2003 年 7 月 25 日 星期五 【晴】

今日是DAY1，平生以來首次踏足澳門。約好Jaye八時上環等，結果我也遲了十分鐘，真係唔要得！集合的時候很無聊，拍了幾張照片便send SMS比少雯佢地，始終我無特別點樣同大家講。九時出境，心情同上次去台北一樣→興奮。大家魚貫地上船向澳門進發！捱了一小時船程，頭有點暈，因為睡眠不足加上行李太重了，所以在狀態不太好的情況下、烏下烏下咁入境。突然，有個女人走到我的跟前：「小姐，唔好意思」，說時遲那時快，將一件不知明的東西在我額上按了一下，再向我表示：「沒事了」，這時我才定過神來 ... 原來SARS檢疫SCAN到我好似發燒 ... 好白痴的先進科技啊 !!!

之後我就成個「鄉下婆出城」啦！

入到CAMP食完LUNCH就開始TRAINING，全程都不用腦力，只要有體力&記性便可以應付到今日的訓練。真是好體力的訓練：尤其係泰山繩，飛左四、五次先至過得晒成組人，羅命！

訓練完鬼死咁累，當然係想ZZZ，呢個時候阿兒提議玩占卜。說真的，我不太想玩 ...

第一，唔知道有什麼根據證明結果係堅；

第二，結果係好既就話開心je，咁結果係唔好又點先 ?!

最後五個同房，我都唔例外，玩了！結果係點 ... 你問我先至講啦 ~~ 嘻嘻！但學了如何與別人占卜，當是第時無聊時用來娛樂大家吧！

>>October 19, 2003 at 9:46:26 AM GMT+8

2003 年 7 月 24 日 星期四 【晴】

準備明天去澳門領袖培訓營的東西，始發現家中「百無」：無蚊怕水、無防曬、無乜無物，慘！那我就改變了計劃，先購物，然後到尖咀去阿翹公司問她借喼，再上NTD幫Jaye買tie，趕頭趕命，像「走鬼」似。

收拾好行裝已是凌晨一時，要快快入睡，明早 ... 不！是今早要很早出門呢！

>>December 25, 2004 at 5:09:03 PM GMT+8

2003 年 7 月 19 日 星期六 【暴雨】

今日係NTD AU Passing out的大日子，今年在長青社區會堂舉行。

昨晚睡得不太好，可能怕睡過鐘吧，人也變得緊張起來，因而扎醒了好幾次。

早上依然繼續練操旗、上台& mark位。我的partner整個上午都唔到，得家惠幫手臨時充當旗手。原本練好了slope flag，但因樓梯的空間實在不能做slope flag，所以由開始到操上台再到stand at ease之前，全程都是carry flag。這對我來說當然是好啦，廢事做漏動作比人笑嘛。

終於到lunch喇，我地三個即刻走都走唔切，因為約好了去杜敏敏屋企食lunch + 換U，以為時間好充裕，最後還是得要趕頭趕命的回去。

原來正式的時候是好辛苦，不但腳很累，還有場內的射燈向我直射，非常刺眼......綜觀今天的氣氛不及去年的開心：今年Passing out的人數較少，連來觀禮的也少；去年多人得水洩不通，今年就比較疏落；除了要來領獎的AU外，少了一些所謂「老鬼」回來支持，這點也許是大家各有各忙吧！不論怎樣，在於我而言，卻是一個好經驗，這次機會真的不是年年都有，下年應該不是我啦......可能下年只是來觀禮也吧！

P.S. 趕唔切落台看家惠領獎，有點遺憾，因為這是她在AU階段裡，最後一次上台領獎哩！

>>October 11, 2003 at 8:01:33 AM GMT+8

2003 年 7 月 17 日 星期四 【陰】

營前會終於都開喇！除了在三月面試出來的我、jaye & 嘉麗外，還有big c、湯彩兒、阿兒 & 阿聰。統計之下，七個當中有五個是來自NTD，YEAH !!!!!!

第一次見面，都是做一些「行野」，介紹自己、玩ice breaking games ... 雖然行就行ｄ，但當中從教練身上學到一些技巧，算是偷到少少師啦！最有意思的是講解行程、訓練、參觀事項→又要我地報告>.<同派camp tee，不過件 tee太sharp~~黃色。當討論到會否帶制服一事，起初大家好含蓄話唔帶，但經我地組再撩起大家帶ｕ時又唔反對喎，奇怪！

Anyway, 期待26/7的來臨。

>>September 28, 2003 at 6:11:19 PM GMT+8

2003 年 7 月 12 日 星期六 【酷熱】

差點睡過鐘呀，幸好及時趕到，其後還發現我不算是最遲(在MTR上蓋等到發臭)。

走過一段又長又熱的路才到綵排地點，未回氣就要set旗，搞到好鬼「呢hee」，當然喇，自DI之後再沒有操過旗lu！最意外的，是慧姑竟然認得我呀，想當年她在七仔的時候，我還是個低調的small potato！好多謝佢咁幫我(佢都係旗隊)，仲有杜敏敏 ... 感激流涕啊！

在酷熱的球場上，不繼地練習carry flag & order flag，還有夾步幅、上台的timing，雖然辛苦→確實係好熱，我仲好enjoy→變態！但不好受的是太陽曬著皮鞋，腳背燙得可以用來煎蛋 ... 險些發生了「冧旗」意外，嚇死我啦！經各隊友提點，原來stand at ease推支旗出去時，係要用腳尖頂住支旗桿架！早說嘛，我心血少唔嚇得，會死架！

下午杜敏敏陪我去space open day，由於我掛住問野而忽略了敏敏，好似悶親佢。感覺上，佢開始擔憂來年A Level，我都不知道應該說什麼才是，畢竟我沒有經歷預科的階段 ... 為何要考試呢？呢條問題恐怕連看「十萬個為什麼」都答唔到你呀！

>>September 28, 2003 at 5:55:22 PM GMT+8

2003 年 7 月 5 日 星期六 【酷熱】

今日係七仔的蕃薯活動─ BBQ，天氣炎熱得很。到城門水塘落左小巴，第一時間就係要找地方避太陽，就想起了小巴站上面的遊客中心，還以為可以涼下冷氣，點知 ... 果度裝修呀！真係運吉。

今次活動見到幾張新面孔，是新的AU，雖然佢地正式係，但就已經好快咁投入我地既活動，幾積極。換轉是當日「怕麻煩」的朱敏敏，一定係請都唔黎呀！當然，人長大了，對事的看法也不同了。說真的，今次開心而盡興 ... 能一見「瀑布」的壯觀、拍下了「人唔靚，景好正」的照片、玩games輸了但輸得開心，但唯一的美中不足是：食物太少喇！(尤其係雞翼)

>>September 28, 2003 at 4:37:37 PM GMT+8