2004 年 3 月 14 日 星期日 【晴】

今日又走堂喇...
不過, 走左兩堂係值得ge, 因為0係呢段時間, 我得到好多野。

我地幾個人又去左食tea buffet, 心情比第一次去食差好遠...
都冇咩心情食野...

後來, 我、麗霞、大媚、kiki and yuki 幾個傾計......講左好多關於宗教ge野,
講左好多睇法......

又傾下感情事......個心結解開左好多.....
多謝你地幾個呀~~~~~

夜晚, 講左一個短短十分鐘ge電話...
一個都充滿朋友feel ge電話....

>>March 18, 2004 at 10:53:20 AM GMT+8

2004 年 3 月 12 日 星期五 【陰】

分手的第二天

其實, 我發覺而家唔需要鬧鐘叫我起身, 生理時鐘原來仲pay safe。

第二天, 努力返工, 「希望」自己發奮向上。好彩有janis陪下我, 同我0係taiga
傾下計, 聽下我講野, 唔係我講, 佢都睇唔出我有問題, 我都一早講左, 我應該去讀演藝。
可能有人覺得我咁樣會好辛苦, 但係我經過咁多年ge訓練, 對我黎講, 已經習慣左,
不知不覺就可以咁樣, 隨時隨地變臉。

返到hall, 又亂諗......張桌又濕晒...而家, 連眼淚都懶得去抹....
同朋友講完, 又好似開始有dd明白...個心好似定少少...冇咁擔心..

我唔會再迫你, 對唔住, 我諗我知要做咩架喇。

突然發覺, 自己人緣都唔太差.......同埋, 自己ge性格幫到自己解窘......
唔係話完全釋懷, 起碼我有感覺, 點諗, 自己一定會忍唔住"bi li ba la"咁話比人知......

希望以後ge日子會好d啦...^.^ ~

p.s. 特別鳴謝------波字派所有成員暨南官泳隊成員, 表妹, 12345同學會, 20、30、40怨婦會,
LV janis, 小yuki, 前夫, raymond 兩父女(opal), 傑傑, wing姐, 思蕙, vannessa,
大埔ge朋友, 圓頭jay........不能盡錄, 為我提供無限量擁抱&關心。

當然仲有.......和我一起渡過左一年零四個月零三日ge企王, 當中有苦有甜、有得著、有
意思ge日子......給我ge回憶, 係美好ge。

>>March 14, 2004 at 2:11:37 AM GMT+8

2004 年 3 月 11 日 星期四 【晴】

分手的第一天

真係好介意。接受唔到, 原來當中有個咁ge因素。

好唔開心......今日又走左兩堂喇.....今個week走左6堂喇.....

5點幾, short左, 跌得好痛...好傷...
0係學校10樓好似癲左咁大嗌、尖叫.......
個心好似死左咁.......
原來我可以咁癲.....
癲到成個人震......癲到可以透唔到氣.....
其實, 冇資格、冇身份去管、去理。
唔知自己癲咩野。

arthur, 點都好, 好多謝你, 雖然唔可以幫我解結, 但係有你地0係我身邊都好夠。
仲有每一個今日同過我一起ge人, 抱過我ge人, 原來, 呢一個時候,
我最需要ge, 就係呢d安慰。

根本就係冇人可以幫到我......呢d要靠我自己, 我明ge。

>>March 14, 2004 at 2:08:02 AM GMT+8

2004 年 3 月 10 日 星期三 【晴】

一早起左身, 淨係想即刻離開學校, 於是拿起個背包就出左門口......
去邊都好, 總之唔要留0係度。

周圍走, 結果去左中央圖書館坐.....望住維園.....見到花展....
又諗返之前......4日前ge事....

又想換個地方, 行行下...都唔知自己行左去邊, 迷左路......唔知自己做咩...
而家, 我一個人0係銅鑼灣迷失左...我自己一個人......

打電話比大媚, 一路搭地鐵, 一路講電話, 一路喊......
一講到遷就、缺點...d眼淚就不受控制湧出黎......
個心好痛...好痛....

經過一輪ge思考、掙扎, 有左一個答案......
估唔到, 一個本來毫無殺傷力ge icq msg 叫我唔好再拖......
有d野,已經不停觸犯緊我ge底線......

開左口, 呢句說話, 好難、要好有勇氣講出黎......
我知道, 有好多野, 唔係你一個人鍾意、想、有信心....就會冇問題...

事實話我知, 要放手...就算唔想, 都要放。

好難過, 慶幸就係...可以劃上左一個美滿ge句號。

>>March 12, 2004 at 6:46:02 PM GMT+8

2004 年 3 月 9 日 星期二 【晴】

0930--> 城城mid- term, 唔識, 因為完全冇溫過。
1030--> 又要present, 雖然未到prefect, 但總算有知交待。

今日好彩唔使返工, 如果唔係, 又唔開心, 因為好辛苦, 心理+生理都返唔到。

忍唔住又要同kiki講喇....又要搵人聽我講。

一個......出乎我意料之外ge說話......
遷就和缺點。包容和忍耐。

>>March 11, 2004 at 7:51:05 PM GMT+8

2004 年 3 月 8 日 星期一 【晴】

好忙好忙......

傾urban, 之後都冇咩結果, 搞到好似做左磨心咁.....

又冇去聽牛奶公司個talk, 好任性tim, 傑傑、bella叫我地上港台食tea,
其實都唔肚餓, 只不過好似大家 (同傑傑、bella佢地)一起食tea, 都想上去坐下。

1830一放學, 就返hall準備present, 自己心情唔好, 唔應該影響到 team work, 所以
點都好, 做左個present先, 都冇咩點理到個mid-term。

結果, 夜晚冇食飯, 連煮個米粉都懶。
一邊整power point, 一邊同亞姨講電話, 佢講d野比左我勇氣, 亦點醒左我少少,
屋企人真係好warm。亞姨聽我發奴騷都聽得多, 工作、屋企、學校野, 都會同佢提下,
呢個亞姨、姨丈真係唔錯。

一點半收到個電話, 總算有d安慰。

>>March 11, 2004 at 7:43:23 PM GMT+8

2004 年 3 月 7 日 星期日 【陰晴不定】

好朋友。

無奈。

等。

有信心。

不要自私。

>>March 8, 2004 at 5:48:28 PM GMT+8

2004 年 3 月 6 日 星期六 【晴】

一早收到亞妹電話, 就知道要去登山喇, 冇計, 於是連plan好去ge花展都去唔到。
我諗, 如果我真係去左花展, 夜晚ge心情會唔會好dd 呢?

影相, 搭船返尖沙咀, 去starbucks飲野,仲要係中間道0個間......
呢d野真係好熟面口......但係而家換左d對象唔係我姐......

都叫左自己要大方d, 唔好咁嬲, 但係好難, 真係好難control。
唔喊, 我已經覺得自己好叻、好醒。

係呀......人地好似好開心咁, 你唔開心佢又唔會明白、了解, 可能只會覺得 "又發咩神經呀?"

唔識諗人咩野感受係你ge缺點。
我真係唔鍾意d人成日答「我唔知。」or 「唔知道。」
咁樣只會搞到我都唔知可以點。

好可惜, 我鍾意ge男人偏偏就係喜歡答:「我唔知。」 or「 唔知道。」。

>>March 8, 2004 at 5:45:18 PM GMT+8

2004 年 3 月 5 日 星期五 【微冷】

返工返十點,有d唔慣, 仲早過返8半就起左身喇~

一早返到去, 都冇咩野做, 於是比個女人點左我去pacific place trans
個"飛馬", 仲要最大ge size, 返黎......都唔知佢係針對我, 定係咁睇得起我......

今日返工都幾happy, 同亞janis吹下水, 同ricky woo串下咀, 同d客social一下.....
d 時間就係咁過喇~~

同大媚傾電話, 呢期好似成日都傾電話咁, 可能有太多野要宣洩.....

我ge思考又有波動喇, 好煩, 都唔想咁, 但好難control, 可能一直都係自己比pressure自己......
又或者我就係咁小心眼, 其實好少野就可以觸動到我d神經......

又有一個念頭, 唔知聽日訓醒, 呢個 idea會唔會又冇左呢?
呢排個心情、思緒都好大起伏, 好唔穩定, 好辛苦......

呢d日子幾時先完結呢?我唔知自己可以頂到幾耐囉......

>>March 6, 2004 at 5:13:45 PM GMT+8

2004 年 3 月 4 日 星期四 【晴】

哈哈~!!!實在太勁啦, 830ge hist tut我竟然係最早到呀~~!!!
估唔到~

一到左星期五, 就會有d pressure, 答案一如以往, 唔係唔想返,
而係呢種pressure搞到我唔想返。

好怕搞到自己好似因為某d原因而去返, 唔想刻意, 亦唔想咁急。

同so wai傾電話, 傾左好耐好耐, 雖然冇咩點溫書, 但係真係好開心,
一來係好耐冇同so wai傾電話,一來我地又講返以前ge野, 實在太搞野喇!!

唉, 我同so wai都覺得, 點解我地會識到呢個 level ge人呢?
簡直就係我人生一個污點~~~佢最好好搵我,如果唔係, 我都唔敢諗我會用咩態度
對佢!!

>>March 6, 2004 at 5:00:33 PM GMT+8