2004 年 2 月 27 日 星期五 【晴】

今日沒有返BSA個補課，因為唔想返兼同MISS報咗案，一早就CALL EMILY，有點唔好意思－EMILY，咁早就CALL你，還阻住你追巴士，我都有落到巴士站，如果我唔早一步落樓，你都好難追到班車，係站頭影相順便等等師姐，18～22後，大部分師傅同師姐轉了早更，所以見到有堂哥、權哥同基哥，好好笑囉，今
個月堂哥要跑88S，但今日得2部車跑88S，雖然兩部冷馬，但其實一部是冷替熱，所以我見到堂哥三次，先見到師姐。超怒，想影80P部GK2926時個司機有心開前，到佢停定部車，掃了兩張，因為個司機落了車。師姐回到顯徑，佢今日揸部HC2165，部車有個好特別的軚盤。同師姐吹水時，講了個笑話，我話好彩唔係出大圍火車站，唔係就難揀，因為88S是堂哥開，88K就師姐開，唔知上邊部好。等師姐開走後，我就回家做招募Ｄ嘢！！！


做了好耐，去到十點幾，就嗱嗱聲衝落街，追1056開的師姐車，我同師姐講消防局落車，師姐話禾輋消防局，乜禾輋有消防局咩，師姐真係鴉，無個樣講個樣。開會，越開越唔開心，唔知自己想點囉，唉！！！有點辛苦！！！開完就偶了一陣，然後同CYRUS、MARCO同肥潘去富貴食飯，食完我又回家了！！！


去到大約四點幾，搭車出沙田間大眾買嘢，JOIN埋亞傑、一休同ASTOR後，就去了機鋪打機，對換了輔幣後，無乜機想打，因為有好多想打的GAME都好多人，最差是將F-ZERO AX部機改為頭文字D 3，想試頭文字D 3，但見咁多人費時獻醜啦，叻又話啫，都唔叻。於是就上80M睇嘢，臨出機鋪就見ASTOR行入機鋪搵我哋，見我出去，又同我上去80M睇嘢，係間鋪唔見有千嬅巴喎，要儲錢買了。佢哋打完機，我、一休同ASTOR搭火車過大埔，匯合所有人，就搭3ASV～75K入汀角BBQ。B到九點幾就走，同亞諾早走，搭3ASV～75K去到怡雅苑，送亞諾過富善搭73X，我再出返怡雅苑個站搭72A，好快有車，是ES5582。去到大圍影多兩張相就回家休息。


門外看 鄧健泓


作曲: 側田(on your mark)
作詞: 林若寧
編曲: 雷頌德
監製: 側田(on your mark)+賢仔


每日每夜我都守護所愛 有幸躺在妳家門外
給妳寵愛全部自尊不愛 我也說應該
妳能愉快仍樂意為妳俾俾手
一旦放手紅著眼接受
一滴愛都從來沒擁有 也能為妳娛樂夠


*門口剩低我 門內那位定必比我好得多
他取代我　完全沒錯 做妳應該拋棄我*
妳若抱住了他這樣恩愛
我習慣被拒諸門外
失去所愛然後學識慷慨 也未算悲哀
我纏著妳是我不知醜 假若訴苦誰為我聽候
喜愛我的從來極罕有 有誰令我娛樂夠


repeat*


連單戀都怕破壞誰 連失戀都要顧及誰
像我這般慷慨有誰向我讚許
誰施捨把我抱入懷 但何來伴侶
同情我伴我安居


門口剩低我 誰待我好就伸手去呵一呵
幾多萬個　門牌號碼
但哪位肯收養我

>>February 29, 2004 at 1:27:01 PM GMT+8

2004 年 2 月 26 日 星期四 【晴】

今日諗住搭EE9760的5車，點知起唔到身，搭了九點正的1車，近依數日1車都是派S3BL蘭頭－FU9572，部GK8997去了邊，我想影GK8997的S3V147車隊編號，好好笑！！！上堂落堂，又是這麼的悶，係上普通話同MISS嘈。放學搭86B回家，本來追到部31車，但又唔想追，何況是冷氣車，雖然是師傅車，但下班車是吉都，爽Ｄ喎，唔追，同亞淇吹水，等到五點一左右，部4車到，點解唔係吉都，還要是ADS （BB龍－丹尼士巨龍型9.9米），冷替熱，不過算啦，自上次亞彬搭完70的ADS，我都想搭ADS行山路，好正好爽，好過坐前車的ATR。個師傅（劉師傅）係九龍水塘個站之前已轉了分段收費，我坐係車頭，睇到眼都突，還有數個站喎，我沒有即時講，睇吓由九龍水塘個站開始＞豐樂別墅＞六合村三個站有無人上，又無喎，去到銅鑼灣村附近的松嶺路，見好多車停緊燈口，隱唔住，問問佢點解，話晒都是九巴之友，原來劉師傅是後備司機，拉夫86B，佢對86B沒有好感，一揸86B會十分緊慎，特別是大埔道，有時顧及路面，就沒有理會收費器及八達通，所以提早轉，因為有個經過個停車場就轉，唔會唔記得，同九龍水塘站、豐樂別墅站、六合村站都經常無人上，我問佢咁個三個站萬一有人上呢？佢話去到個站即轉。好嘢！！！又識到個師傅。回到家食完飯，又落中心開會，今日開得好快，九點幾走得，再過金城食嘢，再影一影車，等到十點半左右，睇吓EMILY返來咪，順便取嘢，點知佢唔係2230到站個班88M喎，咁回家了吧！！！＃＃＃～～～

甜蜜租約 　鄧健泓


作曲: 張佳添@宇宙大爆炸
作詞: 林若寧
編曲: 張佳添
監製: 張佳添


在 遊樂場上甜睡 環遊幸福堡壘
曾令你來捐出初吻是誰
輪流轉 吻過幾張嘴 找到幾位登對
誰又會歷久不衰 每一位氣泡一般儘管你放在手裡
然而一捉緊會握碎 仍能見證美好過去


*學會失戀(何必苦戀)從前那些玩具
快樂放進心裡 你為何要去一追再追
何必苦戀 無謂再三作對 要習慣獨個睡
一天光一起身你發覺大一歲
(誰又夠你自己登對)*
誰離開 轉過幾間房 一起好比租約
甜蜜過必需遷居


有好多更多東西睜開眼你便相對


為何這麼的快飲碎
如何領教痛苦有趣


repeat*


#如果落淚 容易抹走過去
你就流下眼淚 流盡你滿肚苦水
(一天光這間房這過客亦沖去)
別將一生僅有機陰 全部奉獻一個人
前度愛人過去變做客人 迎來送去哪位合襯

>>February 28, 2004 at 8:26:05 AM GMT+8

2004 年 2 月 25 日 星期三 【晴】

今日並沒有準時返學，大約八點二先出門口，落到街應該會追到班0812班2車，諗住亞鍾生開個班車，點知一落到去唔見佢班車，唔係咁慢，過晒鐘都未返到，等等吓部31車都返；上了班31車，開0821喎，部31車一出去車公廟路見到老遠有部豪頭S3V－86B停了係個燈位到，心諗31車之後是荔廠4車，荔廠唔會派豪頭，原來部豪頭是GL258－2車，見部2車上又有警察，又有稽查。


今日上堂落堂，同之前一樣，沒有太大特別，但亞淇今日無返喎。同KEVIN佢哋食飯，食完飯影完印，就見到BECKY佢哋，好笑話我好似做完世界個Ｄ大盜，講真都幾似，行到地鐵站，我沒有跟佢哋返去ECON，我搭地鐵落旺角，交上網費，等好耐，排我前面的亞叔，已經十分不滿意，捉了個香港寬頻的職員來嘈，咁又係，2條櫃位是用來交費，但2條櫃位同樣用來解答問題，3條櫃位解答問題，比我都不滿。交完，再搭2號落尖沙咀碼頭，俾部S3BL吉偈蘭。再轉船過海。去到中環，去了新渡輪客務中心攞嘢，攞完嘢，就係碼頭狂影相，然後再去中環碼頭巴士總站影相，再落中環交易廣場巴士總站，再落中環港澳碼頭巴士總站等地影相，再落西港城的藝軒買了部城巴14的Q版模型，再落上環站E出口影相。


過返深水埗買多八粒叉電，再搭86B返中心，行到嘉頓，走了班30車－JC8084，下午繁忙時間，下班車咪S1車，以為S1車是EC8215，點知是GL390，部GL390波箱好似有點問題，個一波去二千轉先識轉一波直結，一波直結都只是落返千八轉，見個一波拖幾耐呀！！！去到開鵬鵬個會，開到九點幾就走，搭87B出了大圍同亞傑、一休同ASTOR食飯，但佢哋都食飽。食完去了打機，行去機鋪沿途中，見到有貓出現，ASTOR要運路走。太耐無打BATTLE GEAR 3，點都打打，ASTOR因唔入機鋪，所以去了火車頭等我哋，話晒是我約她，費時佢悶啦！咁我咪早Ｄ行過去，點知去到佢都係到煲電話粥，早知試玩多鋪頭文字D 3 先過去啦。去到火車頭，照舊飲橙汁，飲到十一點幾，早走回家，以免被亞媽哦我啦！！！


　小星星　楊千嬅


曲+編+監製：陳輝陽@好好笑 /填詞：林夕


　當天應該得7歲　我想喝媽媽的汽水
　把它搶在掌心裡　大人無法迫我睡


　他跟她今天竟飲醉　我想搶的不止汽水
　輸光自尊也鬥下去　壓力大得慾望都失去


　一閃一閃小星星　開開心心的唱詩
　但為何一畢業才知　一世我也要考試


＊誰也好　即使愛侶都沒有必要待我好
　甜辣酸苦都一樣當寶　
　誰亦會計數 犧牲才得到的快樂　亦沒什麼味道
　難怪我雙協插了刀　為博他答謝也好
　仍沒法開心得這樣早　誰願欠我一世人間散步
　善良人永遠天真到　做好心不信得惡報＊


　終於都跟他分手了　我開過的心不算少
　今天起睡得夠最重要　以後幸福亦未必敢笑


Repeat＊


　一閃一閃小星星　簡簡單單一輩子
　就從頭到尾哼一次　忘記智商去做人都願意

>>February 28, 2004 at 7:12:30 AM GMT+8

2004 年 2 月 24 日 星期二 【陰】

由於2004年2月24日的日記太簡單，今日整理了一部分，會好睇好多！！！＃＃＃～～～


今日搭0748班2車－GL258，點知個班2車開0751，我還咁急去追車，班2車唔係開得好快，由積存街轉入大埔道，由塞一塞車；落大埔道又塞一塞車，0751開車，成0825先落車，諗住早返有分加，勁頂！好彩趕到返去，MISS剛剛點名，好彩好彩！！！上堂落堂，都係咁過啦！！！上完ECON，就同KEVIN過FREEBOOKING玩了一陣電腦，見ASTOR打電話俾我話佢走得，重話半小時落到旺角，咁重唔嗱嗱淋咁走，我還要落鴨寮街買電，買完都差不多1445，費時ASTOR等得太耐，搭MTR落太子，點知經過一間買好有特色的物品的鋪頭，買了個放電話座，我都無乜揀過，但都唔夠ASTOR快。隨便搵間嘢食，食完再沿女人街行落油麻地間中華書局，佢買完嘢，沿上海街＞大角咀＞深水埗＞長沙灣，去到李鄭屋邨後，我就搭86B回家，S1車－EC8215，唔知點解有點想食砵仔糕，落車見到有得買，但Ｄ壽司吸引一點，所以買了壽司倒入口！！！＃＃＃～～～

　一個鐘之前　鄧健泓　


作曲: 林潤明
作詞: 林若寧
編曲: 林潤明
監製: 林潤明


看著分鐘轉呀轉
時間令彼此都這樣遠
說再見才明白到
最幸福的都最短


曾經我和你
就坐在對面一間餅店
咖啡苦和甜
回憶中蛻變
還留甜蜜到唇邊



*我在期待 如你尚存在
或有天餐廳中剛巧相見 分享半張餐檯
掛念無害 別惹來感慨
你我彼此間得丁點小火花都是愛
(那怕彼此間多麼短都感激一夕愛)*


還總算完美
在道別那日新裝很美
從此失去你
臨走擁抱你
仍然能為我打氣


repeat*


我在期待 如你尚存在
共我至少一起呼吸空氣 都總算分不開
五十年後 沒法談戀愛
有過的東西捉不緊都總可一直愛


曾經邂逅你 時光裡遊戲
過去只得半秒 能終生記起 得你

＞又到回覆留言時間
＞多謝晒，歡迎下次光臨！！！
＞１
TO BECKY：
我諗你是莫等閑BECKY呢，我識兩個朋友都叫BECKY，一個係莫等閑，另一個是IVE同學仔，我昨日見到（唔係係應該日日都見到）的是IVE同學仔的BECKY，十分之抱歉，可能我係昨日篇日記打得唔太好，有少許誤會！！！

>>February 25, 2004 at 3:23:37 PM GMT+8

2004 年 2 月 23 日 星期一 【晴】

今日唔走BIA堂，但都係遲到，比昨天好好多，坐1車～GK8997，部1車一上大埔公路，有部貨櫃車開得好慢咁上山，過了沙田花園，吳師傅（1車早更司機）爬了部貨櫃車頭，好衰唔衰，要停徑口路個站，俾部貨櫃車過番頭，部1車一出站CUT線又爬部貨櫃車頭，又好衰唔衰多一次，要停六合村個站，照舊俾部貨櫃車過番頭，亞吳師傅一出站，就即CUT第二條線，CUT完就入雙白線的一段，去到油站先爬到頭，好彩唔使停豐樂別墅個站，唔係就真係好笑；去到北九龍裁判署，有數個PTU同一個便衣上車話查身分證，返HW第一次俾檢查身分證。回去學校前，見到BECKY（IVE）同KATHY。上堂同落堂，正常工作，係英文堂時，全班又十分團結，一齊離開課室，出去蛇皇，個MISS都唔知想點，講咩都唔知，又係咁叫我哋答問題。放了後去食十蚊粉麵，然後搭30車回家，部30車同昨日一樣！

　一個鐘之後　鄧健泓


作曲: 林潤明
作詞: 林若寧
編曲: 林潤明
監製: 林潤明


看著分鐘轉呀轉
時間令彼此都善變
到這晚沿途遇見
你是否有新發展


我在懷念 而你未留念
但你的不安加一聲呵欠 招呼那麼敷衍
再別懷念 別惹人生厭
你我躲不開彼此間分岔的生命線


*當天這麼珍惜始終分開都會有放手一天
不喜歡的竟得到分與秒放於我身邊
我記得從前路上婚紗店
我甜蜜到流淚了望你的舊照片


捨不捨得始終分開都慣了有這一天
抱著甚麼誰離去誰留戀難避免
即使這分鐘再愛別人
仍留在告別你當天
(仍留在邂逅你當天)*


再度重遇 能當做磨練
在你與他之間新婚喜宴 祝福變得膚淺
數十年後 願你們不變
我再不甘心都死心好東西都在變


repeat*


你我短促的戀愛
分開都可愛 可一那可再
用你一分鐘 去證實曾被愛

＞又到回覆留言時間
＞多謝晒，歡迎下次光臨！！！
＞１
ＴＯ　ＶＩＣＫＩ：
當然好食，唔好食都話，ＨＡＨＡＨＡ～～～講笑咋，好好食，多謝晒你！！！

>>February 25, 2004 at 3:09:20 PM GMT+8

2004 年 2 月 22 日 星期日 【晴】

今日唔走IS堂，昨日太累，現在無論幾累都好，就算遲到都好，唔想走堂，今日遲了到，同亞傑搭0915開的30車－JC8084。上堂落堂，上IS堂，得個悶字。上BIA堂，只有十三人上，所以亞SIR點名，放了後，過了老麥食嘢，同係老屈買了個大袋，十分好洗好用。再陪亞傑入大埔，反正我下午OFF，得閒，坐72的坦克（S3BL），由青山道第一次搭72入大埔，都幾辛苦吓，因為唔係飛盡，去到太和，幫人補習，橫睇掂睇，似玩多Ｄ，所謂補完，搭72A豪頭，還在睇緊引擎轉數錶去理解ZF波箱，都係好唔明，搭46X回家食飯，再落街開會，但見抽筋未落嚟，係巴士站見車就掃，可惜沒有腳架。同抽筋開完會，就回家休息。

　自由行　楊千嬅


曲+編+監製:雷頌德 /填詞:黃偉文


　當我在蒙馬特 看遍滿街的馬戲
　無端卻自覺 太自由 再也變不出驚喜
　避了你至少 幾千百公里
　原來為了讓你不要再度被提起
　遇不到他 怎夠狠 放得開你
　願我那尾站 在馬德里


＊傷心就旅行 盼會遇上安份 在地球盡處共我擁吻
　最怕世上遊遍 發覺沒有此人 冰島也沒有避世的小鎮
　一生在旅行 買票預了雙份 站站停下最後也空等
　畢竟也自由過 算有幸有不幸
　當作四出消遣散心 預備六十六歲初吻 ＊


　巴格達莫斯科 發覺我一早去過
　如果放病假 會復原 假已放得這麼多
　大概也夠鐘 想想到底我
　沿途扮夠任性 需要坐定下來麼
　負傷出走 荒野中露宿的我
　下個聖誕夜 又要怎過


Repeat ＊


　要是我 抱著那 漂泊的心 路途上 任誰亦 覺不合襯
　難道我走上露台賞燈 未察覺原來樓下有人


　傷心就旅行 盼會遇上安份 在地球盡處共我擁吻
　最怕世上遊遍 發覺沒有此人 親手破滅最後那天真
　一生在旅行 買票預了雙份 站站停下最後也空等
　今天決定回去 痛快地坐一陣 最愛縱使真的要等
　靜靜坐著亦會走近

>>February 25, 2004 at 3:13:32 PM GMT+8

2004 年 2 月 21 日 星期六 【晴】

今日好多嘢做，今朝六點起身，約了EMILY，但我都遲出門口，一落去，來部JF2004，膠牌3ASV，係隆亨邨有個外藉傭工上車，我當時同EMILY坐係樓下車尾，個外藉傭工手上有束菊花，佢又好衰唔衰坐係我隔離，佢束菊花係咁“對”過嚟，家陣拜山，好好好好唔鍾意佢哋。


搭地鐵，去到中環後，好彩記得嗰個是A出口，再過美心食嘢，食完嘢，再行去大會堂，開工，第一樣是「齊用牙線圈世界新紀錄」，我負責集合同帶學生入場，集合學校是香港真光女書院，IKI喎（其實問了好耐，先聽清楚佢叫咩名），其實我今日是工作人員，入場後搵個陰間企，有成580位學生，用了5800條牙線，用了廿四分鐘，用一個一個牙線圈，圈起來長達約524米的牙線鏈，帶班學生，帶來帶去，佢哋又上台影相，要帶佢哋上車，佢哋上晒車，留係車場幫手，然後去影相，再B完，就攞住好多嘢，搭旅遊巴士，一部亞洲五十鈴，56座，只坐了十幾人，簡直十分舒服。個牙線有樣好好笑ＧＡ，個司儀講了兩次「請主禮嘉賓落台休息」～大家留意一點～～～落台！！！＃＃＃


去到第二樣工作的地方警察體育會～西九分區操。去附近食飯，食完飯就過去會場，我哋開始做嘢時，已經是第一次采排將近結束時，接著是正式,有好多好多好多嘢出錯了，我終於發現我哋D&T管排的用處。可惜是牙線活動OVERRUN了，所以．．．．．．算了吧！！！


收咗工，同亞傑、一休、CLARA、亞聲、VIKKI、DONALD、小白落了FUTURE，本來諗住坐到七、八點左右，所以叫埋ASTOR過嚟，好似有點坤了佢咁，因為去到九點幾都未走，我就同ASTOR去食Ｄ嘢，話晒係我叫佢過嚟，去了金魚街個邊食嘢，食Ｄ粉麵，食得好核突呀ASTOR。食完再返回FUTURE。坐多陣就走，搭87B回家。


唔好咁唔開心啦＃＃＃小白～～～我唔識安慰別人，但做朋友點都支持你！！！！！

>>February 24, 2004 at 12:47:25 PM GMT+8

2004 年 2 月 20 日 星期五 【晴】

「肥婆坐塔」～剛剛好，恰巧的此意思，郭SIR用了這句形容今日D&T的人手。


今日是新界南分區操，亦是我去了第三個分區操，一早起身就磨鞋，再同亞傑搭46X落葵涌運動場，我都忘記了要係邊個站落車，一上車問師傅葵芳地鐵站要邊個站落車，佢答我葵芳邨，本來諗住睇乳豬紙，但見乳豬紙內Ｄ字密密麻麻，有點唔想睇，問師傅答得重快。我去到葵芳地鐵站都遲到，點知亞堅同一休及小白等重遲。係葵涌運動場側食飯。今次以為用草地場，點知唔係，係用側邊個石地場；今日工作，又是管排，做慣做熟。做完采排，正式時，又係執唔舒服小朋友出去。又做完一單，換衫後，坐了一坐，亞陸SIR叫我哋去食飯，可惜我要開會，所以先去唔到，然後搭巴士回家，我本來諗住搭46X，但見有46P，算啦搭46P遊吓車河，回家食完飯再落中心諗住開會，點知抽筋沒有空，所以開唔到會，再一次回家。


如果只得一星期 謝霆鋒


曲 : 伍樂城 詞 : 林夕


無論地球是怎麼轉 我亦愛不完 能來自你的甚麼東西也留戀
面容是否冰冷雙手總是暖 無論歲月長短 能抱住便嫌短
如果只得一星期 寧願哪日放開你 以後會更回味
哪個角度凝望你 留住哪段晨曦 哪一種方法喜歡你


無論話題是否吸引我亦覺感人 而名字換了甚麼稱呼也動心
嘴角是否親吻心聲一樣近 無論哪樣原因 仍會這樣情深
如果只得一星期 寧願哪日放開你 以後會更回味
哪個角度凝望你 留住哪段晨曦 哪一種方法喜歡你


如果只得一星期依戀你 寧願看著哪齣戲 要在哪裡轉機
哪裡雪地陪伴你 才令以後提起 連呼吸都變冷空氣
Da Da La ......... Da La ................

>>February 24, 2004 at 9:03:10 AM GMT+8

2004 年 2 月 19 日 星期四 【晴】

今日準時返學，因為約了亞KEVIN佢哋係地鐵站到等，一齊返校。但好大獲，因為遲了出門口，落到去剛剛開走了班EE9760，趕唔到EE9760就大檸樂，於是又抄捷徑，沿徑口路行上去，追返班車，等咗唔係好耐，點解？原來轉了更，係喎１８～２２喎，轉了何生（費時響人全朵啦，好似ASTOR咁咩！！！ＨＡＨＡ），何生開車好狠，佢開得好快，還經常提手示意其他車輛，讓一讓佢，可以縮短不少行車時間，咁佢亦可以爭取更多休息時間，所以坐到佢車都幾興奮ＧＡ。


上堂落堂。上MBM，就是一休經常叫的凍鴦多啡多奶，令到我可以答到亞SIR問題，話說條問題是老麥可以用一套方式，全球產品可以同一樣標準，點解茶餐廳（包括連鎖式）唔可以，因為茶餐廳太多種類，如果只得一套標準，唔係唔得，單單老麥都要三百幾頁標準，咁茶餐廳咪．．．同好似一休依Ｄ這麼的要求，係SET唔到一個標準。


好累，下午上MBM，眼瞓到睡着了，好在瞓唔夠一陣就清醒返。


放了後，就過了銅鑼灣，約了VICKI，因為有朱古力食，同樣是我近排喜歡食嘢囉，等到VIKKI來到不久，VICKI都走，等到其他人來到，就返會開會。開完會落新記食DINNER，再搭巴士同火車去大圍間火車頭食嘢，照舊叫了杯橙汁，玩十五二十，一休成為劊子手，搞到ASTOR咁飲。坐到十二點幾回家。



阿琴 －鄧健泓


作曲: 伍樂城
作詞: 林若寧
編曲: 伍樂城
監製: 伍樂城@RNLS


學習高低音　笨拙得天真　錯了都怕問
沒甚麼資質　與你去學琴　也算得夠運　


但願練呀練到愈聽愈動人
但是練到愈聽愈差嚇壞人
日後令你愈愛愈想愛別人
實在極愚笨　那會夠吸引 你愛上巴赫 才合襯


*寧願做你壞鍵琴　共你才合襯
或者分享過了幾粒音煽動惻隱
就算努力地練琴　我仍彈不走這缺憾 不停排練亦是手震
而其實都只好怪我　這雙手太笨 不可以演奏令你興奮
(而無論我在拼命彈 你悶得想訓　
冷漠得好過份 都知我不配令你興奮)


命運一走音　學做犧牲品　當我的責任　
但願一雙手　會抱著別人　結尾都抱憾


但願令你愈聽愈愛愈入神 盡力練呀練到十級震動人
日日練呀練到自己往下沉 自問盡全力　博你會走近
博你會不忍 來熱吻


repeat **

>>February 21, 2004 at 3:26:57 PM GMT+8

2004 年 2 月 18 日 星期三 【晴】

今日終於打到日記，依星期二同三沒有什麼事，同好忙，所以沒有打日記，今日朝同昨日朝一樣，又係話８６Ｂ班次有問題，又係要我搭地鐵，算了吧！！


今日打字ＴＥＳＴ，打了三次，速度是每分鐘２４～２５個字，準確度是６５～８２，好差好差呀，依一星期要努力一下，佢話下星期有補測，努力咁上堂，上ＡＣＣ同ＥＣＯ，唔走堂算係咁，係有時想恰下。


放了學後就搵地方剪髮，係深水埗嘉頓個頭＄４９蚊咋。第一次剪髮個時間同洗頭個時間差唔多，剪完髮，亞彬都未來到，咁行一陣鴨寮街，再搵亞妹出來ＴＥＡ，打電話比亞妹時好好笑，好心你就講清楚一點，好核突呀你，去炳記牛牛食ＴＥＡ，剛坐低，亞彬就到，食完行去鴨寮街，見到有間機鋪喎，我玩了兩鋪OUTRUN 2，再係鴨寮街蕩了蕩，就搭８７Ｂ回家，因為比搭８６Ｂ快。

相依為命


作曲：陳光榮
填詞：黃偉文


旁人在　淡出終於只有你共我一起
仍然自問幸福雖說有陣時為你生氣
其實以前和你互相不懂得死心塌地
直到共你渡過多災世紀


即使身邊世事再毫無道理　
與你永遠亦連在一起
你不放下我　我不放下你
我想確定每日挽住同樣的手臂
不敢早死要來陪住你　
我已試夠別離並不很淒美
我還如何撇下你


年華像細水沖走幾個愛人與知己
抬頭命運射燈光柱罩下來剩我跟你
難道有人離去是想顯出好光陰有限
讓我學會為你貪生怕死


即使身邊世事再毫無道理　
與你永遠亦連在一起
你不放下我　我不放下你
我想確定每日挽著同樣的手臂
不敢早死要來陪住你　
我已試夠別離並不很淒美
見盡了　雲湧風起　還怎麼捨得放下你


證明愛人又愛己　何以要那麼悲壯才合理


即使身邊世事再毫無道理　
與你永遠亦連在一起
你不放下我　我不放下你
我想確定每日挽著同樣一雙臂
不必挑選我們成大器
當我兩個並無冒險的福氣
見盡了　雲湧風起　還怎麼捨得放下你
我們　仍珍惜這啖氣




>>February 19, 2004 at 3:31:33 PM GMT+8