2005 年 4 月 28 日 星期四 【晴】

今天是副院長例湯的壽旦.........恭祝你福壽與天齊,並賀你生辰快樂~~

手袋都未放低就開始打仗!
拍住新來的POON姑娘......WOO~ >O<
多野做即刻醒晒!

lunch出街食飯lu,早排將自己屈埋office唔出去....今日有身心舒暢感~

放工又去見牙醫...佢今日又俾個壞消息我,上次話我d牙有老化現象,
經佢細心觀察後,我左面下顎骨嚴重老化....只有右面ge一半闊度.......極不正常生長...

我唔問,醫生都唔肯講.....手術後遺症有2-3成人,能下唇無知覺,手術期間,麻醉會有點危險,有機會失血過多...
手術後兩週,面部會腫一,兩個碼,口齒不清,需要請兩星期假......

book聯合做手術,初診要排半年,初診後兩至三個月會匯診,再幾個月後先落箍...
箍一年,做手術,再箍一年.......箍好後戴定位器兩年......比之前講ge兩年又要拖多一年,再加兩年......好灰~
希望呢一年內,不要再出現惡化....
我真的有點怕.....

整個療程費用:
1)一開始落箍誠惠:$17000
2)落箍後每月:$2000 x 12
3)定位器:$2200
4)定位檢查:$350 x 6-8
用透明牙箍唔該再加$5000

一出診所,有d埋怨阿媽......發佢脾四....點解?如果早三年做手術,情況完全唔同....明知發佢脾四係無用,
亦都唔啱....而且手術係一定要做,無論咩情況之下...但.......心情還是極度惡劣.....

回家途中,心情不好還遇兩隻大版小強....有一隻死在小玲驚嚇亂腳之下.....

心情不好,想不去赴約,怕壞心情影響朋友,返屋企冷靜左十幾分鐘,又覺得不是怎麼一回事,就如常赴會~
見到朋友確係唔同,一見到就好開心,有例湯,ada,麥翠,雅玲,還有ada bf和她的3個同學,
跟她一樣很開朗似的~

沒想到,她們會和我慶祝生日......因在意料之外,有點手足無措....:>
小玲有壞習慣,怕人請....所以ada不要見怪啊~
我不是那個意思~~^^
難得可以和例湯一同慶生日,還跟她交換禮物似的....哈~
謝謝你們記得我的生辰,thank you!!

ada也察覺到我肥了,但精神好了....我也該多做點運動~~

三點還在打這日記...手術....暫時先忘了它吧,一年後的事,一年後才算~:p



>>April 29, 2005 at 6:40:02 PM GMT+8

2005 年 4 月 27 日 星期三 【晴】

不記得做過什麼,只記得過了疲累的一天....因為太無聊,沒事可做~
但今天很高興啊!我終於七點前回到家......好像很久沒有回家吃過飯似的。

將開櫃會塌下來的衣服,全部執拾好了。
告別了中學的白色校裙,把它送到垃圾桶去~
一直想保留到年老時,但還是決定記在腦海好了。
記憶只會一時記不起來,不會消失.....

房間的東西越堆越高....餘下的,留待星期天再努力執拾!

明天又要見DR.Chan了,有點坐立不安....(@.@)~
不過ADA說會叫朗朗替我祈禱,連心都給我.....
我有這一班好友,感覺真好....
一個人的時候做什麼都有點怕的,興幸沿途有你....^^



>>April 29, 2005 at 6:02:11 PM GMT+8

2005 年 4 月 26 日 星期二 【晴】

今日lunch出左去飲茶,同兩個社工fearwell...
其中一個係阿龍....佢走左之後,無人鬧我lu...反而有d唔慣~

今日係咁食,好飽...=o=

社工要我做褓母,看住個四歲小妹妹訓晏覺,但佢唔肯訓,又勁COOL喎,
我咪捉佢起身玩囉,出動埋我GE "咘咘" & "吱吱",搞到佢唔捨得走~
仲話要返黎再搵我玩,不過我希望佢可以唔使再返黎!再見喇!芭比公主~^^

返學前,學生教我整小天使呀!
整之前係唔知咩款GE,整完之後靚到愛不釋手呀!
仲係佢自創出黎,突然覺得佢好叻呀!!
對於手拙的我有點難度,用了廿幾分鐘.....所以遲左半個鐘去返學~:p


上堂完全聽唔入呀,好想訓~~~
阿SIR不停係到"考試、考試、考試"....唔好啦~


>>April 29, 2005 at 6:01:14 PM GMT+8

2005 年 4 月 25 日 星期一 【晴】

嚴重缺睡....救命~

今天兩條腿更痺...體能非常差勁~例湯係咪一樣呢?

真係搵唔到我封信?點好呢....

好唔要得呀,發PT脾四~
睇書,仲要Anise幫我還....

黃太話帶我上病房參觀....哈~

上左堂廢SIR + 超悶GE一堂....OH~阿SIR好似係到講緊外星語言咁!
份功課100分呀!勁呀!不枉我搞咁耐~
少左10分GE壓力喇~我想張CERT拎A呀...

母親節想整個蛋糕耶~

寶恩好期待兩年後我會變咩樣,其實一年後都應該唔同左....
但我預期影響唔會太大......^^

個包裹係無名氏....手鍊一條~woo!
仲收多個包裹,包得勁靚,同媽子老豆好期待咁打開佢啦.....
一開...........貓糧一罐,哈!suprise!!

超級累呀,仲要成點先訓....天啊~


>>April 29, 2005 at 5:59:58 PM GMT+8

2005 年 4 月 24 日 星期日 【晴】

今早起床,感覺總是怪怪的~

媽昨晚給了我一個利是,往年那個我還未拆開,仍在我的枕頭下~

穿新鞋子被刮得後跟也損了~而且行山後遺症,小腿痺得要命!

Anise送了那件印有我名字的T-shirt給我做生日禮物,
但不知道我那天生日的她,卻是第一個送禮給我~^^

取消了菲臘牙科醫院的排期....不想再轉來轉去了。
我想轉工,但有難題出現了。(/.\)

買了例湯的生日禮物,有寶恩幫忙,快得多~~

兔仔,阿堅,寶恩和我在大熊本吃晚飯,我還怒吃了1/4個蛋糕....=v=
harry,joey臨時通知不能赴會.......oh~
寶恩很勇的送我介子,幸好胖胖的手指中有一隻戴得下^^
兔仔和阿堅送我的袋子,則是我剛想買的那一個...
之後我們繼續去吃蛋糕和看了<湊仔特警>....哈~
鳴謝阿堅連吃飯時都在打功課,也來跟我慶祝,我知道你們都很忙的....
你們都太好了...TvT

送自己給我做禮物,不要說笑了~
你吃那麼多,想跟我的貓兒搶飯碗嗎?我那有那麼笨~:p
但為什麼會收不到答案,我明明放了在他的櫃內....怎麼辦?真的要親口再說多次?
那封信我想了很久才可以寫好的...煩~

今年哥們沒有送我禮物,也沒跟我說生日快樂....忘記了嗎?
不可以忘記呀~我是你們獨一無二的妹子啊~^O^

有兩份包裹寄給我,除了峰,另一個我太概也猜到是誰....
不能親手送我禮物的人,不多....

3點多才睡覺,朋友,加拿大和香港有時差的啊~

多謝各朋友衷心的祝福!^v^





>>April 29, 2005 at 5:57:23 PM GMT+8

2005 年 4 月 23 日 星期六 【晴】

同例湯九點半開始行山.......行荃錦拗===>大潭涌水塘....行左四個鐘呢~~^^
曬到紅卜卜,腳隻都軟埋,之後過左大棠就搭車落返元朗千色果邊,帶住一身臭汗行街。
開心唷~好耐無行過山!

買左隻可愛鼠鼠俾肥仔玩,佢好鬼開心呢~~^v^



>>April 24, 2005 at 2:21:10 PM GMT+8

2005 年 4 月 22 日 星期五 【晴】

無朝無咩生意....悶,坐,呆~

取消左今日約見同事介紹我去睇ge外科醫生,既然手術可以係聯合做,
就唔使花幾萬蚊睇私家.....^^

收工同nicole,connie去旺角shopping,行足一日,旺中掃到花園街==>聯合=腳軟!^^

一共買左兩件tee + 2對鞋 + 一支sheshido =^v^
好滿足呀~



>>April 24, 2005 at 2:31:40 PM GMT+8

2005 年 4 月 21 日 星期四 【晴】

靜左兩日,生意又返來囉~

約左5:30見牙醫,係新城市廣場,但15分鐘去唔到,為15分鐘請假,唔值~
黎緊病假都要請好多.....諗住同老闆傾下,早走幾個字,第日補返,
但機會渺茫,點知GR同事非常幫忙,叫我私底下閃人,會協助我......非常感激!!!! (TvT)

今日見ge牙醫係dr. chan,係呢間睇www.drclemchan.biz.com.hk ,
一去到,就照左兩張x-ray,幅射有幾勁,睇d姑娘一開機雞咁腳咁走就知咩事....(=.=)"
照完耳仔即刻有d v wan wan..

同媽兜左陣再返去睇x-ray,dr.chan話,都算係嚴重,下顎比正常出左約1cm...
講左一大堆野,再問左一大堆野,問到我都唔知仲有乜可以問......
dr.chan就突然話要倒埋牙模,俾d姑娘係咁重覆將d野放入我口,又拎返出黎....
感覺都幾嘔心.....:p

預算會剝左兩隻上顎大牙,再要補下d牙,洗牙,跟住會箍一年到,如無意外會係聯合做手術,
跟住再箍一年.......全部費用約四萬幾......應該都要五萬,報價表下星期五檢查時先有,
跟住就會傾埋點箍同點做個手術......睇兩年....唉...諗起都覺煩~

檢查+2張x-ray+倒牙模=$1150

又要另開搵個牙醫剝牙......好煩呀~


>>April 22, 2005 at 4:16:47 PM GMT+8

2005 年 4 月 20 日 星期三 【晴】

來了個新社工...

大聲同撞聾而又蠱蠱惑惑GE阿毛講野,俾門口GE人誤會話我喝阿婆....(=.=)"

今日都係坐,就睇左半本書。

同事教路,用左15分鐘行左去沙角?,慳左30分鐘GE搭/轉車時間,
6:05已經到達葵芳...^^

未睇前好緊張,因為佢好唔好,會決定我"生死"...
間診所豪到....嘩嘩嘩...
DR. NG ?銜頭響到.....嘩 X 5
間野仲有好多防SARS設備,佢仲著埋保護衣服...第一次見牙醫係咁...哈~

但佢只係做普通箍牙,涉及手術GE要再去第二間,唔收我呢個CASE呀!
佢好好人咁答左我勁多問題,亦清楚好多。只係唔肯講我最在意GE手術過程係點o者....
原因:知黎都無用,得個驚,聽完未必會肯做,最終我都係訓係到,訓醒手術已經完成,
我知道係點亦都做唔到d乜。雖然有道理,但我真係做時,我實再問....^^
佢仲好奇怪點解我會咁清楚個治療...

DR.NG努力勸我趁後生做左個手術,佢個POINT係外觀會改善好多...
如果係因為有毛病GE,反而唔值咁樣做.....

佢叫我自己再去搵個專科矯齒醫生,咁就唔收consultant fee ge,
如果要佢介紹OR寫轉介信,就要俾錢,叫我返屋企再考慮清楚係咪真係會做手術,
因為做同唔做,係兩種箍法,自己搵,逐間俾Consultant fee,仲貴過封信,又無保証。
結果小玲即刻拍用$150買左封信....

見完佢好開心,因為佢話我可以係政府做手術,可能只係幾百蚊,
私家dr.要成十幾萬,又未必做得好,整個療程比之前聽ge縮減到只係兩年,
六萬幾箍兩次,亦只係需要四萬蚊就可以了...
一路行一路偷笑....果啖鬱氣,都可以吐返出黎....
如果真係呢個價,小玲可以自己負擔到ge...分期的~
急不及待打俾阿媽報喜,雖然嘈到聽唔到佢講乜~~^^

想買對鞋先返歸,但媽子話生日唔可好買鞋...oh~
之後就好興奮咁買零食,因為真係好開心,行到唔記得買個蛋糕慶祝下~
買晒野之後,係零食物語見到好得意ge玩具貓喵杯仔,只係$28....
但小玲身上竟然只有碎銀.......就係咁同佢say good之後,
趕住搭車返屋企,帶唔到佢走lu~佢真係可憐~:p

路經青衣?,見到有個戲棚,靚~
每逢小玲ge舊曆生日,就係真君誕,諗住夜晚叫父母同我過黎行下,但佢地唔啋我呢...=.=~

媽子想唔陪我去檢查,原因:要煮飯~
?到我一句你點做人阿媽架?得埋去.....終於奸計得逞~
唉...佢地對我個手術好似莫不關心咁....全部好似都係得我自己去搵,去問,去做決定....
唔係小手術黎架......點可以唔理架~(="=)


>>April 22, 2005 at 3:39:12 PM GMT+8

2005 年 4 月 19 日 星期二 【晴】

出左門先發現俾肥仔咬爛左...OH~拖屍咁拖住返工,又唔想著同事借我ge鞋,
好型咁用釘書機釘住條帶,型到丫....(="=)
我好似尋日個甩鞋阿毛....

對住另一個超煩病人,前前後後用左一個半鐘,頭都爆....

好悶咁坐左一日...早知帶本書睇下啦,浪費光陰。

上堂,阿SIR又癲囉....問問問問問......小玲因為答得敷衍,所以俾佢用黎做反面教材。
?頭又屈人地玩頭髮喎....傻架~
坐附近GE"反黑組阿SIR"又成晚失驚無神拍膊頭問野,嚇窒我同Wingo~:p

係地鐵站同nicole 傾左個鐘先歸家.....

返到屋企時,可能個樣太殘,阿媽忍唔住問我係咪好擔心個手術,點解瘦左好多咁...
我答佢少少啦...同埋呢排有粒大痱滋無乜胃口,又唔夠訓o者...
其實我一有少少緊張or擔心就會開始暴瘦....
我係屋企個樣都已經算係正常d,估唔到阿媽都留意到我為個手術而煩緊,
個愁字係咪鑿左係我個額頭呢?

搵左個阿姨推介ge箍牙醫生...約左聽日檢查...
阿媽叫我改期,因為係我舊曆生日,而且佢唔得閒陪我去睇....
但無所謂啦,我想早D見,可以諗多日先去見開刀GE外科醫生...或者生日去睇,會有個好消息呢~

呢期好似唔係返工就係去見牙醫....唉~累..


>>June 12, 2005 at 2:53:47 PM GMT+8