2003 年 9 月 24 日 星期三 【晴】

唉~~又一個月啦, 都唔知自己做過d咩野....淨係知道好煩, 好多野做, 好炆.......
想自我檢討一下, 因為我ge性格實在太剛強、太硬、太直喇.....
就係因為咁, 所以好易好人地有衝突, 亦都可能有時我冇咩野ge, 只係個樣比人感覺係咁,
都幾無奈。

有時候, 我唔應該咁緊張人地點睇自己, 但希望唔好做到唔聽人意見。
我知道自己性格上有咩問題, 會盡量改。雖然有時我好野蠻, 但其實我係講道理ge......
一個人唔係特別開心, 又或者感到沮喪ge時候, 就唔會講野, 自己一個冇咩表情、漫無目的咁行下, 都幾好ge。

呢排思緒比較混亂, 好多野0係個腦入面.......唔想再有一d複雜、煩ge野入腦, 可能會有人以
為我做野是是但但, 同埋逃避一d人與事....不過呢d都算啦, 唔想解釋, 人地點睇就點睇, 如果係明白我ge, 就希望多多體量啦.....

唉.....發完奴so喇.......






>>September 25, 2003 at 9:09:10 AM GMT+8

2003 年 8 月 19 日 星期二 【雨】

哈哈~~~好耐冇寫過日記lu~~今日點都要講d野~!

今日又回到返工ge日子喇, 好辛苦, 比我本身所諗ge好唔同。
可能 LV對d員工要求好高, 自己又對返工d野完全唔清楚,
所以我真係勁驚返工, 好緊張!! 結果搞到成晚發夢, 好似冇訓過咁~~

同我一起返ge仲有一個新part- time, 佢讀IED , 都幾好人ge。
我本身以為d同事好串、難相處....好彩~~佢地都幾nice, 好PRO架~~
睇黎我要溫下D職業英語先~!!

雖然好辛苦, 但我好想堅持落去, 因為呢個係好難得GE 機會,
今日見到佢地做野, 我FEEL到呢度有好多野學, 仲可以鍛鍊到自己GE "體魄"~~!!

加油呀!!!!!!!!!!!!!!!!!!!!!!!!!!







>>August 20, 2003 at 1:09:19 PM GMT+8

2003 年 7 月 12 日 星期六 【晴】

鼠妹妹今日與世長辭, 享年4個月。

再一次, 世事難料。


>>July 17, 2003 at 6:35:15 AM GMT+8

2003 年 7 月 11 日 星期五 【晴】

亞婆生日, 我同亞妹帶埋佢去將軍澳同舅父、亞姨等人一齊食飯慶祝。成個下晝同表弟、亞妹and豪父打牌,好開心, 哈哈~~估唔到我都食左幾鋪糊, 仲要係大牌tim(命不該絕~~!!)嘩哈哈~~~

0係酒樓, 我地影左好多相, 仲用姨丈部DC玩 “孖人照” , 好精彩~~亞婆佢好開心, 同我地影相0個陣仲笑到見牙唔見眼, 真係好想時間停留0係呢一刻~ 原來,一個老人家的快樂, 係咁可貴、咁難得ge。

我地一眾表弟姊妹臨走前影左張貼紙相, 相中人ge age range由6歲至20歲都有, 感覺好得意呢~~雖然我地年齡差距都好大, 但勝在笑容一致~~



>>July 17, 2003 at 6:34:14 AM GMT+8

2003 年 7 月 10 日 星期四 【雨】

又係返BU開會兼dem games, 過程比我想像中順利同埋快, 而家開始有d擔心個ocamp搞得唔好, 自己又係mc, 點都有d壓力ge~次次開會都唔齊人, 4個mc得我一個, 有時應該點樣做、點樣安排會好d…..都毫無頭緒咁。有時會諗, 得返一個月度, 夠唔夠時間做好d呢?

今日我又發癲喇……


>>July 17, 2003 at 6:32:30 AM GMT+8

2003 年 7 月 9 日 星期三 【晴】

好恐怖….屯門公路發生大車禍。
人生, 係幾咁無常。

珍惜身邊人, 珍惜每一日係好重要, 但呢方面我仲係學習中。

知道我今朝要搭巴士ge人都有打比我, Wing姐、vanessa、豬企一睇到新聞就即刻打比我, 睇下我有冇事……心照心照^.^。

十點幾返到BU排campfire, 進度非常之好, 實在太令人振奮喇~~我地已經諗掂左兩首歌跳, 仲差一首歌未諗。 “咕嚕咕嚕”實在太搞笑喇~~~加左一d太極ge原素入去, 都幾good~!!



>>July 17, 2003 at 6:30:37 AM GMT+8

2003 年 7 月 8 日 星期二 【晴】




早上……………同老爸飲早茶
晏晝……………同亞妹唱lunch k
下午~晚上…….. 8個月紀念日+不斷發生的意外
=發脾四>.<



>>July 17, 2003 at 6:28:56 AM GMT+8

2003 年 7 月 7 日 星期一 【晴】

約左ka yin一眾人9點0係屯門泳池游水, 呀~~!!點知我竟然成9點8先訓醒~~於是即刻執齊野就趕去~今次實在遲得太過份喇, 我知衰架喇, 對唔住呀各位泳隊隊員~~哈哈~~!!

跟住返埋碼頭搵波叔飲茶, 我地只不過遲左一兩個字姐, 波叔就已經出賣左我地喇, 佢竟然同班亞SIR食緊飯, 結果佢0係我地ge威迫下,佢就過檔到我地張「抬」
啦~~好耐冇見佢啦, 佢不停話自己要趕住改卷, 查實就係趕返屋企~!!

Then我地幾個返左南官睇下, 個toilet變晒樣, 又0係以前ge前門起多左楝野(唔知咩野黎ge), 都唔認得ge, 係就係新左好多同埋個規模大左好多咁, 但係好陌生囉…還是覺得以前ge最好。諗住探下陳老師、黃sir、何sir…點知佢地個個唔係唔0係度, 就係唔得閒, 連冼冼都見唔到, 真係返得去唔合時。



>>July 17, 2003 at 6:26:45 AM GMT+8

2003 年 7 月 5 日 星期六 【晴】

一早同亞妹、老爸去左樂富飲茶, then返bu 排下campfire舞啦。

唉~~我實在係一個跳舞白痴, 左右不分仲唔夠, 我仲要衰到d骨頭好似個
機械人咁~~好肉酸呢~~
話跳wave, 我就搞到好似耍太極咁.....都唔知點解會做左呢個PIC....>.<

十二點幾, 約左亞婆去沙田食乳鴿,0個度好偏僻, 要行好耐先到。好鬼曬, 熱到暈, 不過
見到亞婆咁開心, 都冇咩所謂啦~.~好耐冇試過我、亞婆、亞妹、老豆一齊食飯喇, 心裡面有講唔出ge感受。




>>July 8, 2003 at 9:20:07 AM GMT+8

2003 年 6 月 30 日 星期一 【晴】

**~七一大遊行~**

晏晝, 同老爸and妹出左荃灣食lunch, 之後就同so wai、芷晴、tilly去左遊行啦。

嘩~~真係迫鬼死人~~又熱喎, d人又濕喎……(下删1000字)
去到金鐘, 成個地鐵站都係人, 想行多一步都唔得, 仲要比我見到個「背心人」~!!嘩~~!!我幾想打佢呀, 如果迫迫下撞左埋去,都咪話唔慘~~>.<~
等左好耐, 都仲未上到車去銅鑼灣, 點知架車一到咋, 成個站d人就歡呼、影相, 唔知仲以為地鐵第一日通車tim~!!

我地一行4人, 糊里糊塗就於人群中湧左入遊行隊伍喇, 我地行呀行, 見到d人好激咁, 相反, 我地呢4個好平靜, 一聽到邊度有叫聲就望過去, 但我實在太「嬌小」喇, 結果咩野都睇唔到,真可惜。行到中銀大廈, 就有一個亞叔企0係天橋上唱歌, 唱一d佢地改左歌詞ge歌, 都幾搞笑, 佢仲要0係咁多人面前唱錯歌詞, 勁!!

5點幾, 我地就已經到左政府總部, 難為0係維園仲未行得0個批。
我地去左搭MTR走, 大家都行得好累, 諗住上一架有位坐ge地鐵, 點知車門一開, 個個都有位坐, 0係我冇咋~!!!激死我~搶左我個位ge男人仲要望住我講:「唔好意思喎~~」嘩~~~我幾想打佢呀~~跟住我忍唔住講返句:「唔使喇~慢慢坐啦你~」哼~!!不過算吧啦, 個位坐唔坐都唔係問題, 而係啖氣ge問題!!


>>July 2, 2003 at 7:58:44 AM GMT+8