2003 年 7 月 7 日 星期一 【晴】

今日下午落左去洒樓同阿爹阿娘食飯,佢地食完就走左去開工先喇,
得番自己一支公向度嘆茶.......跟住就拿拿臨叫d野食唸住食完就走人啦~
點鬼知我叫d野咁鬼死耐都仲未黎,跟住攪攪下自己坐左成一粒鐘先至
食完走得,期間d伙記個個都以為我向度等緊人呀...............~_~
攪到自己呢段時間好似做左阿叔咁呀.............唉~~~~~~~~~~~~~~~~~~~~

跟住約左個家姐去買數碼相機......................次次約親佢佢都係遲到既!
攪到我向佢黎之前就周圍行.........行行下又買左野.......~_~
買左件adidas外套~好鬼死貴呀真係~但又好鐘意woo..........但又真係好鬼貴....
成$xxx..................講唔出口~_~ 之後買完啦,呢個時候佢先至黎到..........
總之今次係佢簡接累到我駛咁多錢呀!!!
跟住就一齊去左買數碼相機啦............= 又要駛錢~
呢次仲甘呀!! 成二千幾蚊呀!!!!!!!!!!!!!! 你地話你地話你地話喇!!!!!!!!!!!!!!! 點算好呀!!
未識搵錢就先學駛$$....................唉,總之一句講晒:
" 鬼見光就即刻死
我出街就荷包死 " (係咪好好句呢)

跟住番到屋企就好失落啦............成個人down晒~~~~~~~~
個銀包大瘦身wor........唔傷心就假啦!
跟住成晚就向度自己慢慢摸熟部機, 幾煩架都, 成晚睇說明書,仲要係雞大腸........haha~
期間試過整唔到架!! 驚鬼驚呀~~~ 幾驚咁快就整壞左.........但當比佢話鼓勵我
一定攪得掂無幾耐..............我就真係竟然得左wow~~~~呵呵呵呵~~~ 勁!!
以後有咩野就搵你架喇!!!!!!!!!!!!!!!!

P.S. 記住第時約埋我去游水呀!!!!!!!!!!!!!!!!!!!!!!!!!! (嬉水先o岩)


>>July 8, 2003 at 7:11:02 PM GMT+8

2003 年 7 月 6 日 星期日 【晴】

今日係孖七的日子,幾特別,但我的生活就一d都唔特別!
一如呢十幾年的生活,今日訓醒就入廁所~~~~當然...........跟住出番黎~_~
開電腦................玩電腦.................
上網.........................聽歌........................
食飯..................如廁(唔係魚翅)....................沖廁.................
我的生活都不知係幾咁有規律!!! (好事黎既...)
今日無煮飯呀,落左樓下一間菜館度食,同埋阿媽的同事--同佢地的仔女一齊食~
即係有三個妹妹仔+一個弟弟啦~~~ 成晚都好似無咩野落過肚咁! 食唔飽呀!!
番到屋企就online,都九點幾喇,無幾耐就俾"佢"激親同串到去沖涼!!(俾人用個衫架掛住)

跟住無咩野啦..............一路都係聽下歌仔.............刨下馬仔(haha,講下姐)
玩下電腦,又同佢傾左成唔知幾耐既電話,希望佢個電話未爆啦!
唉.............你下次食飽飯先至好打波啦!! haha~~~~~~

仲有呀,我知你今晚講果兩隻字係無心既,唔好放向心度喇,我唔介意既~
你都識講啦,你話你依家都盡量講少d啦嘛,咁咪得囉!
唔好mind~ 忘記佢啦!!

>>July 7, 2003 at 7:23:33 PM GMT+8

2003 年 7 月 5 日 星期六 【晴】

今日好累好眼訓呀~~~~~~
累--並唔係因為尋晚玩得勁過頭;
眼訓--就真係因為唔夠訓~
我尋晚訓唔著呀,向張床到攪下攪下攪到成差不多五點先至訓著,跟住七點搭半
又比個家姐叫醒,但好快又訓番,但到九點鐘我就被逼要彈起身(好彩知醒),因為有責任在身!
總共只係訓左四小時的我,向個彌撒入面真係好無精神,總算頂得順,挨得住~
無驚無險,又到十點.................半,個彌撒一完我就即刻要衝入去廁所到洗個面~
今日個會議好齊人呀,因為一個考完試所以番得黎開會,另一個就尋日向英國度番左黎,
之後我地開完會就同佢一齊去左食飯,一路談下心,談正經事,當然也免不了說笑啦~跟住
就各自歸家喇,我一番到去上一陣網,差唔多兩點,我就已經訓左向張床度,訓到四點鐘~
其間呢兩個小時裡面,我一共聽了六個電話(手機)~_~,平時就無咩電話打入黎,一打就向我
想熟睡的時間打,真係比個天玩死!不過算啦,又係我自己唔熄機姐~但當我每次看一看個來電
顯示,我總會希望是"他"的名字,是"他"打來... 訓到四點鐘我個frd就叫左我落去打波,
我當時真係身心皆苦,身--沒有甚麼精神,體力;心--心靈上始終有點不安,顧慮~ 但唸唸下自己又無野做,又應承左人,況且去發洩一下都好既,於是就落左去踢波喇!
踢左個半鐘.......踢到殘晒........左腳未好番都仲要去踢.........究竟點解呢?
是我太喜歡踢波,還是.............其他原因呢............?!
是無聊嗎? 是有承諾在先嗎? 是想發洩嗎? 是太喜歡足球嗎?
我自己也想不通~
更不想去想了..........

>>July 6, 2003 at 6:05:45 PM GMT+8

2003 年 7 月 4 日 星期五 【晴】

今日都幾high 既~~~~~~~~~~
我尋晚又同佢傾左兩個幾鐘喇~~hah~佢果球波真係當場笑死我架!! 實在太精彩喇隱瞞怪!! 唉~~尋晚唔知邊個話會就收線就訓架呢呵!?!
尋晚五點鐘訓,但今朝十點幾就醒左喇,都唔知點解~~跟住十二點落左去洒樓,落到去個表弟訓緊覺......仲唸住幫你咬佢架嘛....keke~* 跟住我晏少少就去左佢果度,去到啦,佢又訓緊覺......
無幾耐佢醒左啦,但又扭計又喊!不過......!!唔唔~好彩有我呢個表哥向度,死既都變番生啦!! 佢好快就無事lu~跟住我地一行七個人搭巴士去,由總站坐到總站~_~向全程車我都戴住副太陽眼鏡向度....睡覺! 個自助餐六點半準時開始喇!! 我亦都開始準備掃場喇!! 但繞場一周之後......發覺都無咩野食,(loposon我勸你有機會唔好去喇,d燈光又暗到死,最重要係你會食唔飽!)
但我當然都要食啦~~~無計 !求其點都食d la~食下....出下去....番埋位.....再出去.......最後都出左去好多轉~~都幾飽下啦~跟住掛住佢就打左俾佢..........串佢咀,haha~~跟住無幾耐,我地一大班男孫女孫就反轉左個洒店!!
周圍影相!!好大聲好嘈呀!! 我成晚又比班表弟妹扑我個頭!! 向度玩我!! 唉........無計啦~~~~受歡迎既代價就係咁架喇!! 哈哈哈哈!!!最後我地搭的士返屋企!!



>>July 6, 2003 at 1:24:34 AM GMT+8

2003 年 7 月 3 日 星期四 【晴】

今日.................都仲係好熱~
向今日呢個大約,兩點幾三點的時候,
我依然選擇................出街~_~
今次,我去左九龍灣德福商場度,
食飯+睇數碼相機.....
暫時都已經有d心水架喇,不過又要自己出咁多錢既話.......
我去定申請破產都似...再唔係問concon妹妹借錢都得.......

哈~係呀..........尋晚我終於可以首次好"勉強"咁(佢話既)打入左佢三甲喇!!
好開心 +
好高興 +
好興奮 +
好鬼high +
好鬼正!!!!!!!!!!!!!!!!!!!!!!!!!!!!!! 大家一路上都有講有笑,大家互相串下嘴,個氣氛我覺得好好呀~
佢尋日d相好鬼死正,鬼火咁靚 !!!!!!! 我仲拎左其中一張黎做桌面tim ar!!! haha~~~~~~
呵呵~~~我今晚又成功衛冕喇!!! 又係兩個幾鐘!! 好正呀!!! 唔知點解好鐘意聽到佢笑,
總係會覺得佢一笑一開心我都會俾佢感染埋~~
隱瞞怪!!!!!!!!!!!!!!!!!!!!!!!!!!!!!!!!!!!!!!!!!!!!! 唔好再成日啤住人喇!! 我唔怕你架 !!!

>>July 4, 2003 at 6:53:28 PM GMT+8

2003 年 7 月 2 日 星期三 【晴】

今日熱死人喇!!
三十幾度的高溫,把一個小孩子幾乎溶化了,小男孩快要爆炸了!!

今朝十二點就出左門口同佢地去左旺角唱K,
去到我地最常去果間,個服務員話最快要等到一點半先至有房,
跟住我地就去左對面街的另一間加洲紅撞下彩,
點知呢間仲衰,話咩d房full晒wor...跟住我地又行番過去要等房果間....~_~
我真係唔想行黎行去! 條街真係好鬼興好熱......熱到抖唔到氣咁濟~

好不容易等到一點半,終於有房,我同另一個friend就第一時間向出面畢左
幾碗湯入去.....點知越畢越多.........最後每人一共飲左三碗湯.........-_-'.....
仲+埋個午餐...................今日我唔係唱左好多歌咋,可能同我幾累幾眼訓有關啦~
其間我地四個男孩子越唱就越high,越唱越癲.......
四個男人老狗竟然.......向度...........摸黎摸去........
你摸下我....
我又摸下你..........(以上純屬嬉戲性質,請不要模仿..)

依家好累呀...........................


>>July 3, 2003 at 10:46:09 AM GMT+8

2003 年 7 月 1 日 星期二 【晴】

我今日大部份時間都係向屋企呀~
除左下午有段好短既時間去左觀塘附近之外,
其餘時間我都係向屋企發毛,訓覺!

跟住去到夜晚啦....阿大小姐就向度晒佢自己整d
芒果糯米"池"好好味,好好食,仲要向度挑引我,引我食咁!
你好呀你,下次我實要你無聲出!!

去到夜少少就同大姐大打左幾場友誼波,我都真係好耐無打過喇~
勢估唔到佢既狀態原來保持得咁鬼死fit...~_~...
攪到我最後埋單輸4-7.......跌晒眼鏡.....不過就真係輸得心服口服既!

你記住要做我既三甲,仲要最埋我既冠軍榜首呀!! 得唔得呀?!

>>July 2, 2003 at 9:01:40 PM GMT+8

2003 年 6 月 30 日 星期一 【晴】

今日個遊行d口號都算ok既: 我地只係中學生,都知23係唔岩!!呢句唔錯!! 其間最激動的就係個主持人大叫董建華or"孽瘤毒兒"既時候,我地係非常激咁樣大聲叫下台下台.....收皮---(呢句只係有時我同我個frd講)我真係叫到沙晒....有時仲走埋音tim ar!!
跟住行到去灣仔就好行好多......最後行到去中環入面,政府總部下面~我地幾個都無繼續行埋上去喇,因為真係實在太多人喇,後面有人擁緊上黎,前面上去既人又郁唔到,況且我地實在真係太累了...我只係食左一杯雪糕+個飽咋~~最後我地四個搭地鐵去左九龍灣食飯......之後番到屋企,我又食左一個飯盒+一碗湯...因為我實在太餓喇.....死啦.....都唔知係唔係學左concon咁一樣咁大食tim.....~~~~~~~~~~~~~~~~~~~~~~~~


最後呢番說話留俾你架大姐大......:你今日真係擔心死我喇!!又遲出門口,果個時間竟然仲可以搭緊地鐵.......果時幾驚你無得向銅鑼灣or天后出閘! 又聽到你話無帶水~_~..........個天好熱好晒架嘛,你又只係剛剛好番咋,陣間又焗到頭暈就麻煩啦!!我又見你唔到~~~ 不過好彩你都有班人陪你...所以我都只係唯有間中打下俾你問下你點樣,好彩你都醒目識打黎^^ keke~~~


>>July 1, 2003 at 5:08:37 PM GMT+8

2003 年 6 月 30 日 星期一 【晴】

今日我十一點幾就出左門,因為約左家姐拎野比我~十二點半去到銅鑼灣皇室堡,我同我個frd就入左去一間麥當勞食d野,我就順便換埋件黑衫.今日真係好晒好熱好焗好多人,因為距離個聯盟集合時間2:00仲有時間剩,我同佢就去左中央圖書館行下,涼下冷氣,裡面真係好大同埋裝修得好靚,大約一點半我地就出番去出面開始我地的反23! 今日,我自己整左一個長102cm闊34cm的紙牌,一面寫住: DIU 23;另一面就寫住:
"D"angerous,
"I"mpassable,
"U"nderhand 23~哈!唔知大家有咩感受呢?!我同我個frd向正式集合之前就一直show塊紙牌,我..........塊紙牌又真係幾受歡迎架!!d人行過見到陰陰嘴笑,之後就對我地豎起隻拇指!!哈哈哈!!有d仲叫我拎住塊紙牌俾佢地影相tim!!真係十分有成功感!!跟住大會就叫我地向中央圖書館後面個球場集合~我地唸住好快就行得啦,點知等等下又三點,三點半,四點.....終於等到成四點三先至可以開始慢慢行,真係慢慢行...~_~.....計番原來我地足足用左大約甚至超過兩個半鐘頭先至衝出銅鑼灣,殺到灣仔,期間我打俾concon,佢竟然可以話俾我聽佢已經行到去灣仔尾的一個油站.....而當時我地仲只係留在....銅xx......
(請繼續看下一篇..)

>>July 1, 2003 at 5:06:21 PM GMT+8

2003 年 6 月 29 日 星期日 【晴】

今日係七一的大前夕,而我亦為明天的大遊行做好了準備~咩野準備?
依家不用多說,明天自有分曉! 但老實說的,我並唔係果d人地去我先至去的人,
23呢個數字雖然我唔可以話好熟悉,但我最低限度也明白到它的最基本內容,
它可能會帶給我們的"隱藏"害處. 向呢一個星期裡面,我聽到見到有好多人都話
應該會去遊行,有d話如果d friend去我都會去,就會去...有d話是但啦,無乜所謂,去下囉~
我聽到之後我真係唔知講咩好,我知道有好多人都未必真正明白今次遊行既意義,
如果你話你自己真係明白,我相信你唔會講呢番說話;如果你係明白而又有心想去反對既話,
點解還要等到有人陪你你先至去呢?
我相信今次的遊行,並不單只係一個活動咁簡單,
而真係可能會係我地最後一次去說出我地強烈的反對聲音,
去表達我地對政府既極度不滿. 的確,一旦23條一立法,我地真係好可能連自己犯左法都唔知,
一旦這樣,佢可以有某些原因而令到個審訊變成閉門審訊,非常秘密,
可謂有死左都唔知咩事既感覺.
今次呢件事,真係有點"殺到埋身"的感覺,我會覺得依家俾人踩到上心口
就要理就要出聲!!如果無去到既話就會畢生遺憾,因為可能係最後一次,
長遠點來說,第時d家人(兒女或朋友)問起我做咩無去,做咩唔去呀,我都唔知點答佢地!

無論如何,如果你地聽日參加遊行既話,請全情投入;
不會參加的,也希望你地可以抽空嘗試去了解一下23條係乜野,
點解有咁多反對聲音?! 希望大家現在開始可以多些留意我地的香港,
多些去關心我地既社會,不要再抱著事不關己,己不勞心的態度!
多謝大家.....肯花時間看我呢篇日記~

>>June 30, 2003 at 5:10:50 PM GMT+8