2004 年 7 月 23 日 星期五 【酷熱】

因為要幫個學生補堂，所以整個下午都在NTD。除左補堂外，仲晌果度熨制服同擦操鞋TIM~

下午五時，我地成班同學換好了制服，但TONY仲未返到，我地唯有自己練住先喇，已經有Ｄ失魂到左六時，好緊張呀，好似仲有點腳軟的感覺。果然，我就「炒」了！制服又唔整齊、ABOUT TURN、SIGE PACE & KEEP TO THE LEFT/RIGHT都炒左但到個人TURNING速度測試中，轉左1.83秒；而六步距離測試只得五步半 ~><~ 預料到會唔合格囉，如果真係唔合格，我諗短期內唔會再上呢個COURSE，今晚返到屋企又成隻死豬瞓晌梳化度搵周公子。

>>July 28, 2004 at 5:05:38 PM GMT+8

2004 年 7 月 16 日 星期五 【乍寒還暖】

自去年上完FFI之後，都未開過FIRE PREVENTION ，所以呢個暑假除左「打理」下自己的SIGN LANGUAGE 外，就要去SIT FP堂，原來當中有一堂要去消防局參觀，我等呢日等左好耐啦^^

十點九就去到梨木樹消防局，有幾個消防員接待我地，帶我地睇消防車同埋車上的裝備，雖然ｄ消防員講解有點悶，但佢地都好NICE，成日問我地明唔明佢講乜，會唔會講得太快，又好慷慨比我地任睇、摸ｄ裝備＆上消防車，佢地最後仲送大禮，表演由二樓sir柱落地下，好英呀！不過班members實在是貪得無厭了，要人地跑來跑去咁多次，好彩ｄ消防員訓練有素，唔喘氣都不特止，仲問我地睇唔睇到，要唔要sir多幾次。參觀約一小時就得要解散，之後就同BOBO去葵芳食LUNCH＆等齊人出發入青衣。

下午我地幾個加埋ｄyouth一齊去YU172的宣誓，這是牛丸的母校屬團，都要去支持下既。一直都聽聞呢團個團長好惡，就算我唔係果度既學生，我都覺得有ｄ驚驚地。觀禮過後，我地竟然去青衣城「反」左幾粒鐘：在G2000玩試衫、玩具反斗城玩BB仔玩具......佢地似乎無乜意欲返屋企咁喎！

P.S.: 呢間局ｄ消防員幾靚仔喎，hohoho~

>>August 23, 2004 at 2:08:10 PM GMT+8

2004 年 6 月 29 日 星期二 【綿綿細雨】

「練琴不是只是練手指 ...... 」張緯晴接收訪問時說的，還引來記者們的笑聲。

我覺得她也說得頗對的，做每件事情要有思想，不是機械式的拼命做！

p.s.: Wing, happy b'day!!

>>June 30, 2004 at 1:42:48 PM GMT+8

2004 年 4 月 14 日 星期三 【晴】

本身 day off，但下午有 test，仲要就埋人地放學，所以5:30先至 test

雖然有 test，但我已經利用了 easter去溫，諗住都無乜大礙，所以上午約左 Pelly去沙田睇「多拉A夢」，仲食埋 lunch先至返學~

返到去，我仲有三粒鐘溫書，都用盡作最後衝刺，以為座定笠六......嘩！好賤呀，Louis出A、B卷，仲將ｄ卷用左兩種不同顏色的紙去印。當揭開份卷，仲死，我完全無劃過一幅 graph，都唔知點算......走的時候，Pelly講話自己唔知有無5%，唉，如果你無的話，我就更加無啦。

打殘晒，仲頹！

p.s.: 死魔鬼KATIE~

>>April 19, 2004 at 6:29:39 PM GMT+8

2004 年 1 月 12 日 星期一 【颳風】

終於趕起份report啦，真係唔該晒KATIE，旨意其他人就......死得啦～做完之後就「拿拿聲」返學校交，心裡其實都幾驚......因為......

今日我還有一個重要任務，就是代表出席YU 130的團慶喇，恭喜！遲了點，真失禮，搞到Miss Ho打鑼咁搵我 (苦笑^^" )。見番班member真係好開心，老薑同新仔玩埋一堆，玩得夠放夠盡情；有大食會又有抽獎，簡直樂而忘返。最後影大合照，剛巧有個阿sir拿住個view camera，話要拍賀年特輯，超搞笑～就由RICKY講幾句恭賀說話，跟住成班人(包括我在內)就要拱手作揖&講「恭喜恭喜」，笑到肚痛 ~^^~

High到今晚無乜點溫書添......其實係藉口.......

>>January 29, 2004 at 6:55:25 PM GMT+8

2003 年 9 月 11 日 星期四 【酷熱】

中秋翌日假期，本來諗住去澳門玩，但最後因為訂唔到酒店而取消，所以改為「長洲、會展、維園一日遊」。

經過一輪舟車勞頓，終於到左長洲。呀~ 自六歲那年暑假同家人度假之後，除了九八年比人「昆」左去一個 ICAC搞既營@明愛明暉營外，都未真正遊覽過長洲。走過當年同家人玩樂過的沙灘、酒店，有點兒唏噓，皆因近幾年都沒有和家人一起旅行了。

沿著華威酒店走，可以去到「海狗石」，要攀進去也頗困難，尤其係我那種身形。長洲旅程是由阿培帶領，帶帶下又話要搵佢阿妹攞單車，結果又搵錯人地屋企，CRAZY！雖然長洲風光不錯，但太熱了...... 少雯也有點兒熱衰竭，而我都熱到無乜胃口。

之後去左「蔭間」抖一抖，忽發奇想話打乒乓球，仲玩左ｄ小學生的玩意(三文治)。打左一個鐘，成隊人分兩TEAMS：購物團＆觀光團，購物團最大目的是買紅豆餅；而觀光團則去張保仔洞。我跟了後者，先去單車舖找架「車」(音：居)，又係由阿培帶路，直踩去張保仔洞。其實我都唔係想入個洞，因為我視力唔好，怕睇唔到路會跣低兼拗柴，但最終在牛丸、阿東、阿橙等慫恿下就唯有豁出去。果度有個女仔租電筒比ｄ遊人，但我地無租到($5用一次唔抵喎)，佢就不斷咁話：「入面好黑個喎」
阿培：「黑？我都行慣」
女仔：「入面真係好黑個喎」
阿東：「我有電筒喎」
跟住我地都無理到個女仔就入左張保仔洞，真係好黑呀！又黑又濕又窄，如果阿培再肥多少少都出唔到。

購物團＆觀光團會合後坐船返市區，隨即去灣仔睇激光SHOW。個SHOW就一般，尾段放ｄ煙花好靚，第一次近距離睇煙花，好興奮！晚飯之後仲去埋維園花燈會，除左有好高大的燈籠，還有機會睇到舞火龍，不過太多人喇~要KEEP住起跳先至睇到少少。

今日既行程十分TIGHT，很累，回程時又在MTR睡著了。

>>August 15, 2004 at 12:54:40 PM GMT+8

2003 年 9 月 8 日 星期一 【晴】

下午同左ALAN去東涌章馥仙見一見團長 & committee，基本上我要講既野，ALAN已經幫我講晒，加上呢ｄ場合，都係由一個高級過我既職員處理好ｄ，因為咁樣，我就有少少睡意了。

開完會，就趕番NTD會合家惠＆整少雯份生日禮物。雖然份禮物只不過係東角X十蚊店買的平價裝飾，但經我地粉飾＆心意，相信少雯收到都開心哩！之後去左長沙灣東京街的五十嵐食牛肉火鍋，今次好似上次小飛生日會咁齊人，加上connie返左黎，當然係食得happy啦~

>>June 6, 2005 at 4:10:24 AM GMT+8

2003 年 8 月 25 日 星期一 【晴】

今天是牛丸的BIRTHDAY，我特登入青衣，同佢地幾個青衣人去長發打邊爐，仲送左個老婆婆盒包的鳳梨酥比佢，唔知牛~歡唔歡喜呢？

P.S.: 次次都係得我一個由青衣搭車返屋企

>>August 15, 2004 at 10:17:08 AM GMT+8

2003 年 8 月 24 日 星期日 【乍寒還暖】

上星期交左一筆龐大的學費，即係話我已經成為HKU SPACE的學生。

今早就要返去聽一個NEW STUDENT TALK，個TALK前大半部有好多INFORMATION，好充實；但後半部叫人出黎玩遊戲，好無聊，因為ｄ遊戲答案全部都在STUDENT HANDBOOK有齊，AND THEN都唔係一定要知的INFORMATION，把鬼！

下午有一個PLACEMENT TEST，噢~ 太耐無用腦了！唔識做，所以亂咁做完就交了。完左個TEST隨即來一個COURSE SELECTION TALK，ｄLECTURER講野又幾搞笑，有個教心理學既仲話比一個IQ TEST我地做，呢ｄ就當然係「吹水唔抹咀」的甜言密語啦。

最後就係做註冊嘞，做齊晒ｄ野、報埋個O'WORKSHOP之後，就同ｄ同學SOCIAL下交換電話號碼咁囉。

>>August 15, 2004 at 10:10:24 AM GMT+8

2003 年 8 月 20 日 星期三 【雷雨】

今晚是澳門UGES TRIP的REUNION，嘩！除左得到一本新鮮出爐的報告書，仲有好多其他UG GROUPMATES送的紀念品。當中我最喜愛的就是一個GIRL GUIDE的小蜜蜂章，據說是讀幼稚園的小小女童軍所配戴的布章，好CUTE哩！

>>August 15, 2004 at 9:50:05 AM GMT+8