2004 年 8 月 14 日 星期六 【晴】

今日又係T章呀，又要去調景嶺，但都未搭下條無客線796B，同亞傑一齊搭80出觀塘，再搭地鐵入去，只遲七分鐘，都未係最遲，今日主力攝影多一點，因為較少影近鏡照片，所以影多好多，我個組比亞堅帶下，我影影相，四圍八下其他組點，又會講兩句，最好笑是一休叫我帶第二組喎，但我自己個組係側邊喎，之後同亞堅互調，今日同平時無乜分別，一一般般的一天。
放了後，同亞諾行了去尚德搭296A出創紀之城轉80，搭296A用11分鐘，咁快，似坐村巴。


向下望，望到有張楊千嬅相就停

佢都唔鍾意我放唔低托咩


由此日開始
今天開始哪個都不愛

謝霆鋒 - 啟示錄
曲︰謝霆鋒　詞︰林夕　編︰王雙駿


亂世學到甚麼　若這夜有人失散
訊號中斷了　他親友怎樣過
後悔換到甚麼　願我們再像最初
今晚很難過　想知你怎樣過
如若過去決絕不算罪過
為你掛念足夠被折磨


＊道歉又怕甚麼　沒有伴侶才恐慌
不致毀滅我　都足以啟示我
陪著你見證衛星那直播
你我已幸福得要停火
（我要對你怎麼太清楚）＊


＃今天開始哪個都不愛
我要抱著你在家中過將來
無論哪裡報導天國近了
仍然纏著你沒悔改


今天開始哪裡都不去
永遠抱著你在公園看青苔
寧願看破地老天荒再離開
（抱你抱到通訊社轉載
世上最強武力　仍舊炸不開／
仍沒法分開　正是愛）
Repeat＊＃


只要可抱緊你等那天到來
總算好過這個壞時代
當世間要審判　請你跑過來
就陪著我　在默哀
Repeat＃＃　

　　

　

　

>>August 20, 2004 at 3:35:38 PM GMT+8

2004 年 8 月 13 日 星期五 【晴】

今日悶悶哋，又無乜嘢做，就係咁一個人入了機場，今日突然間唔想見到任何朋友，唔知咩原因，於是就自己兩點幾搭車入東涌，88K轉E42，咁都係88K撞到小學同學，不過唔熟，入到東涌，係到狂影相，之後搭S52入維修區，個到近距離影飛機，個到風景好靚，一望無際大海，可惜坐的時間唔耐，搭1708開的S52，竟然開2143喎，正呀，又以S級價錢，享受A級服務，出到去再影相，之後搭MTR轉46X回家，係荔景邨樂景樓上46X的HA9566，去到葵芳地鐵站見到有部尾牌是46X的AD，以為咁快追到前車，點知出到葵芳邨，前面部AD個司機換返46P個尾牌，個司機唔記得換尾牌，咦！空歡喜一場


SORRY亞堅，本來陪ABBY見工，咁ABBY又話唔去見，下午空了出來，又無搵你影想，因為今日好想好FREE咁四圍去，好想自己一個
SORRY情婦，今日突然好想自己一個，唔同你出去


向下望，望到有張楊千嬅相就停

今日心情仍然好差，唉！都唔知自己發生了咩事，太多太多唔開心嘅事發生咗，係唔係自己做錯嘢，連我自己都唔知，所以你哋都幫唔到我，每天的強顏歡笑，依個是我的生活嗎？自22/6開始，我終於唔懂得點樣開心，就只懂用手寫出開心二字，用手打字打出開心二字。我今日又做錯了事，矛頭係唔係只向我，唔知，既然一路都唔開心開，一於攬上身啦。我忽然想，唔去CAMP好唔好呢


狂影相都解決唔到唔開心
唔開心 心情差 無心機
依三樣嘢太嚴重
好大壓力

想哭
作詞：林夕　作曲：徐偉賢


相約在一個適合聊天的下午
分開很多年滿以為沒有包伏
我還打算回顧我們為何結束
還想問你是不是一個人住


當你的笑容給我禮貌的招呼
當我想訴說這些年來的感觸
你卻點了滿桌我最愛的食物
介紹我看一本天文學的書


#我想哭不敢哭難道這種相處
不像我們夢寐以求和幸福
走下去這一種是寬容還是痛苦
我想哭怎麼哭完成愛情旅途
談天說地是最理想的出路
談音樂談時事不說愛
若無其事原來是最狠的報復


當我想坦白我們的樂多於苦
你說水星它沒有衛星好孤獨
我才明白時間較分手還殘酷
老朋友了再沒資格不滿足
----------------------------------------------------------------------------
依首歌可以能夠形容到我想點

　

　　

　

　

>>August 14, 2004 at 4:22:02 PM GMT+8

2004 年 8 月 12 日 星期四 【晴】

今日諗住同JONATHAN同ERIC打波，點知臨出門口，ABBY叫我上亞傑屋企攞藥，好呀，攞囉，好了，搭火車落到去，去到紅磡，ABBY仍在順利喎，我唯有行路落去佐敦，ABBY，呀係，係情婦都可以，情婦搭26的ADS到，後備車，我望到司機個職員編號，人工又唔見咗一部分，我相當同情佢。情婦落了車，就等K1入去，唔駛俾ｍａ，個到搭26 VAN仔好貴，去到擎天，扮晒睇樓團，個車場看更都呆了呆，我同情婦點睇都唔似咁有錢去睇SHOWFLAT啦，好彩亞傑坐樓下，唔駛上SHOWFLAT，吹了數句水，就行第二條路走，費時俾人話啦，個條路都唔係好識行。落到去，係九龍站食老麥，之後諗下諗下，有好多嘢都未做，入數填表，之後又要落信和，如果過深水埗，打得好短時間又走，算了吧唔去，做衰是官涌球場封了。同情婦傾了好耐，之後入數，同搭203E落信和，問一下租船價錢，之後情婦話去買呔喎，過了荷里活，夠平呀。


之後行去搭巴士，我搭87B，走了班MCW，想搭MCW喎，去到站頭，見有EG1651喎，算啦，情婦唔好怪我，話晒自己幾LIKE MCW。


夜晚去INTERVIEW同開會，INTERVIEW個兩個，見佢哋講得好多嘢，先招佢哋，開會，自己有份作的劇本都好大問題，開了好多嘢。之後圍住顯徑下邨踩了兩圈單車，照舊心情唔多靚。


情婦你都幾核突下喎
食少ｄ煙
多謝情婦送俾我條呔
下次返工帶


向下望，望到有張楊千嬅相就停

　

　　

　　

九巴有一套叫車型津貼
咁所有單層巴士叫 加三車
所有短過十點九米巴士叫 加四車
所有十一米及十二米巴士叫 加五車
加五車是津貼中最高，其次是加四車，最低是加三車
計算方法是
本身有份底薪
再按每日揸個部咩
加返其車型津貼
例如本身揸開加五車
有一日揸加四車
咁個日計加四車津貼
如果有日揸加五車
揸揸吓壞車，改加四車
咁個日車型津貼是加五車
新入職不受此限
大部份是職員編號6字頭（5個位）

今日亞傑SEND過來

搵自己的日本名
我搵了數個
打自己中文名出了
長谷川 Hasegawa (long valley river) 雄大 Masahiro (big hero)
打自己英文名出了
猿渡 Saruwatari (monkey on a crossing bridge) 拓海 Takumi (open sea)
打自己別名（BUS）出了
藤原 Fujiwara (wisteria fields) 拓海 Takumi (open sea)
打自己別名（JACKSON）出了
秋本 Akimoto (autumn book) 聖人 Masato (sacred person)
打自己別名（巴士）出了
川添 Kawazoe (riverside) 拓海 Takumi (open sea)
打自己別名（積臣）出了
秋本 Akimoto (autumn book) 威吹 Ibuki (mighty blow)
打自己網名（樹葉）出了
浜野 Hamano (seaside field) 大輝 Taiki (large radiance)

咁多個名
堆砌了個新名
長谷川 拓海
依個好聽好多


>>August 21, 2004 at 4:32:51 PM GMT+8

2004 年 8 月 11 日 星期三 【晴】

今日以為有參觀活動，點知久久CYRUS都未覆返電話俾我，唉打打下日記，打到唔願郁，況且有好多日記都未打，打到五點幾，落去中心，諗住同鵬鵬傾嘢，但CYRUS引一引，肚餓，要咬嘢，去了顯徑車仔麵，叫了一碗車仔麵，再叫一碗生菜魚肉，係好多地方都食過，但生菜魚肉最好食是夜晚十點打後，係顯徑巴士總站，有一檔小販，個檔好好食，就算買咗，企係街到食都好有滋味。食完晒嘢，就上返自修室等開會等上堂，又教了好多手語，嘩，都係記唔到入腦。上完就回家。


向下望，望到有張楊千嬅相就停

我唔知打唔打俾你好，又唔知你想唔想聽到我把聲，又唔知你想唔想見到我，既然是這樣，我更加心淡。

　　

　　

　

　

>>August 14, 2004 at 12:47:55 PM GMT+8

2004 年 8 月 10 日 星期二 【晴】

今日去個唔知乜叉叉，咩政制發展：青年討論，我都遲了出門口，唯有搭87B轉火車再轉隧巴本來搭104，但見104無車，見有115喎，新巴車，一來新巴車，二來要追車，唔追啦，就是新巴依樣嘢就已經唔值去追，見有182，城巴，追車先，過到去，一休都未到，唯有影下相先等一休然後入會場，一出電梯，就有人影住，想搏上電視，都唔好咁影呀，入到場內，聽政府高官講嘢，有點想睡，坐到三點，又話要分組討論，討到四點半，我只講了一句，好過唔出聲，有個咩茶會，之後再一個匯佈，大家可走了，之後同一休過皇后大道東接亞璟，佢搭變色ATS呀，好想再影。之後出返電車路搵ABBY，之後去食嘢，食完嘢搭地鐵過金鐘西武，ABBY話買呔喎，去到全部呔都好唔掂，過多數十年就合適，之後搭MTR過九龍，同ABBY講了好多嘢，等到亞傑落到嚟，又搭MTR過天后，上中央睇MESSAGE，坐到九點，落天后食飯，食完打下機，都話我駕車狼，兩次都贏了一休，算啦，駕住兩條我最熟，無嘢好講啦。打完搭MTR同80回家，80，終於搭到富豪超級奧林比安十二米（B10TL），JG495，前U廠車，好似行過68X，好彩同亞傑夠瘦，坐窄座椅都無乜嘢。


昨日凌晨係新翠巴士站見到類似咁的廣告，諗緊影唔影好

頂！望得耐會好寒，但有幾過隱，對套戲有所期待，但唔好好似上次三更唔知佢講乜就好


　

　　

　　

　

　

>>August 14, 2004 at 12:35:23 PM GMT+8

2004 年 8 月 9 日 星期一 【晴】

麻煩更新2004 年 08 月 08 日


今日要返工，返九龍站，今日星期二，聽聞昨日好少客，今日都唔多，好悶好悶咁，想SLEEP，不過有重要人物有返工，打醒十二分精神先，好彩亞姐陪下吹水，亞妹YUKI又陪我玩SMS，我先捱得過。


放工買了愛作戰同大佬愛美麗VCD
搭87B的FB8886，前80掛牌車，亞法文司機開得勁快，攝位都唔錯，坐係上層車頭爆涼

　

　　

　　

　

　

>>August 12, 2004 at 3:53:34 PM GMT+8

2004 年 8 月 8 日 星期日 【晴】

亞傑生日快樂

昨日回家前，有個咩乜叉叉CALIFORNIA FITNESS CENTERS有人打電話來俾我，有咩VIP，又有咩咩咩優惠，小弟真係無乜興趣，諗住拖得就拖，不過真係好想知咩人推我個名上去，算了吧，扮晒嘢唔得閒，點知今日又俾個電話我，又話六點幾俾多個電話，唔好咁煩啦好唔好，唉！唯有過去處理咗去先，佢都話唔駛錢，一坐低又要填咩問卷喎，跟住有個人叫我坐低，想引我以咩幾折咩優惠，都要用六百幾蚊，個頭未諗掂，個頭話要咩身分證、學生證影印喎，個樣未想到佢講咩，個頭又轉身，話咩PLAN，我諗到，得了，我話未諗清楚同沒有咁多錢為理由，佢仲話3折喎，遲ｄ無喎，我就相當唔好脾氣咁話，又話唔洗錢喎，坐係到個幾分鐘，未諗到咩事，要我俾咁多錢，我勁話唔要，佢都奈我唔何，之後填咩VIP FORM喎，又要我交ｄ朋友出來，交十個，我十分扮嘢咁諗唔到咁款，佢又俾ｄ優惠卷，我寫到去第七個，我同佢講，我係唔係連個VIP會籍都唔要，佢先扮晒好人，話七個都俾你，ｄ優惠卷急忙收返，小弟又唔置在，一來我對健身無興趣，二來我最想知誰人推我個名上去，三來我唔想有個唔多願意嘅人係咁打電話俾我，所以先過去，貪佢ｄ爛鬼優惠卷，不過經過依單嘢，搞到我好唔開心，推了七個名上去，自己都唔想其他人自己個名推上去，現在仲要推其他人上去，唯有打電話俾佢哋，講聲SORRY先，再係到講多聲SORRY先，之後TRACY話過灣仔搵我，咁係灣仔碼頭等，等到六點九左右，佢都未過嚟，算啦，搭104過返尖咀，等了好耐又無車，新巴時段，趕時間要由灣仔個游泳池去到紅隧口，無計啦！！係最快佢ｇａ　ｎａ，唯有搏返九巴時段，咁無知做咩有好多人等車，來班班104都滿載咁，見到有班車頭尚有位企，大約有個輪椅板咁大的位置，埋左站，上了數位乘客，車頭尚有一兩個身位可以俾人企，係見住有位乘客準備提起隻腳上，個司機就趕快關門開車走，依ｄ叫服務優質，有人話黃線外不淮企立，咁又俾其他人上，等了好耐，BOOK了七點鐘，我成七點三先到紅磡，之後叫佢哋問BOOK房後幾耐唔到，就會取消間房，個個都唔肯問，叫佢哋好問CEO個價，打機無問，話壽星仔未到，叫去問下價錢，壽星仔未到可唔可以開房先，唔係開房呀，火滾到我爆，好唔開心的一天，唱唱下K先至開心返ｄ，唱唱下四圍去，一次陪嘉瑩買煙（小弟十分唔鼓勵）同吹水，第二次去買嘢食。唱到十一點幾，搭火車轉88K回家，88K堂哥喎，部車好凍喎。

心淡兼唔開心，一來間咩乜叉叉CALIFORNIA FITNESS CENTERS，二來越來越覺得，有人唔想見到我，有人唔想聽到我把聲，三來今日好不如意，四來做了衰人


一於是這樣，從今日開始做個衰人，直至另行通告為止
希望大家唔好怪我，心內個壓力要爆

　　

　　

　

　

>>August 12, 2004 at 9:31:10 AM GMT+8

2004 年 8 月 7 日 星期六 【晴】

今日係要返工，返九龍站，好呀，十分好，坐樓上SHOWFLAT，好好......無陰公，最熱的SHOWFLAT，幸好幸好關了兩排射燈，比以前舒服好多，今日好好笑，一坐低有班客上來，又要起身，總好過半個客都無，好累。有一台客，三代同堂上去睇SHOWFLAT，有個亞媽叫佢個仔唔好亂搞嘢，叔叔鬧喎，我係會鬧個亞媽，十九歲咋，亞叔未到我，穿西裝會老一點？？？


放工買了見鬼2同救命VCD，回到家即睇見鬼2，恐嚇到熟睡亞媽，搞到要追字幕

　

　　

　　

　

　

>>August 12, 2004 at 3:25:46 PM GMT+8

2004 年 8 月 6 日 星期五 【晴】

今日又係T章，又要去調景嶺，想搵日搭下條無客線796B，有得包車嘛，今日亞堅未到，我這個攝影技術組同事，唯有用私家機，可惜沒有帶腳架，下星期都係帶支腳架。


今日同平時無乜分別，一一般般的一天

　

　　

　　

　

　

>>August 12, 2004 at 4:46:38 AM GMT+8

2004 年 8 月 4 日 星期三 【晴】

今日去做老人服務，我其實都無咩嘢做，我就做下個劇，同ｄ婆婆講下嘢，之後開個B，然後返中心放低ｄ野，去剪髮，剪短去，夜晚開會，之後我改了成為手語活動的司儀，新挑戰，那怕，有信心～～～講下咋

唔開心，剪短髮，會否開心ｄ

洗剪吹


作曲：周初晨
作詞：黃偉文
編曲：Terrance Teo
監製：周初晨＠U's Music


長嗟或短嘆　或者不可給你選
誰若試過戀愛　都必失過戀
留海或鬈髮　熱水風筒較剪
平復過去方法　卻是能自選
如果不可改變面型　就換個新髮型
臨場那適應力　叫做年輕


髒了便　洗一洗　你還年紀細
從沒眼淚與污泥　沒法可清洗
心痛便　剪一剪　那條情感線
無謂縛著掛牽　要看前面


如失戀　未可免
無謂看最壞那邊　越去撥越凌亂
將你煩惱絲一剪　角色　已可改變


誰也有種責任　好好打理自己
誰說你可嫌棄　嫌棄　自己


濕了便　吹一吹　愛情由它去
留下眼淚獻給誰　誰要這點水
分與合　洗剪吹　我們成長裡
尋伴侶　換髮式　各有程序


如失戀　未可免
無謂看最壞那邊　獲益都算不淺
剪個頭髮變出新人　前事不用怨


期盼理想對象　邂逅在前面
尋到愛戀之前　還未有漸退的　髮線
　

　　

　

　

>>August 11, 2004 at 4:41:41 AM GMT+8