2004 年 7 月 2 日 星期五 【雨】

今日遲了出門口都好晏，一落樓見8476喎，師姐車，一上車就拍機，又比佢話了搭火車落紅磡轉小巴，去到黃埔食飯兼中章，做完中章，今日好惡對班小學生，唔惡佢哋就唔知驚，放後，搭小巴上紅磡火車站，可惜都趕唔到六點班NR82，唯有搭六點半啦，都成七點幾先到，開了兩個會之後，去了食車仔麵，行去時，下大雨喎，穿打仔裝係喜歡淋雨，食完就回家。

好耐都無淋雨了 唔知係唔係唔開心 就喜歡淋雨


七一個日馬高同肥潘講得好正確 自己覺得對人好 可能人哋唔係咁覺得唔係好好 有時是自己一廂情願 我只知自己再沒法可以再投放新一段感情 只知愛情相當難兼唔明白


唔想再失敗 於是唔會再投放新感情

眼紅館
曲:林健華 詞:周耀輝 主唱:Kenny


愛過的 來合唱
與萬人拍掌 光捧正閃亮
回憶卻更明亮 想到那一夜
場內兩個 鬥過安哥再響


有過的 成絕唱
我仍然妄想 呼喊夠響亮
或者再到台上 不信這一段
難道變了 全無安哥的個唱


@ ho...he...ho 哪位當晚吻我說場地冷
ho...he...ho 哪位當晚與我去送玫瑰花
發覺我正紅著眼 舊座位沒有她
就像盛事未到一次壓軸 就著了燈
我信你也紅著眼 寂寞便在紅館中一起呼喊
就算再多的嘈雜 我失戀會喊


喊過的 來合唱
會治療創傷 光捧變虛弱
隨即撇棄途上 戀愛也一樣
還未見過 全年演出的個唱


repeat @


*ho...he...ho 哪位今晚吻我說場地冷
ho...he...ho 哪位今晚與我去送玫瑰花
發覺我正紅著眼 舊座位沒有她
就像盛事未到一次壓軸 就著了燈
我信你也紅著眼 寂寞便在紅館中一起搜索
就趁這分鐘夠黑 我想起會喊


repeat * 　

＞又到回覆留言時間
＞多謝晒，歡迎下次光臨！！！
＞１>>2004年06月14日 23:51:00
TO 嘉瑩：
多一點上嚟坐囉，你多ｄ指教就真。


＞２>>2004年06月25日 13:53:35
TO friend：
可能我唔識點戀愛，鍾意一個人就識，點對佢好就唔識，我好想輕鬆，但害怕失去，無論點都失去，沒有信心，我對愛情已是沒有信心，兩次的失敗，算了吧，罷就，現在無乜想，拍拖都暫時未必想。


＞３>>2004年06月26日 20:06:02
TO arSze:
多謝支持。係喎我同你都好耐無見喎！！！

　

　

　

>>July 5, 2004 at 3:47:11 PM GMT+8

2004 年 7 月 1 日 星期四 【晴】

今日沒有想過要出街，後來都係出去行吓，可能是母親大人今日唔駛返工，諗住搵亞彬，點知佢要返學聽TALK，唯有自己一個四圍去，去邊道，就真係唔知道，過海呀？唔太好，屯門天水圍？又又唔好喎，去機場啦，機場都好耐無去過，但點入去呢，本來行出大圍搭E42，但行行吓太熱，於是諗住搭88K出沙田，順便落80M再轉E42嘛，點知返到站，一部88K都無，咁見46X上客，搭46X，但又搭E32入去呀！！！出到去先啦，打機打了20蚊機，之後都係搭地鐵入去，係地鐵車廠見到有滴死你（廸士尼）列車，去到東涌繼續影相，之後追S1，因為城巴出2154，係呀CITYFLYER，豪華車，係城巴搭豪華車，要搭A線，城巴A線好貴，係非典後，城巴有削減班次，多了好多豪華車，ｄ豪華車有時四圍行普通線，$3.50搭S1豪華車，抵到難，係佢開得比較快無隱一點，因為太快到，不過2154用ZF波箱，唔開得快又好辛苦，係機場四圍影巴士，再行去近東岸，諗住幫亞妹TRACY影飛機，點知南面跑道無飛機降落，落晒北面跑道，所以改影風景，但都影了兩三張，之後搭去赤鱲角碼頭搭E22，後來都係搭E22A，因為有車兼係豪華後備車～2106，好快好快，除了經後勤區同東涌之外，其實同ABBY早約了落彩虹搵佢，因佢返工喎，得嗱得嗱！！！我知道亞傑會接你收工嘛，我知道，唔駛講完又講，佢做嘢個到ｄ飯檲又幾好食，我晏都未食，當然買個醫肚，之後搭80回家，等了好久，一部3波TD豪頂閘，之後來部坦克，都好！！！

夜晚開會兼食糖水，之後回家。

　

　　

　　

　

　

>>July 5, 2004 at 2:30:32 PM GMT+8

2004 年 6 月 30 日 星期三 【晴】

七一，今日七一呀！今年無得去遊行，無乜所謂啦，今日有咩做？今日一早又落黃埔囉，又係中章囉！！！今日好過上一次好多，好多嘢都好OK，放了後，係校門見到ABBY喎，一休唔埋佢，我就拉咗佢過紅磡碼頭，之後就去趕船，點知都趕唔到班梅窩快船，等到成1900先有，好彩有個佢話好可愛妹陪我，搭了好耐船，當然買個好正的餐肉麵食，大船CUT小食部，ｄ細船先有咋，當然要珍惜，坐新顯坐了十個字去到，行入去銀礦灣搵STEVEN、亞青、MARCO、肥潘、CYRUS伉儷，BBQ，B到十點幾，就執嘢搭船出中環，搭新輝伍，真的好快嗎？亞青話係喎！！！之後搭MTR同巴士回家。

　

　　

　　

　

　

>>July 5, 2004 at 3:25:27 AM GMT+8

2004 年 6 月 29 日 星期二 【晴】

今日返工，未返之前，係屋企記得今日所出的86B，順手抄埋其他線，由八點三坐到十點，開了一班46P咋，勁嘢喎，返工喎，同平時咁，上到去坐到食晏，再坐多陣就上示範單位，坐到1930就落樓下，等放工，搭小巴係麗城轉48X，等到HT9176先轉，舒服一點，上到去GH5934遲咗，追到，九點一可以係顯徑落車。

　

　　

　　

　

　

>>July 3, 2004 at 4:03:43 AM GMT+8

2004 年 6 月 28 日 星期一 【晴】

今日返工，未返之前，去沙田取特區護照，幾驚唔夠時間，最慘要等，搭48X，好彩有234A，爆快，今日無乜嘢做，TOMMY叫我幫佢做EXCEL，好彩都有少少識，食晏，到三點先至上示範單位，唔知點解好累，之後去到七點半落售樓部，反正碧堤就收，於是影了ｄ相，都正是由68樓影落個平台，之後搭小巴轉49X再轉46X回家，49X等了好耐（早知上48X的HT9176），等46X又等了好耐，今次見住部HG3579背負勁多客，又頂晒閘咁上到來，有點陰公，一於唔上，搭下班HG7800，舒服好多，反正同一時間返到總站。

死撐
撐不下去

兄妹
作詞：林夕　作曲：徐偉賢


對我好　對我好　好到無路可退
可是我也很想　有個人陪
才不願把你得罪　於是那麼迂迴
一時進　一時退　保持安全範圍
這個陰謀讓我　好慚愧
享受被愛滋味　卻不讓你想入非非


＊就讓我們虛偽　有感情　別浪費
不能相愛的一對　親愛像兩兄妹
愛讓我們虛偽　我得到　於事無補的安慰
你也得到模仿愛上一個人的機會
殘忍也不是慈悲　這樣的關係你說　多完美＊


眼看你　看著我　看得那麼曖昧
被愛愛人原來一樣可悲
為什麼竟然防備　別人給我獻媚
不能退　不能要　要了怕你誤會
讓我想起曾經　愛過誰　我所要的她不給
好像小偷一樣卑微


repeat ＊
　

　　

　

　

>>July 3, 2004 at 3:30:52 AM GMT+8

2004 年 6 月 27 日 星期日 【晴】

今日同亞彬出旺角，一來有得打機，二來交上網費，唔係就都幾大獲，係旺角食埋嘢就過九龍城搵埋吉村再唱歌，唱了好耐，唱到六點，搭85B回家，哈哈，又是GH5813，BECKY父親喎！！！

　

甜蜜租約
作曲: 張佳添@宇宙大爆炸
作詞: 林若寧
編曲: 張佳添
監製: 張佳添


在 遊樂場上甜睡 環遊幸福堡壘
曾令你來捐出初吻是誰
輪流轉 吻過幾張嘴 找到幾位登對
誰又會歷久不衰 每一位氣泡一般儘管你放在手裡
然而一捉緊會握碎 仍能見證美好過去


*學會失戀(何必苦戀)從前那些玩具
快樂放進心裡 你為何要去一追再追
何必苦戀 無謂再三作對 要習慣獨個睡
一天光一起身你發覺大一歲
(誰又夠你自己登對)*
誰離開 轉過幾間房 一起好比租約
甜蜜過必需遷居


有好多更多東西睜開眼你便相對


為何這麼的快飲碎
如何領教痛苦有趣


repeat*


#如果落淚 容易抹走過去
你就流下眼淚 流盡你滿肚苦水
(一天光這間房這過客亦沖去)
別將一生僅有機陰 全部奉獻一個人
前度愛人過去變做客人 迎來送去哪位合襯　

　　

　

　

>>July 3, 2004 at 2:43:27 AM GMT+8

2004 年 6 月 26 日 星期六 【晴】

今日第一日中章，係小學組中級章，今日好遲先出門口，好明顯是計錯時間啦，約了亞傑七點三九龍塘，可惜我連大約七點二班88M都追唔到，所以搭的士轉火車落九龍塘，差不多落到去原來亞傑都未出門口，早知唔駛咁急趕啦，兼早知落紅磡到等啦，搭2A小巴，再去食早餐，之後就入學校，三屆都是同一間，我個組班學生無乜反應，偶下偶下，可能佢哋太細個，不過最大問題是唔聽嘢，今日用幾多時間糾正佢哋覺得係嚟中章玩的思想，做了好多嘢，去到五點幾收工，之後去食嘢，再去打機，再過旺角睇嘢，再食ｄ嘢，之後返大圍打機，打完就回家。

　

　　

　　

　

　

>>July 3, 2004 at 2:30:53 AM GMT+8

2004 年 6 月 25 日 星期五 【晴】

今日無乜嘢做　係落街影巴士　同報仇　因為昨日話壞車　所以86B無蛇車　今日要影返　可惜懶瞓　差不多成十點起身　唯有差不多成十一點先落樓影


下午都落街再影　因有ｄ巴迷入來影車　影吓DT7911


朝早唔知點解為了一部GL258狂影　只是一張炒咗

　

　　

　　

　

　

>>June 28, 2004 at 3:46:25 PM GMT+8

2004 年 6 月 24 日 星期四 【晴】

今日又四圍去　未出去就係顯徑勁影相　包括86B　因為86B加冷　又唔知轉邊部　咪全部影晒　今日去了愉景灣　早排去珀麗灣　今日去愉景灣　咁就約亞彬搭46X落葵芳　打陣機搭E32入東涌　係東涌食老麥　再影相　包括嶼巴的MAN NL262R　型爆　之後搭車入愉景灣影車　影了好多好多相　可能太耐無入愉景灣影相　同愉景灣巴士有同之前所影時有轉變　至少上次用菲林機　今次用DC啦　影了好多相　之後到三點幾搭巴士MAN NL262R出返東涌　又再影相　搞到張128MB卡都爆　要洗相再影　之後搭E42　去到大圍再搭GL258的86B回家　全日影了176相　

　

　　

　　

　

　

>>June 28, 2004 at 3:28:24 PM GMT+8

2004 年 6 月 23 日 星期三 【晴】

今日又上班 當然唔咁早出門口啦 搭1002班46X 轉48X班ATR 落到去轉小巴入去 小巴行下唔 唔係好快 點知一去到碧堤比人查我係乜水 又問我有無職員證 有鬼呀 兼職咋 唔好玩啦 都唔知咩管理員 俾多數秒 行到大廈到就有人認到我啦 唉！今日工作同昨日一樣 今日只有三四台客去睇示範單位 又係坐多 有中原地產經紀上嚟休息 我沒有理佢 同昨日大致一樣咁 之後搭小巴回家 轉48X 累累哋 好眼瞓 再等成十幾分鐘先有班46X 好唔掂

　

沒有人
曲︰伍樂城
詞︰黃偉文
編︰伍樂城
監製︰伍樂城


你怎樣看　亦像凝望我
那種不經意　卻洩露矛盾更多
怎可能　無聊之過　
平常稀疏　只因我心多


你守護我　但又迴避我
卻整天吸引著我　注意力無處去躲
不管如何　有人如此愛我
我亦暗裡練習　如和你告白講什麼


＊原來沒有　從來都沒有
　纏綿邂逅　完全虛構
　那一刻含情回眸
　原來是我妄想裡的　那點綠洲

　
＃原來沒有　從來都沒有
　教我緊張得心跳這麼久
　到了這一刻終於望通透
　其實愛情來過　半分鐘　也沒有


那感情戲　並未存在過
那小火花卻讓我　過敏地回應太多
心急談情　自然忙中有錯
錯在我太寂寞　隨時愛上未知什麼


Repeat＊＃


你說有句話難開口　很喜歡跟我成為好友
你卻沒有　故意偷偷碰撞我的手


原來沒有　從來都沒有
纏綿邂逅　完全虛構
我身邊原來無人　曾明示我　
暗戀我　很焦急　等我開口
原來沒有　從來都沒有
教我空歡喜心跳這麼久
到了這一刻終於望通透
其實愛情來過　半分鐘　也不夠
　

　　

　

　

>>June 26, 2004 at 7:40:47 AM GMT+8