2003 年 7 月 17 日 星期四 【晴】

〝今日無野好亦無野想講.... 〞～* (哈..借住黎用先!)

我今日成日都向個桌球室度重拾昔日的風采!!

今日佢都有打黎呀~佢d朋友仔認真盞鬼!! 阿佩佩姐果句說話我肯定可以話係
畢 生 難 忘~~~~~~~~~~~~~~~~~~
最後向呢度要多謝阿maymay 姐佢今日幫我做既野,
佢真係幫左我一個好大的忙!! 嘰嘰~

thank you~


>>July 19, 2003 at 1:51:29 PM GMT+8

2003 年 7 月 16 日 星期三 【晴】

今日又係落左去洒樓食飯,好快就食完~
番到屋企睇報紙,睇新聞,睇騎呢大狀~
好熱------->好焗-------->無聊-------->無野做-------->無野講..................

但今日好得彩竟然可以咁早就見到佢,幾好幾好~佢果然係有進步!!(繼續努力!!)
跟住晏些少我又煲左一陣間粥喇......
今日成日都匿埋向個桌球室度.............辛苦左成晚.......都無咩好結果!
反而佢又越打越順,越打越有,勁!! 看來我係時候退役喇.......我今日反而比個徒弟仔
提醒我....教番我轉頭~
今晚同佢講左d我想講既野,我覺得今晚講既野如果唔講,我真係驚無咩機會可以講
我怕到時我無可能再講呢d說話,即使我第時唔能夠........一齊,,但起碼我依家講左我想講既野
喇~唔會再有d咩後悔~
訓lu...........88!



>>July 17, 2003 at 7:45:40 PM GMT+8

2003 年 7 月 15 日 星期二 【晴】

我今朝陪佢出左去一陣,至到下午先番黎~
跟住去左社區中心報名填form 參加果個比賽~
番到屋企就成個攤左向度,累死! 又熱woo!

跟住阿爸阿媽出去買完野番黎,話唔煮飯,
所以就落左去樓下果間菜館同d"姨姨"食飯,期間未食等緊人果時
又煲左一陣粥........總之我今個月個電話實爆!! 一定爆!!

跟住食完就拿拿臨番屋企啦,因為佢等緊我架嘛 ^^
點鬼知佢成晚又再扮傻..........好無癮ar~~~~~~~~~~~~~~~


>>July 17, 2003 at 9:17:37 AM GMT+8

2003 年 7 月 14 日 星期一 【晴】

今日繼續休養,唔出街!!

2:00pm 落左去飲茶食飯,其間我叫個伙記幫我寫碗班腩湯麵,佢就竟然同我埋單...~_~
最後攪到張單亂晒龍!! 花lee花碌!!
3:00pm 番到黎就睇番做既劇集:騎呢大狀~ 睇完之後就開始上網,跟住訓左一陣~

今日下午果時一位社區中心的蔡 Miss 打黎比我,佢問我參唔參加八月十日果個足球比賽,
我無所謂呀,依家問題只係驚唔夠人踢,搵緊人!!

7:36~11:00pm 呢段時間去左同呀connie姐姐煲粥..........係呀 .......成三個幾鐘頭!
我地咩都傾,當中有嚴肅的,認真的,開玩笑,輕鬆的,還有.........扮傻的......~_~
佢真係好鬼好野,大笑真係大到你唔信,
咋傻扮懵更加係無人能及!!!!
我真係好少咁樣講電話法架,講果d野全程三個小時二十四分鐘都係真話黎架!
你就做左榜首喇,但我係唔係就唔知喇~~~~~~~~~~~~~
最後我地以咬手指尾扮弱智低能做終結..........~_~..點知佢又笑餐飽!! 好野!!!!!

今日大致上就係咁啦,受傷既地方正在康復中...............
P.S. 突然間好想去唱K同踩冰!!!!

>>July 15, 2003 at 4:23:40 PM GMT+8

2003 年 7 月 13 日 星期日 【晴】

今日訓左十二個鐘頭,因為尋日成個下午都去左打波,攪到今日周身都好似有d
肌肉疲勞,成個人都好累,腰酸骨痛,所以都係向屋企繼續休養,唔打算出街~
今日五點幾睇左一套戲,叫做" 地久天長 ",唔知大家有無聽過,甚至睇過~
我向來對d類似文藝片既野都唔係太有興趣,覺得幾悶下,都唔知有乜好睇,但今日
打開部電視又無咩其他野睇,自己又無野做,就試下睇下啦~
跟住睇睇下又覺得唔錯,或者覺得當中有d情節或者遭遇同自己有d相似,甚至自己也
經歷過吧,又對於一些金句幾認同下,所以就繼續睇落去.............睇完.....感覺的確唔錯,
得到了並唔係淨係覺得好睇咁簡單,更領會了,明白了一點東西,係d乜野?我唔需要向度講埋出口,
我自己知便行了~ 跟住沖涼,落街食飯,跟住番到黎睇左果套新劇" 律政新人王 ",應該
唔錯掛,都會追下既... 跟住就四周圍留下言,我仲畫左隻狗...........第一次畫動物,算係咁啦,
淨係畫左俾你,其他人我唸我都唔會畫,你唔好兼佢隻腳板咁大就得喇,下次有機會既就畫
拉布拉多,呢隻狗好貴架!!!!! 跟住夜少少呀connie姐竟然咁夠疆叫我打波,我都覺得有d野咁,
佢好似有備而來,做足功夫,點知我尋晚就真係要出盡真氣先至同佢打成平手........,
唉......................佢勁左好多呀!!!!! 比以前更有耐性,打d波又毒!! set d 波又奸險..............
想贏我就聽晒我話(教佢點打)...........~_~ 佢越黎越有d想背逆師門........想作反!!! 下次佢
再約我打波我真係要唸過先.........或者我都要操下先至得!


>>July 15, 2003 at 8:03:14 AM GMT+8

2003 年 7 月 12 日 星期六 【晴】

今日呢..........好準時八點八就起身,因為要去帶一位坐輪椅的教友落聖堂~
去完聖堂就要開會,但我一早就已經講左今日只係會開一陣,因為我一點正
要去打波!! 所以我開左一陣就去左買d野食同買定枝水,跟住就起程步向球場!

唉.......但係你都知........依家炎炎夏日,咁鬼死熱,仲要係踢一點,個太陽對到正一正,
我地去到未踢炸就已經流汗喇!! 咁開波啦,踢左一陣間,我對腳真係有比火燒既
感覺,有三個"好" .........: 好熱!! 好興!! 好辣呀!! 我企又唔係,行又唔係,跑就更加辛苦!
不過其實我今日真係紮住上陣架炸,我對腳真係仲痛緊(扭親腳腕~_~) 只係靠鬥志黎頂住架炸!!
今日打左好多場,有贏有輸,不過我今日真係見到好多精彩的入球....就係烏龍波!!!
以我所見就應該有三球,最搞笑就係有一球個龍門將個波拍左兩三下竟然拍埋入自己龍門......
簡直就好似向度打假波咁.....不過其實佢係整親隻手先至會咁,但呢球波真係頂佢唔順ar~~~

向休息果時打左俾呀connie姐唸住睇下佢訓醒未啦,但無人聽,都唸住佢真係應該仲訓緊,
過左一陣佢打番黎,竟然話依家去緊街,仲話會去游水..........跟住又比佢問下問下.........問到我
場波點樣........我無乜點答佢呀,只係話有贏有輸,佢聽左又好似暗串下我咁......俾佢激死!! 下次
你咪比我向球場見到你呀,我實拉埋你落場,等你親身感受明白下咩叫真正足球~ 踢完之後因為
有人帶左個籃球黎,就走左去隔黎個場度打下籃球,仲有玩下馬騮搶波~~~
打到成六點幾先番到屋企,我今日既運量真係好大,一共打左成五個幾鐘頭波,實曬黑左, 呀~~~~
今日一共飲左一枝1.5 升的水,兩罐可口可樂, 一枝西柚汁,一罐雀巢檸檬茶,同埋幾佰啖自動水!!

依家有d累,而且又觸傷舊患,扭親既地方又再有少少受傷,臨尾打籃球又有少少抽筋,不過依家
都好好多架喇~ 展望.....真係展望一星期後可以全面康復.......各位~~~你地暫時都係唔好搵我踢波喇~~ 唱K就得.哈哈~~~~~ 不過唔比佢知,費事佢又話我乜鬼有錢仔,話我成日走去唱K,哈哈 !!

>>July 14, 2003 at 7:46:12 AM GMT+8

2003 年 7 月 11 日 星期五 【晴】

今朝一早就約左人八點幾九點去摩士踢波,但我尋晚就竟然5:45先至訓.......
其實我三點就落左床架啦.........但就一直眼光光咁,訓唔著,可能我好驚唔知醒叫
佢起身,唔想佢唔知醒錯過呢個試讀,所以一直都係向張床度輾轉反側,訓唔著.......
(其實係有d唔敢訓,因為真係驚叫唔到佢) 好彩我準時5:45醒左,真係咁準時~~~
跟住就當然打俾佢唸住叫醒佢啦,點知一打比佢我聽到佢把聲好似幾精神咁,都有d懷疑,
佢話番比我聽.......原來佢都係眼光光無訓到覺........~_~ 真係好鬼死佩服佢咁有體力,精神,
完全係唔駛訓覺...................................

我亦都好準時咁起左身同佢地去左踢波,但我今朝先至醒起對鞋鞋底爛左,跟住佢地就陪
我落左去坪石個街市買...................鞋~~ 去到就有人叫我地一齊鬥波啦,但唔知係咪因為個天
真係好熱好晒,加上我又可能無食早餐,又訓得少,踢落去硬係有d力不從心,唔係太博,或者可能係我今場一早就唔唸住踢得咁博,唔敢去得咁盡,只係想操下自己,因為要留番聽日博殺,我對聽日
果場波真係好有期望,一定要大勝對方,希望我既隊友聽日都可以"生生性性",唔好再咁瘀皮......
最重要係聽日如無意外應該會係我地Double F著呢套波衫黎打波既第一場,加上又係我地主場,
令我更加唔想失威!! 點都好,我唔會過份寄望自己聽日有好多入球,只係希望個個都可以發揮
得最好,唔好再踢到一盤散沙!!!

今日踢完波番到屋企,沖完涼之後落左去洒樓飲茶食飯,落到去就見到阿公阿婆舅父,
同埋阿晞(個表弟)都向度,一如以往,佢成日向度扮鬼扮馬,表演慾異常強烈!! 算係得意攪笑既,
但亦有少少攪事!! 飲完茶食完飯之後感覺好眼訓,好累,一番到屋企就訓,訓到七點鐘~~ 攪到我
今日無落到去司琴,由我老豆代我彈.

>>July 12, 2003 at 11:58:43 AM GMT+8

2003 年 7 月 10 日 星期四 【晴】

各位...........................................................................................!!!

首先講聲唔好意思既~~~~~~~~~~~~~~~~~~~~~~~~~~~~~~
因為..........................
我今日係無咩野寫既!!!

向呢度好多謝大家肯花十秒鐘睇我呢篇廢話!!

告 辭 !

>>July 12, 2003 at 5:07:53 AM GMT+8

2003 年 7 月 9 日 星期三 【晴】

今日係我個日記一個月大的日子,亦都係我地既謝師宴~

我地個謝師宴向黃埔果間海逸洒店舉行,好多人包括我自己都其實唔係咁識去~
結果我自己都只係向門口果陣時臨急抱佛腳周圍打俾人問人點去,最後搵到一個
住向屯門既同學跟埋佢一齊去~ 去到黃埔巴士總站果時個天就突然間落大雨,攪到我地
一大班無帶遮既聖言仔被逼企向碼頭度避雨,等到場雨停左先至行去洒店~
間洒店又真係幾靚幾豪華下~~ 對住個維多利亞海景又真係寧捨唔同d~ 我地一入到個
禮堂之後就一路猛咁影相...(無計啦....比人叫我要識做....影比佢睇呀嘛 ...~_~)
我對眼真係未曾試過對住咁多次閃光燈..........好累~

無幾耐個宴會就開始,整個晚上我覺得三位司儀都做得唔錯,每個人都將個氣氛攪得好好~
玩遊戲既人玩得好投入,在台下睇既人亦都睇得好投入,成晚個氣氛一直都係保持住開心,
輕鬆,完全無任何緊張,怯場~ 到八點半就開始食野~ 唉,見到都無咩心機食~~~ 比成咁多錢
原來都係無乜野食!! 真係匪夷所思 ^^ 所受歡迎既食物始終都係日本野,一大盤既壽司向短短
既三十秒內就已經比人搶晒....唔係夾晒.........係真係明刀明槍咁同你搶!!!
食完之後又周圍影下相,同過校監呀,李sir影~~ 同完阿李seafood老師影相之後...........佢就有野同我講................(各位同學,有邊個想知既話就當面問我啦!! haha)
成晚一路說笑,傾計,影相,玩遊戲,抽獎................最後攪到成11:40 先至完滿結束!! 之後又有打俾佢啦.......又係例牌咁俾佢串下.................................................. .\_/.

最後行到去個巴士站,果時已經十二點正好彩仲有尾班車搭,如果唔係真係要搭的士歸家!


>>July 11, 2003 at 8:46:52 AM GMT+8

2003 年 7 月 8 日 星期二 【晴】

今日發生靈異事件!!(詳情稍後會提及到...)

今朝根本就未訓夠,但就已經俾老豆打黎叫醒左.........叫我落去房屋署交野...........
結果就局住要起身la~_~ 之後下午約左個表妹(螢)向地鐵站等一齊去太古城
同另外一個表妹(程)去溜冰,我地由五點半溜到七點半,一共留踩左兩個鐘~~
最初我真係幾驚下架!! 見到個地咁鬼死濕!! 自己又成兩年未踩過!!
不過好彩我一落到場好快............慢慢就摸熟左lu!! 哈哈~~~~~係咪好醒呢!!! ^^
我自己都估唔到架,我絕大部份時間都無扶住架!! haha~~~~~~
期間我都只係跌過一次咁大把炸!!仲要係因為狂加速,之後唔知點解重心向後先至撻低!
踩緊個過程,我對腳真係痛到爆架! 特別係腳內側果度,超痛超唔舒服!

踩完之後我地四個人(+埋姨丈)就去左大家樂度食飯,好飽呀我,食左個類似鐵板餐咁既野,
食完之後個表妹話想去另一個表妹屋企坐下,跟住就去啦~ 我姨丈話要去買d野,所以我地
三個自己上去先啦.................. 跟住.................搭電梯.......................(佢住21樓既...)
入左電梯啦,得我地三個人,各自各唱歌.........我唱十面埋伏!! 大家一直都好happy~~~
跟住門一開,咪跟住個表妹出去囉............點知佢好奇怪咁話....:"點解都唔係我屋企黎既..."
跟住我地大家都只係覺得出錯電梯好平常姐..............但我地再唸真d...............
唔對路bor.......我地個個都好清楚記得部電梯只係21樓果度著左燈!! 無理由會出錯電梯!
我地再回頭一望.........
咩話???!!!!!!!!! 14樓!!!!!!!????????????? 唔係咁邪呀嘛.........~_~ 停錯樓數不特止~~~~~~
仲...要....係......1...4.........樓???!!!!!! 噢........我的天啊!!! 我地拿拿臨衝番入部電梯度關門!!
途中我仲比人話我做乜鬼野唱十面埋伏呀!!!?!?! 依家俾野伏喇~~~~~~~~~~_______~~~~~
就係咁樣我渡過左不可思議的一分鐘!
其後我一直唸,真係無理由架嘛~~~~ 點解會咁架呢?? 個個都係明明見到淨係按左21呢層,
但點解會無啦啦向14樓開門??? 14???????? 無可能係出面d人按左電梯啦~ 因為電梯上去
係唔會開門既........................ 我地全部人真係淆晒底.............. 各位朋友,點算好啊!?
之後我今晚即刻話俾佢知呢件事,點知原來佢真係有好多野都同我相似架~_~ 連呢d都似埋......

唉.............唔想再講落去喇~~~~~~~~~~~~~~~~~~~~~~~~~~~~~ byebye......... >,<

>>July 9, 2003 at 8:14:59 PM GMT+8