2003 年 10 月 6 日 星期一 【晴】

８８Ｋ個師姐講咗樣嘢，幾恐怖吓，但又好值得分享。
我諗亞嵐又驚又想睇！！！～～～～～
無了篇文，超無奈！～～～～！！！！

返學同放學都搭都城嘉慕都城型十一米巴士（Ｓ３Ｍ）配吉拿６ＬＸＣＴ引擎，仲要同一部，ＥＥ９７６０，部車ｄ聲好唔同，聽落勁似配吉拿６ＬＸＢ引擎的都城嘉慕都城型九點七米巴士（Ｍ），可能換了配件，係唔同一般的Ｓ３Ｍ。
放學回家休息一會後，再去上ＤＭＤ（好多朋友問我ＤＭＤ是什麼，ＤＭＤ是ＤＥＳＩＧＮ　ＭＵＴＩＭＥＤＩＡ　ＤＩＰ．，即多媒體設計文憑），本來搭８８Ｍ，點知一落到巴士總站，見到駕駛８８Ｋ的師姐等開車，師姐真的沒有講錯，幸好沒有欠我，亞彬同亞高錢成日都見到師姐，追數都追死，ｈａｈａ，咁我改上８８Ｋ，夠鐘開車，有個亞婆大叫等埋，點知亞婆行動緩慢，亞婆上到車後，就有一大班客追車，搞到遲開了兩分鐘，師姐咪嘈個亞婆，個亞婆未行到嚟就唔好大叫等埋，師姐講８８Ｋ繁忙時間五分鐘一班，唔需要大叫等埋，要成車客等多兩分鐘，咁樣好自私。我雖然做過老人服務，我都覺得個亞婆唔太正確，８８Ｋ是條十分緊張路線，好易會遲到，如果係開始拖遲了，於道路上問題同分站客量增加問題，遲到是十分容易，所以師姐非常緊張，飛了一個站距離，佢係顯徑邨顯慶樓巴士站，有個勁萍水相逢朋友上車，係去大圍火車站巴士站車程中，聽到勁多嘢，原來師姐睇嘢好準，有日睇到嗰朋友面色唔錯，叫嗰朋友買六合彩，但嗰朋友沒有買，講了俾佢丈夫聽，佢丈夫有買兼中四個半字，一上車就話請師姐飲茶。過了大圍火車站巴士站，直至沙田市中心巴士站車程中，令我相信依個世界上有個ｄ污糟嘢，佢舉了三個例子，一個是一個兩歲小朋友，被ｄ嘢上身後，講嘢十分流利兼一把老牛聲，師姐見過後，從此開始深信；另一個例子是師姐某個親戚又比ｄ嘢上身後，師姐數出這個親戚比ｄ嘢上身前後有咩唔同，係ｄ法事等等後，師姐就探佢，佢好像沒有事，師姐亦以為佢沒有事，點知個晚就走去跳樓。師姐講多一個例子，就是有個女仔玩碟仙，又有個ｄ上咗，個女仔事後無事呀，但要長期服食精神藥物，我聽完都寒一寒。
放了ＤＭＤ，就搭８１Ｃ轉乘８８Ｍ回巢，同樣是係柏麗購物大道巴士站等車，同樣是ＧＫ２９６９的快車手，佢早到了，同前車有大約有五分鐘距離，個師傅竟可於青年會個站追到前車，佢開得勁快，係窩打老道同亞皆老街，落一個小下斜位再轉右彎（中電門口），幸好佢今時今日駕駛８１Ｃ，換轉當年的利蘭勝利二型（雞車）（Ｇ），一定．．．唔係一定，係必定反車。去到映月台巴士站轉車，見到跑８７Ｄ的ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００（超直巴士，直梯巴士），經常滿載上映月台，但又上得好快，引擎再加水箱聲，勁似一部噴射船個ｄ　ＶＶ聲。

>>October 8, 2003 at 11:13:06 AM GMT+8

2003 年 10 月 5 日 星期日 【晴】

今早返學，俾部ＤＭ６６０９，唔睇佢車隊號，都唔知佢是Ｓ３Ｎ３，好一部水塘龍。
上ＢＩＡ（好似咁叫），個亞ＳＩＲ勁好玩，坐我前面的ＧＲＡＣＥ　＆　ＣＯＶＩＮ更加好玩；亞ＳＩＲ講模糊時，都唔知佢講模糊定唔模糊，我咪大大聲聲講：「亞ＳＩＲ，究竟模糊定唔模糊呀，你講得好模糊！！！」係咁ｇａ我，好玩ｍａ。
放學就落同亞淇海龍打桌球，亞淇太勁，我太差，下星期一要休息一下，避免亞淇越打越勁，打完，就打機，打ＢＡＴＴＬＥ　ＧＥＡＲ　３，越來越順手，係過彎差一點，打完就搭８０回家，大約１５３５去到個站等車，因為大約１５４５有班熱狗，俾部都城嘉慕都城型十一米，個師姐ＨＯＬＤ得駕車幾好。


>>October 7, 2003 at 1:24:30 PM GMT+8

2003 年 10 月 4 日 星期六 【晴】

終於為意到中國大陸的ＶＯＬＶＯ　Ｂ１０Ｍ豪華客車大部分是用中置引擎，唔怪之得車尾可以有可供擺放行李的行李艙，我仲以為車尾引擎室好大，不過有款新ＶＯＬＶＯ豪華客車是用尾置引擎，不過個款是短陣車，唔知會否是ＶＯＬＶＯ　Ｂ１０Ｍ豪華客車，因為我見過大陸有Ｂ７Ｒ行，唔係香港過境客車，真係國內Ｂ７Ｒ豪華客車，比上海申豪Ｂ７Ｒ豪華客車短。
從大陸回來，過關要填表，真係回到童年時。
回到家，勁做功課同上網。

>>October 6, 2003 at 12:22:55 PM GMT+8

2003 年 10 月 3 日 星期五 【晴】

大家發唔發覺我星期六沒有ＯＮＬＩＮＥ，我諗大家都唔覺，我這些路人甲，ｈａｈａ，講笑。

一大清早就俾亞媽叫醒，七點就出咗門口，搭８８Ｋ再轉火車，咁早去邊，返大陸拜山，話說清明節於非典型肺炎期間，我一家人就無諗住返去拜山，當然我哋依ｄ孝子賢孫當然要趁重陽掃墓，係大圍火車站，竟見到周靜喎。去到羅湖，俾一大班綠衣人士玩死，亂咁放人群，估唔到連羅湖人潮管理都唔識，唉！～～～差勁！
我籍貫是東莞虎門，都幾人搭巴士去虎門，勁多人等，等了成五，六部ＶＯＬＶＯ　Ｂ１０Ｍ，配西沃客車車身，每部車大約４９個座位，今次重陽，條線好似打仗咁款。
個死人ＧＲＡＣＥ，瀉ｄ嘢俾我做，搞到我要返大陸做，哼！～～～
沉悶，兼眼瞓。
亞嫲ｄ唐狗，好恐怖，一行到門口就吠你，不過最老隻狗，無吠過我哋，最好笑最得意，佢都認到我哋，一見我哋就擺尾，亞“女麻”ｄ狗勁懶，佢又勁ＬＩＫＥ扒係到瞓覺，隻狗扒得好鬼得意。

>>October 13, 2003 at 2:56:24 PM GMT+8

2003 年 10 月 2 日 星期四 【晴】

無乜嘢的一日，好開心，返學吹吹水，玩吓，你串我，我串你的生活十分不錯，有什麼唔開心，有什麼火滾，都唔記，拋開，人會越來越開心？希望ｌａ。
放學就幫亞發睇吓有咩平屋出租，見青山道，元洲街一帶舊區比較平屋，嘩！好平，最平＄６００有間屋，應該一間房，有床有枱等等；就算一房一廳都千幾蚊咋，睇完再報價，就去打機，打完就行路落美孚再搭６號落尖沙咀，本身諗住是搭ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００（超直巴士，直梯巴士），但去到站頭，我就唔諗住搭，見站頭上客一部ＶＯＬＶＯ　ＳＵＰＥＲ　ＯＬＹＭＰＩＡＮ　１２Ｍ（Ｂ１０ＴＬ）（３ＡＳＶ）（唔係直梯巴士），後面一部白馬，後面再有部熱狗　ＤＥＮＮＩＳ　ＤＲＡＧＯＮ　１１Ｍ巴士，都唔見有直梯巴士，見ＫＲ４２６４，未轉直梯巴士，都是行３ＡＳＶ，轉咗直梯巴士，當然少行３ＡＳＶ，見有機會咪搭搭囉，轉第一個彎停燈口時，已經見到一部６Ａ，成程車我坐個部３ＡＳＶ就空空無乜人搭，不過個師傅睇落幾禮讓，日後駕車，我都要學佢。
夜晚回家，搭８１Ｃ轉乘８８Ｍ回巢，坐部８１Ｃ，當然等熱狗，都唔知８１Ｃ是否減了熱狗，等數班都是冷馬，去到２２１１左右就有車到，來一部ＧＫ２９６９的Ｓ３Ｖ，個師傅就無６號嗰個咁好，佢開得勁快，但都有村客搭佢，要企晒人，但都開快，收ＢＲＡＫＥ時，搞到咁「鋤」，見ｄ人企得好辛苦，係映月台個站落車兼等８８Ｍ，見到ｄ巴士，一ｄ勁蟻速上斜，一ｄ就轉眼間連影都唔見。～～～




俾班主任老屈做班代表，即班長。
都唔知好定壞。

>>October 8, 2003 at 11:26:03 AM GMT+8

2003 年 10 月 1 日 星期三 【晴】

有一點嘢想講，今日坐個部ＶＯＬＶＯ　ＳＵＰＥＲ　ＯＬＹＭＰＩＡＮ　１２Ｍ，好似是ＪＦ１７１３，部車起步都慢，況且又係冷氣車，多人搭，好心ｄ人識字就唔好企上上層，落車就無得好講，一部十二米咁長，ｄ人識字，又是學生，有ｄ是勁有學識的人，都要企係張「上層及樓梯不准站立」貼紙側邊企，好好笑，有個仲要學生，小朋友都知唔應該要企上層及樓梯，個學生還要是中學生，都唔知佢讀咩書，定話佢未學過「上層及樓梯不准站立」九隻大字。


先入為主 吳浩康

拜託你 不要數我
從前事 若你要數太多污點讓你數 不盡
你看我 今次多守信
難道我 後悔已經沒有用

@是我做錯 是我做錯 是我做錯 你要什麼
縱費用昂貴 在所不計 只想洗去舊過失 累積一貨櫃
恨也恨過 鬧也鬧過 罰也罰過 還求什麼
我縱是無法被你抱住 (2*過去事何以尚要多提)
都起碼讓我停住跌勢 (2*圍繞這討厭主題發揮)

* 你記住我當初不忠誠
不相信今天我 愛上安定
我 對著你 怎保証
至夠力証明我 已是定了性

repeat @*
woo.......你看著我眼睛 何以
你 記住我當初不忠誠
不相信今天我 愛上安定
那印象你 可否抹清
我再讓你難過 我願受報應


>>October 2, 2003 at 1:10:45 PM GMT+8

2003 年 9 月 30 日 星期二 【晴】

一早出一個會議，嘩！好遠粉嶺心誠，仲以為全日，點知我哋發展及訓練署的低級長官可以一個上午都可以，下午唔駛都可以我哋，我同亞傑就搵一休出來，過去灣仔時，係紅磡海底隧道口等１０１，１１１，１０４，見有１０１到，仲要是ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００（超直巴士，直梯巴士），ｈａｈａ，又搭多次，我最想搭的直梯巴士是ＶＯＬＶＯ　ＳＵＰＥＲ　ＯＬＹＭＰＩＡＮ　１２Ｍ（Ｂ１０ＴＬ）（前衛巴士，直梯巴士），配ＷＲＩＧＨＴ　ＥＣＬＩＰＳＥ　ＧＥＭＩＮＩ車身。睇了陣單車，然後本來打機，後來變了打桌球，兩個鐘，就成４０幾蚊，Ｉ　ＴＨＩＮＫ黃大仙海龍平一點。我這個付碌神，照舊得個兩三球付碌波，直打嗰個就唔入，左撞右撞，就撞入其他波，仲有一次撞入黑波，七度。最差可以由領先亞傑同一休，竟可以變最低分，仲可以跌至零分，黑到爆，賴落個黑波到。
回家等升降機時，等到有升降機到時，一出升降機，當堂打了個突，一位亞詩小姐匆匆地走了出來，我正想問佢點解係到，但我同佢都沒有時間交談，神奇！！！
成日眼眉跳，人哋話左吉右凶，左財右災，唔好意思，我想問吓，我係兩條眼眉毛連住，中間部份眼眉跳，屬於ｄ咩ａｒ？？？

＞又到回覆留言時間
＞多謝晒，歡迎下次光臨！！！
＞１
ＴＯ　阿嵐：
個段嘢你係邊到抄出來，ｈａｈａ講笑，我無乜事現在，多謝關心。

＞２
ＴＯ　史提芬：
無計，我唔識開個留言板，用人哋提供留言板又限制多多，唯有用依個，都唔錯ｌａ。

＞３
ＴＯ　ＲＯＳＡＮＮＥ：
唔緊要，我都唔會講個ＲＥＡＳＯＮ，係唔會有人知，都無乜事，多謝關心。
直梯巴士有安全感？？？只係上樓梯咋，但我極之唔慣條樓梯，可能少搭，同上層，我好驚行個樓梯個空位，好大，同ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００（超直巴士，直梯巴士）好似部車比較浮，不太穩定，等ＶＯＬＶＯ　ＳＵＰＥＲ　ＯＬＹＭＰＩＡＮ　１２Ｍ（Ｂ１０ＴＬ）（前衛巴士，直梯巴士）（ＡＶＷ），配ＷＲＩＧＨＴ　ＥＣＬＩＰＳＥ　ＧＥＭＩＮＩ車身一出，我諗坐ＡＶＷ比較安全一點，可惜部ＡＶＷ１，等緊ＡＶＷ２，ＡＶＷ３等等，先至出街行。

>>October 2, 2003 at 12:33:22 PM GMT+8

2003 年 9 月 29 日 星期一 【晴】

返學，上堂，上上吓堂，收到亞高電話，話去坐跑５３的三菱。放學就搭４６Ｘ，一部ＤＥＮＮＩＳ　ＤＲＡＧＯＮ　９．９Ｍ（丹尼士巨龍型九點九米）ＡＤＳ，ｈａｈａ，行過４６Ｘ三種長度的ＤＲＡＧＯＮ都坐過，上到城隧轉車站，再轉２６９Ｄ，俾部ＤＥＮＮＩＳ　ＴＲＩＤＥＮＴ　１２Ｍ，車牌ＫＷ９１１２，吓，４６Ｘ的掛牌車，早幾日搭仲係４６Ｘ，去到元朗，買ｄ嘢食，再搭５３，由青山公路轉入屏山，塞車，搞到個師姐過了屯門，沿青山公路時勁飛車，仲見對頭無車時，過晒火位（越過對面線），幾勁ａｒ。
放學照舊返金城食嘢，見到亞青，ＤＥＢＢＩＥ，亞詩，ＳＡＲＡＨ．．．係到整嘢，ｄ相超好笑，ｄ樣就更加好笑，ｈａｈａｈａ，完全唔同樣。夜晚走時，就送亞青搭８６Ｂ，ＤＰ１０８４，我當然記得ｌａ，荔枝角廠車喎，又唔係掛牌車，部車可以為甚少ＭＣＷ的８６Ｂ，加點色彩，亞青臨走問我幾耐上到去，我見尾車，快一點，估十分鐘，班車開００００，我電話去到００１０，亞青打俾我，話佢到，仲好準時，吓亂估都中，個師傅一定開得好快兼無咩人搭，唔係邊有咁快（現在想起），由顯徑出大圍都要八分鐘，又付碌多次。

>>October 8, 2003 at 10:58:11 AM GMT+8

2003 年 9 月 28 日 星期日 【晴】

返學，上堂，打機，但就多了樣嘢，去打桌球，放學跟亞淇去黃大仙打，好平，＄３３一個鐘，好少可打真真正正的桌球，打了十次都無，最多五次，同ＲＯＳＡＮＮＥ打ＹＡＨＯＯ桌球就多，但都好耐無打ＹＡＨＯＯ桌球，我這個付碌神，勁多付碌波，亞淇教了我好多嘢，但我知質差，學來學去都唔識，亞淇真的好勁，打得十分勁。
打完，我為了節省金錢，等了數班８０，等到一班前８８Ｍ掛牌，但已轉了九龍灣廠的ＤＷ３６８３。

好開心，個網頁有一部分，做好了
http://hk.geocities.com/slr_nlb_jg6838/index.htm
嶼南道二號全面運作

>>October 1, 2003 at 3:24:04 PM GMT+8

2003 年 9 月 27 日 星期六 【晴】

出ＦＵＮＣＴＩＯＮ，出一個叫幼兒隊監步操訓練課程，太趕出門口，個頭未ＳＥＴ好，就出門口，幸好８８Ｍ俾部熱狗，於是我上上層車頭，吹頭。個幼兒隊監步操訓練課程有ｄ幼稚園老師好靚，ｈａｈａｈａ。
越來越臭串的我，放咗工就勁串ＣＬＡＲＡ姐，ｈａｈａｈａ，要練好口材同轉數，所以勁串身邊的朋友，我諗都唔會太勁掛。
回巢，俾部ＢＥＮＺ小巴，ｄ座椅是ＶＯＧＥＬＳＩＴＺＥ筒型座椅，去到紅磡火車站，照舊搭ＮＲ８２，俾部ＶＯＬＶＯ　Ｂ７Ｒ配中國廣州穗景客車製造有限公司的巨鷹牌車身，好笑的是又是ＶＯＧＥＬＳＩＴＺＥ座椅，不過就唔係筒型座椅，是豪華客車座椅，即個椅背可以調教，好似飛機咁，行到窩打老道見到跑８７Ｄ的ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００（超直巴士，直梯巴士）算是什麼，上映月台，部Ｂ７Ｒ毫不費力地過了兩部巴士，一部是跑１８２的ＶＯＬＶＯ　ＳＵＰＥＲ　ＯＬＹＭＰＩＡＮ　１２Ｍ（Ｂ１０ＴＬ），另一部是跑８７Ｄ的ＤＥＮＮＩＳ　ＴＲＩＤＥＮＴ　１２Ｍ，高速地上高速地過車，勁！但ＮＲ８２是否申請專利權，可以衝紅燈，坐了兩次，兩次都衝紅燈。

>>October 1, 2003 at 3:06:02 PM GMT+8