2004 年 2 月 19 日 星期四 【晴】

一早起身, 比平日返8點半還要早, 就返南官ge open day喇~

每次返南官都好感觸, 由落車就開始回憶起以前中六七ge日子~
每朝同d同學迫0個架「校車」返學, 落左車仲要成班人「奪命狂奔」咁趕返學,
.....好多好多搞笑難忘野....

返到南官, 第一個感覺就係好陌生囉, 同我記憶中ge樣好唔同~~
有時我唔係好想d野變得咁勁, 搞到我想回憶一下都難~

陳老師都係咁冷漠, 反而冼太見到我地仲熱情d tim~~
搵波叔、何sir, 佢地都冇咩點變, 都係好似孖寶咁~哈哈~
見到佢地真係好開心~!!

同百事又上左地理室搵wong sir, 又係好開心, 傾下bu geog而家點,
講下d professor壞話呀~哈哈~講下我地搞0個年ge open day~~好happy~

同百事去左「李錦基」lunch, d河粉冇以前咁好食lu~~~
仲記得以前成日同so wai都黎呢度食~

死喇~~點解我咁鍾意諗返過左去ge野呢???

>>February 20, 2004 at 12:11:15 PM GMT+8

2004 年 2 月 18 日 星期三 【晴】

全日得一堂, 呢堂RP都幾有趣, 叫做 " ROMANTIC LOVE", 聽落好似好EASY,
但係上完你就明白"LOVE"呢樣野係好難明、好難解釋......背後仲有好多故事tim

亞齋sir又講得好搞笑, 所以好少會訓著~

晚上同長春group gathering, 大家睇返去長春ge VCD, 好懷念啊~
唔知長春ge朋友仔而家點呢?前幾日仲落雪tim~

dinner都好開心呀, 同佢地相處感覺幾fresh, 本身以為同佢地會冇話題, 點知
話題多多, 講下佢地d科咁~~~同埋ymca都係一個幾funny ge soc~~

想上莊, 但係已經year2喇......唉, 我個人就係咁心多多喇~

>>February 20, 2004 at 11:55:14 AM GMT+8

2004 年 2 月 12 日 星期四 【晴】

今朝8點半堂, 訓得0個3個鐘......

結果頂唔順, 行路都冇力.....返HALL小睡~

聽日本身都冇咩野送比企, 但係今日靈機一觸, 就諗到喇~!!
親手整條電話繩比佢啦~!!

於是就周圍問人邊度有得買材料, 搵到CHI YING, 咁ARM佢話冇飯食, 於是就順便
約埋一起喇~~

同CHI YING行左一陣, 買材料, 之後就去左一間日本店DINNER喇~

我就係咁架啦, 專登搵我聚下通常都撞時間, 但係好似今日咁, 即興打電話約~
咁反而得閒出黎聚下、食下飯~!!好開心呀~~

>>February 17, 2004 at 6:03:36 PM GMT+8

2004 年 2 月 11 日 星期三 【晴】

傻架......做paper做到4點都未做好......

唔該下次學下點樣做一份paper啦......起碼都要比個reference我睇下0Y......

執手尾....

>>February 17, 2004 at 5:53:25 PM GMT+8

2004 年 2 月 4 日 星期三 【晴】

好開心呀~!!
由我做pic (person in charge) ge春茗又大功告成啦~!!都幾開心, 同學參加都踴躍, 雖然中途
有d突發事件發生, 但都迎刃而解, 好彩有emily幫手, 先搞掂, 好多謝佢呢~~其他莊員都好比心
機搞好個function, 謝謝啊~!!

0係今次ge活動, 進一步認識emily呢個人, 平日佢都幾文靜架, 同佢都唔太熟。
今次同佢拍檔, 先發現佢做野都幾主動、心思細密, 相處落先發現佢原來都有搞笑ge時候
(e.g. 比人話佢個頭好大~), 唔錯唔錯~

>>February 5, 2004 at 4:35:37 PM GMT+8

2004 年 2 月 2 日 星期一 【晴】

琴晚同opal傾計傾到兩點幾, 今日又8半堂……勁想唔返……0係床掙扎左好耐先起身……
仲要上城城長達100分鐘ge堂……

lunch約左去長春trip ge團友飲茶聚聚, 好開心, 大家都仲keep住high high地ge情緒, 講下
大家&長春同學近況。好驚~~聽到aggie話小馬去左整「負離子」~~唔多相信, 我驚見到
負馬新look會尖叫~!! 席間, helen話佢計劃組團去西藏, 嘩~!!呢個trip真在太吸引喇~!!!西藏
係我其中一個 “dream place”, 想去呢個地方好耐好耐, 仲要係自己組團去, 實在好有
挑戰性, 好想試下。其實我一直都有個心願( before畢業), 就係一班同學揹住背囊、睇住
地圖咁去旅行, 仲要去西藏、絲綢之路、內蒙……0個類地方~~呵呵~希望可以搞得成啦~~
嘩哈哈哈~~咁我要更加比心機儲$$喇!!

今日狀態唔多掂, 終日透唔到氣, 好辛苦……又狂打噴嚏……

各位親愛ge朋友們, 唔好學我, 記得要好好保重身體啊~~!!

>>February 4, 2004 at 2:35:44 PM GMT+8

2004 年 2 月 1 日 星期日 【晴】

同老豆、亞妹飲完茶, 就搭西鐵去搵亞婆拿野, 唉~~真係忍唔住又講一句:「佢d配套、接駁交通真係好差!!」搞到我要行成半個鐘……錢又用多左, 仲要問人借3蚊搭巴士……好彩個女人好好人借比我咋, 如果唔係就要搭的士。

同亞婆傾左一陣計, 亞婆話要去接我最細ge表妹(only兩三歲)放學, 佢好似唔多想去, 好似好辛苦咁。唉, 見到咁, 我都好想幫佢接埋0個隻小鬼先返學……但係今堂要做lab, 唔返又唔明, 唯有做一次「忤逆」孫喇~!

返到學校, 時間arm arm好, 趕得切做owen lab。我地用返上個星期六0係后海灣拿ge海底泥sample, 個過程實在太搞笑, d泥實在太嘔心, 好似d “A”咁……要將條泥切開兩邊做analysis, 以為好easy, 點知落手切先知難。

放左學,王肉雞話出「9公」睇reference, 19/F都幾悶, 換下環境都好ge。6 點幾, 去左培正附近ge一間小小麵店dinner, 野食唔差, 佢地ge服務態度真係very good, 好有禮貌, 我諗, 就算佢d野食唔太good, 我都樂意go on幫襯佢, 唔~呢個dinner幾開心。

又同班中學生一起坐0係個自修室, 感覺好得意, 好懷念以前一班人由朝到晚stay 0係自修室ge日子……0個陣真係好開心, 無憂無慮, 全心全意讀好d書, 呢種咁ge感覺好難得。從前ge憂慮比較起而家0個d, 真係唔算得上d咩野。唉~不過, 我一入到呢個自修室, 就有d面有難色, 見到d中學生……無論係行為或者外表都好唔good囉……有d感慨, 如果我第時有仔女係咁, 實激到我噴血!!

所以我都話, 生仔唔係話唔好, 但係生左出黎就要識教同埋負責任, 如果唔想教、唔識關心仔女ge, 咁就真係寧願唔好生喇。

>>February 4, 2004 at 2:31:50 PM GMT+8

2004 年 1 月 30 日 星期五 【晴】

抱恙、抱恙, 一個星期喇, 咳左一個week, 終於頂唔住去睇醫生......
順便call sick~~
仲要出trip tim~!!!

好好玩, 今次個trip係去深灣 (即流浮山對開海面)拿海底泥sample, 大家都懷住一個興奮ge
心情出發, 因為要坐0係架簡陋艇仔拿sample, 雖然有d驚返艇 (因為我地呢組唔單止超載, d
組員ge份量都幾~~哈哈~~~仲要加埋owen +johnson tim~!!)。雖然d泥好dirty,但係都係第一
次用呢種方式出trip, 都幾新鮮, 都學到野, 我地睇左owen做一次點拿泥, 之後我地就要自己
落手落腳做, 好好玩~

owen仲嫌我地唔夠dirty, 仲要"high" d泥落我地度, 真係冇佢咁好氣~~哈哈~~
拿先sample, owen走先, 我地就去左食「酥炸生蠔」, 好好味, 唔腥, 好鮮味~!!我仲buy多一個「油池」食, 嘩~~好耐冇食喇, 出面賣0個d都唔夠正宗, 偷工減料, d粉漿多過d蘿蔔絲~~呢個「油池」又係令人懷念喇。

then去左「大榮華」食野, 話事話, 自己住0係元朗, 但係就未去過呢度食野。
唔唔~~呢度d「包」係最好食ge, 0個個奶皇馬拉糕好好食, 都唔知點形容好喇~總次就正!!

席間大家仲講到hon project跟邊個老細......哈~我仲未太正式去諗呢個問題, 淨係知道唔跟邊個咋~

唉~又多一樣野要諗喇~~

>>January 31, 2004 at 5:21:33 PM GMT+8

2004 年 1 月 29 日 星期四 【晴】

本身今日冇咩特別野發生, 諗住日記都慳返, 但係arm arm同個friend icq完, 有d感受,
亦有d感動, 所以又有野分享一下。

講開朋友呢個問題, 真係有感觸......
朋友, 我重quality多過quantity, 如果我覺得呢個朋友值得我care ge, 我會好投入呢段友誼,
同佢地吹下水, 分擔下worry, 唔開心咁。

去field camp要分房, 第一個moment我真係諗唔到有邊個女仔會做我roomate, 淨係諗住......
有邊個未有roomate就join我(呢個真係冇咩所謂, 地理系又冇仇人)。呢度就引發我去諗大學朋友呢個問題。

哈哈~~真係好感動,有個好朋友, 一個我一直都話佢係一個可以令人進步ge朋友, 佢一句話令到我好感動......我大學生涯, 帶得走ge係兩個男人~哈~~總算安慰, 起碼唔會得個桔先~!!

亦因為咁ge聯想, 我會更加珍惜身邊care我ge朋友,~~我勁愛你地呀~!!!!

>>January 30, 2004 at 2:31:42 PM GMT+8

2004 年 1 月 28 日 星期三 【晴】

lunch去左聯福樓飲茶, 同朋友聚下, 嘆下茶, 睇下報紙, 傾下計, 講下大家0係
新年做過咩野咁, 幾開心架, 又唔係高消費, 最0岩我~~

本身今日有堂上, 突然收到風話唔使上, 聽聞個亞sir去左第二度探親未返......咁都得ge~
搞到dayoff tim, 蝕學費。

結果, 又唔想返hall, 未有心情投入工作, 於是就同王肉雞去左沙田行下。

中途收到一個電話覺得好氣憤!!話說我地搞春茗, 食盆菜, book左個露天ge地方, 點知SA0個邊打黎話0個度唔比食野ge(佢又遲左好多先回覆我地~!!), 好奇怪囉, 人地學生會0係MAIN PODIUM搞千人宴就OK, 我地搞春茗就BAN, 咁算咩意思?唔公平囉, 唔知佢地咩RULE~!!
算吧啦, 而家總算爭取到一D野。

唔知點解, 行街都唔知行去邊好,於是去左意粉屋坐下,TEA TEA, 傾下計。
哈~我諗我最鍾意都係坐低傾計&TEA, 有野食, 又可以訓練思考。

同王肉雞講左好多野,我地會互相講下對對方GE睇法, 有咩改變左啦, 有咩係需要改進,
研究下日常瑣碎事, 應該點樣去面對、處理。

呢期HIT TOPIC係學業+$$+大學生活。每次一講到呢個TOPIC都會少DOWN, 因為
呢個問題已經0係我腦住左好耐。其實, 每一個SEM都係新挑戰, 學校D野越黎越難、越多,
但係我返工GE日子亦冇減......根本就係拿自己GE成績黎「較飛」......成日都會問自己, 究
竟想要d咩??......其實好多野都唔到我choose, 唔係好似人地咁, 話點就點, 想做咩都得。

返工都想返少d啦......呢樣又係唔到我話事, 返得少又比人話, call sick都有說話聽......唯一可以話事ge, 就係唔做(哈哈~)。諗住唔返工做全職學生啦~~~~我又身痕喎, 想返工, 習慣左使自己$$~哈哈~~我個人就係咁難服侍架啦......

王肉雞......我知你緊張我......我會諗下應該點做架啦......

希望呢個難題快d解決啦~~~~~~~~~~~~~~~~~~~~~~~~

>>January 29, 2004 at 5:15:41 PM GMT+8