2003 年 6 月 10 日 星期二 【雨】

好累呀……成日冇停過..
12:00 見工
2:00 再見工
2:30-4:30 尖咀睇soc衫
5:30-7:30 青衣補習
8:30-11:30 大興 “ball叔團圓之打邊爐” (呢個當然is the best喇~~)
(ball叔 26/7又捨大家而去啦, 記住0係佢閃之前同佢食返餐勁ge~!!)

p.s一動不如一靜…都唔知點解要咁辛苦自己~



>>June 18, 2003 at 1:50:44 AM GMT+8

2003 年 6 月 9 日 星期一 【雨】

10/6/03TUE

今日亞妹要考oral, 我都有d緊張,費事我同佢兩個自己0係屋企緊張, 結果同埋佢一齊去打波~

同so wai, 芷晴, tilly and 智盈打波、玩下、吹下水都係good time, 可以暫時將d唔開心ge野忘記, 咩都講一餐, 好好咁玩一頓。返到屯門, 最good都係可以同亞妹and 一眾 “屯門友”相聚~



>>June 18, 2003 at 1:48:51 AM GMT+8

2003 年 6 月 8 日 星期日 【雨】

9/6/03 mon

成日個心情都好不安, 可能要去補習掛…
對住0個3個女仔, 真係無言以對, 好無奈呀…鬼叫自己應承人咩…
成日d野做左就後悔…都唔知係而家先係咁, 定係以前都係咁..?

不經不覺, 同豬企走在一起已經第7個月頭喇, 時間真係過得超快呢…
等佢放工…有時, 我真係覺得自己好野蠻, 難為佢做左十個鐘頭野仲要調返轉頭安慰我…我真係要自我檢討一下。



>>June 18, 2003 at 1:47:39 AM GMT+8

2003 年 6 月 6 日 星期五 【晴】

arm arm去完camp返黎, 就要開始我ge搵工大計喇~

搵工呢方面,我個人比較多心, 最好樣樣都做下, 連食店女工我都想試下(哈~咁arm元氣請人, 時薪$27), 不過唔理得咁多喇, 搵到先算, 如果唔係真係會悶死我。

coming monday要面對一個新工作, 就係做補習班miss。都有d驚驚0地, 仲要教中學tim...
真係有d怕比d人教返我轉頭~咁就樣衰喇...>.<

豬企都搵到工喇, 佢真係好快手, 所以話, 只要唔好嫌三嫌四, 總有機會ge~

各位老友, 比心機啦!!




>>June 7, 2003 at 5:36:51 AM GMT+8

2003 年 4 月 29 日 星期二 【晴】

哎呀....琴晚訓得勁差呀....成晚發夢比 judy追我拿notes, 0個份notes仲要係"聲稱"a-level past paper.....
真係9唔搭8...結果搞到我今日成個道友咁...仲要著suit...好樣衰tim~

雖然訓左好多時間, 但今朝依然賴床, 哈~攤到8點9 先捨得起身....
好鍾意做上carto lab,因為每做完一個lab, 好有滿足感~

呢幾日都要著suit, 熱死我, 0個對死人鞋我遲早掉左佢~!!

中文作文ge outline(所謂...)放左0係desk到成個week喇...我一望到呢份咁ge野, 就頭都大埋...好抗拒作文, 我諗都係要等到星期四先做喇, 呢幾日盡量搵d時間溫下書~!!

回 tilly: 哼~!!睇黎我呢d社長+7A ge 氣焰都好難收架喇~!!
回so wai: 娘親, 我冇事架喇, 一切安然無恙。

>>April 29, 2003 at 4:48:03 PM GMT+8

2003 年 4 月 25 日 星期五 【晴】

訓醒一覺, 就急不及待返home睇下咩情況。

多謝肥佬, 前夫同埋wing姐, 佢地ge關心and意見對我點都有d幫助啊...

晏晝去左元朗傾亞麻ge身後事, 決定土葬, 唉, 咁就會引發第二樣ge煩惱...
算吧啦, 呢個係亞麻ge意願, 冇人可以反對。

then跟左姑姐上老人院執返亞麻d衫...將亞麻d衫一件一件咁入袋, 有d講唔出ge感覺...
冇漂亮ge衣服、飾物, 只有一d低調、充滿農村氣息ge外套圍巾...
又諗返起以前細細個跟佢去耕田、餵豬餵雞ge情景...唔....
聽到老人院職員同姑姐講返亞麻d野, 睇到佢地ge表情, 我真係覺得好感動。

呢85年, 佢得到d咩, 就只有佢自己最清楚。

夜晚, 食飽飯同老豆、亞妹一齊坐0係度睇電視, 仲要係睇叮噹大電影tim~~真係好warm、好開心。(呢個場面都幾好笑~~)


>>April 27, 2003 at 9:26:52 AM GMT+8

2003 年 4 月 24 日 星期四 【晴】

晏晝3點幾, 收到亞妹電話, 話亞麻過左身, 唔太突然, 好冷靜。始終佢都有85歲, 又唔精神, 認唔到人, 所以佢咁走左, 都係好事黎ge。

今日搞yr 3farewell, 好忙。好彩反應都算唔錯, 幾熱鬧。但後來發生左一單小風波...

「舍監舌戰geog soc 人」(內容下刪一萬9千7個字...)

呢個不知所謂 ge舍監, 口口聲聲話要"educate"我地, 但係佢自己又唔會反省自己做過d咩衰野,鬧埋上報紙, 點叫人服佢?? 枉佢話education好緊要, 佢自己根本就係教育界ge污點~!!!


>>April 27, 2003 at 9:01:32 AM GMT+8

2003 年 4 月 22 日 星期二 【晴】

又係趕做global ge日子, 我地幾個對住條題目有d無奈, 雖然條question ge source幾易明, 但係要分割問題好煩。har左一個下晝, 我地竟然用畫鬼腳ge形式黎抽問題做~~笑死~

呢個方法實在公平, 打死無怨。

有d ma 煩人話我間房有陣味, 但呢d cheap人又敢死0係323公然大啖大啖咁食麥記~~!!仲要將d"食物殘渣" 隨手撥落塊地, 仲要用埋wing姐張被抹手~~!! 我要強烈遣責呢d cheap人呀~!!

做呀做..做呀做...終於搞掂份global, 但仲有一篇未開始ge作文, 希望今個week可以做埋佢啦, 等我可以專心d溫書。

今晚本身都好平靜咁過, 但係又發生左小風波...
真係呆左...我諗我ge反應就只可以呆左..

我會諗...係咪有必要0係一d人面前建立一個好好ge形象呢?
要斯文, 要淑女....但唔係"真我"。

好怕變成虛偽。
但我再諗深一層, 有d野唔只為自諗, 仲要理埋人地ge處境, 畢竟我做唔出咁自私ge野。

"我很野蠻, 但我很懂事。"



>>April 23, 2003 at 4:57:57 PM GMT+8

2003 年 4 月 20 日 星期日 【晴】

琴晚整個"大電視", 再整d濕碎野整到3點。

晏晝約左wing姐、老豆等人去lib記溫書做功課, 嘩~!!累到對眼都打唔開, 但都有睇過幾頁global shift~

傑傑比左d past paper比我地睇...真係死得, 對住d題目, 相見不相識...

4點幾,終於頂唔到喇, 返hall 訓覺...夜晚,我地一行8人又上左港台食飯, 老豆ge "撥開雲霧見青天"實在頂癮 (嚇親周圍ge途人....>.<)~

有d gap tim...有d唔明啊....

>>April 22, 2003 at 3:02:37 AM GMT+8

2003 年 4 月 19 日 星期六 【晴】

今日總算做過下野, 唔係無所事事咁。

做返個家姐, 同亞妹去左 Delifrance 溫書, 見佢咁比心機溫書, 我都老懷安慰lu~~

then, 兩點幾, 我+妹+智盈+妹friend 去左2%賣佢地form 5 grad dinner ge 衫, 見到件背心好正, 但結果都冇買, 因為本小姐手臂實在太強壯喇~~~有d的確睇到都唔捨得買, 寧願慳返黎食左佢過。

今晚約返大咀家出黎食飯, 好耐冇見, 每次見到佢地都梗有新形象~~呢期大家都興玩個頭~
講返起中六中七ge趣事,梁啟俊ge"律頭" 、去camp、溫習、唱k..... 真係好好笑, 好開心, 呢種白白痴痴ge生活, 好令人嚮往...

每次一提起呢d野, 都好似打左支強心針咁...本身個人好累、好唔開心, 一記返起以前ge野, 就會醒晒~~

好多謝你地呀...老豆、wing姐、tilly、肥佬.....我會盡力做好自己架啦~!

睇到你地d留言, 真係有d想喊呢....




>>April 20, 2003 at 6:06:24 PM GMT+8