2003 年 9 月 26 日 星期五 【晴】

賣旗，以前賣旗都唔會有人耍手，但今次真的有，香港經濟咁差，大圍無乜生意，我同ＣＹＲＵＳ過了美林，係美林先至有生意，ｈａｈａ，我的左臂要自強，所以就勁抽錢袋，抽到隻左手震晒。
跟住回一回家，然後就出去同亞高遊元朗．．．首先我係城隧轉車站，等亞高，駕駛電躉（ＤＥＮＮＩＳ　ＴＲＩＤＥＮＴ　１２Ｍ）２６９Ｄ個死人頭，明知有勁多人轉２６９Ｄ，好心你就唔好爬沙田－荃灣／葵青的城隧線，爬完又唔係轉車站等多一陣，正打把，剛剛亞高坐的４７Ｘ來到，個死人頭停多一秒都話唔得，鬼唔望死人頭部掛牌俾人搶走，日日都攞部ＶＯＬＶＯ　ＯＬＹＭＰＩＡＮ　１２Ｍ，一定要ＶＯＬＶＯ　Ｄ１０Ａ引擎，加ＺＦ　４ＨＰ５００波箱，睇你點載成村客上象鼻山路。
元朗，勁多非專利巴士，以加州花園的屋邨巴士就最型，ＭＡＮ巴士再配最新的香港亞洲車身，加埋ｄ顏色，勁靚。亞高仲有講，以ＭＡＮ　１８．３６０舉例，１８代表十八噸，３６０代表３６０匹引擎馬力。過新元朗中心個邊，仲有ｄ陽光巴士同冠忠巴士，兩大非專利巴士，睇依兩間邊間母公司，陽光巴士係九巴，冠忠巴士係新世界集團（定係新世界集團母公司周大福集團，唔記得），新世界集團下有新創建，新創建下有新巴，新渡輪。
我同亞高上新元朗中心間百佳，嘩！大得很，仲有間豐澤ｔｉｍ，係百佳內ｇａ。買完野食，就搭巴士出長沙灣打機，然後回家。

>>October 1, 2003 at 2:02:57 PM GMT+8

2003 年 9 月 25 日 星期四 【晴】

ＲＯＳＡＮＮＥ話佢成日搭直梯巴士－ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００，搞到我有意搵機會搭。

返學已經日日同一個模式，返學，打機，放學，就諗住打機，點都要做個飛車手，咁上堂是比較沉悶，又有ＬＡＷ上，但幾好笑；點知亞淇同亞銳話去踢波，估唔到用一套打籃球（半場）的方式，可以套落去踢波，佢兩個合作，都入到一球。玩到１７１５就陪亞淇等佢女友。
陪完落去活力城飛兩場車，飛完就過青山道搭６號，有ＴＲＡＮＳＢＵＳ　ＩＮＴＥＲＮＡＴＩＯＮＡＬ　ＥＮＶＩＲＯ　５００搭，ＬＢ９９７４，吓！！！部車用ＺＦ波箱，無病ａｒ，九巴應該係ｄ車上面加設嘔吐袋。ＬＢ９９７４都跑得幾快，由長沙灣跑落尖咀都係用了３５ｍｉｎｓ。

>>October 1, 2003 at 1:14:14 PM GMT+8

2003 年 9 月 24 日 星期三 【晴】

解封的第一日

今日返學，照舊搭約０７２４開個班８６Ｂ，點知個師傅是快車手，平時０８０４到達長沙灣徑巴士站，但佢可以快到五分鐘，唔好話五分鐘好少，繁忙時間就好多，可能剛剛十八廿二（即每月的十八至二十二日，係依段日子九巴早更車長同晚更車長對調），調了個快車手，早五分鐘，我點慢慢行都勁早返去，係學校企了幾耐，上第一堂，一個ＭＩＳＳ就無乜野，另一個勁肥，又係擺晒ｄ惡ＭＩＳＳ款，低能ｇａ，勁憎！
學校簡直變態，一ｄ房勁凍一ｄ房勁熱。
成日落機鋪打機，ＬＵＮＣＨ同放學都打，放學打完落鴨寮街買野，然後回家。

＞又到回覆留言時間
＞多謝晒，歡迎下次光臨！！！
＞１
ＴＯ　亞青：
好長篇文，你所言甚是，我會努力咁．．．．．．改，好用心ａｒ，ｔｈｘ　ａ　ｌｏｔ　ｌａ。

＞２
ＴＯ　ＡＭＹ ：
ｈａｈａ，ｏｋｏｋ，係ａｒ放監，同埋你ＡＬ，加油ａｒ。

>>September 25, 2003 at 2:42:03 PM GMT+8

2003 年 9 月 23 日 星期二 【晴】

封鎖的第四日
人馬座的守護星是木星，守護神是宙斯，所以人馬座的人樂觀、誠實、熱情，喜歡挑戰，不過很容易浮澡不安，魯莽行事。
他是十二星座的冒險家，熱愛旅行，喜歡賭博性的活動，為人變化多端，有雙重性格的性質。他們有永遠年青的秘訣，是指心境上，他們喜歡追求學問，緊貼潮流，也有語言的天份。

而且人馬座的二元性格，變化多端，有機會同時做兩份完全不同性質的工作，他的多才多藝也有可能做一份涉及範圍甚廣的工作。

意志力薄弱也是人馬座的一大缺點，缺乏自制的能力，如果沉迷賭博，不堪切想。


封鎖四日，提早解封
飛車手


>>September 24, 2003 at 3:51:28 PM GMT+8

2003 年 9 月 22 日 星期一 【陰】

封鎖的第三日
上學，全班８個男仔的一齊玩，一齊無聊，一齊吹水，返學第一件事，課室左手邊尾二尾三兩行，我哋班男仔坐晒，放學。回家整網頁，返ＤＭＤ　ＣＯＵＲＳＥ，放學。

心情更加放開，亞青講得正確，要搵返自己，自己咪就係，想玩就玩，有工作係手就要做嘢，什麼都不理及不怕，懂得變臉。
唔開心，忘記中，可於第五日解封。

>>September 24, 2003 at 1:51:44 AM GMT+8

2003 年 9 月 21 日 星期日 【陰】

封鎖的第二日
上學，沉悶，但識到好多新朋友，七個，上堂開心好多
打機，手車強勁好多

心情放開

>>September 22, 2003 at 11:58:13 AM GMT+8

2003 年 9 月 20 日 星期六 【綿綿細雨】

封鎖的第一日
出ｆｕｎｃｔｉｏｎ今日，放工就搭亡命村巴ＮＲ８２，勁衝紅燈。

>>September 21, 2003 at 1:40:09 PM GMT+8

2003 年 9 月 19 日 星期五 【晴】

☆　心情紀錄　★

自己近排心情越來越差，都唔知點解，近幾個月，唔如意事情比如意事情多出好多好多倍，終於貫徹明白自己所想，唔係一定會發生，唉！金錢、事業、朋友、愛情，無樣順意。自己想改好自己，好難，自己係咁就係咁，想改係一定得，自己咩都唔得。無主見，無創意，死板，做咩都無目標，十八歲仔，終於發現自己是咁差勁，唉～～～～～～～～～～～～～朋友話自己一ｄ都無錯，處事，待人接物，又無樣識，對朋友又勁差，搞到朋友唔多，女性朋友更加唔多，想咩有女朋友，幸福一定比唔到人，連最簡單氹女仔都唔識，學咩人諗女朋友，自己做咩都唔用心，好失敗，自己，正忠賤人一個，有事只係靠朋友，朋友有事又唔出手，好唔掂自己。報應終於回來！
自己越來越唔開心，強顏歡笑，是我日日的招牌，連亞嵐介紹的好聽歌，都要隔左數星期先至用心去聽得出係十分好聽，亞嵐介紹的新紮師妹２，好笑ｇａ，但自己笑唔出，做錯太多，做正確太少。想哭，細個哭得太多，大個覺得自己要做強人，就要唔好哭，唔係點保護人。
又唔夠大膽，說話能力差，同人講一套，自己做又另一套；想同做是兩回事　．．．．．．．．．．．．．．太多。

封鎖自己十日，好好再反思自己

>>September 20, 2003 at 4:23:15 PM GMT+8

2003 年 9 月 18 日 星期四 【酷熱】

新大嶼山巴士～～～眾不歡，但我喜；遊車河，好耐都沒有試過

出到沙田市中心，本諗住搭Ｅ４２或Ａ４１，首選Ｅ４２，但Ｅ４２好耐都未到，見有班Ａ４１喎，又唔係個ｄ由人造皮座椅改為絲絨座椅，即假豪華車，普通巴士（Ｅ線車）死充豪華巴士（Ａ線車），係到騙錢。好耐沒有搭過，差點忘記了張椅可調教椅背角度，車開得好快，連北大嶼山快速公路都踩住去，唯獨是青嶼幹線無得爬頭，俾前面部車頂住，勁吊油。Ａ線服務的確唔錯，個龍運司機見我同亞高係機場客運大樓四號閘都沒有下車，走上上層問我地邊到落，我答了句：「地面運輸中心。」我諗個司機，一聽就明白，ｄ人一係話接機，一係話送機，一係話出國，無乜人會答地面運輸中心，得！點都係識巴士之人，佢就即落去開番車，當然我地落車，大聲講句唔該ｌａ，一落車望部Ａ４３，好心龍運買多ｄ豪華客車，又用ｄ普通車行豪華線欺騙大陸乘客，咁又係，大陸人依ｄ都叫舒服，好過ｄ木椅巴士。
多謝亞高，支助我今次遊河！！！
原來唔係龍運Ａ線服務好，（城巴Ａ線一路都咁好，唔係點解收得咁貴）原本嶼巴Ａ線都唔錯，我同亞高用嶼巴張＄３０即日通用票上車，但未寫日期，需要Ａ３５個位師傅幫我地寫寫日期，係佢寫緊時，我同亞高就搵位坐，但佢寫得好快，我地放低ｄ野係張椅到，個師傅寫完就行過黎俾返我地，ｈａｈａ服務唔錯。全日上上落落有七部嶼巴，全部五十鈴ＩＳＵＺＵ，有最新（ＪＰ５４３９），有最舊（ＥＮ６９２１），有二手（ＧＵ４５００，ＨＪ９３７８），本身要用＄５９．５的遊車河，但只用＄３０搞掂，但遊唔夠本ａｒ，因為我要返學，值得一提是，平時搭嶼巴多數是總站去總站多，但今次就係分站上上落落多，我仲係嶼南道影了好多相，ｈａｈａ好正。係大澳出梅窩，本有１號搭，但我善用張即日通用票，就搭１６１５係大澳開的１１號，係東涌道，嶼南道路口巴士站落，再行落嶼南道影巴士兼等車出梅窩，等了十分鐘，就有一班２號出梅窩，等緊期間，附近有個道路維修工程，封了一條做工程，需要利用紅綠燈去指揮該處交通，這些紅綠燈裝了感應器，有車黎到，就感應到而會轉綠燈，但這些紅綠燈連人到一樣感應到，我同亞高都玩左陣。講返１１號轉２號，係快過搭１６３０係大澳開的１號出梅窩，又有冷氣，但就好貴差唔多一倍，好在有張即日通用票，任搭嶼巴一日。去到梅窩搭船出中環，俾部雙層船（新顯），太耐無搭，船艙已經忘記晒所有位置，連下層上上層條樓梯都忘記。出到中環搭ＭＴＲ過尖沙咀返學。

是日結論
１．嶼巴沒有碌車（即有心開慢車，例子九巴２７號班大帝）師傅，主要是ｄ巴士唔夠馬力，上大斜路慢。
２．是日上落嶼巴就同師傅勁講唔該，上車一句，因為幫我地睇張即日通用票，落車又講聲唔該，佢地又會有反應，回應返你。
３．成日同人講長沙沙灘好靚，細個睇過都係ｇａ，可能大個要求高左，長沙沙灘都算唔錯，但隔離的塘福沙灘好似仲靚，下次去吓先，當然唔少得即日通用票（ＤＡＹ　ＰＡＳＳ）。

＞又到回覆留言時間
＞多謝晒，歡迎下次光臨！！！
＞１
ＴＯ　ＭＡＲＣＯ：
變乜鬼，係個人成熟左，玩時就癲左，同一個懶有原則，但咁樣好易就失去朋友，唉！！！可能依一年轉變對於非常非常非常非常非常大。但最難得識到你，有好多野向你學習，話晒你樣樣野都係我師兄ａｒ　ｍａ。喂！係朋友有咩玩就搵埋我，我想同莫等閑ｄ人更加熟。幫我搵相，唔該！！！！！！

＞２
ＴＯ　ＤＥＢＢＩＥ ：
想吓好，同你差唔多，唔好傻ｌａ，唔好發白日夢，唔夠訓就好心訓多ｄ，唔係又捱壞身體ｇａ。

＞３
ＴＯ　亞ＳＺＥ ：
當然是睇日記，睇巴士，ｄ巴士是識行識走，日記唔識行唔識走。喂！記住某ｄ人唔夠訓，上面個ｄ，千萬唔好學佢，捱壞左身體就好麻煩。

最後，祝福亞青沒有事ｌａ

>>September 20, 2003 at 3:24:10 PM GMT+8

2003 年 9 月 14 日 星期日 【颱風】

開學．．．．．．遲到
第一日返學，就同自己講唔好遲到，但上下午返校都遲到。

咁朝早諗住０６３０起身，大約０７１５出門口，落到去是應該走了一班車（我搭８６Ｂ），咁等下班車，俾部ＤＥＮＮＩＳ　ＴＲＩＤＥＮＴ　１２Ｍ（丹尼士三叉戟型十二米）（ＡＴＲ），咁開車後都一路都沒有什麼事發生，去到美林邨，奇怪，點解前面部ＶＯＬＶＯ　ＯＬＹＭＰＩＡＮ　１１Ｍ（富豪奧林比安十一米）（ＡＶ）的冷馬８１停了係到，但已離開了巴士站，又唔ＣＵＴ線上大埔道，停了一陣，有個九巴稽查同個８１司機講ｄ野，講完部８１就直行大圍道，沒有ＣＵＴ線上大埔道，我坐個部８６Ｂ一樣，好笑的是有部ＬＥＹＬＡＮＤ　ＯＬＹＭＰＩＡＮ　１１Ｍ（利蘭奧林比安十一米）（Ｓ３ＢＬ）的熱狗係大埔道塞緊車，是早一兩分鐘的事，幸好個稽查來得合時。如無意外，唔行大埔道，就行獅子山隧道，但一出返大圍又塞車，唯獨上獅隧就有巴士線唔駛塞，本身平時大約３５－４０分鐘車程，我坐了１小時０４分鐘，（由顯徑往長沙灣徑）。０７３６上車，０８４０下車。
幾難睇，第一日遲到，不過有好多仲遲，包括連阿ＳＩＲ，佢都經大埔道出，原來荃灣個邊又有交通意外。第一日返去超悶，聽人講野，又有ＹＥＡＲ　２　ｄ人帶你遊校園，無聊到極點
，不過Ｉ　ＬＩＫＥ睇張時間表，今年要日日早起，唔係返０８３０，就返０９３０，日日都是這兩個時間，以前，至少有兩至三日返１２３０同１３３０，但今年就．．．幸好是放學時間早早放１２３０，最遲都１６３０，好過舊時的１５３０同１７３０　ｌａ。１５號開學，以為１６號就要繼續上堂，唔係ｂｏｒ，阿ＳＩＲ話下星期一先開學，下，唔係掛，咁早返黎托七ａｒ，好躁ａｒ，ｍａｙｂｅ勁悶！
食晏時，陪阿傑換智障身分證，果然智障身分證喎，一站式服務，唔駛行來行去，但等就勁耐，整完，去了哈廸斯咬野，再返校，ｙｅａｈ，又遲到。
放學就係興華街等８６Ｂ，我好憎依個站，成日都唔記得有間三級電影院係面前，我係咁ｇａ，等巴士ＬＩＫＥ四圍望，但又唔想望間戲院，又唔覺意望到，係依個站等車就好急趕要上車，但等等下來了兩部８６Ａ，都未來到一部８６Ｂ，據知８６Ａ疏過８６Ｂ，連７２都來了兩部，頂！又斷纜，三埋兩日就斷纜一次，唉！８６Ｂ喎，話口未完就有一部８６Ｂ，又係ＤＥＮＮＩＳ　ＴＲＩＤＥＮＴ　１２Ｍ（丹尼士三叉戟型十二米）（ＡＴＲ），早上搭個部，後面來多部．．．．．．８６Ｂ，ＬＥＹＬＡＮＤ　ＯＬＹＭＰＩＡＮ　１１Ｍ（利蘭奧林比安十一米）（Ｓ３ＢＬ）低能ｇａ個美孚站長，兩部同一時間係美孚走。當然一部係美孚走，另一部搞私牌踢去九江街先上客。部ＡＴＲ，師傅喎，佢講佢轉更時，個早更都遲左返，我唔明點解下午都仲會斷纜，個早更會遲左返去轉更（回家睇新聞，先知呈祥道又炒車）。好笑的是佢出黎美孚又塞車，返去顯徑又塞過，係大埔道塞緊時，仲可以見到早上炒車的車牌仍在地上。返到隆亨，望去Ｄ對頭車，一部ＬＥＹＬＡＮＤ　ＯＬＹＭＰＩＡＮ　１１Ｍ（利蘭奧林比安十一米）（Ｓ３ＢＬ）－ＦＡ９６７１，下，８８Ｋ掛牌車，今個月的８８Ｋ二車，點解跑８６Ｂ，唉！～８６Ｂ斷纜，就拉左８８Ｋ部ＦＡ９６７１，行住先，好野喎！今次仲威１６４９上車，１８０５下車，搭了１小時１６分鐘。
無奈的一天，呆搭巴士，還要搭ｄ俾８７Ｄ用到殘殘舊舊的３波ＴＲＩＤＥＮＴ，部車上個２波都勁打冷陣。

經過這一日，有下列結論：
１．７２，８１，８６Ｂ會於大埔道來回全線封閉，先會改行獅子山隧道。
２．７２，８１，８６Ｂ於任何時間（除上述事情外）都會行大埔道，包括封了一條線。
３．８６Ｂ於１５／９／２００３，早上及下午繁忙時間及下午都嚴重地斷纜。

斷纜－指一條巴士路線，基於道路上出現的阻滯，造成巴士未能準時返回總站，及於總站開出下一班班次，咁就叫斷纜。

>>September 17, 2003 at 1:27:36 AM GMT+8