2003 年 8 月 21 日 星期四 【晴】

因為尋晚應承左我舅父今晚會上去食飯,
我又見我下午都無野好做,所以決定食完飯就上去~
去到阿晞訓緊覺,我就同個多口表妹向度睇電視玩電腦~

無幾耐阿晞瀨尿醒鬼左,向度喊,之後佢出到黎又話要玩電腦~
我梗係引開佢費事俾佢亂咁攪部腦啦~
跟住好似六點幾就打俾佢,佢寫緊日記,我就向度串下佢咀,我知佢唔會
嬲既,況且我都點到即止啦,跟住唔記得點解佢同我表妹傾左陣電話,
佢教壞晒我表妹呀!!!!!!!!!!! 點知我表妹又聽佢講wor,兩條友夾埋黎串我咀,
連阿婆都出埋黎幫口.....~_~唉.....超無奈呀,三個女人同一陣線.......我點鬥呀~

跟住食飯睇電視,番到去我又買左杯麥旋風,看來我已經上左癮了,,,,,,,,,,,,,,
攪好晒沖埋涼就要發揮1:99的精神......~_~ 就係打俾佢喇~
今晚大家咩都有傾,我地由講起星期三我點解無心情的事...........講到大家好多
內心的說話,大家都好真咁去講,我都曾經講到"肥業事件"~
我知我可能唔係咁應該咁樣講野咁樣去講到好似唔信你,
但都希望你可以試下明白我點解會咁唸,咁緊張,
難道我不用去緊張你嗎? anyway,我真係唔再去唸喇,大家都唔好介意~

呀~~~~~~~~~~~~~~~~~
聽日可能會悶爆爆,
無得出街街~ XDDDDDDDDDDDDDDDDDD

>>August 23, 2003 at 6:42:14 AM GMT+8

2003 年 8 月 20 日 星期三 【晴】

雖然今朝早六點鐘先至訓,
但我訓到十二點就醒左喇~
十二點半唸住叫佢起身啦,點知佢就向度扭晒計,
但又真係幾趣致可愛,成個兩三歲的細路仔咁~

下午唔記得左做過咩黎,應該向屋企,跟住好似六點幾打去
睇下佢起身未啦,同佢傾到七點幾就收線,因為我地聖母軍
改左今晚八點鐘開會,食完飯就落去,都幾飽架喇,但都仲買左杯
麥旋風,唉~~~~~~我今日整爛左架單車呀,好黑仔呀!!!!!!!!
我依家都唸住要搵日出去睇下有無得買番d零件,始終要自己負番責任....唉~

開完會之後有人仲未食飯,佢地話去M記,我又去埋一份,又買左一杯麥旋風+個包~
大家一路食一路講笑傾計,未停過口,我番到屋企都好累,係飽到累死果隻呀~
好難頂....................之後同佢傾左電話,跟住就累到要訓喇~

>>August 23, 2003 at 6:25:17 AM GMT+8

2003 年 8 月 19 日 星期二 【晴】

今日成日向屋企
無野好講無野想講亦都無心情講~
不過佢一打黎我就真係成個人生晒~
因為佢要做"家務",三點先打俾佢,
同佢鬥拋鬥大鬥到朝早六點先至訓.........~_~

>>August 21, 2003 at 7:29:57 AM GMT+8

2003 年 8 月 18 日 星期一 【晴】

今日要去湊仔!

今日一點約左miss oral 俾錄影帶我,佢個樣唔知點解好似好頹唔係咁happy咁,
拎完之後就上左去我舅父屋企,因為下午阿公阿婆要去覆診,佢地叫我幫手看住阿晞
去到果時佢訓緊覺,我食完飯睇左陣電視佢都醒了,跟住我又施展鬼馬的一面,好彩佢
識得笑,終於肯起身~ 我阿婆餵佢飲湯,但佢唔肯飲,阿婆就叫我餵佢,點知佢真係肯飲.
無幾耐佢地兩個要出門口,得番我同阿晞向屋企,我地就開始瘋狂了~
同佢玩下,踢下波,睇電視,互相串兩咀,食雪糕,教佢講"白痴"國語,
教完之後就梗係要show比connie姐睇啦,勁搞笑,三個人都向度笑~下次你出黎我帶你去見下佢啦!

最後我都玩到累死了,我六點幾就要走,無留低食飯,因為要番去同班阿姨打牌,佢地爭一隻腳
其實我都唔係點想去架咋,第一:唔好話d注碼細啦,最大問題係佢地真係打得好鬼死慢,
打到悶死我,恰晒眼訓,最後贏左六十蚊,都算係咁啦.............

打完之後就順便向洒樓食飯,好鬼死肚餓,成九點七先至食,
番到屋企排隊等沖涼,再傾左一陣電話,睇陣電視就訓喇~~~~

>>August 20, 2003 at 7:12:56 AM GMT+8

2003 年 8 月 17 日 星期日 【晴】

今日十分難忘,因為去左"行山".......~_____~
同埋食左"半個甜品"~~~~~~~~

今朝十點幾就起左身,睇<獎門人>同<金裝四大才子>
跟住就要沖涼先喇,因為d人之前話過唔沖涼唔可以出街wor~
搭緊地鐵去果時發覺好大機會遲到,點知我遲左六七分鐘佢都未黎,
原來佢都塞左一陣車,真係天意呀! 好啦,去到喇,開始喇,佢話帶我行喇
咁我梗係跟實佢啦,我地先遊了全個荃灣,咩都行一餐,咩都笑一餐,串一餐-_-
向銀行度俾左個好有意思的野佢呀,(唔係錢呀!) 亦都係由果度開始呢個"手指尾行動"
跟住又周圍行,唸住搭巴士走人,但條龍真係長到你唔信,我地唔想企所以唸住去葵芳搭車
我最初唸住搭地鐵去葵芳轉巴士既,但係connie姐一句壓落黎話識得行,又問我係唔係唔信佢,
咁我地就行啦~ 行下行下,一路行一路扭計一路o爹...........最後都唔知行左去邊鬼度
應該係葵涌...... 好喇~~ 佢終於都向現實低頭喇~ 有人終於頂唔順喇~ 累到喊晒bad~
我對腳都行到幾乎無知覺,大家件衫都濕鬼晒,呢刻我又做左" Maria"
向度服侍個皇帝女,最後都頂到去葵興搭一個站,上到地鐵站幾乎又搭錯車~_~你仲要話你岩...
我都話我無估錯架啦!! keke~~~~
向架巴士度大家都好鬼累,開頭打左一陣交,訓左一陣間~ 去到所謂的"吉島",又真係幾大下wor
行下睇下衫,但最後都係無買到既,去左呢個"綠野仙棕"食飯+睇一陣電視,笑死我地~
食完飯俾姐姐帶左去洗手間,去萬寧買左支黑彩,係時候要染番黑個頭喇~
要走人了,去左行公園,超黑超靜呀, "咩"左佢一陣,好辛苦呀,都唔知係八九定係百九呀! XDDDD
佢仲過癮.....當我係隻馬黎騎咁.....一路叫一路鞭打~ 可能食飽飯又真係重d掛...hah~~
搭輕鐵走,超耐無搭過喇,我終於知道係點樣比錢喇,各位~其實搭輕鐵係唔駛俾錢都得架!!!!
行路番屋企,品嘗左第二次既半個甜品,又係半個~ 我真係唔想走呀~~~ 唉........

P.S. 喂.............我的白痴呢?

>>August 18, 2003 at 4:34:09 PM GMT+8

2003 年 8 月 16 日 星期六 【晴】

星期日
無節目
又無得開雀局
一隻字講晒
悶!!!!!!!!!!!!!!!!!!!

今朝多得佢打黎call我起身呀,如果唔係我又實繼續訓落去,
速續兩日打黎呀,哈哈~~~~ 多謝晒你! (衷心講架!)
今日開完會後去左同果d唔知咩野親戚的親戚飲茶,
期間同個表弟玩,吹下水XDD
俾左個電話佢同connie姐傾,點知兩個都怕怕羞......次次都係咁樣~
因為唔出街,所以下午訓左個晏覺,訓左幾粒鐘~
唉........真係激死我喇!!! <律政新人王>個大結局餅帶我應承左俾佢架嘛,
點知俾人拎左黎錄埋d垃圾電影,激瓜我!!!!!

夜晚落左洒樓食飯,番到屋企睇波同講電話,大家約左聽日由佢帶我去遊屯門~

>>August 18, 2003 at 3:46:02 PM GMT+8

2003 年 8 月 15 日 星期五 【晴】

今日唸住訓耐d起碼訓到兩三點,因為晚幾累下
但點知十一點就比阿婆叫我起身落去搵位~
真係my god..............

今日係ive公佈名單的日子,
大家都有打黎打去問,
點都好,你放心啦
我應承左你話幫你就實幫你架喇
但你要真係好用心先至得架知嗎 ?

夜晚看左一陣波.....byebye

>>August 18, 2003 at 3:34:25 PM GMT+8

2003 年 8 月 14 日 星期四 【晴】

今朝好難得的有佢打黎叫我起身,仲要係七點八咁早~
因為我班中學同學約左我去觀塘打波,由八點三踢到十點三走人~
返到屋企狂食野飲野,食到亂晒龍,真係好累好肚餓~
之後就要拿拿臨沖涼洗頭落街食野,因為約左阿connie姐向某地方等~

我早左半個鐘去到呀,不過等人始終好過俾人等我啦,所以都唔緊要,去到欣賞
左d展覽,之後佢黎到就起程~ 搭地鐵,經歷左我第一次在公眾場合俾人當眾打的慘劇~
我真係完全估唔到,果下"啪"一聲,把我的牛仔褲漂白了,大腿瘀紅了,基本上今日無論我做乜
講乜都難逃被打的惡運,在起程時,在回程時, 行街,搭車,不但串咀是1:99,就連打交都係一比九十九
今日的詳細內容恕不方便透露,雖然我今日的確有d累,但都真係幾開心,全日大家都向度大笑,
a)呀係呀,我今日好似有點"n"痛.........
b)今日最初唔知點解要用紙巾夾心
c)今日幫左阿大舊姐買傢私,你爭我一個人情呀...ha~
d)今日深切明白到汀九橋同"丁友橋"的分別,原來我真係好鐘意"汀九橋"....事件~

無論如何,今日真係幾滿足,
好多謝你份禮物呀! ^o^

>>August 16, 2003 at 7:00:06 AM GMT+8

2003 年 8 月 13 日 星期三 【晴】

今朝十二點叫佢起身,都唸住再訓番架,因為都真係幾眼訓,
皆因尋晚成四點先至訓~但同佢講左短短一分鐘唔知點解變得精神晒,
佢話俾佢訓多兩個字wor,唔知佢喇,到目前為止都唔知佢訓左幾多個字-,-
一起身就見到阿公阿婆向度,以為佢地向度食午飯啦,
點知一點就話走喇~ 我就落去茶樓食飯,今次叫左個芝士栗米焗肉排飯,
食唔晒呀, 餾到爆炸!

番到屋企就幫一d部腦中左招的朋友解決,你地邊個中左招既就搵我啦~
落街行左一陣,雨兒落了一陣,
發夢發左一陣,戇居戇了一陣.......

返到屋企,阿dad又放左工番黎,佢向度抹呢樣抹果樣,最後仲吸埋塵tim......真係衛生幫一名!
佢吸吸下鞋櫃果時叫左我過去,都知凶多吉少架喇,首先幫下手執下d野,之後就叫我放番好d鞋去~
原來我唔知十對鞋呀,十一對先真呀!呢對原來放左向個鞋櫃角落果度我都唔知,不過我已經扔了~
跟住就向度怨我同家姐成日買埋咁多鞋,我扮傻仔呀,無理到~~
跟住就icq la~
今晚傾電話真係笑爆肚,我都未曾試過收線係收得咁攪野,我地都真係算係第一pair~
真係"邵瓜蛾",笑瓜我!



>>August 16, 2003 at 6:35:52 AM GMT+8

2003 年 8 月 12 日 星期二 【晴】

今日訓到成兩點先至起身呀~
其實八點幾九點我老豆叫我起身問我落唔落去同阿公阿婆飲茶,
但我無理到佢繼續訓......實在太眼訓~
之後成日訓下又醒下~ 聽到我阿dad開住部收音機同埋d好核突的琴聲,
我真係好躁! 一醒dd就聽到呢d好煩的聲,真係好鬼煩~
最後落左去茶樓,但都無食過野,之後自己一支公去左美心食野,仲食得開胃~
要左三十蚊野~ 一碗拉麵+檸檬綠茶冰, 一隻豉油皇雞脾+紅豆冰 好飽呀~~
跟住番到黎開電腦,無幾耐就比佢叫左去打桌球~ 有少少驚驚地,覺得佢又好似有備而黎咁~
最後都係贏佢少少炸~~~~一路打一路同佢傾電話,成日話我整到佢好累~
不過都好既,起碼我真係見到你開心,聽到你笑,正! <三索，四索> 哈~~
今晚同佢打波果時有好多狂風狼諜呀! .\_/. 激鬼死我~

剛剛食完餘下的一盒Dreyer's 薄荷朱古力雪糕,好飽呀又~~~
原來佢今晚打過黎我都唔知,因為我家姐講緊電話~ 唔駛驚喇~係爭我阿娘未聽過姐,哇哈哈XD
我一點九叫佢打番黎,最初都係唸住同佢傾一陣姐,都費事傾咁耐~驚俾人扣分~
哈~點知原來阿yipyip都幾盞鬼的,我覺得幾得意呀,好似應該幾kind咁,哈~~抵你呀!!
我都話幾時做咩野都要認真架啦,俾阿媽話喇,keke~~~~~ 正! yipyip果面終於有分加耶 ~~~
唉~ 不過咁又如何~~ so what?!!??! 我依家仲只係維持70左右,尋晚仲要比佢話我串咀....
真係.....我串:佢串我簡直就係 1:99耶~~~~~~~~~~ yipyip你真係要幫我主持公道ar~
最後傾到三點九,成兩個鐘~ 今晚終於聽到佢既第一次.................^o^ 嘰嘰~~~~~~~~~~~~~``
幾好幾好,繼續努力!



>>August 14, 2003 at 9:59:16 AM GMT+8