定唔知係八十七分之一啊~~我諗有好多人都想要既~~
自己無偏偏Q就有啦~~依D係福氣黎家~~既然我地咁為你~~成事後記住請食飯啦~~
好事近了嗎???呵呵呵~~最正都係間CAFE突然出左首歌~~"誰也知夜夜與他那內情..."~命運既安排~~
跟住就更精彩~~簡直係非筆墨所能形容啊~~大家好似係越夜越精神~~得我同馬丁NEL NEL唔惦啦~~
差唔多一點既時候~~源源就打黎啦~~原來佢訓到岩岩起身~~馬丁NEL NEL極羡慕~~
仲係咁話我做咩叫佢地四方城~~作死你地啊~~我夠眼訓羅~~>.<~~大家玩到二點就走啦~~要番工啊~~嗚~~

P.S.米華姐番到屋企打黎話左個消息比我地知~~砒霜羅左合唱歌~~唔係掛~~不槐係新城啊~@.@~

>>January 14, 2005 at 4:29:57 PM GMT+8

2004 年 12 月 24 日 星期五 【晴】

今日係聖誕啊~~大家聖誕快樂啊~~今晚約左源源~~偉哥~~霖霖同肥哥哥去唱K~~
好耐都無試過同大家一齊唱K啦~~好野~~好野~~就大家既關係~~我地去左葵芳度唱~~
但係就真好鬼死過份羅~~我六點到左淨係見到肥哥哥一個~~其他人又見唔到喎~~
點知原來偉哥同霖霖都會遲到~~連住得最近既源源都遲到~~你地班野啊~~>.<~~

終於都齊人啦~~我地一入K房佢地就送左二份所謂既聖誕禮物~~咪又係個D野羅~~
跟住既就梗係睇偉哥同霖霖既SOLO啦~~佢兩個連野都唔食就係咁唱啦~~
其實大家今日都唔係志在唱~~志在睇佢兩個做大戲者~~搞到我同源源肥哥哥睇得好開心~~
偉哥唱歌把聲真係同平時唔同家~~@.@~~後黎我仲比肥哥哥串我食開貴野~~食唔到佢D平野~~
無見一排~~講野都係咁啊~~>.<~~霖霖同偉哥真係勁搞笑~~佢兩個連插歌都插到咁鬼祟~~
後黎講開莉莉同肥哥哥~~呵呵呵~~如果係度唔錯啊~~我覺得佢兩個都幾好家~~
HAHAHA~~唔知下年係咪又係我地五個呢~~霖霖話我個頭幾好睇啊~~幾開心~~
本來NEWAY話有張即影即有相送家~~但要等太耐大家無要到~~埋單都係每人五十幾~~^^~~
真係要多謝源源同佢老兄既半價卷啊~~HAHAHAHA~~慳番好多啊~~

之後就要諗第二場啦~~本來莉莉話JOIN家~~但到最後都係放左我地鴿子~~唉~~
跟住我地就一齊去左映貼紙相啦~~映最新個部可以爬係度既~~大家完全唔知佢幾時映羅~~
有張仲要禁左下面個個鏡頭~~搞到映左對腳~~不過原來可以同之前個張合番埋全身家~~^^"~~
最後果張係要扮小司機NODDY家~~HAHAHA~~映完之後肥哥哥就走啦~~唔知趕去邊個個場呢~~
咁我地四個就去左食宵夜啦~~好耐無試過四個一齊食野同埋傾計啦~~
大家依段無見既期間都發生左唔少趣事~~唔同公司仲有學校都有好多搞笑野~~
尤其係講起某D話題~~大家都有好多野發表啊~~HAHAHAHA~~

本來諗住打麻雀家~~但霖霖話唔打~~應該話唔識打~~佢唔去偉哥就跟住走啦~~
係唔夠腳既情況底下~~我地諗過好多打發時間既方法~~想食糖水又無喎~~
上源源屋企打機又無兩個人打既GAME喎~~最慘既都係地鐵竟然無通宵喎~~有冇搞錯啊~~
想睇戲又無晒場喎~~最後都係照番原定計劃~~去開四方城~~至於最佳既人選就梗係....
超齡街童馬丁哥同埋NEL NEL啦~~依個時候佢兩個梗係一齊家啦~~打比其中一個~~
就一定會搵到另一個家啦~~原來佢地兩個係BAR~~係我放低"樽鹽"既底下~~
佢地終於肯黎啦~~真係啊咁大個女都未試過咁樣求人~~>.<~~不過最後都成功啦~~

咁我地就約左去旺角等~~但佢兩隻野竟然遲大到~~搞到我同源源企係街度等~~
好彩VCD鋪未關~~有賭聖睇者~~太久保都關~~仲可以食埋蛋糕TIM~~HAHAHAHA~~
食晒既時候~~佢地終於都黎到啦~~最嚇親既係馬丁哥除左NEL NEL之外~~竟然仲另外有多四個~~
夠開兩台啊~~一入到去~~馬丁哥逐一介紹~~不過都唔駛啦~~因為我淨係記得一個叫"布布"~~
其餘既名就完全唔知啦~~今晚既情景可以形容為~~"白雪公主與七個小矮人"~~
都唔知係榮幸定係不幸~~竟然做左一晚白雪公主~~唉~~不過講正~~七個小矮人叫咩名真係唔知~~
淨係知有個叫SLEEPY~~依個一定係源源~~隻眼好似開唔到咁~~不過後來佢除左CON~~
帶番眼鏡~~即刻大殺三方~~@.@~~NEL NEL同馬丁就係咁講野~~都唔知係咩打既~~
大家既手風都麻麻~~不過大家一坐埋就笑料百出~~尤其係三位玩小妹既情形啦~~>.<~~

一路打一路睇個部時有聲時冇聲既電視~~真係嚇死~~仲要做埋晒D好無聊既棟篤笑~~
第二台仲有吳耀漢TIM啊~~大家打到七點幾既時候已經呆呆地啦~~大家都打到無乜心機~~
淨係想快D搵人食埋最後一鋪~~係大家既幫忙底下~~小妹終於都食埋最後一鋪啦...................待續

>>January 13, 2005 at 5:08:42 PM GMT+8

2004 年 12 月 23 日 星期四 【晴】

今日係平安夜啊~~但我都唔打算出街同人迫~~淨係諗住孤令令咁一個係屋企過~~
不過中午要上去同五樓既人食~~之前都講左話我地無錢買野食同埋無錢買禮物家啦~~
但陳太點都要迫我地四個上去~~唉~~真係無計~~就係咁~~我同KELLY細MAY曉就上去啦~~
上到去我地四個都唔敢食咁多野~~不過點都要買D野上去既~~所以我地忍痛開左BI BI~~
羅晒入面D散紙去買檸檬茶啦~~CA姐仲問我係咪咁無野做~~買六包檸茶都買咁耐~~

中午上都去都幾多野食既~~見到ALICE先好笑羅~~佢成塊面都紅晒~~
原來鴻哥整既雜果賓治係有落到酒家~~而ALICE就係連少少酒都唔飲得既人~~
唔怪得啦~~一飲少少就成塊面都紅晒喎~~昌哥個女仲好笑~~飲到上晒引~~
係咁話要飲~~成個酒鬼咁~~十五歲女就搞成咁啦~~HAHAHA~~
下午細MAY就走啦~~佢竟然係臨去旅行之前唔見左本護照~~下午要去做番~~
我地都已經無晒心情做野啦~~咁咪一齊係度玩新MONDAY既填字遊戲羅~~嘩~~正啊~~
簡直係開正我個飯啊~~問周星馳既題目~~HAHAHA~~阿曉同KELLY就話如果我讀書有咁叻就好啦~~
獎品都幾豐富~~要加油啊~~唔識個D就番去搵二佬幫拖~~二佬果然係勁啊~~呵呵呵~~^^~~

放工啦~~趁仲未多人好番屋企啦~~搭車既時候源源打黎~~佢話睇中左件衫~~
好彩間野係新都城到有分店~~咁我就過新都城到睇下啦~~睇完就番屋企啦~~
媽媽見到我好似好驚訝咁喎~~佢話我好耐無出現過啦~~都唔係啊~~依家咪好早咁係屋企出現羅~
今日都係睇下電視咁啦~~到左十二點~~估唔到我爹爹同阿娘咁鬼IN家~~竟然玩SMS~~@.@~~
爹爹係大陸度SEND落黎~~問阿娘收唔收到~~勁啊~~今晚都係傾電話啦~~同源源仲有米華姐~~
各位~~平安夜要平安啦~~呵呵呵呵~~^O^~~

>>January 13, 2005 at 3:38:51 PM GMT+8

2004 年 12 月 22 日 星期三 【晴】

今日番學之前同左源源去打機同埋食野~~炸彈人終於都爆機啦~~
搞到好似有點兒失落咁TIM~~打完機之後~~我就番學啦~~RAY哥係我番去之前係咁叫我番去~~
佢話佢比人笑緊~~@.@~~唔知笑緊咩~~咁就梗係要番去睇下啦~~
源源就去恆景食飯做節~~咁我就番學啦~~今日係畫畫堂~~一入到去課室~~
就見到利桔大王隔離好似坐左個新同學~~原來係RAY哥~~佢電左個頭啊~~>w<"~~
HAHAHAHA~~佢叫我唔好笑~~但真係唔好意思啊~~我真係忍唔到啊~~
我一見到佢個頭就諗到我地畫緊既維納斯像~~佢上次畫維納斯像已經畫成麥當奴叔叔咁家啦~~
曼寧仲笑佢做乜畫畫下搞到自己都變埋麥當奴叔叔頭~~HAHAHAHAHA~~
不過我番去畫左一陣就要走先~~因為我有個重大既任務~~就係要去買蛋糕比利桔啦~~
原來佢地今日要同佢預祝~~唔係掛~~咁遲先講~~成九點幾都唔知D蛋糕鋪關晒未~~
咁我就中途走左去買蛋糕啦~~好彩伊藤家仲未關者~~咁就買左個芝士蛋糕啦~~

買完之後就番過去恆景搵源源啦~~頭先都唔記得比D"公司資源"佢TIM~~
佢竟然仲未吃完飯~~不過就要做運動啦~~嗚~~又進入修練模式啦~~>.<~~
不過結果大家都已經估到啦~~^^"~~加上老叮腳既關係~~結果好明顯TIM啊~~
跟住就去"我的"搵佢地啦~~除左RAY哥之後~~CINDY~~翠兒~~JACKY~~BEN加埋利桔見到我~~
都嚇左一跳~~原來佢地以為我已經走左啦~~但我就帶埋個蛋糕再次出現~~
但係今次同我生日個日一樣~~都係無帶到相機~~咁唯有用電話幫佢映個蛋糕啦~~

今晚都幾齊人食野~~大家傾傾下~~我都唔記得講左D咩野~~利桔笑到七彩~~
後黎BEN指住利桔笑~~我地先知利桔笑到噴飯~~@.@~~仲搞到一地都係~~做咩啊~~
我講左D咩啊~~>.<~~再隔一陣就連RAY哥都噴奶茶~~搞咩啊你兩個~~真係失禮死人啦~~
咁究竟我講左D咩啊~~--____________________--"~~搞到個姐姐覺得我地依台好污漕~~
食飽之後大家就走啦~~利桔大王生日快樂啦~~咁快又一年啦~~HAHAHAHA~~

P.S.今日聽到一句說話係感到好開心既~~亦都感到好感動~~呵呵呵~~^O^~~

>>January 9, 2005 at 10:50:11 AM GMT+8

2004 年 12 月 21 日 星期二 【晴】

今日真係驚險啊~~不過好彩最後危機都解除啦~~放工同左細MAY去買褲~~
同佢去試褲既時候發生左好多趣事~~HAHAHAHA~~佢真係好好笑~~
尤其係聽佢同浩文既事真係笑到七彩~~係蘿蔔褲同直腳褲啊~~HAHAHAHA~~
後黎好彩都買到~~細MAY竟然想買條褲都碌咭~~唔係掛~~@.@~~

陪佢買完褲之後~~就去等源源啦~~源源今日要買聖誕既交換禮物~~
佢預班個份大概七十蚊度~~真係好難諗~~初頭諗住買MASK既~~但係就真係睇唔岩~~~
後黎咪走去萬寧同屈人錢度睇下羅~~又係依兩間~~係萬寧度發現啦~~
係"雪吻"既朱古力五盒裝啊~~岩岩七十蚊啊~~佢問買咩味好~~梗係買埋小司味啦~~
博人地抽到後會請埋你食啊麻~~^^~~依份之後個份就真係頭痛啦~~要買比JO JO個份~~
佢想買個D都睇唔岩~~又要買唔到想買個D~~真係諗到頭到暈啦佢~~

後來係兆萬度行左好耐~~終於都搵到樣比較岩家啦~~係姆明成家~~陣容一流啊~~
之後我地就去左仙跡岩度飲野~~諗下點樣包裝~~到最後都係決定要出動我既公司資源啦~~^^~~
飲埋之後就番屋企啦~~今日可以搭到地鐵啊~~HAHAHA~~好野~~好野~~

>>January 9, 2005 at 9:36:04 AM GMT+8

2004 年 12 月 19 日 星期日 【晴】

今日本來幫利桔大王預早慶祝生日家~~但係原來今日係電腦堂既最後一堂~~
所以可以早放~~我同源源食完野番到去D人都已經走得七七八八啦~~
番到去得番RAY~~JACKEY~~BEN同埋阿菁~~@.@~~唔係掛~~大王都無番啊~~
跟住大家就同岑健勳傾左陣~~等到夠鐘我就陪佢地去食野啦~~

食野前就打左個電話比利桔大王~~原來佢加班岩岩先放咋~~不過佢會過黎同我地食野~~
好野~~咁我地就去"我的"到等佢黎~~大家一路食就講起佢地上次睇相既野~~
聽左個結果就真係好好笑羅~~HAHAHAHA~~原來阿菁都識少少家~~
大家食完之後就走啦~~今晚都算係食得快家啦~~阿菁原來有D野都同我幾似~~
佢問左我一個問題~~我諗我唔駛答~~你睇個局面就知道啦~~HAHAHAHA~~^^~~

>>January 9, 2005 at 9:09:10 AM GMT+8

2004 年 12 月 18 日 星期六 【晴】

今日約左太郎仔去行旺角~~好耐無同佢行過啦~~佢今日著短裙仔啊~~@.@~~
好眼前一亮喎~~不過行左無耐佢就話要走~~佢約左吉吉去銅鑼灣SHOW下喎~~
咁又係~~特登著短裙仔喎~~米華姐就過份啦~~竟然遲到~~搞到爭D就見唔到太郎仔既短裙LOOK~
不過佢地都係相逢左唔係好耐咋~~之後我就同米華姐去左許留山~~
都唔知點解次次係我要去食野既時候~~源源就會打電話黎~~唔通佢有予感我幾時食野???

去到許留山~~有對情侶坐我地對面~~個女仔男仔係咁望住我地既食物~~
原來佢地想知我地食咩~~哦~~咁樣問咪得羅~~米華姐一定好樂意答家~~
後來望望下個男仔有少少似陶哥哥~~不過米華姐就死都話唔似~~我以為米華姐因為發現依樣野~
所以先至咁樂意積極地答人TIM~~吃飽之後~~我就上去搵厚哥哥啦~~今日好多人啊~~
可能出左好多野既關係啦~~之後就陪米華姐去萬寧同屈人錢掃貨啦~~

不過真係幾抵既~~米華姐一次過買左百六蚊~~仲可以平廿蚊~~抵啊~~
我仲幫佢揀左份聖誕抽獎禮物TIM啊~~正啊~~仲係好實用既野~~我諗我地邊個抽中都會有用~~
行到好眼訓啦~~所以我地就番左屋企啦~~HAHAHAHAHAHAHA~~~^^~~

>>January 8, 2005 at 4:23:38 PM GMT+8