2004 年 1 月 1 日 星期四 【晴】

太耐無打過了

唔明law，點解咁早要返學。今日唔駛上ＭＢＭ所以１０點幾先出門口。一落街，諗住１０１０有班車，點知無車開，佢由０９３０至１１１０每２０分鐘開一班，官方時間喎，咁即０９３０、０９５０、１０１０、１０３０、１０５０同１１１０開一班，因為此時間為食飯時間（唔好以為我亂咁吹，係呀！係咁早食ga，因為蛇車未收工），但點知每班車早開十分鐘本開１０１０就要等多１０２０，見８６Ｂ，勁正呀！Ｓ３Ｖ，未開，見８８Ｋ師姐喎，放飯呀佢，同佢吹勁耐水，等到１０２０開車，ＧＫ８９９７，本月３車，去到下一個站見到對頭應該是１車同樣轉了Ｓ３Ｖ～ＧＬ２５８，改掛牌車，正！朝早返學時，部部車載重客上都好，唔駛俾７２　d快車扒頭咁無隱。一轉就轉兩部（我見到，ＥＣ８２１５仍舊是本月２車，有好大機會轉掛牌），車程所做出時間沒有太大分別。返到去測普通話，早知返去等咁耐，我係屋企瞓多兩個字啦！～～再上ＬＡＷ，食飯，再上ＭＢＭ！～～
放學就過旺角先，上網吧打陣１９４２，再過銅鑼灣開會，被亞ＳＩＲ派遣任務，要搵十個人去１４號的ＡＮＮＵＡＬ　ＢＡＬＬ幫手。開完會就過新記鋸扒，再去世貿打機，然後回家。
多謝亞ＧＲＡＣＥ張免費車票。

>>January 4, 2004 at 1:15:33 PM GMT+8

2003 年 12 月 31 日 星期三 【晴】

大家ｈAＰｐy　NＥｗ　yｅAＲ

２００４，展望好多嘢，新生活，新轉變，做好每一樣嘢～～～（做唔做到是另一回事）
只希望開心渡過每一天


新生活

曲 : 陳奕迅 詞 : 黃偉文 編 : 李漢金

這一個字母 那一闕樂與怒
每一個月初的 8 號
這一帶別到 這出戲別再做
這種藍綠色 不要亂涂
對你有過這么深的愛慕
處處是記號

* 舊情太多 新生活要好好過
世間要除去什么
物証摧毀掉五千億個
也不要留低一個 *

某些名共姓 某餐店的風景
某一套漫畫主角造型
掃光了物証 炸毀全部風景
難道懷念方可以暫停
與你有過這么多的約定
處處是記認
Repeat *

讓我將生活徹底擊破
砌一個全新的我
將生活再清洗過
到底我還有什么
就算摧毀掉五千億個
我心里還有一個

＞又到回覆留言時間
＞多謝晒，歡迎下次光臨！！！
＞１
ＴＯ　阿勤：
當然自私ｌａ我，講多謝一定要自私ｇａ　ｍａ

＞２
ＴＯ　亞ＧＲＡＣＥ：
手指照要，手信又要，你話有手指ｇａ。好凍ａｒ，咪搞到配在病病哋，睇你ｄ人，又話底死，張生日卡芝麻，講咩ＴＨＸ。個背景是九巴網頁到取，部巴士是早一兩年九巴宣傳物品，今期再用這宣傳物品，化身成蜻蜓。ｄ花唔知咩花ａｒ。

＞３
ＴＯ　亞妹：
ｄ字改善了，若果睇唔到，請按右制同全選，或係鍵盤按ＣＴＲＬ＋Ａ，可以請楚一點。
新年進步同ＨＡＰＰＹ　ＮＥＷ　ＹＥＡＲ好ｌａ，唔好新年快樂，越快樂越墮落，唔好意頭，我個ＦＤ（一休）講ｇａ

>>January 1, 2004 at 3:06:17 PM GMT+8

2003 年 12 月 30 日 星期二 【晴】

３０號休息一日，今日一定要出旺角交錢，於是出去ＨＫＢＮ交兩個月上網費，交完就過奧海城食嘢，照舊車仔麵，勁底勁好食＄２１，三餸一麵及有凍飲，坐吓食吓嘢就落黃金買電腦用品，再搭８６Ｂ－ＤＰ１０８４回家。
回家食飯後，再搭火車出去尖沙咀，係尖東匯合亞傑佢哋再行去文化中心，勁多人，ｄ警察又唔放人入天星碼頭，咪勁噓，ｄ最叻指手劃腳，膊頭又大大粒咁，乜都唔識做咁個ｄ，一企上個台到俾人勁嘘。隔一陣，入得場，搵個地方坐兼吹水，吹完水就倒數，倒數完再四週圍行，出去買嘢飲，搵ｄ遊戲玩，成日輸，又要飲酒，自己今日唔想飲，又病病哋，悲哀去到凌晨３點幾，搭Ｎ２８１回家，卻是一部荔枝角廠的ＫＪ４８３８，車廂有張３８乳豬紙，好快，半小時左右就去到顯徑。

回顧２００３，太多事情發生，唔開心事情比較多，但係依一年，長大咗許多，依一年都識到好多朋友，連最尾個日都可以識到多一個新朋友～ＷＩＮＮＩＥ。

>>January 1, 2004 at 2:24:55 PM GMT+8

2003 年 12 月 28 日 星期日 【晴】

總隊長訓練營第三日
一早起身，同樣全房ｄ學生起晒身，同樣係我這個亞ＳＩＲ，同樣還請勿打擾中，同樣佢哋點嘈我都聽唔到，同樣唯獨部電話個鬧鐘一嘈就醒，一起身就換上冬季軍裝，跟住先擦牙，食早餐，然後係步操采排，采排就正式ＰＡＳＳＩＮＧ　ＯＵＴ，ＰＡＳＳＩＮＧ　ＯＵＴ前我負責開車門，都唔知邊個高級ｄ，亂開一度，再俾晒咁多個嘉賓的敬禮，然後ＰＡＳＳＩＮＧ　ＯＵＴ，跟住影相，再有一個酒會，好多嘢都好好食，然後執嘢離開。
坐車其間係到唱歌，出到長沙灣，解散後入了了ＩＶＥ換衫，然後搭地鐵轉西鐵去ＣＯＶＩＮ家，但亞銳五點幾就走，我估計我成四點半先去到，算ｌａ，去到兆康過對面搭ＷＲ落南昌，坐兩次，兩次都是近畿列車（我想坐川崎列車多ｄ），兩次都坐Ｐ卡（集電弓卡），過變壓站時，睇見ｄ人聽到佢爆個聲就東張西望，真係好好笑，但投入服務一個月左右，坐了三次，還要遊車河咁款，開始有ｄ悶。
去到南昌轉７０１，等又等得耐，又勁兜路，又南昌出旺角新填地街要四個字，早知搭２１２，見佢係丹尼士三叉戟型十點三米矮車身，配康明斯ＩＳＭＥ引擎加窩富ＤＩＷＡ　８６４　４波波箱，好少搭到，先想搭落旺角上網吧打機，玩Ｃ＆Ｃ，１９４２，同ＮＦＳ，玩了成三個鐘左右，再去食嘢，食完嘢，見到以前陳楷ｄ朋友，吹了陣水，再搭火車、巴士回家，就連東鐵都是搭近畿列車，又是坐Ｐ卡（集電弓卡），同樣過變壓站時，同樣睇見ｄ人聽到佢爆個聲就東張西望。第一次使用大圍新大堂，好正呀！～～

>>January 1, 2004 at 12:21:41 PM GMT+8

2003 年 12 月 27 日 星期六 【晴】

亞Grace 生日快樂

總隊長訓練營第二日
一早起身，全房ｄ學生起晒身，係我這個亞ＳＩＲ，還請勿打擾中，佢哋點嘈我都聽唔到，唯獨部電話個鬧鐘一嘈就醒，跟住食早餐，再去個單車到打躉，寫得學生ｄ名字，忙碌忙碌！～～～
然後步操練習，同有個警長講道路安全咁，下午教ＦＯＲＭ　ＴＷＯ　ＲＡＮＫＳ同ＦＯＲＭ　ＴＨＲＥＥ　ＲＡＮＫＳ同有個檢閱采排，跟住到第一個遊戲時間，玩兩個小遊戲合作性極高，我是第三組組長，但眼見兩個遊戲，我個組都發揮唔到合作精神，好驚佢哋會輸，可惜兩個小遊戲都是殿軍，但唔好忘記，只得四組，晚膳後有個類似野外定向咁的遊戲，而最後一個ＰＯＩＮＴ是係，我哋眾多長官開會加吹水的露天茶座，即最後一個ＰＯＩＮＴ被所有長官包圍住，開完會，就週圍行，點知超凍，最後個ＧＡＭＥ完成，開個大會。
然後回房磨鞋，跟住沖涼，沖涼超凍，低能ｇａ，ｄ冷風係咁吹。

ＦＡＢＵＬＯＵＳ　ＴＷＥＮＴＹ

>>January 1, 2004 at 5:39:32 AM GMT+8

2003 年 12 月 26 日 星期五 【晴】

今日是中學生總隊長訓練營第一日，一落去匯合ＥＭＩＬＹ，但見有部８６Ｂ－ＥＥ９７６０好似剛剛開出咁樣，係頂住了巴士總站出口兼兩條往濾水廠方向行車線，又見４６Ｘ有部３ＡＤ正想出緊站，但見到部ＥＥ９７６０出咁耐都未出到站，ＥＭＩＬＹ話一落到去巴士站就係咁，上去望望，原來是部ＥＥ９７６０無風，鎖了個手制，咩叫「風」呀？要ｄ「風」做咩呀？「風」真係吹風個ｄ風，要用氣缸儲起，ｄ風是用來開門、關門、拉手制、腳制等。咁要踩油先能叉風，所以有一些斜路，或長期用腳制，又少踩油的路段，於路段的巴士站，無論有無客都要埋站，再踩油出站，咁可以叉風，如行一些狂踩油路段，例如上斜咁，無啦啦有一吓「次」一聲，是氣缸儲風壓過高，需要放返一點風出來，講返當無風，鎖了個手制時，部車是鬆唔到手制，兼將部車落了空波，只要踩油，巴士於空轉時，就可以叉風，估計是叉唔到風，因為師姐揸８１Ｃ時，部ＧＫ９７１０放得太夠係巴士站到，會流風，又被鎖了個手制，空轉叉風，叉完風咁就走得，工程車都唔洗ＣＡＬＬ，所以夜晚ｄ巴士會流風，第二日ｄ巴士司機一攞車就要空轉叉風。部ＥＥ９７６０咁樣停了係到，８８Ｍ、８６Ｂ、４６Ｘ蛇車走唔到，８８Ｍ，８８Ｋ同４６Ｘ的字軌車又入唔到站，排隊咁頂住顯徑街，ｄ　８８Ｍ，８８Ｋ就要係顯徑街上客兼沿車公廟路踢走佢，當中包括師姐，工程車來到，幫部ＥＥ９７６０叉風，走行得到，我搭個部ＥＣ８２１５，幸好唔係鍾生開，但去到沙田花園見到前前車ＤＰ１０８４（即ＥＥ９７６０之前個班車）回顯徑，ＥＥ９７６０都行唔到，又斷纜。
去幸運茶餐廳食嘢，食完就去集合地點，再指引ｄ學生去集合地點，跟住上車去保良局北潭涌渡假營。去到就步操訓練，夜晚就燒烤，由於太夜先食嘢，所以食食吓開始胃痛，又眼瞓，勁辛苦，辛苦到開完會，只得凍水，咪連涼都唔沖一次咁多。

＞又到回覆留言時間
＞多謝晒，歡迎下次光臨！！！
＞１
ＴＯ　阿勤：
收到就得ｌａ，講咩鬼嘢多謝，因為講多謝是我的專利，所以我要講，多謝你的鼓勵。

＞２
ＴＯ　亞ＧＲＡＣＥ：
果然上嚟喎，我唔識預言，但特登張２６同２７兩日快了一日打，內裡都沒有內容，只有歌詞，我要手信呀！一喼手信呀！～～～

>>January 1, 2004 at 5:56:58 AM GMT+8

2003 年 12 月 25 日 星期四 【晴】

昨晚睇個香港熱鬧，間直不知所謂，班人懶係為民請命咁，講要巴士公司要實施分段收費，但係係完全唔可行
有ｄ嘢想講講，以下大部分都是節目內有問題的地方：
由佐敦往油麻地俾成十幾蚊，因為俾足全程去天水圍。
～第一，有３Ｃ，２０３Ｅ依ｄ唔搭，係要揀條去天水圍的６９Ｘ搭，又係到話人收你全程，話巴士公司攬收車資，咁似係無嘢，隨便搵ｄ嘢講，舉例都搵個好少少，例如由觀塘碼頭（個帶工業區）去橫頭磡邨，係有巴士去到～８０，但８０是入沙田，咁樣收人＄４．５０／＄６．１０好貴，依個都會合理一點，亦帶出多一個問題，問題係就算九巴想加多條線行，運輸署又話有地鐵到。第二，用佢個例子舉例，如果推出分段收費，假如我係下午繁忙時間由油麻地去美孚，見巴士就上，見６８Ｘ、６９Ｘ照上，個個都學我咁，去到旺角部車就滿座（又或者下層爆滿，上層尚有十數空位咁），咁深水埗至長沙灣ｄ乘客咪上唔到車，迫人搭地鐵轉西鐵，搞到部車短途客多，長途客少，乘客就話唔夠車，要加車，加開特別車係分站上客，長期係咁，條線蝕本ｌａ，運輸署最鍾意咁做，見條線唔多掂，叫巴士公司摺埋佢，一來可以減少路面交通喎，二來可以多ｄ人搭鐵路（運輸署宗旨保鐵棄巴）。講返先，長途線唔好過，短途線都唔好過，以同一個例子，６，６Ａ能夠提供到服務由油麻地去美孚，但６，６Ａ唔夠快，咁自然少人搭，短途線就無啖好食。假若有人反駁咁長途線分段貴一點，哈哈！笑話一大個，我個區區議員搞咩同地方同價，（佢標題係「同線同價」，同一條線唔係同一個價錢，唔係玩ｌａ，唔係諗住熱狗冷馬同一價），佢指出大圍返顯徑的巴士線要同一價錢，因８８Ｋ是收＄３／＄４．２０，４６Ｘ同８６Ｂ是收＄３．５０（８６Ｂ）／＄４．７０，咁係唔得，價錢唔同，目的是長途線載少一點短途客，令到短途線有點生意，長途線又唔會滿座，但依個區議員諗住全部同價，又為民請命嘛！

外國可以，點解香港唔可以
～你識講外國，攞外國個套點同香港。香港ｄ巴士繁忙時間幾多乘客乘搭，點知咩人有過機，香港熱鬧內提過，有ｄ人提前過機，坐到總先站落車，節目內重話香港人唔會提前過機，香港人好誠實，我就唔太信，唔俾錢搭巴士，大有人在，咁唔知叫唔叫誠實。

中門加多八達通機
～好似現在新車咁，單以九巴MAN 24.310 HOCLN/R舉例，配Berhkhof車身咁，頭閘同尾閘成丈遠，個師傅（或師姐）鬼見到咩，同部車駕駛室低，單靠車廂內倒後鏡點睇ａｒ。

尾閘上車，頭閘下車
～電車可以，但巴士唔可以，部部巴士個落門就係正中間，電車度門係車尾，點同ａｒ。咁部巴士停站又要對準中門，咁係好難睇到中門上客情況喎，要靠左邊倒後鏡睇喎，但係有勁多盲點，隨時夾到人。假若係繁忙時間，我坐車尾，有勁多人上車，我要落車，車上面又有勁多人，一部十二米巴士好長，咁咪要辛苦地擒出去。

唔同收費制定是有需要，好似ｄ馬場線，要抽額外巴士（每條線用車頗多），額外人手（車長，稽查，站長），唔收貴少少都唔得，同每班車人數不多，同埋數得巴士馬場線，九鐵馬場站咪又係咁。

唔好為了爭取選票，或幫自己做勢，就懶係為市民咁ｌａ，講一些完全無諗過，而又以為行得通的方法，唔係方法，係費話。

Lonely Christmas
作曲/作詞: 李峻一　編曲/監製: Terry Chan

誰又騎著那鹿車飛過　
忘掉投下那禮物給我
凝視那燈飾　只有今晚最光最亮　
卻照亮我的寂寞

*誰又能善心親一親我　
由唇上來驗證我幸福過
頭上那飄雪　想要棲息我肩膊上　
到最後也別去麼

#Merry Merry Christmas
Lonely Lonely Christmas
人浪中想真心告白　
但妳只想聽聽笑話

Lonely Lonely Christmas
Merry Merry Christmas
明日燈飾必須拆下　
換到歡呼聲不過一剎

Repeat * #

明晨遇到　亦記不到　和誰在醉酒中偷偷擁抱
仍然在傻笑　但妳哪知道我想哭
和誰撞到　亦怕'生保'　寧願在醉酒中辛苦嘔吐
仍然在頭痛　合唱的詩歌聽不到

Repeat　# #

>>December 26, 2003 at 10:58:03 AM GMT+8

2003 年 12 月 24 日 星期三 【晴】

聖誕結(Ot:Lonely Christmas)
作詞：何啟弘　作曲：李峻一

我住的城巿從不下雪
記憶卻堆滿冷的感覺
思念的旺季　霓虹掃過喧嘩的街
把快樂趕得好遠

*落單的戀人最怕過節
只能獨自慶祝儘量喝醉
我愛過的人　沒有一個留在身邊
寂寞它陪我過夜

#Merry Merry Christmas
Lonely Lonely Christmas
想祝福不知該給誰
愛被我們打了死結

Lonely Lonely Christmas
Merry Merry Christmas
寫了卡片能寄給誰
心碎的像街上的紙屑

Repeat * #

電話不接　不要被人　發現我整夜都關在房間
狂歡的笑聲　聽來像哀悼的音樂
眼眶的淚　溫熱凍結　望著電視裡的無聊節目
癱在沙發上　變成沒知覺的植物

Repeat　# #

誰來陪我過這聖誕節

>>December 25, 2003 at 9:52:58 AM GMT+8

2003 年 12 月 23 日 星期二 【晴】

平安夜，要返學，有點呃錢！～～～
諗住亞爸準時七點，點知亞爸遲出門口，成七點三起身，左搞右整，成０８１２先上３車，部３車好多人，差不多成九點先去到學校。
落堂後，去蘇明到坐，點知蘇明話俾老師搞ＰＡＲＴＹ，搞到無地方好坐，還要玩啤牌。
上ＥＣＯＮ，ＤＡＮＮＹ講了半小時，有朱古力派，落堂，食飯，再上通識。
放學幫亞堅搵嘢，搵完等亞彬同亞堅落長沙灣，等了我成個鐘，唯有ＣＡＬＬ亞ＧＲＡＣＥ陪我吹水。
然後買嘢，再落鴨寮街，到我買手錶對講機，再過西環上亞聲家打麻雀，打到１１點幾，搭５號出中環時，搭到２２０１，上下層座位都唔一致。
搭ＭＴＲ加８８Ｍ回家。

>>December 25, 2003 at 7:53:03 AM GMT+8

2003 年 12 月 22 日 星期一 【晴】

今日講明搭鍾生部一車，睇佢點係繁忙時間碌車，一落到街，無車，等多一等，有部８６Ｂ回來～都城嘉慕都城型十一米～ＤＰ１４３０，咁遲回顯徑，又碌車，隔數十秒左右後車部富豪超級奧林比安十二米～ＪＦ２００４又追到佢，勁威ｄ人，個站長已經恭候佢大駕，佢遲了一分鐘開車，都算唔差，用了２８分鐘，上ＢＩＡ，勁叫亞ＳＩＲ早走，亞ＳＩＲ早一點教完兼早放，落蘇明坐，再準備測英文，又話１０３５開始，俾個巫婆鋼牙小丸子玩死，佢咁都可以記錯時間喎，好心整個時間表俾自己睇ｌａ，又或者好心佢退休ｌａ，咁教書好唔掂。測完落活力城，玩了兩鋪ＢＡＴＴＬＥ　ＧＥＡＲ　３，然後回顯徑食嘢，見到ＥＥ９７６０喎，追車ｌａ，快車手，底追底上，返顯徑金城，見到青年大使ＥＲＩＣ同佢女友食嘢，坐開有咁遠得咁遠，費時阻人ｌａ。再過隆亨邨探個公公同婆婆，因為我參加了長者支援服務，傾了四十五分鐘就走，回家休息。

>>December 23, 2003 at 2:38:47 PM GMT+8