2005 年 1 月 24 日 星期一 【陰】

估唔到黃SIR 求其得黎都有"少少"要求......但最後都PASS晒

為時十分鐘的DC EXAM，居然考左成三十分鐘，仲唔洗操入場。

早知係咁，我同牛丸就唔洗咁閉翳啦 ...... 佢再叫考過OPEN ORDER & WHEELING果時，真係好驚會唔合格LAW......考完又唔話比我地知結果，佢又卸比GT喎！大佬呀，合唔合格係你決定架嘛，GT都唔知佢地操成點啦！！同埋原來GT一樣野都無同我地準備，成日都拋返個波比我。記得TONY話決定左考邊日就入FORM通知GT幫我地搵考官；當GT收到FORM又問我搵左考官未，又話係導師搵喎，一人一套，你地講晒啦！我真係好徬徨GA呢幾個星期！

P.S.: HAPPY BIRTHDAY! JUDITH~

>>January 26, 2005 at 7:38:29 AM GMT+8

2005 年 1 月 23 日 星期日 【陰】

放左一日假，又繼續返part-time，不過只係返埋今日。

上午依然都係幫手做DATA ENTRY，做到十二點幾就入晒ｄ資料，突然間無晒野做。走去問 in- charge & 阿薇媽咪都話無野做，唯有做下自己野啦！就係計下自己有幾多錢糧law~ 加上做埋阿DIDI生意、將本OFFICE賣比佢都賺左100~ ...... 個書架又慳左少少位......哈哈

既然都無野做，仲以為可以有得走。點知阿薇媽咪話：你橫掂都係入開DATA，不如再幫我入多30張，跟住PRINT埋出黎就OK......就係咁，成日下午都做得好輕鬆，可以準時走之餘，又有＄到手，仲要係"現DULL DULL"，好耐都無試過有咁多＄放晌個銀包度lu。

返左工上左head，今晚為班DC作最後衝刺，點知得6個......算啦！反正個個STAFF都同我講某考官就一定唔會唔合格law，應該都唔大問題既~

明天基仔個唱賣飛喎，好唔好等加場呢？如果真係加就好lu！

p.s. 清左筆數輕鬆了...... 好彩有part-time，要繼續搵野做至得

>>January 25, 2005 at 6:30:43 AM GMT+8

2005 年 1 月 18 日 星期二 【乍雨乍晴】

第二日返工，開始有點累，因為昨日睇得太多字、加上又好細隻，眼睛總是提不起，重甸甸的＠.＠

今日都係依然都係做proof reading，做左一個早上。在這裡值得一提既係，下午完全不用外出and比錢食飯，係公司包埋，好搞笑係會有個阿姐大叫：洗手食飯啦！仲服侍周到，唔單止開晒枱、放晒筷子，甚至裝埋飯比你，好warm呀！

食完飯就成日比人問「你讀乜野架？點解唔洗返學咩？」類似既說話，呢兩年間唔中都比人問，所以已經完全懂得應對了，仲答得好得體 ...... 我認為 (吹咩)！

因為今晚要上SDI，早已同佢地講話要準時走，唔可以加班，但最後都係遲左半粒鐘。好趕好趕咁上HEAD熨and換制服。我覺得自己叫操進步左，起碼都會識叫下DP既動作。不過，我似乎唔係一個專業既導師，就星期一所發生既「錯誤」，已經足以了解到自己不是一個專業了！真係灰灰地囉~

>>January 20, 2005 at 5:05:49 PM GMT+8

2005 年 1 月 17 日 星期一 【颳風】

自考完試後，都未試過咁早起身，如果唔係為左份兼職，在七點半這個時候，我諗我仲係瞓到隻豬咁。本來諗住呢幾個星期sem break都會百無聊賴咁在家裡hea，又估唔到阿薇會搵我幫佢媽咪做果間公司part time！

雖然地點都叫做幾近 (@葵興)，但平日都唔會無啦啦去果頭，所以我係去錯左大廈，瘀！不過，最後都好準時九點到。初初負責in charge我的同事未返，就係咁hea左半粒鐘睇報紙，依我所見，其實果半個鐘裡，差不多個個員工都係食緊早餐同睇緊報紙，只係有幾個好勤力咁打字。負責我既同事終於都返到，佢先教左我要幫手做ｄ乜 ...... 嘩！我無諗過做兼職就比咁重野我做，佢地叫我幫手睇下ｄ單有無打錯字and check下ｄ數有無計錯，開頭第一份做得好慢，成日都唔記得條formula，但做落第二、三份就順左好多，越做就越似做proof reading咁。最令我感到飄飄然的就係佢地讚我學得好快，嘻嘻，不畢我都係做過文職嘛，經驗話比我知：唔識做就一定要問，仲要問得清清楚楚，如果做錯晒，辛苦係自己囉！

亦都估唔到係第一日返工就要加班，好彩都係半粒鐘啫。阿薇媽咪好好人，佢知我第一日黎做怕我唔習慣，成日黎我個位睇下我 (我同佢個位距離好差遠)，又請我食朱古力，nice ~^^~

>>January 20, 2005 at 4:41:02 PM GMT+8

2004 年 12 月 31 日 星期五 【乍雨乍晴】

~~~~~ 恭喜恭喜 ~~~~~

恭喜基仔砌低「安字尾」成為叱咤樂壇男歌手金奬，佢講感受果刻好感動，我真係忍唔住喊左出黎law~~

仲有

以「2826」票成為叱咤樂壇我最喜愛的男歌手　及

以「2966」票奪得叱咤樂壇我最喜愛的歌曲大奬

YEAH~~~ 超級開心呀

>>January 3, 2005 at 4:41:07 PM GMT+8

2004 年 12 月 16 日 星期四 【微冷】

超級開心呀~!!!!!! 今日係最後一堂multimedia，亦都係proposal deadline的日子，本來諗住返去蒲頭同埋交proposal，結果有意外既收穫。

其實如果唔係發惡夢嚇醒左，都唔會起到身返學(不過都係遲左成10:30先返到)。入210既時候最後一組都差不多present完，咁我就拿拿聲燒埋個product，再執好個envelop比Eric啦。點知到feedback時候，有出乎意料的結果：Eric話今日最好係derek果組，但加埋上星期最好果組......即係我地啦，最好都係我地組，呵呵呵~~~ 不過Eric此舉令derek果組不滿，就問點解揀我地而係佢地？就係咁，Eric就解釋得好詳細話因為我地個product有好多animation，正是呢個group project想要學生做到既野，仲讚我地個presentation & product好fancy添 ~^^~ and好多人讚我地個proposal整得好靚，那就當然啦呵呵~

之後同FANNY & PELLY講番ERIC讚我地個兼全班最好，都忍唔住笑，笑係因為真係估唔到同好開心，呢份野都做得好鬼辛苦，我地仲晌度發白日夢份PROJECT會唔會有A+...... 真係......發左癲...... 亦證明左我地所付出既係無白費。接下來的考試，雖然無咩把握，但呢支真係強心針，PROJECT果50%我地攞硬一大半。不過餘下考試果50%就真係要靠自己喇 ><

>>December 18, 2004 at 5:26:43 AM GMT+8

2004 年 11 月 26 日 星期五 【微冷】

剛過去星期四係小琼的生日，作為好朋友，當然在正日致電道賀啦。自佢升上中七後，幾年來沒有為佢慶祝了！所以約左今天請佢去睇戲、食飯，兼陪shopping、傾計，最重要就係見吓佢個人，因為每次約佢出黎，都總會有點唔同 (例如身材、髮型......)

原本今日係要上sport prog.，但又遲左起身＆提不起勁去上......很奇怪，心係想去上堂，但身體就覺得好累，唔多願意郁動咁樣。結果搞到1:30pm先至出門，點知去到停車場既時候就送車尾，＃可惡呀＃！小琼仲衰，打比佢既時候先至醒，咁我唯有去旺角百老匯買定 tickets啦。佢到左之後就同佢去pizza hut食 tea，突然我感覺好似回到中四、五那個時候......那時我地既感情非常要好，幾乎好似ｄ情侶咁，拖住手行街、抱抱不特止，好多野都share一齊用，會飲同一杯飲品仲用埋同一支飲管添！到今時今日我地仲可以好像以前咁，好舒服、好親切、好熟悉......

4:30去睇戲，雖然套戲打正旗號係愛情片，但我地大半場係咁笑，尾個三十分鐘先係講果兩個主角感情發展，拖得長左返而有點悶，整體都好睇既。散左之後就去左旺角新地標「朗豪坊」，因為室內好多射燈，結果我地越行越熱兼且一ｄ收穫都無。本來想同佢晌 Italian Tomato食dinner，但太多人了，我地都無能耐去等。最後行到肚仔餓先至走，果時已經9:30pm lu~

估唔到係一出朗豪坊門口就收到牛丸電話，佢話想行吓街，而小琼又未走喎~ 就係咁大家一齊去仙跡岩食野，有點怪怪地，可能好少同兩個唔同情況識既朋友會坐埋一齊囉，真係未試過呀。因為小琼仲有下場 (入西貢食糖水囉@.@)，加上佢有fd車佢走，所以走得好匆忙。

跟住就同牛丸去配con，佢隻眼成日都唔舒服，叫佢比ｄ時間雙眼休息吓、戴番有框眼鏡啦。點知佢死都唔肯，仲話戴眼鏡成個漢堡神偷喎~ 真係驚佢隻眼會出事......touch wood~

p.s.: 今晚見到成大班儍仔圍住有線個攤檔...原來係為左同少爺占+ donald影相

>>December 18, 2004 at 4:53:44 AM GMT+8

2004 年 11 月 14 日 星期日 【颳風】

超級開心呀~!!!! 上星期一既 PR PRESENTATION有結果啦，FRANK既COMMENT比左好多個EXCELLENT & GOOD...YEAH YEAH YEAH~ 不過尚有其他組未PRESENT，所以都係未有GRADE~

亦本來為左呢樣咁值得高興既事去慶祝 (唱 K囉...幾個月無唱過)，但一來我牙肉痛、二來差ｄ唔記得要同KATIE食LUNCH，結果就推左唱K去同KATIE食飯.......點知行到半路，有人打電話比佢知佢個中文阿SIR又放SICK LEAVE既時候，真係"晴天霹靂"。放左學就上HEAD喇，想話幫吓手做新職員ｄ野，原來好多野我都係唔識做，唉！做做吓野突然好肚痛......又牙肉痛，好慘！

今晚班DC(A)都唔錯呀，可能大部份係教師，ｄ領悟力始終好過學生，加上佢地又friendly，所以我同牛丸都教得好舒服 (感覺上...但佢隻眼唔舒服、我ｄ牙肉唔舒服囉)。唯有三樣令我地好驚既就係：

1/ 徐生突然在DRILL DROUND出現
2/ TONY 出左DRILL DROUND睇我地教操，好驚講漏ｄpoint
3/ 班DC(A)散左之後，得番我同牛丸兩個晌HEAD兼且要幫手鎖門&閘，死啦，上個星期又係咁呀，都唔知下次係咪又係咁，我地又無匙但要我地鎖門，搞到次次要問人攞 >< 煩

今晚好明顯凍左好多，可憐我仲係著夏U...........

>>November 16, 2004 at 4:22:56 PM GMT+8

2004 年 11 月 7 日 星期日 【晴】

......當我想save份課既時候，噢~ hang了機，死了死了~ 點算呀？成屋人都瞓晒，無人幫到我，好驚份功課就咁無左，鳴鳴~ 一路驚一路再開過部機，如果真係無左，我又要花幾粒鐘做過。好好彩......真係好好彩，還「健在」...... 即刻燒埋隻碟，呼~ 險過剃頭！黎到呢度，已經係凌晨兩點。

跟住好快咁搞埋PR PRESENTATION既野，再記一記ｄ稿。到左三點，即時tune台去做GE3既ORAL PRESENTATION，其實我估明日未必會到我PRESENT，每人５分鐘加Q & A，肯定未到我呢個排第15啦，好想瞓，但都堅持背一背ｄ稿。五點了，終於都忍唔住瞓左落床~~ZZZZZZZ~~

八點鐘，個鐘都未響就醒了，好鬼緊張：一來唔可以遲到、二來呢個PRESENTATION唔衰得 (25%) ...... 我比平時(當然講緊星期一啦)早左15分鐘返到，但今日咁重要時候，居然有人遲到，害得我地四個陣腳亂了，結果決定唔等佢，就開始我地個PRESENT，開始左無耐佢就返到，好「火羅」....... 不過，我仲「火羅」，因為頭腦唔清晰 (一向都係~)，Q & A係好樣衰 >.<

唉！算啦，果ｄ想摶表現比lecturer睇既人，就係死咬住你唔放架啦，唔通真係同你客氣咩？之後同LILLIAN去整佢既FLASH功課，因為大家都係今日交，我之所以做得完呢功課都係多得ANTHONY教我，可能日後要人幫的機會仲多呀，所以大家要互相幫忙。

果然，GE3個PRESENT真係未輪到我，今日先做得８個，之不過，今日輪唔到你，下次你都要講架啦，就睇下到時點死 >.<

今晚係第一堂ADULT DC，估唔到係咁多團長黎上，真係打左個突！當中，我發現左一樣野，自牛丸教左書後，就真係一個「老師樣」，今日真係多得牛丸，佢真係講得好好，至於瞓得３粒鐘既我，完全透支了，我都覺自己有時都獃了。

P.S.: 開心笑啦，別抑壓它

>>November 13, 2004 at 6:11:33 AM GMT+8

2004 年 11 月 6 日 星期六 【晴】

今日成十點幾先至起床，原定計劃好做flash份功課也擱在一旁 (但是明天就deadline了) ，加上除左PR 外，GE3 又係明天PRESENTATION，好~ 十分~ 超級趕呀~ 完全無晒時間 !~!~!~!~!

整個下午都在操，原來好多STAFF都無到，仲聽講話28/11都有REHEARSAL......早知係咁，我就唔去啦，枉我仲諗「如果唔到好似好有罪過感」。其實我個BODY係好疲累，因為昨日上完CORE CONDITIONING玩完啞呤、FITBALL，大腿呀、手臂呀都酸酸痛痛。又沒有食午餐，完左之後只係飲左杯「碎朱古力咖啡雪香」，就好趕咁返屋企食飯。

直至到8:30先至可以用NOTEBOOK做我份功課喇，但部機係慢到嘔，就不斷係咁埋怨部機，份功課又麻煩，淨係COMMAND都入到亂七八糟，結果凌晨1時先做得完...... (明天待續)

>>November 8, 2004 at 10:45:23 AM GMT+8