2005 年 6 月 10 日 星期五 【清涼】

八點好精零咁醒鬼左,唔守自己承諾,繼續訓.......碌碌下,就咁碌到兩點先肯死起身...真誇張~

但係訓得超足,今日容光煥發,好耐無見到自己呢個樣喇!

心血來潮,又郁下自己個頭,重手左D將自己D留海削得好短,....成個男仔頭咁,
不過都幾型GE.....收貨!!

之後就大掃除喇,仲出動埋果部十世都唔用ge吸塵機....搞到我身水身汗仲成面塵,
係今日熱or勞動大?

又整左d盆栽,死左兩盆呀,都唔知咩事.....=.="

真係覺得自己好鍾意講反話,係要同人駁嘴....人講東時我講西...
越叫我做就唔肯做......真係幾鍾意同人作對....
就係咁,今日同媽吵左幾次~
因為我死都唔肯幫手做家務喎,激到佢紮紮跳.....但我真係想做自己野。
但轉個頭,我又做左.....
佢叫我晾衫,我又唔制,轉個頭我洗埋再晾........
我的確係有d問題~:p

今日原來係端午,無咩感覺喎~

最終今日無做過運動耶,瘦腿大行動好似唔掂喎~

二佬買左勁多宵夜,食得好飽呀~
仲氹佢講左好多野我聽...哈~
幾鍾意聽佢講返工d野,好新奇~~

是夜,發現幅牆因之前朝濕而生蚤......驚嚇~
狂噴殺虫水.....

唉....又係咁喇,我都未同佢講野,佢又走左喇......=.='

每日都為去台灣而興奮~


>>June 11, 2005 at 5:58:46 PM GMT+8

2005 年 6 月 9 日 星期四 【晴】

九龍西果邊收到我份form喇,打左黎問過下d成績.....

今日狀態麻麻.....

唔知係我自己太留意或是確有其事,4月25日出生的病人,很多。
就這個星期已有7個.....

老闆要我代她打那份解釋收受病人饋贈禮物的信.....毫無頭緒。我可以不要嗎?:p
借d易.......唔打~~
等老闆叫我先打啦...嘻~

勁勁勁乖呀,今晚十一點就訓喇~
我要訓足d,等d皮膚靚靚.....呵~
我好耐無訓多過七個鐘呀....
跟住聽日開始就做運動,我唔要個肚腩跟對粗腳同我去旅行。



>>June 11, 2005 at 4:44:45 PM GMT+8

2005 年 6 月 7 日 星期二 【微冷】

phyllis今日LAST DAY喇.......佢走左,我會好悶...
唔覺唔覺,相處左半年....唔知之後會唔會KEEP IN TOUCH呢...我咁懶搵人...

今日又係無乜野做,好悶!

LUNCH,大部份同事都一齊出去食飯同PHYLLIS FAREWELL,margaret坐我隔離,好搞笑~
不過硬係同佢地有d gap咁.......吹水feel....應該係我ge問題~

寶恩介紹左份工俾我,係醫院finanial dept,做accounting的....
都係合約兩年的.....我從來都無留意過,起初都諗住唔係太啱,因為唔想再做醫院喇,
做到個人懶晒......我真係好頹......

望真d,兩年,差唔多完左個療程,而且又係我專攻ge account...
我唔做呢份,轉工都係向呢個路線...人工亦都好吸引....高過晒出面個市....
accounting clerk做五年都未必有呢個數....
呢個dept係會做死人,但地區,人工都啱........總比唔鍾意ge空姐吸引~

不過今日已經deadline,所以好怱忙咁dl form,再FAX埋俾寶恩...真係好彩佢留意到!
希望佢請我啦!!!千祈唔好係我去旅行先叫我去IN....我真係好想轉左份工!
雖然同事激好.......

要操返下d account,唔係interview一定俾人問到口啞啞.....唔記得晒~:p

跟住都FAX左俾阿B,希望佢都Apple...^^

走之前,同phyllis,thomas影左d相....就同phyllis一齊走lu......


>>June 8, 2005 at 5:17:09 PM GMT+8

2005 年 6 月 6 日 星期一 【晴】

媽一早就打破了SW送我的那隻杯子....Oh~
跟了我四年,還是破了~

空閒了大半天,三點後卻忙得人也癲~~~(>O<)
繁忙間,手被白紙界刂了條很深的傷口......血如泉湧....很痛耶~

下午見了個PT,超級靚仔,非常似言承旭!!!

又去搵dr.leung了.....這次費用全免,因為上次出現了小問題...
佢幫我擦左d叫"four 懷" ge液體落d牙到....好甜,好似糖~
仲話:"你次次黎親,我係咪都好似你哥哥咁樣,同你擦藥膏呢~
(藥膏??點睇都唔似我哥啦..吓話~~我哥唔會同我搽藥膏的...XD)

國泰又請人,表嫂又叫我上網填form,佢話如果空姐唔夠資格,地勤都實請,
有人介紹,唔使in都入......一口就同媽講,我唔會申請....我唔鍾意做....
但其實個人工好吸引......唉..唔知呀,諗下先.....唔想靠人...
亦都知,自己英文咁水,入到去,一定有問題......對英文缺乏信心,已經變成一種病態...
而且仲未有心理準備去見工...............=.="
好耐無試,好怯...

累到好早就訓左係梳化...


>>June 8, 2005 at 5:03:30 PM GMT+8

2005 年 6 月 6 日 星期一 【晴】

老闆今日無返,唔使俾佢問話~Yeah!

今日無咩野做....同THOMAS係咁一齊發台灣夢...哈~

原本anise約左我同phyllis放工去買水晶,不過phyllis有事做,
所以我地就捨棄左佢喇.....當然,無左佢做我地GE買手,我同ANISE係只會亂買~~
我地係深水埗見到好多靚衫呀!如果phyllis見到應該會好鍾意,
不過我地一件都無買到,批發的~

ANISE仲帶左我去食超滑腸粉....間鋪好得呀~
但搭枱D人好搞笑,會搭訕的。

同樣,今次都係缺貨,好多野都買唔齊....
我地又係鴨寮街都八下,行到八點幾,D鋪好早就收檔了。

九點係青衣城買D野,就返屋企食晚飯,睇電視睇到十二點先沖涼訓覺,
都唔知做乜成日搞到自己好忙咁...=.="

肥仔在這幾天晚上都是無精打采的~怪!


>>June 8, 2005 at 4:21:56 PM GMT+8

2005 年 6 月 4 日 星期六 【晴】

之前返夜校ge同學仔阿輝,話成班同學約去睇戲。呢班d同學仔勁愛聯誼~
不過我沒有空去,其實我沒打算keep in touch~:p

steve打黎,想問下佢呢家好d未,但我上次連佢講乜都唔係好知,所以都係無問到....
佢仲問我,上次有無嚇親我,我答:"少少啦...(係好驚!)",
好婉轉咁叫佢唔好再企係我樓下,有事打俾我....咁做,o岩唔o岩呢?

邪~咁多人零晨打黎?!

晨咁早就起身同connie & nicole去唱k,不過我都係去食lunch ge啫~~^^

唱完就去我地目標....報團!
一心想報個團,但旅行社已經改左個行程,而且因為係豪華團,
除左我地3個,根本就無乜人報,成唔到團....
結果都幾無選擇下,揀左個價錢差唔遠,但行程都差幾遠ge四星團.....
無得放天燈,又無左淡水....我唔制耶~
到時又要夜晚出動了...

之後係旺角兜左陣,想買泳衣,睇唔o岩,無買到~

跟住我就走先,幫哥哥買d野,由於好似自由行買藥黨咁,係萬寧一擲千金,
而且要職員入倉?貨,佢地使我排隊,搞到我俾其他顧客眼望望,仲鬧左幾句.....=.="
....一次過俾成百幾個印花我,直頭VIP服務....香港服務態度真係唔掂檔~~

媽子今日包稯呀,我幫手食~
阿邊個又拎左隻俾我......阿峰媽咪又拎左袋俾我....Woo~

今日都唔係點行過,但就好累啊~
日積月累的疲累。


>>June 8, 2005 at 4:16:15 PM GMT+8

2005 年 6 月 4 日 星期六 【晴】

今期好書推介:

纏來禪去~

智者心情話/童話/笑話<===好多網上故仔出至呢到

漫畫禪~

>>June 4, 2005 at 6:15:49 PM GMT+8

2005 年 6 月 4 日 星期六 【晴】

http://www.tomor.com/star/itssh5/charactor_query.asp
又係例湯果到撻ge~^^
但好似玩過的......

您個性中：
金牛座的守護星是金星。雖然做起事、走起路來速度不快，但是金牛座的你，只要決定開始行動，每一個步伐都是又穩重又踏實的！擇善固執，只要認為是對的事情，無論多久也會辦到。處世慎重的你，滿面笑容，常常有出人意表的靈活跟幽默，逗得大家開懷大笑；對於朋友的托付，只要接受了，不管多難也一定會辦到。對於愛情認真執著，責任感強，可以給你的伴侶安定感。對於美食和藝術有特別鑑賞力的你，要記得：寧可把頑固的牛脾氣發在難以克服的障礙上，可別拿來對付你的朋友或家人。

天秤座的守護星與金牛座相同，都是金星。天秤座的你，兼具冷靜理智與浪漫典雅兩個特性，
天生就帶有優雅氣質，也是浪漫的戀愛高手。非常親切又善於交際，任何熱鬧的場合一定少不
了天秤座，而你也總能把氣氛拿捏得恰到好處，所以總是能在人們心中留上好印象。對於事情
的看法公正客觀，但總是神秘地不輕易透露自己的真正想法，令人難以捉摸。你很能因事制宜
，可以在事情中找出平衡點，優柔卻不寡斷；也因為這樣，很適合扮演朋友間的仲裁者。

雙子座的守護星是水星。是一個天生就善於表達、變化的星座。靈魂裡永遠存在著兩個不安分的
小孩子，總是爭相想要出頭，急著說話、表現。你非常的幽默靈活、長袖善舞，懂得在什麼場合
，就該說適合那個情境的話，表現出那個場合適合的模樣，所以你身邊總是圍繞著許許多多的朋
友，他們都是被你的魅力所吸引來的，因為你有強烈的求知欲和好奇感，對音樂、文字或是繪畫
具有特別的感受力。不安於室，常常有遠行的打算，不喜歡被固定的人事物捆綁，嚮往自由自在
沒有牽掛的生活。你可以在同時間裡，又准確又迅速地完成好幾件事情，可是一定要量力而為，
可別累壞了自己，又導致神經衰弱才是。



理想男性:
金牛座喜歡溫文儒雅，忠厚老實的男性。
天秤座喜歡英俊瀟灑，風度翩翩的男性。
雙子座喜歡博學多聞，幽默風趣的男性。

戀愛觀:
金牛座享受過程中按步就班，細細品味的樂趣。
天秤座享受像愛人，又像朋友，和其他朋友一起玩的樂趣。
雙子座享受心智的交流，讀你千遍也不厭倦的樂趣。

金錢觀:
金牛座錢是用來過著安全而舒適的生活的。錢最好是存起來，不能浪費。
天秤座錢是用來提高生活品位的。該花就花，不然生活有何樂趣。
雙子座錢不重要，資訊比較重要。錢是身外之物，不必太在乎。

飲食觀:
金牛座天生的美食主義者。最懂得細嚼慢嚥，享受食物中的美味。
天秤座吃是生活中不可或缺的樂趣。重視飲食的美感和社交功能。
雙子座喜歡通過吃來進行資訊的交流。享受收集和傳播美食資訊的樂趣。

決策模式:
金牛座用感官做決策，需要很長的醞釀過程, 較少失誤。
天秤座參考多方面意見，面面俱到，三思後行。
雙子座收集各方資訊，充分思考。

>>June 4, 2005 at 5:49:09 PM GMT+8

2005 年 6 月 3 日 星期五 【酷熱】

唔想佢咁....唔好再頹喇!想頹到幾時?知唔知自己係到做緊d乜???

某日睇Rabbit 去做實習老師ge相,好安慰咁....佢好叻,相信佢將來會係一個好老師~
平日望佢,覺得佢同f.5果時差唔多,但睇佢俾成堆好似我地上當年咁款ge學生圍住,
原來我地大個左咁多......

隻牙補左一個星期之後,食冷熱野都好酸痛,搞到又要約返醫生去check下...下星期二~

返工.......吹水,睇書渡日....不堪~

同事說,手臂有痣的女性會很小姐脾氣,即使平日對人有禮,回家就會現形。
我伸出我的手說:"我,右手有3粒痣,越大越多....." :p

還好今天心血來潮,出門有拎傘~掂呀!

入左元朗.....阿端姐一時跣手,成樽香薰按摩油淋左落我件衫到.......oh~

之後去左青衣圖書館,用一粒鐘睇埋本書,順便還埋去.....
跟住又借左幾本書......我終於用果到d電腦搵到我想要ge書......哈!醒目呀~

今日開心,所以又有少少發花癲~

溝了一瓶香薰按摩油......喜歡~=w=


>>June 4, 2005 at 5:20:30 PM GMT+8

2005 年 6 月 3 日 星期五 【雨】

一開工,上次話想搵我食飯果位年輕媽媽帶住BB黎搵我,
拎住一把遮同一把間尺叫我拎住。

佢:"你幫我保管住先~~^v^"
我:"哦,你想擺係到先?,咁你係咪諗住帶阿B睇醫生先,轉頭返黎拎?"
佢:"唔係o丫,今日唔使睇醫生..........................你幫我保管住先啦~"(想走..)
我:"....o下?咁你幾時會黎拎返?下次覆診?"
佢:"唔係呀,我買俾你架...."

一望先發現,兩樣野都係貓GE....

佢:"你收左去啦,你唔講,邊有人知,你當係朋友送俾你ge,公還公,私還私,
呢個係私ge,我特登買俾你架,你收左去啦~"
我:"我唔收得架,你都知架....唔得架,你俾阿女用啦~"
佢:"唔緊要啦!好平架咋!我無其他意思架,我覺得你真係好好人,又鍾意貓,
我真係淨係想送俾你架咋,你收啦!"
我:"唔使架喇,我都係做野架咋,唔使咁客氣架..你收返先啦~我真係唔收得架"
佢:"咁你當我係你朋友啦,收左去..."

不停咁講左一輪,推返俾佢,佢點都唔收,同我角力咁....又搵阿B黎頂住...
最後仲扯住我對門唔俾我出去,開到對門時,佢已經抱住阿B跑走左....

其實我好開心,佢覺得我好人,同埋認為我幫到佢,有種被認同GE感覺...
不過Office真係明文規定唔可以收,加上我身份關係,絕對係有利益衝突,真係唔准收。
而且,我真係好怕人送野俾我,無功不受祿...幫佢ge係政府,唔係我~
佢都係有困難先會黎,我點可以仲要佢花錢送野俾我。

其實好人ge係佢,心地好善良,仲咁有心去買禮物俾我...感動...
我好怕咁樣拉拉扯扯,好肉酸。
佢仲要抱住個b,好驚整到佢,望住佢跑,仲驚.......連埋個b仆親就大鑊~
如果我唔係職員,我會好誠心咁收左佢份禮物,我咁樣推佢,唔知佢會唔會唔開心呢....

拎住d野去問同事點算,佢地就係咁話收,
拎去問老闆Eva,佢:"哎呀,如果係食物都可以食左去,無人知~
咁樣我都唔知處理喎,你放低先啦~"

我諗佢都係會問winnie......星期一佢實捉我問話....

>>June 4, 2005 at 5:20:17 PM GMT+8