2003 年 8 月 11 日 星期一 【晴】

今日叫左佢起身後,幾乎成日都係向度睇電視,
睇<金裝四大才子> <廟街孖兄弟> <昏前婚後>
同埋有線娛樂台~ 悶"Q"到我呀真係..............^^
跟住大約五點,阿堅姨打電話黎話想我幫佢fax,跟住佢黎到我屋企
就好勞氣咁樣話香港寬頻怎樣衰格,我阿dad 幫佢打去話取消,
我就幫佢fax d野同埋同佢討論下啦,但係佢太過勞氣喇,基本上淨係得佢講......

攪完之後我就攪下部腦,icq,之後七點Miss Oral 打黎叫我落去拎番本書------
"麥兜十萬個為甚麼",生理醫學篇,真係cute 到爆,十分"高B",十分"粗稚"......
真係多謝晒佢同阿sandy妹~ 向樓下同佢傾一陣計,之後見佢拎住袋豆腐就唔阻佢番屋企喇~
我番到屋企就開始睇呢本好有知識的書~

好快就睇晒喇,因為好薄~ 跟住食飯+watch tv~
大約十一點正就打俾佢同佢傾計,原來唔經唔覺咁又傾左成兩個幾三個鐘~
今晚的topic傾得好闊呀,有........解剖老鼠,老鼠屎,兔仔屎,同埋活生生整死隻蒼鼠~極變態!!
講講下又講左去"醃鹹魚"..........屍蟲.............叫左你講野避忌d架啦,總於俾阿媽話喇係咪呢!?
中間唔記得講左乜野佢突然間好靜唔係咁likey,好彩最後都哄得番佢笑餐死,我真係好鐘意
聽到你笑同見你笑架,好想你開心的樣子,不過你幻想我喊bad的樣我就有點無奈喇,咁樣好似
仲更加白痴咁...~_~

PS.阿connie姐你依家點樣呀,好番d未呀,把聲..........?
快d好番呀!!!!

>>August 13, 2003 at 9:03:45 AM GMT+8

2003 年 8 月 10 日 星期日 【晴】

彩雲之旅第三天~

連續兩日好乖咁食左腸仔奄列........~_~

>>August 11, 2003 at 10:58:33 AM GMT+8

2003 年 8 月 9 日 星期六 【晴】

彩雲之旅第二天~

今日....發生好多事~
今朝早一起身都準備好去整我既處子傑作,但有人始終都係無福氣品嘗到~
因為今日要去踢比賽,所以無去到開會.
今日真係好想贏個冠軍,除左因為係最後一次之外,我同佢之間仲有個協議~
但係去到果時見到d人既實力真係唔弱,連拉登都係咁講,所以我當時都無話太大既期望~
第一場對住隊實力高過我地既球隊,好幸運的我地竟然意外地領先三球波,真係好多謝個天,
雖然最後打成三比三平手,但我地已經打起左個信心,因為只要餘下兩場大勝出就可以奪標~
但另一邊箱人地就唔係咁唸,人地可能希望太大,以為實贏梗我地,最後可能輸唔起,開始好似想撩
交打咁~ 的確,呢場比賽我都無唸過我地在上半場會打得咁好,我都知我自己打得好狼,但我夠膽
講我所有既動作同踢法,完全無犯規~ 你地唸番都知,我打呢兩場比賽球證吹罰我既次數真係五隻
手指都數得晒,我自己印象中都真係只係吹左我兩次,但無奈最後竟然比佢地呢班阿飛話我矛~
打得狼=矛?? 咁佢地果d動作又算咩? 我淨係呢場比賽都俾佢地蓄意踢左幾次,真係好離譜.
但佢地都可以話我扮野不特止,仲要向度煽風點火,爆晒粗,老實講,我當時真係扯晒火,但就無出聲,唔係因為我怕,我由頭到尾根本就唔怕佢地,打交??我當時真係會覺得以呢種比人激起既動力,根本就唔怕佢地,比著我以前或者向校隊果時,我真係會控制唔到自己~ 我唔係話一定會打人.但至少唔會比人恰到上心口都唔出聲~
佢地第五場打假波既事我真係唔想再向度提喇,一句講晒,佢地真係好鬼cheap,輸唔起~
我地其實真係一路都領先緊第一,但佢地咁樣攪法,令到我地成班波都十分之無隱,十分無意思~
再睇埋落去真係好似傻仔咁向度睇人表演,我地最後決定走,唔打最後果場,我地要佢地贏都贏得
唔光彩,這並唔係一個衝動的決定,我地也得到別人的支持~ 在每人心目中,我地已經係第一了,
Double F 是最後的勝方!!! 其實我真係好唔開心,我唔開心並唔係我地最後無個冠軍獎牌,
老實講我呢個時候都已經唔再希罕呢面獎牌,實在太無意思,我已經認定我地係今日
比賽的"大贏家",只是感到有點無奈,我地個個人博晒命,好認真的去踢,但最後就好似比人向度
玩弄,侮辱~ 在廁所裡雖然無喊無咩,但我雙眼在洗面時真的通紅的,因為我始終覺得自己經
簡接造成這樣結局的人,是自己連累自己隊波,如果我頭場踢得唔狼,無被佢地侵犯,
受侵犯的並唔係我既話,我唸佢地都唔會針住我,針住我地隊波~雖然我個frd話只係我唔好彩,話佢
地只係輸唔起,只係揀左我黎出氣,但我始終都覺得同我有關,我真係覺得十分之愧疚,仲要作為一個隊長,只會令我更加慚愧,實在不配,見住佢地個個垂頭喪氣的樣子,真係有d傷心,因為真係好像
是我簡接造成的~ 真的想要同你地講聲: 對唔住~ 我想並沒有人會明白我的感受,
真的幾難受,個個都叫我唔好咁介懷,唔關我事,叫我唔好咁唸,但真的很難..

我地成班去左M記坐低飲野傾計,表面上大家好似無咩野咁,但我知道每人都實有d不快,不甘心,
因為大家真的認真付出過,認真投入過,認真努力過... 但無論如何,Double F永恆不變,隊名最初
的意思只係Football and Friend,但我現在想把它變成: Friend Forever ~ 真係好對唔住~


番到屋企沖晒涼同佢傾左半個鐘電話,最後叫到佢出街,其實心情真的不太好,但好彩最後都無咩影響,只是暫時扔下下午的一切,就同佢出左街~ 佢對波鞋又真係幾靚,我地周圍行,最後佢竟然話
叫我去買外賣~_~ 真的好笑~ 我梗係唔買啦,抽住盒咁既野都未食.雖然今晚時間很短,但我覺得
已經有好大的收穫的,你知我講咩既,咪在扮傻喇!!! 記住你隻手要成日都保持住凍既狀態呀!

總之我真係永遠唔會忘記 "810" 呢一日,真係悲喜交集~ 下午的事,九點鐘的事,
在27號巴士裡發生的事..........我永永遠遠都一定會記得~

>>August 10, 2003 at 5:32:58 PM GMT+8

2003 年 8 月 8 日 星期五 【晴】

彩雲之旅第一天~

今日一嘗做教練的滋味,感覺幾好,最後隊波得第二.

>>August 10, 2003 at 4:25:51 PM GMT+8

2003 年 8 月 7 日 星期四 【晴】

各位親愛又可愛的fans!!
首先有一樣野想講定先,
就係因為聽日一連兩三日將會係有個"彩雲之旅"
日記將會休息數天~

講番今日,今朝叫完佢起身之後我都要起身,因為今日將會係比賽前既最後一次練波~
我好準時咁去到,點知一個人都未黎,激死我! 去到自己熱左身先,拉下筋,跟住佢地先至
慢慢一個一個黎到~ 去到向半場搓左一陣,亦都學識左朗拿度過人果招,哈哈~~~~~~~~
無幾耐佢地話想去細場踢,(即係比賽果個細場)
去既途中突然間落大雨,攪到我地要向細場下低果個有籃球場避雨,同埋向度踢左一陣~
無幾耐場雨停左就走上去鬥波~ 我的隊友門,我的將來靠你們耶~~~~``
不要再問我點解一定要贏啦............我唔講得架!

番到屋企沖涼之後叫左個家姐煮左個麵黎食,實在太肚餓,成朝都未有野落過肚~
十二點幾佢打黎竟然話已經去到,但亦都走人~~~ 真係搵笨既,早知係咁就叫人幫你順手交埋啦~
食完下午飯之後我走左去剪頭髮~ 死火..........原來有人抗議.........~_~ 又扣分了.................
跟住唔記得幾點既時候,佢搭車走既時候我好似同佢傾左好耐電話呀..........哈~~唔緊要啦,
爆埋呢個月你都無得再爆啦~~ 除左係因為你轉plan外,記住你要玩少d----自修耶~到時實幫你手!

夜晚一路食飯一路睇波~ 哈~~ 阿connie 姐你真係...........又唔信我又唔聽我講!!!!
我都話左皇馬後防廢架啦~~~~~蝦蝦 ~~~~~~~~
之後下半場一開始就同佢傾到完場,真係未試過同個女仔一路睇波一路講電話講波經,
感覺係唔同d,講下髮型,淨係呢一part都爭持不下~ 佢就淨係掛住講碧咸~~~~~~~~~~~~~~
唉.....你真係得既...-_- 為左果十蚊雞竟然可以背叛國家! 咩懵豬眼....薯仔頭~
淨係講個頭呢個topic佢都笑到好奸....~_~ 輸2-4~~~~~ 下半場力保不失,勁!!!!!!!!

好喇
咁多位熱情的fan屎
小弟就此同大家闊別兩三天喇
有咩野可以寫信比我架 ha~~

>>August 8, 2003 at 4:57:46 PM GMT+8

2003 年 8 月 6 日 星期三 【晴】

今日下午兩時後,我就會知自己可唔可以向原校repeat

心情並沒有甚麼異樣,
照樣在家高聲...唱歌;
照樣約人明天...踢波!
照樣擔心佢...
一點幾落去洒樓食飯,之後阿爹車我番去睇結果,
途中我打番去問下得唔得,佢話有我個名,叫我要番去交埋留位費
之後去左逛商場,腦裡一直擔心的,並不是自己的事,一直都是在緊張
佢會有咩決擇,同埋"810"那天比賽~ 你最後的結果係點記住話比我知呀!!!

番到屋企無幾耐,舅父打黎叫我上去,我見無野做咪上囉~順便探下個招積表弟.
去緊果時,呀姐仔打入黎話之前打去我屋企我老豆聽,哈~~~~ 幾好幾好~
唔怕啦,溝通下啦下 .....hahaha~~~~~~~
去到啦,傾計啦,食野啦,玩野啦,無幾耐就上演左一幕老豆打仔的戲份~
因為阿晞有病要食藥,但佢就成日都好硬頸,扭計兼發脾氣,激到佢老豆扯晒火
首先就話"唔要你喇,你走呀",最初佢都仲未知驚,硬頸得很~
佢老豆好快就除晒佢d衫褲,嘩~~~~~~~~~連底橫都除埋~~~~~ 今次真係勁爆!!
打佢個pat,oh~~~呢個時候佢終於知驚識喊lu~ 無幾耐,佢突然間,就咁企左向度柯尿.......
我唔知佢係驚到標尿.......定係...佢一早就急,只不過忍唔到~
最後佢都要食藥啦,之後就無咩野喇. 照食野,食雪糕;照玩野,玩表哥 ~_~
唔記得幾點鐘,當時我打左俾阿姐仔,咪叫佢講黎講兩句囉. 點知你又咁驚青~~~~~~
最後阿晞講左句"我好鐘意你" 就走左喇, 警告你唔好炸佢呀!!!!!!!!!!!!!!!!!! .\_/.

七點幾八點走番屋企食飯~
之後成晚打黎打去問人會唔會去踢波~
大約十二點同佢講左幾耐電話,大家都傾左好多野,真係有好多野
佢即將要做的最後決擇....我唔知~
佢"重新估計"的事情......我終於知~
對唔住呀,我都知咁做有d衰仔架喇,但記住以後有d咩野都唔需要太過敏感,
因為你都知我係點架啦! 咁...................唔好試我喇wor.....ha~
聽日要早起去踢波,再會~

>>August 8, 2003 at 8:48:41 AM GMT+8

2003 年 8 月 6 日 星期三 【晴】

八月七號~
放榜第二天~

再見.

>>August 8, 2003 at 8:03:44 AM GMT+8

2003 年 8 月 5 日 星期二 【晴】

明白了吧　原來沒有甚麼好害怕
沉默了吧　誰人願去翻起浪花
如若放下　原來沒有太多的牽掛
歸家好嗎　誰人願去分真與假

>>August 6, 2003 at 7:52:26 AM GMT+8

2003 年 8 月 4 日 星期一 【晴】

今日唔太想講野,不如就集中講下"放榜"

聽日---八月六號---會考放榜~
今日有好多人問我點樣呀,有咩打算,
有d問我有無信心,甚至問我會有幾多分...

我突然覺得,人們真係好奇怪,你未到最後一刻,你都唔會出言關心,或問候
每人都永遠只會在放榜前一日對你問候.
的確,有好多野我地都只會最後一刻才出手,才行動~
真有點臨急抱佛腳的感覺~

好了~
明天即將放榜了~
你問我緊唔緊張?擔唔擔心?
我同佢一樣:一切都預左的,當你考完會考已經係心裡有數,
擔心,並不是在這個時候~ 緊張,並沒有甚麼好緊張 ;
現在只想明天可以準時起身,叫佢起身,甚麼也不想了~

再會~~~~~~~~~~~~~~~~'
晚安~~~~~~~~~~~~~~~~
May God Bless You~

>>August 5, 2003 at 4:51:49 PM GMT+8

2003 年 8 月 3 日 星期日 【晴】

今日成三點幾先至去食飯,因為阿媽三點幾先起身(尋日開通宵)
去到好快就食完就走,之後個frd打黎話今晚去felix屋企過夜,玩通頂,
所以我五點幾六點就訓覺,唸住訓一陣養少少精神先,
期間發左個幾可怕的.........惡夢~
發夢我成日都會,但惡夢就真係好耐都未試過,個夢真係有點兒怯~~~
訓醒之後都已經係九點三,一起身就比個frd(明報小記者)拉左我去做訪問~

我見自己呢方面都幾熟識下,咪幫下佢囉,向個電話度做訪問,
佢問左咁鬼死多問題,攪左成大半個鐘先至完成,最後佢仲話最好可以影到我
一張相黎交差.....~_~ (唔知你喇,總之我星期六日都會向球場,你黎就黎吧)

跟住就拿拿臨食飯沖涼,十一點三去到個frd屋企~
去到上一陣網,同佢對打左幾場波,最後又俾佢贏我~_~
同埋傾電話~
唉ya~~~~~~八月十號呢幾場波我真係好大責任呀~
我一定要贏冠軍架~~~~~~~~
你咁樣講法雖然令我更加重視場比賽,
但亦都令到我更加緊張,有更大壓力~
但無論如何,我一定會博晒老命去打的~等我!

今晚我地玩啤牌,玩鋤d,"擒棉胎"<---------笑死我呀真係
我一時彈下鋼琴,一時就打下機,打下交~
felix 三點幾就頂唔順話要訓,得番我地三支公,
向度打winning eleven ,賽車,打交.................
最後我六點幾就走喇,都有d眼訓
佢地就仲繼續向度打機.......................~_~
去左seven 買早餐食,食完就上床訓了~~~~~~~~~

>>August 5, 2003 at 12:06:52 PM GMT+8