2004 年 9 月 14 日 星期二 【晴】

今日真係疲勞轟炸，係呢三個sem以來最辛苦的一日，返08:30放17:30，中間得11:30-13:00係空堂，bad！！可能我仲未慣返灣仔，搞到今日又遲到５分鐘，無奈。但今天返去途中見到一個幾個月無見既同學──就係阿飛哥喇，佢同我一樣都係遲緊到and未瞓醒。我地好努力上緊樓梯既時候，後面跟住跑上黎果個人好熟口面，原來係上個sem教我individual的carmen，佢話佢過黎教sociology，不過佢都遲到，仲跑得快過我地tim~ 我都想再上carmen教既堂，但今年應該無得上，要等Yr2，到時都唔知仲晌唔晌度讀lu。

08:30-11:30上logic & critical thinking，嘩，好多人呀！原來將三班夾埋同一時間上，唓~ 倒不如開一班咪算囉，洗乜分05,06,07班啫，把鬼！衰在自己遲到要坐山頂，一ｄ都睇唔到佢寫ｄ乜？亦因為坐左果個位，識左一個好怪雞的女同學，我完全唔明佢同我講ｄ乜。好彩到落堂見到judy走先知道佢都係呢班，有救星啦~

13:00-1600上gender & culure，又好好彩見到nicky，但依然見到一ｄ騎呢人囉，唉！呢班個miss幾靚女，好似郭藹明架，講ｄ英文好好聽，如果我ｄ英文講到好似佢咁就好啦(發白日夢@.@)！我發覺教親呢ｄculture既lecturer都好鐘意錄埋ｄ東風台既片比我地睇，都好既，睇片無咁悶。

1600-1730上QA1，係最難頂既一科，難頂在於係一個「佬」，佢話今個sem只係教我地呢一班QA1，平時係教QA2個喎，足足講左40分鐘廢話先教書。佢唔教就無事，佢一教書就簡直將我帶進昏迷的狀態，釣左15分鐘魚，如果唔係想去toilet的話，我諗我真係會昏迷到落堂。弊！明天還有佢既堂...點算？

p.s.: 今天終於都見到pelly, yvonne, 阿薇同晶晶喇！開左學兩日都唔見佢地，好掛住佢地^^

>>September 15, 2004 at 6:57:54 PM GMT+8

2004 年 9 月 2 日 星期四 【暴雨】

因為明天係O'day，今日要返學校做Preparation。

樊晶晶帶埋佢個堂妹黎，佢話佢屋企無人照顧個妹，所以帶埋返黎。初初佢都好乖架，叫佢做乜就做乜，但之後我地要落手做佈置既時候就開始搗亂 ...... 當我pa晌地下整緊野果陣，佢見我ｄ頭髮咁長，就扯我ｄ頭髮、仲搣到我隻手瘀左，鳴！小朋友ｄ無情力真係好痛~><~

但係呢個衰豬成日都我同佢去洗手，個個自動請纓話陪佢都唔要，硬要我陪。如是者就去左幾次，可能第一次帶佢去洗手係因為佢成隻手都係墨水，我好心帶佢去洗手，仲抱起佢、「吱」埋梘液服侍周到......畢業是小朋友嘛~ 況且我好少接觸小朋友，雖然今日比佢玩謝咁滯，但都開心既～

做到七點幾，就走去HEAD OFFICE搵杜敏敏，今晚係FIRST AID EXAM，我到了HO也只可在HALL外面坐著等著。忽然有個女人衝左出門口嘔，果時我剛釣緊魚都比佢ｄ嘔聲嘈醒，見佢好辛苦咁，我嘗試去問佢是否需要幫忙，當我想去倒杯熱水比佢，佢叫住我、仲同我講佢唔慣吹公仔所以反胃。噢~ 我都驚魂未醒，就轉身入番去，奇！搞到我好似好多事咁。敏敏考完就搭船過尖咀會合牛丸。我地傾得實在太投入，結果行錯路。

好耐都未試過夜晚在海旁逛逛，原來係好開心、好舒服、睇到好多野 ^.^ 只可惜我今日累了點。返到屋企仲要為明天的 o'day 整個 tap，成5:00am才zzzzz

>>November 13, 2004 at 6:41:44 AM GMT+8

2004 年 8 月 31 日 星期二 【晴】

今朝一早比小琼個電話嘈醒了，佢話原來今日唔洗返學(BU)，但佢就好儍咁返左，仲搞到連佢ｄ同學都笑佢，好瘀！所以打比我睇下我今日有無節目，想約我去街，但奈何我都未瞓醒，都聽唔清楚佢講乜，等我瞓醒先再打比佢啦！其實之前小琼都打過比我兩次，不過當時都DATE左其他人，所以都約唔成，加上我又曾經講過話大家開學前見下面，今天是一個好機會兌現承諾。呢個暑假真係邊度購物熱點都去晒，連小琼都係咁話......終於都諗左一處好地方──沙田。

唔經唔覺同小琼識左８年，呢８年裡大家都一齊經歷過好多考驗，當中互相睇住大家起起跌跌，到而家我倆總算平靜下來；在未來兩年裡，我地要比心機呀，唔要再睇住大家跌低，其中一個都唔可以呀，知道嗎，小琼？

今晩收到徐生電話，叫我下星期去interview，吓？乜咁就action，我仲以為可以抖吓添！雖然個人而言，我都係仲未想做職員，但我再無藉口留低了；而且還大有理由離開：第一，今年是一個好TIMING去升職員，因為學業方面已經settle好，時間比較充裕去處理新職員的事務吧。第二，留在七仔我還可以做什麼，我已發展到盡晒頭，要留多ｄ機會比其他AU嘛，我很希望這裡學到的一切不止是我一個擁有，其他的也可以更出色......

所以今天，去意已萌。

>>September 8, 2004 at 7:17:46 AM GMT+8

2004 年 8 月 29 日 星期日 【雷雨】

未睡醒就出門去奧海城join埋伯父，跟住一齊出發去大口環探叔公。

大約10點左右到叔公的老人院，佢已經急不及待將佢ｄ珍藏──船模型比我地(因為做了一堆無位放)，雖然叔公九十歲，但佢砌＆油模型都唔洗戴眼鏡，再加上佢個抽屜裡大部份都係砌模型既工具＆配件，真係十個勁呀@.@之後接左叔公出香港仔飲茶。

飲到11:30就自己去左鴻鴻表哥個診所洗牙，準時到都無用，都係要等成四十分鐘＃...今次佢終於都肯幫我補左一隻牙喇，但仲有其餘兩隻就死都唔肯補，又話「果兩隻都keep得好，唔係蛀得咁厲害就唔洗補住啦」，哎呀~補左始終係好睇ｄ既...不過算啦，今次補左一隻，都好過上次佢無幫我補過ｄ牙。

ｄ牙足足搞左大半個鐘，一出左ABBA就落左銅鑼灣SOGO shopping，再去埋Timesquare & muji，要補給ｄ文具。因為行到肚仔餓，所以見到muji既食物就流晒口水^^本來想買個車輪型蛋糕，但最後買左一個綠豆芝士批幾得意，賣相好似個蛋撻咁、味道似cheese cake，個車輪型蛋糕都係下次先試啦。

>>June 6, 2005 at 4:08:11 AM GMT+8

2004 年 8 月 28 日 星期六 【颱風】

當我還在睡夢之中，原來個water fun已經改左期lu，因為今日呢個天氣真係好bad呀！結果比電話嘈醒左，又無得去water fun，都唔知做乜好？諗到頭都大，最終都係同敏敏＆嘉莉去聯合shopping。

幸好的是一出太子MTR就係個shopping mall，所以唔係好濕身，尚算行得舒服。本來行行下睇中左條頸鍊，幾靚架，而且仲好襯我件衫個「士die佬」。諗住行完晒臨走先至買，但俗語有云「蘇舟過後無艇搭」，結果行完再返果間舖既時候，已經比人買左><失望+空手而回。

around 6點返到荃灣，因為今晚係一大班FRIENDS同補祝番牛丸的B'DAY。一出MTR佢地兩個就話小飛去捐血，想JOIN埋佢先行去PIZZA HUT，所以我地先去食少少野(真係好肚餓)，之後再去搵小飛，估唔到係食完野一出門口就行雷兼落大雨，搞到ｄ褲腳濕晒＃＃

在PIZZA HUT門口等位等左好耐...好耐...好耐，終於到我地喇！可能之前食左少少野，所以都食唔到幾多，希望藉此控制一下食量(其實一直控制緊><)。食完要早返屋企，並唔係因為鬼節要提早返去，而係明天要朝早９點要去大口環探叔公and接佢去飲茶，所以爸爸警告我要早ｄ返，呼，及時返到！

p.s.: 我仲未識玩喎，要玩多ｄ先......其實係咪因為我蠢呢？

>>September 14, 2004 at 5:38:21 AM GMT+8

2004 年 8 月 27 日 星期五 【乍寒還暖】

今日去左YU38 Enrolment，嘩...係近呢幾排既宣誓當中最多嘉賓、最精彩的。因為佢地請左童軍銀樂隊幫手帶領入場and表演，幾good架~

但我覺得今日好似比人玩咁，叫ｄEX-MEMBER上台做訪問。佢地都唔知自己問左ｄ乜，我又唔知自己答緊ｄ乜......完全無interaction，真係得啖笑！

完左Enrolment就打的返head幫手執明天water fun的物資，美其名話試吓ｄ水槍work唔work，其實我地係玩槍就真，"ver"到周圍都濕晒^^"，中場休息停火認認真真地prepare物資時，仲好心拖乾ｄ地方，點知之後又"ver"濕個地，依~~~ 媽媽同嘉莉仲用個地拖「對付」我，哼~~~

p.s.: 有ｄ野好似已經唔同左......

>>September 13, 2004 at 1:43:37 PM GMT+8

2004 年 8 月 24 日 星期二 【陰】

今朝好早起身，因為要同家人去飲茶，很久無去了，覺得唔去好似唔係咁好。飲完之後又返歸瞓一緊......一瞓就瞓到十二點，個人都仲係烏吓烏吓咁，連阿牛打電話比我果時都集心唔到精神，直至午餐之後。下午就更無聊，除左執行李上船玩＆等出發，基本上我都係hea多，早知杜敏敏在家都係無所事事就搵佢去銅鑼灣行街啦，唉~ 失策！終於等到四點半，雖然早出門，但也差點搭唔到邨巴，跑到氣咳。

經過荃灣MTR美心見到ｄ乳酪好似幾好味，但入左閘就唔可以食野，所以果時無買到，估唔到我早到左，可以有機會試試，wow yummy~! 大家join左之後去到碼頭，都係得個等字，連領隊都話未夠鐘，我地就唯有出去行一陣，去左睇基建exhibition，但係果度六點CLOSE，都行到一陣既。到左六點半坐駁船去大船，其實所謂駁船即是飛翔船，小時候怕搭得很，雖然OVERCOME左，但有時可免則免，點知坐完之後真係暈得一陣陣。

手續果度搞左一輪，就可以食BUFFET，ｄ冷盤熱暈都一般，雖然我唔係十分愛好冷麫，但又覺得幾好食喎。至於dessert方面...ok啦，由頭到尾都不斷係咁試唔同款，ｄ cake就當然無「媽媽」整果ｄ好食啦，呵呵！之後返房抖一抖，間房好暗；唯一最光猛既地方就係洗手間，而且仲係最細既地方。攞住個floorplan搵左好耐，都無我地想去的地方，只係去左ｄ望到海既走廊＆甲板，果度大風到呢......吹到頭髮亂晒，海風真係一ｄ都唔好受，吹完覺得成身都好立。突然間敏敏好鬼意興話教我地跳舞，其實讀中學既時候上PE都學過，但大部份送返比楊sir囉，所以同敏敏跳左無耐大概都跟到，不過我好似比佢「舞」咁！本來如果無其他人出黎都仲會跳落去既，結果係點都明啦......咪返去玩uno囉(我仲輸得好慘添)。差不多十二點，我地三個就夾計搞個驚喜比牛丸，因為過左十二點，就係牛丸生日喇！唔知佢覺唔覺得好surprise呢？跟住食埋消夜又返房休息了，本來真係諗住瞓，搞到我刷晒牙、瞓左落床，壽星女又搞醒我，又命令我地食晒佢買上船既零食，玩到大家都有點睡意先至有得瞓。

p.s.: 計劃得逞了，哈哈哈！Surprise~

>>August 27, 2004 at 5:58:52 PM GMT+8

2004 年 8 月 13 日 星期五 【乍寒還暖】

六點九就比雞晶個鬧鐘嘈醒了，因為太累(ZZZ得兩粒鐘)，所以我醒左一醒都係睡著。又過左一陣，雞晶醒了and then佢一定要七點三返到屋企，所以就起左身開門比雞晶走，似乎間屋似係我既仲多過似敏敏......雞晶走左之後，我地三個依然摶命係咁ｚｚｚ，終於ｚｚｚ到十二點半，但我覺得有點唔舒服，可能係敏敏屋企個冷氣太強勁了，結果凍親+頭痛。

接下來的時間十分荒淫(敏敏話呢個詞語唔係邪野)，「媽媽」教我地整tiramisu，原來ｄLADYFINGER好硬，但加左奶茶就會變稔，YUMMY~^^~午餐非常豐富，太飽了！加上飯後甜品......多謝「媽媽」!

午餐之後無野做，就一齊吹水。茵茵似乎唔係好願走囉，可能真係太好食好住的關係(我都覺得係^^)！差不多七點，我真係要走了，因為應承左回家食晚飯。但最後成個鐘先至返到屋企，返到去成身都散晒！

自此之後，敏敏就成為左我同茵茵的「媽媽」了！

P.S.: 食飽睡一睡，籮柚訓到大

>>August 23, 2004 at 4:57:07 PM GMT+8

2004 年 8 月 12 日 星期四 【晴】

今日去camp呀！去左邊度camp......嘻嘻~ 係杜敏敏屋企

早前佢話呢兩日屋企無人，可以去佢屋企玩通宵。所以我就約左佢下午先去城門谷游水，然後上NTD買POCKET MASK，再去街市買粟米FOR打邊爐，跟住最後就去左佢屋企，去到都五點半了。

因為敏敏要去HEAD OFFICE上GLI，所以佢留下我在佢屋企 (真大膽@.@)，可以幫手開定爐招呼雞晶。由七點到十點，都係得我同雞晶兩個，一路食、一路等、一路睇MISS HK，嘩，我地同一時間「嘩」左一聲......見到港姐走光呀(露左南半球)，好慘呀，ｄ報紙明天實會登人地走光相！

到十點幾，敏敏終於都返喇！仲有其他訪客來了一齊玩。五個人一齊玩扭扭樂，仲比雞晶影左好多肉酸相＞＜，一路玩到奧運會開幕，又轉玩UNO，仲夾計包抄阿東，成為大輸家。

最後走剩我、茵茵、雞晶 (我地幾個都預左會過夜)，諗住等到港隊出場先至睡，點知ｄ奧運主持話跟希臘文排序，港隊會係尾二才進場，結果到四點幾我同茵茵睡著了，只剩下敏敏同雞晶等到港隊出場。

>>August 23, 2004 at 4:07:40 PM GMT+8

2004 年 7 月 27 日 星期二 【乍寒還暖】

下午在房裡忙著執拾，因為明天要去廣州。廢事有其他人黎我屋企，見到成間房都亂糟糟就唔好啦！突然記起自己還未交學費，所以拿拿聲打電話比PELLY、KATIE、MICHELE同晶晶，睇下佢地交左未啦，OH~ 原來PELLY想轉去BU讀MUSIC，唯有等去完廣州返來再打比佢INTERVIEW成點。

現在逢星期一、三都要幫葵涌區教手語，雖然每次都提早出門，但時間好似好趕咁。先幫JAYE去「零食物語」搵生日熊，之後就去買下午茶。返到NTD匆匆食完個下午茶，就去上堂。今堂D氣氛好好^^，佢地終於都打破沉默了，有幾個仲發現「同情」的手語是周星馳＆張曼玉既「巴黎鐵塔反轉再反轉」，成班都笑死左，希望下次都係教得咁free咁開心啦~

晚上同媽咪阿爸交待了去廣州的事，佢地忽然話有上次用剩的人民幣，就給我當作旅費，WOW~ thanks a lot~

p.s.: d 人民幣真係好臭呀，每次攞完真係要洗手

>>July 28, 2004 at 4:28:40 PM GMT+8