2005 年 7 月 22 日 星期五 【晴】

12/07/05
瑤瑤,我收到你ge信同你隻肥仔ge相,佢好得意,多謝你!
佢咁可愛,應該係俾人收養左,過緊d好幸福ge生活,你咁珍惜佢,佢一定會好好!

放學的晚上,無再抱住你黎hea….一齊玩,呆坐左係到,唔知想點咁….

初次成為彌償人…..

收到網友阿樂電話,每次有人問起,個心就痛痛痛…..

以前睇過個故仔,小女孩會係閃電時望天微笑,等天公同佢影張靚相….
刻意抬頭,對住個天笑…..肥仔可以看到我嗎?我幻想可以看到你…..
======================================================
13/07/05
黃太叫返上次鬧我果個病人同我道歉….
都知佢唔係真心,不過佢下次應該唔會再亂咁鬧人,
但我都唔知應該俾咩反應佢,只係”嗯~”左一聲….
呢一刻…...什麼都不重要了…..我重視的,都離開了…..

又要返學…..趕起左份功課….心不在焉….

討厭放學…..因為返到屋企ge時間,正正係十點半….
返屋企路經公園,一路行就一路諗起肥仔,眼水就一路係咁流….
跟住再撞到polly,傾左陣,佢係小芝之後,
第一個上黎同肥仔玩ge朋友….諗起肥仔見到佢個反應時就好搞笑…..
果次仲係bb貓,fit一fit ge身型,都成八,九年前了…

再撞到上次俾鎖匙個保安,佢見我眼紅紅,叫我要開心d,
佢話佢都記得肥仔果晚個樣,好難過,.....話害肥仔ge人,自會有佢地ge因果….
講完之後,佢自己眼都紅晒…
==============================================================
14/07/05
嚴重睡眠不足,坐係車尾搭車訓過站,有個女人喘住氣,
拍醒我:”小姐,你要落車喇!已經過左一個站喇!”
講完唔該,衝落車,見佢跑返去車頭坐…..勁好人!!
其實我認得佢係老人院ge果個職員,對老人家超好(少有),
一直搭車都有撞過佢,我以為佢唔認得我….

想將肥仔ge事,記載下來…..他的點點滴滴….他的相…
我不想忘了…
============================================================
15/07/05

一個月……

今日決定去睇醫生….唉……
希望佢幫到我….

望到鏡入面ge自己,認唔到….好得人驚…..
唔忍喇……好唔鍾意喊苦喊忽,但忍住好辛苦…..
喊啦喊啦~喊夠就唔好再喊,喊到自己收聲為止!

Part-time……

陰影揮之不去…不停閃起果晚ge每個畫面…..
肥仔訓係平台個樣,衝入去果下……不停咁係腦海閃過,好痛…..
個心扯住扯住……好辛苦…..

開櫃,見到部收音機,諗起對面孖女早前會考叫佢阿哥過黎借收音機,
諗都無諗就即刻借俾佢地,舉手之勞,…但佢地就咁樣對肥仔,
真係覺得自己好蠢……你地唔錫肥仔,點解要搶走佢?點解唔肯俾返我?
點解唔俾佢留係我身邊??生命黎架!點解咁對佢??????
==============================================================
16-17/07/05

放工,曬到溶……見到個拎住拐杖ge人,用把遮仔cool住個頭,
俾人撞歪左都無手去移返正去…其實,點解無人生產一d可以加係輪椅同拐杖ge拆卸式雨傘/蓬呢?

我沒我想像中堅強…..

講左俾幾個朋友知,睇左醫生ge事…….

Ada &例湯和我到海旁傾了一夜,也有一年沒有到那裡柴娃娃般說心事了,
每每提起肥仔,眼水都忍不住,不願朋友看見我哭的樣子……
唔想將不快ge情緒帶俾朋友……..
成日要朋友陪,陪到我自己都唔好意思…….
不過今晚望住個海,感覺好d…..我好想對住個海大”艾”…..我有好多野想講……
================================================================
18-19/07/05
公司例行身體檢查……今朝去左body check,照肺,驗眼,驗血,驗小便……咁就半晝….

累極,係梳化訓著左,夢中喊住咁大叫左一句……
就係咁醒左…擘開眼想抺眼水時,阿爸,阿媽已然坐住係隔離望住我,
摸住我個頭叫我唔好咁樣……咁大個仲令佢地擔心….

同karen傾左好多心事,講左出黎,個心舒服d….

>>July 23, 2005 at 3:42:30 AM GMT+8

2005 年 7 月 11 日 星期一 【晴】

08/07/05 - 11/07/05

07/07/05
今日遇著一個好惡,好無賴ge PT,唔帶齊文件仲發惡,企起晒身,拍晒?咁,
欺善怕惡,所以我唔縮,亦都堅持立站,跟足規矩黎做,一句都唔同佢嘈,
阿lam見到佢想郁手,就護係我前面,個PT仲扯住佢職員證話要投訴我地,
老闆都望到晒個過程,我地無做錯,即管去投訴,其他望到ge PT竟然唔怕佢咁惡,
好正義咁企出黎幫我地做證,呢D就係公道喇!!

同事自發性咁收集帛金俾同事,今次係我第二次俾帛金....對上已經係好幾年前
讀緊書時好友GE??LU.....

由個窗望落街,就諗起係佢地果窗望落去見到肥仔個下...
個心扯得好勁.....果晚GE影像,係一個永不磨GE陰影...除非我老人痴呆症,
唔係....都會跟一世....

ANISE見到我仲係咁樣,話想打我,我都討厭頹廢GE自己,我都想打自己一身!
唔要再係咁樣!!

見到HKCATS入面,D貓主喪貓後都好堅強,我要向佢地學習....


09/07/05
收到個吉儀....白事,永遠都令人哀傷...

院牧見到我,都忍唔住再問:"你好嘛?"
我要學習收埋我GE情緒,唔係會影響到身邊人....

例湯好好,再陪我去探肥仔,李生超盡責,仲提早幫肥仔上埋靈位張相同個名牌。
佢係我同肥仔傾計時,都同我講下靈位果到D野,跟住就講左句最中我痛處GE
說話:"如果唔係果家人,肥仔呢家仲係,屋企好開心咁玩緊..."

知道有餐廳老闆無私咁幫我地將呢件事傳俾其他人知道,
好多謝佢,麻煩Takumi輝請代轉達一聲"謝謝",好人一定會有好報的!
還有KITTY!

10/07/05
連日來,區議員沒有回覆,最終只係話提供免費法律咨詢,
早就料到會如此,沒有失望,佢係呢區議員,點都要佢知發生過D咁GE事,
下次再有咁GE事,佢就唔可以再扮無野!

11/07/05
聯絡緊其他區議員,可能都係無用,但佢地GE回覆,都已經令人振奮,
起碼佢地知道係咩事,有盡力為個肥仔去取公道!

遇到個不停話要自殺GE PT's 媽媽,OT左成個鐘,?左佢好耐,希望幫到佢.....
有健康ge身體,點解唔好好珍惜??
好多人想要都要唔到......

仍然有收到簽名信,電話,謝謝!

今日YAN 生日,看見她很快樂,看見半年沒見的朋友,活得比以前更好,
他擁有幸福了.......我終於可以開懷地笑出來,今晚終於能像從前般笑,
之前幾天,在笑的時候,就想哭.......

>>July 21, 2005 at 8:01:51 AM GMT+8

2005 年 7 月 11 日 星期一 【晴】

25/06/05 - 01/07/05

同事kitty教我,學她的方法,每天送你一個心...媽多送了一個心給她的狗兒,
她是個很好很好,很善良的人,安忍媽竟反弄至自己哭了...

世事無常,一位同事的母親早幾天也突然去世了,想她必很難過...
保重啊.....別難過.....

聽一個婆婆病人哭說丈夫離去,也跟著想哭,真想她一個擁抱,
我難過時,家人,朋友,同事每個人也抱一抱我,在無助的那刻,
他們的關懷我感受得到,為何會有生離死別...太難受了....

令天去探了你,比我想像中平靜,我不打開你的蓋子,不驚醒你...
例湯,阿靜多疼你和你媽,特意陪媽來探你....
真好,探你的時候天朗氣清,...你最喜歡,我也喜歡...
似乎這裡平日不常有人來,很靜嗎?
我會多來探你,我己認得路了!
舅舅遲些也會來探你....
見完你之後,我的心很平靜,我知道你現在很好,我很安心!
我會活得很好,一定比他們好!

令天異常憤怒、無奈,這輩子也沒試過這樣,
但那職員實在是太過份和不負責任了,這件事後,才知香港法律有那麼多漏洞,
完全在保障做壞事的人,又一次求助無門....

媽把你的相全拿出來翻看....大家都刻意隠藏著傷痛,
十年,...你的樣子也有不少變化,但我對你年老了的傻樣子,印像最深~
仍然很掛念你,很捨不得你...你就在彩虹橋好好生活,
我們有緣就會再聚,下輩是我同樣會好疼你!

傻豬仔,我還是想著你的樣子...掃你肚皮的樣子....掛念你...

01/07/05
走到一條街上有很多貓的地方....每有一隻走近,就會偷偷看看會否是你..
走到半路,有人在附近賣貓貓,忍不住伸手摸摸,很可愛.......
但他們都不是你....感覺完全不一樣....

>>July 21, 2005 at 8:01:27 AM GMT+8

2005 年 7 月 11 日 星期一 【晴】

19/06/2005-24/06/2005

想睡,但不知為何仍睡不著,看到網友們的支持,很感動...

我有告訴肥仔,有幾隻貓兒sleep、小龍、仔仔等會和他做朋友,會照顧他,
我也很想知道彩虹橋是什麼地方,他到應會很幸福的。

表面看似平伏了,但每當想起和你的點點滴滴,眼淚就會自然流下來...
很掛念你,家中每個角落都有你的影子,以前你在的時候,
一屋吵吵鬧鬧的,你總愛大大聲的叫著我們....發出各種各樣不同的聲音,
去引我們注意....
沒有你的晚上,什麼都變得乏味...
不能再抱著你,不能再跟你逗玩,每次捉迷藏也是你找我的,
現在到我找你了,但卻無法找到你....你跑得太快了...
你在兒好嗎?我很想知道!不過你有很多很好心的哥哥,姐姐替你祝福,
你一定會得到快樂的!

你到過新居看過嗎?那是媽媽跟舅舅替你揀的,很開揚,環境很好,
有個大露台,在可以看到很美的風景,可以讓你曬太陽...
你不會悶的,媽每天也有跟你說話,你聽到嗎?

你有聽話乖乖上路嗎?你應承過我的,我知道你會做得到,
你到了那裡,我就會安心,想媽放心的話,你就要聽我的話,知道嗎?

令天午飯突然想起你,心頭很痛,...為了遮掩著眼淚,就趴著裝睡,
也好,邊哭邊就睡著了,但我夢不見你,...我知道那意味著你生活得很好!
媽也好多了,只是偶然捨不得你...

很矛盾,想想起你,又不想去想起你....

有時在腦海想找尋你的影像,但容貌好像有點模糊不同了,我很怕會忘記你的樣子...
你知不知道嫲嫲的樣子?到天堂去找她,她也很愛貓貓的,你告訴她,你是我兒,她一定會好好照顧你!

你放心呀!你知道媽很堅強的,再惡的人我也不怕,我很快會重新振作!
這四十九天就讓我繼續去想你......

見到朋友為我守護著日記板,感動....
我想信天理循環,我知道你在看....

你今天生日啊,你知道嗎?

>>July 21, 2005 at 8:00:55 AM GMT+8

2005 年 7 月 6 日 星期三 【晴】

05/07/2005

晚上,又要開始上學了.....忙忙碌碌的日子又來了~
肥仔,你真懂得選時間離去,若你在這個月離去,我都不知道會變成怎樣,
一定連學都不上了...
如果可以讓我貪心一次,真想你陪我一輩子...
如果那一晚要上學,那時應剛放學回家了,定必抱著你在懷中...
會否一切就可以改變了?時光為什麼不可倒流?
一向不想"如果"的我....現在卻非常希望"如果"可以出現...

區議員不在office,他的助理在我催促過後,才致電給我,
叫我:"你應該要報警呀,你應該要打去愛護動物協會..."
告訴她,我可以致電的都打去了,問她有何可以幫忙,
她就說要和區議員商量後,再致電給我...

謝謝sharon,anna,你們的信,我收到了。thx!


06/07/2005

這天,同樣要上學,......區議員還沒聯絡我....

再致電SAA,回覆比上一次還要惡劣....很多所謂保護動物的機構,
原來都只會說,不會做....

由開始收集簽名信開始,每天也有幾封扮簽名信的病毒電郵,
惡毒的人,總愛做卑劣的事,但這無聊的行為,都不會影響到我,
惡毒的人,小心自己的報應吧!

同事告訴我,上星期某夜 7-8:00,有個由兩個女孩主持的電台有說及肥仔,
不知道是不是新城 - 寵物有家這個節目,證明世界有真理,但奈何,
社會就是這樣.....但公道在人心,有很多的人,都為肥仔取了個公道!


07/07/2005

區議員還是沒有沒覆,我再三致電,都沒有人...
下班再到他辦事處......"外出工作"....區議員??
明天再去找他!!

廿三日了,沒有你的家,晚上特別寧靜....

>>July 8, 2005 at 8:07:11 AM GMT+8

2005 年 7 月 3 日 星期日 【晴】

早上異常多工作,好用來熔化我腦海的影象.....

今天,LUNCH已不停在尋找 <3隻貓> 雜誌,因為他昨天就出版了,
放工一買到的時候,站在路邊,碰見Gloria,早就想找她,告訴她肥仔不在了.....
一翻到肥仔那頁就已經忍不住哭了起來,明明知道有很多路人怪怪的看著,
但還是制止不了,像個亂鬧的小孩.......不懂得形容是怎樣的一種感覺..........
只是想哭,或許這是我最好的舒洩方式.....
感覺肥仔在天上看到了,............媽媽很掛念你,你好嗎?

從前也有試過,send肥仔的照片到雜誌,希望可以有一小角有他的蹤影,
讓別人也可以看到,肥仔很可愛呢.......但每次都不知何解被彈回頭....
今天,竟然在你離去後,才見到你出現....世事就真的如此無常嗎?

其後,冷靜了點點,就致電給刊登的記者,carrie,她是個好人!不知該怎樣道謝她...
內文是轉載了此日記,再加了少許修改.......全家都有看.....爸媽看了很久很久.......
我一回家,鞋也不除,就衝去拿給媽媽和哥哥看.....
淚水又要湧出來,我不要哭了,家人會心痛........

區議員找不到,他下班了....但我把信交低了,留下聯絡電話....
明天,我會再找他。

carrie send了讀者的意見給我,.....謝謝小娟!

>>July 4, 2005 at 3:38:03 PM GMT+8

2005 年 7 月 2 日 星期六 【晴】

因為deadline之後,仍然有簽名信,所以我決定收集齊d信之後,
聽日會拎俾區議員,無論結果如何,我都希望區議員知道有發生過呢件事,
希望佢關注下,同埋睇下佢有無d意見。

在此,再衷心感激每一個祝福肥仔,關心我們ge朋友,
多謝你地ge留言同埋寄俾我ge信,我每一個/封都有睇,謝謝你們!

家人認為,肥仔有大家的祝福已足夠了,對方自會有他們的報應,
希望我可以放低呢件事,而我ge能力,亦都只可以做到咁樣,
雖然唔知道,咁樣做ge成效係會點樣,能否為肥仔討個公道,我不清楚,
但有一點可以肯定的是,公道自在人心,肥仔可以安心的上路了。



暫時,有幾個電台節目有報道過呢件事,雖然我無辦法直接講返呢件事,
但只要有途徑可以俾多d人知道,我都會嘗試。
報章,雜誌ge記者,都有聯絡過,佢地答覆係會盡量報導。
亦有寵物雜誌記者,願意幫忙,將呢件事刊登出黎,
希望大眾睇到之後,可以更關注d動物,希望可以保障到其他動物。


另外,我想回應的是,我說的都是真實的事,不是一個故事!
這日記,從來都是用來舒洩我情感的地方,記載著我每天所發生過,遇過的事情,
亦都係希望分享自己快樂和不快樂的事,讓朋友知道。

我沒繼續打的原因是,我希望其他的人會看到這件事,
這二十天,我每天都是在想念肥仔,無論在家,上班,都是一樣.....
這廿多天,發生過什麼,只有概略的記載著,只是還未貼出來....

我每天都要工作,回家後,我會留意有關肥仔的網頁(我所知道的),
每封信我都有細閱,不是不回應,而是事實是怎樣,相信大家也很清楚,
加上我沒有可能有這個時間作每一個回應,不好意思!
而且哥哥亦有回應過對方,有表明他的身份。

網友Kitty的疑問:"我想知話返人個d係咪板主黎架?真係有好多唔明丫......."
我可以答你,我們不必隠藏身份,我連電話,姓名,地址都有公開過,
如果要作假,有必要嗎?其他的,日記都有記過。

對方的留言我大可以刪除,但我沒有這樣做,因為我知道,公道自在人心!
況且有人刻意要搞事,我即使delete了/回應了,她同樣會再做,
我也想她可以給我一個合理的理由,為什麼不開門?為什麼會肥仔會慘叫?
是什麼令肥仔在他家中會去到平台????我也有很多很多的疑問,我也想知道!

另一樣,我看過對方朋友的回應,說不會那麼近,我找到肥仔的地方是另一條巷,
貼著對方單位對出的平台位置,我想說的是,不是當是人的,說再多也沒用,
而且,有需要,我絕對可以親身帶他到平台的那位置,看清楚Y型公屋的設計!
我不知道看到這事的人,會有什麼感覺,但將心比己,你是我,你會怎樣?

我記得有人留言問我怎可能容忍,我可以說,我的心還是很痛,
但我可以怎樣,肥仔走的當晚,我以為警方可以幫助肥仔,
我不想吵著肥仔,一句都沒有鬧過對方,那刻跟本什麼都沒去想,只抱著肥仔,只想肥仔安息,
事後即使可以報復,又如何?他們可以還我肥仔嗎?
他們做什麼,都不能補救,肥仔永遠回不了來....

回應到此為止,我不知道應再說什麼,再一次感激各位,
我會嘗試其他的辦法和看看區議員的建議,用正途的方法,
若有什麼結果,我會再告訴大家。謝謝!

>>July 3, 2005 at 5:32:57 PM GMT+8

2005 年 6 月 23 日 星期四 【綿綿細雨】

肥仔今日生日..........生忌......

>>June 26, 2005 at 4:03:23 PM GMT+8

2005 年 6 月 19 日 星期日 【晴】

今晚係肥仔頭七,我會令佢安心上路。
肥仔要生性,你應承過媽咪,會乖乖上路架!唔准反口!

呢兩日,我只係喊過兩次,我已經慢慢回復心情,多謝各位的支持和鼓勵!
每位的留言及跟我通話的人,我都記得的,謝謝你們!!!!
我今天已開始收到簽名信件,我給了爸爸看,爸看了很久很久,有點安慰,
請大家可以繼續找多些人簽名,一同寄來。
而很多朋友,網友都努力幫哥哥及我聯絡各大傳媒,多謝你們!
希望電台可以快d覆我,聽聞有好心人幫忙,19/06在下午3:00 - 5:00pm致電商台,
提及呢件事,多謝!朋友錄下了給我,可惜開不到那檔案...

希望各位可以繼續將呢件事,forward出去,等更多人知道!
等惡人,承受返佢ge惡果!

這裡有肥仔的相及支持者
http://jpop-forum.no-ip.org/forumdisplay.php?fid=72
http://www2.2000fun.com/discuz/viewthread.php?tid=1279651&extra=&page=2
http://www.hkcats.org
http://home.kimo.com.tw/lovecat0615/ <==網友幫忙整的簽名網頁

to: on9妹,
相信你唔係行兇者都會係認識佢ge人!
我係好幾個討論區都見到你ge留言,你無謂再搞事了,
睇你講ge野,就知道你係個無人性ge"東西"。
事實放在眼前,做過d咩,心知肚明,唔好以為唔係你親手扔肥仔呀,
一樣都係幫兇,有份做,一樣會有報應的!一樣有天收!
你無做過,點解唔敢講話無做過呀?講大話會俾雷架!
打雷時,小心d, 肥仔都係雨天時受到d"人渣"咁對待架!
只係夠膽做埋d鬼鬼祟祟ge野,名都無個,
即使你討厭自己,改個粗口名,一樣都係化解唔到你同你 一家ge罪孽架!
每晚午夜夢迴,地府可能都會有野黎接你地呀!
你地好可憐!!!!!身為人,而做d連畜牲都不如ge野,
你連生命為可物都唔知,唔識尊重,....
一個唔識自尊自重ge人,呢到唔歡迎你,扯啦你~

>>July 14, 2005 at 9:03:00 AM GMT+8

2005 年 6 月 19 日 星期日 【晴】

http://diary.showhappy.net/?id=4898
我大哥的日記

>>June 19, 2005 at 5:37:02 PM GMT+8