2006 年 5 月 24 日 星期三 【晴】

大家既做事方式不同，你進取，我保守

為左呢份功課，我付出既野，你都清楚知道

成班人懶理唔理、傾這份功課時你既態度，幾難受都好

我可以忍，至多呻兩句，之後如常無事

但你絕對不能說我無幫你改正錯誤 + 成日唔知做過乜野

如果要計，我做既野真係比你和其餘兩位多一倍

你須知道現在得我和你，兩個人完成這份功課，仲要同人地執手尾

難道只得你辛苦，我都覺得辛苦但唔感到有壓力

辛苦係每次同你商量時，先挑戰我，後你講唔羸我就話「你鍾意啦」，呢ｄ邊係商量啫

傷心係今次你咄咄迫我埋牆角，你估我唔想份功課好咩，唔想就由得你錯，唔會話比你知

你居然可以再將責任推晌我身上？

就是因為我相信你，我相信你的能力

我不敢說我有好EQ，即係我家人、朋友都唔認同我有EQ

但我敢說我EQ比你高

我同意你話「我們只能做朋友，不能做GROUPMATE」

因為再唔會有機會與你一齊做PROJECT，希望你日後入U，再有機會同人合作

我真的想勸一句

人與人的合作必需要互相體諒和信任

你明白嗎？

>>May 25, 2006 at 4:53:33 AM GMT+8

2006 年 1 月 10 日 星期二 【陰晴不定】

收到晶晶到message，佢話已經收到阿KEN寄的ESSAY，搞到成朝囉囉攣，溫唔到書

下午五點，終於「姣婆守唔到寡」去信箱睇下有無 ...... 真係有喎，但又好驚打開左之後，面對唔到事實 ...... 登登登DUN ...... 哈哈！A- 呀，係呢個SEM未試過，正好用來撫平前幾科的心靈創傷

>>January 12, 2006 at 10:29:47 AM GMT+8

2005 年 9 月 4 日 星期日 【陰】

今次真係「泰國步行」了！SEM 1 讀六科都唔緊要，但最大既問題係將２科LANGUAGE & ４科CORE一齊先大鑊野呀...........點算呀..........已經唔係叻過人、又懶到爆！仲有編埋下個SEM有３科係MEDIA THEME果ｄ麻煩科，叫我點搞呀！我死定了，鳴~

唯今之計打算將PSY & PHILO調去下個SEM，把CRIME同JOURNALISM調番上黎讀先，始終呢２科係自己有揀，學校都比到我可以叫做仁慈少少..........不過，每科都係得果幾班，仲要等有人走先至可以攝到位，真係要嘆一字『難』

從來都未試過個TIMETABLE咁難搞，唉~

一個人黑仔起上來真係無運行

>>September 6, 2005 at 6:35:49 PM GMT+8

2005 年 8 月 11 日 星期四 【驟雨】

一個好驚嚇的消息：因考評局的電腦出錯，以致會考生英文口試由A等變F等！！唉~ 再一次對香港既教育及政府失去信心。

呢幾晚都有收聽香蕉俱樂部講放榜，發覺打電話到電台的會考生都好「奪」，問佢想讀什麼，又唔識答；識答果ｄ就個個都話要讀物流、酒店管理，但到主持再問佢地知唔知物流讀ｄ咩，又係唔知！真係越聽就越覺得佢地好無知，仲有ｄ夠膽死講「下？我無計畫喎」、有ｄ就比屋企束縛住「阿媽想我讀中六，又話其他課程怪怪地，我自己想重讀囉」再聽埋佢幾多分之後，我心諗你收啦！咁低仲想讀中六？副學士先修都唔考慮你啦~

想必是現今的孩子跌得少，好多時有父母做擋箭牌........回想我慶幸有給我自由度的父母；自己在學習路上有起有跌的經驗，令我學精了懂得如何走自己的路，如今我要走的路也很明確──要讀degree！

始終，人失敗過才會成長。

>>August 13, 2005 at 5:18:10 AM GMT+8

2005 年 7 月 26 日 星期二 【酷熱】

嘩~ 我真係有一年無唱過Ｋ呀........雖然去到都無乜點唱（ｄ歌太新我唔識唱）, 但有ｄ好鬼爆笑既表演可以比我地笑番餐飽....hahahaha.....諗起都想笑 ^^

當日搞事者：岑ｘ滔
當日被玩者：鄺ｘ能（其實係「龍」）
當日FANS及伴唱：黃ｘ茵、朱ｘ慧、黃ｘ君、徐ｘ誠
攝影：陳ｘ鳳
幕後代唱：何ｘ然

將「激光中、絕對空虛、大熱」演繹得非常....................哈~

P.S.: 收到信啦, 可以如願入到想讀的THEME, YEAH~~

>>July 29, 2005 at 12:29:54 PM GMT+8

2005 年 7 月 2 日 星期六 【晴】

今日可算是一個大日子！不單止小朋友，連我也緊張起來，可能是由升上實習職員以來都有一種挫敗感背負著，所以這次只有成功，不要失敗！

由綵排到典禮都好順利，直到頒授團旗，當司儀說：「柴灣角天主教小學下午校，獲授團號為少年團第八十團」，果下個心真係好激動，瞬間記憶回想到昔日在柴記的日子。畢業後一、兩年，偶爾都有返過柴記，不過自從班主任生ＢＢ無再教書，我地成班友都無返過去，反而約出黎玩就多......到而家簡直係無晒聲氣啦！！加上大部分都係讀李城璧，日日返學都會行過柴記，唔會太懷念ｄ乜，曾經有次同CONNIE講不如CALL班友出黎見下，估唔到佢會講「難喎」，咁諗深一層，又真係喎，邊鬼個得閒拎住本紀念冊逐個打電話約？而且大家ｄlevel都唔同，可能出到黎無兩句就仲尷尬。

講番典禮，當日上午CONNIE都有來幫手扭波波，佢臨走先至問我：「著Ｕ咩斜袋果個係咪戴主任呀？」因為我地兩個４到６年級都係Ｂ班，戴主任應該無教過我地，所以即使「相認」都唔知你係乜水；反而文靜有比佢教過就已經相認左LU~

完左典禮一齊返HEAD沖涼，FEEL到隻腳無左......一直咁企，企到無乜知覺！總結，呢個半月搞到我元氣大傷，返到屋企無再沖涼就ZZZ~

>>July 5, 2005 at 6:38:33 AM GMT+8

2005 年 6 月 12 日 星期日 【陰】

今日是我的夏水禮......終於開齋了

多得牛丸想去游水先至有呢個機會~

>>June 14, 2005 at 4:28:14 AM GMT+8

2005 年 5 月 16 日 星期一 【乍寒還暖】

終於都趕完份文學 report，要快ｄ溫書預備考試 ......

有時真係覺得好唔公平，ｄ人上堂又瞓覺又玩電話，功課呢度抄下果度抄下就九十幾分；我地呢ｄ擔屎唔偷食既，自問上堂都幾留心，功課都係自己諗唔掂先至問人既就咁低分，天理何在呀？傾 project就老逢唔齊人，明知係day-off又hea住你話會返黎開會，點知之後打黎淨係識得say sorry；話搵資料就淨係識得上網copy & paste，copy完又唔做篩選下、paste完又唔code網址，鬼知你去邊個網搵呀，你估我係神仙呀？又懶唔去搵參考書，講到明幾時要收資料就等"N"世都收唔到MAIL，成日要打電話催，嘥我時間，你地就意見接受，態度照舊！如果ｄ咁既人入到ｕ，真係天無眼呀！

>>May 18, 2005 at 4:36:55 AM GMT+8

2005 年 4 月 21 日 星期四 【酷熱】

都唔知發生了什麼事？整天都唔舒服，又傷風、肌肉酸痛＆頭重重，可能冷親，所以人也不在狀態。6:30am 醒來就覺得唔妥，結果就走左8:30am既FAB！

但係，今日就算病到九彩都要返11:30既EAPP，因為本來係要交SUMMARY，個死鬼婆成日都無記性，做野又慢吞吞。WEDNESDAY叫我地做SUMMARY喎AND又話今日交，點知今日話下個月差多到 WEEK14、15先交。頂～！早知係咁，我同PELLY就唔洗捱夜啦，搞到1:30am呀！重有呀！skill comp. 果度又阻左我d ZZZ時間，因為話今個星期係暑期活動funding申請的cut-off day，THOMAS仲叫我最好今日SEND比佢，唉～上個星期先至傾掂玩咩野，又鬼死咁多功課，就連SFA補考我都溫唔切，邊有時間理紅會d野哩......仲有8/5既麻煩野......

上完EAPP就返左HEAD，都係無乜點做過野，我FEEL到自己發緊燒，所以都係返屋企抖下...... 由5:00PM一路ZZZ到食晚飯，但係我真係無咩胃口，只係食左幾啖飯，連我至FAVOURITE既雞翼都係食左2隻。病真係好痛苦，令人提不起勁去做野！

p.s.: 最近晚晚都發夢，又睡得不好 v.v

>>April 23, 2005 at 8:37:25 AM GMT+8

2005 年 2 月 10 日 星期四 【乍雨乍晴】

好耐都未試過過一晚原來係咁漫長 ...... 等左好耐都未天光

記得昨晚在六叔屋企食得太好了，是鮑魚盤菜，但年初二上、下午的天氣還是熱，可能就係因為咁，盤裡的肉滋長了細菌，加上翻得不夠熱，結果我就中左招。那晚ZZZ到凌晨四時，正好是發病的時間，突然一陣劇痛"震"醒了，接著就是瀉了幾劑，臉和唇也變得蒼白。幾經辛苦才可以爬出廳，飲左啖水回氣，又爬返房ZZZ。但又邊度可以睡得好，不論輾轉反側，還是打坐，肚都受不了陣痛，感覺到個胃仲有ｄ野，我真係唔點形容，好辛苦呀！>.<直至天光才爬出梳化，打算睡一個"復原臥式"，一睡就即嘔，之不過嘔左就好舒服。

因為實在太痛啦，所以都係忍唔住叫醒阿媽阿爸送我入A&E。實在我都唔想搞到咁太件事，同時我知道阿媽要返工，捱到七點先至叫醒佢地。我個肚實在太唔爭氣，不單止痛得不能企直，出門既時候仲嘔多左一鑊金。入到仁濟A&E分流，痛成咁都係輪半緊急，佢地比左張床我ZZZ......由八點等到九點半，才有護士黎睇下你、搵阿姐推床入去見醫生，話都無咁快就係腸胃炎同埋拮左支針，再比阿姐推去觀察病房ZZZ一個鐘。卒之搞到十一點先至有得走，返到屋企樓下仲走左去SUPERMARKET買寶礦力，雖然已經止左瀉，都需要補充下電解質。

返到屋企拿拿聲沖番個涼，總是覺得個身仲有陣"嘔"味，頭都未乾得切就ZZZ，真係無好好咁ZZZ。

P.S.: 幸好的是無發燒~ GOD BLESS

>>February 28, 2005 at 11:44:13 AM GMT+8