2004 年 4 月 6 日 星期二 【晴】

so wai生日快樂呀~~!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

一早起左身, 返左舊校。又傾左一陣計......又忍起一連串ge思考。
真係好想試下......睇下有咩唔同。

同janis lunch, 我地兩個好似有不盡ge話題。

>>April 7, 2004 at 6:55:35 PM GMT+8

2004 年 4 月 5 日 星期一 【陰】

偶然地同左mountain去飲野, 大家都傾左好多好多, 真係估唔到自己可以同佢
有咁ge機會~~多謝mountain~!!
佢ge真誠令我放心地同佢分享我ge故事、經歷。

一刻ge唔坦白......造成無限ge傷害。
就等時間醫好呢個傷口吧。

>>April 7, 2004 at 6:50:42 PM GMT+8

2004 年 4 月 3 日 星期六 【陰】

主動+勇氣= 有成果的交談。

坦白......係好重要ge。
坦白, 可以打破人與人之間的猜忌、誤會。
坦白, 可以真正了解一個人, 一件事。
坦白, 可以修補人間的關係。
坦白, 可以令得到更多反思、得著。

只要有勇氣說出心中的感受, 就會有「撥開雲霧見青天」的感覺。
希望大家都能打開心窗, 心裡有話想說就說出來, 不要令自己回頭一望, 係有遺憾ge。

>>April 4, 2004 at 7:08:31 PM GMT+8

2004 年 4 月 2 日 星期五 【陰】

一早起身, 見仲有d時間, 作出左一d嘗試。

今日返工冇星期三咁無聊, 總算有d野做, d時間都過得快d。
anna d態度真係好差, 返左工唔夠一個鐘就比佢硬食左一野, 我都唔知邊忽得罪左佢。

lunch, 又做左一d自討沒趣ge事, 真係好多餘。

放左工, 周圍行下行下......結果就買左一大堆冇諗過買ge野, 想買0個d就一樣都買唔到~
呢d就係「意外收穫」喇~~~

三個人去据扒~~
又一城M記......多謝你陪住我~!

半夜三更一個人行返HALL, 雖然條街冇人又冇車, 但係好ENJOY行返HALL GE呢段路.....
慢慢行...慢慢行...覺得有好多天使陪住我行...圍住我...呵呵呵~~~

>>April 3, 2004 at 6:21:09 PM GMT+8

2004 年 4 月 1 日 星期四 【陰】

太勁喇, 又上到8:30香港史ge tut~~
仲要精精靈靈咁上埋鄧生ge堂~~
(雖然唔知佢講緊咩,只係見野就抄...)

night, 返左之前返過ge團契。嚴格黎講, 整個團契冇咩點感動到我ge心靈, 令我感動......
反而見到一d朋友, 心裡面有d感受。薯仔、cecily、以琳、文玉......佢地都令我覺得
自己係存在ge, 感受到佢地ge關心、重視。

今日返去, 其實感覺就似係我自己一個人返去, 冇人帶我ge, 自己一個。起初有d唔開心、
好冇安全感, 覺得自己好似唔係0係呢個團契ge當中, 真係投入唔到。
發現自己唔似得以前咁, 而家, 笑容係有限供應。

講到何謂一個「理想」ge團契...... 好認同亞tim講ge野, 佢話: 一個理想ge團契, 內裡ge人需要
「主動關懷」別人, 要愛人如己。我就話, 理想團契除左要帶開心比我地之外, 最重要
就係令我地得到反省, 可以令我地去反思一d野。

好高興可以同以琳(應該係咁寫...)傾計, 覺得教會入面, 起碼有一個人明白我處境, 了解
我ge難處, 可靠地讓我講出心中感受。
同佢sharing, 感覺好舒服......覺得今次ge聚會, 唔係我自己一個, 仲有佢同我一齊。

唔應該再為一d無聊野執著喇。

>>April 3, 2004 at 6:08:30 PM GMT+8

2004 年 3 月 31 日 星期三 【暴雨】

又愚人節喇, 哥哥又貶下眼又走左一年, 突然覺得d時間過過得實在快。

今日第一次去cell group, 由wallis帶領, 首先我地唱左一首歌, 叫「擁抱你」, 都幾好聽, 起碼arm
音先~ 之後就查經啦, 今次都係第一次查經, 其實係based on聖經去分享(又稱吹水)。
感覺都ok, 唔算抗拒。

開完cell, 我地過左城大食tea buffet, 唔唔~~都係我地bu 0個個good d~~
night, 班year 1交職禮, 見到佢地就好似見到上一年ge自己。year 1 ge劍青同我講,
覺得我靜左好多, 「斯文」左, 冇上年ocamp咁癲, 成日笑...連一個同自己唔多熟ge人
都咁話自己, 真係忍唔住嘆左一口氣。有時候, 睇返自己year 1 ge相, 再望下自己而家呢個樣....
自己都好心痛......又感慨...勁感觸...

見到人地喊, 自己又發癲~~太眼淺喇...我唔可以咁架~!!!~^.^~

交職禮完左, 新莊請左我地去樂富大排檔食「謝莊飯」, 真係好開心, 因為好難得咁多人
一起dinner~~仲要係year1 +year 2, 見到我地地理系同學ge關係咁好, 的確有d感動~~

忍唔住同kiki黎左一個big big hug~!!!! 結果又搞到我喊~~!!!
飲左酒, 要由兩個year 1傍住我返hall~~~呵呵~~勁~!!

>>April 2, 2004 at 10:40:34 AM GMT+8

2004 年 3 月 30 日 星期二 【暴雨】

一早又走左城城ge堂, 哈~本身都有少少覺得衰衰咁, 但後來問返佢地有好多人
都冇去上堂, 而且城城又講得少野~~好過d、好過d~~

返工, 感覺已經唔似賣勞力、能力, 係覺得0係度賣緊「青春」, 時間...
真係好悶。

放左工, 就即刻可以最快ge speed返hall~~
c wei、傷感情、vannessa、bo bo、輝輝、joey、我7個人一齊0係hall dinner~!!!
好期待一班人0係hall煮飯食~呢種感覺真係好開心、好warm~~好耐冇試過0係hall咁熱鬧、
咁多人坐埋一齊食飯lu~~計落, 都有成年未試過咁啦~所以真係好難得呢~!!

食完飯大家好似一家人咁, 吹下水、睇電視, 好正~
傑傑又玩失蹤, 去左火星~
結果, 我地諗住食淨ge白飯都有人接收喇~~又坐左0係hall can出面吹水~

>>March 31, 2004 at 6:15:02 PM GMT+8

2004 年 3 月 29 日 星期一 【雷雨】

今日係落莊ge大日子呀~~
話咁快又一年喇, 真係「十年人事幾番新」~
原來, 人事ge野, 幾個星期都可以番新。
哈~所以可一直都話, 人ge關係, 好多時都係「冥冥之中先自主宰」,
時間可以讓我地對一個人更加肯定。

由今日開始, 又少左一線發展lu~

>>March 30, 2004 at 5:28:37 PM GMT+8

2004 年 3 月 26 日 星期五 【陰】

今日終於可以返亞e度食飯啦~~ 2004年黎第一次呢~~
感覺好似人地大陸0個d「打工妹」咁, 一年先返屋企一、兩次~~
見到青馬大橋好覺得幾新鮮。
返到新墟, 又諗返以前A-LEVEL ge日子lu...見到d小食, 樣樣都想食~

一返到亞姨屋企, 姨長即刻出黎問我近期發生左咩事, 同佢講左兩句,
結果佢都帶住一個「好唔明白」ge樣行返房打機。

唉, 呢d野真係講左出黎, 唔係人人都明ge。

今晚亞妹同男朋友仔上黎食飯, 睇住佢比陳君怡玩到哭笑不得, 都覺得好搞笑~~
見到佢地, 思想又回到從前......
估唔到, 我同佢個男朋友仔一齊狂踩「南官」~~哈哈~

返到屋企, 老豆又整左涼茶比我地飲, 好開心, 有幸福涼茶飲~~
雖然老豆又唔記得落糖....(苦.....)

見到一塊白板, 上面ge野仍然keep住, 有少少褪色......
不知不覺, 又返到上年ge某一晚...

>>March 29, 2004 at 10:14:16 AM GMT+8

2004 年 3 月 25 日 星期四 【暴雨】

一早就present, 講左一大堆唔知咩野...
本身預備好ge講稿都冇點睇到~~
一咩靠 "吹"~~做得唔係太好, 但係我諗我地三個已經盡左力喇~~

上完urban, 同judy、bella、sin yi、傑傑、輝輝、軒去左聯福食tea~~

night, 最後一次....
人生就係充滿住無奈......

由今天起, 我們都要學習去不喜歡一個人.....
但同時, 也要學習去記念一個人.....
各自學習去真正地想想自己的目標......
人生中, 一個無奈的課題......

希望真的「可以找到個更好的」......

>>March 27, 2004 at 4:00:23 AM GMT+8