2004 年 1 月 26 日 星期一 【晴】

好relax呀~~今日係好難得的一日, 好耐未試過一口氣做晒想做or好耐冇做ge野~~

一早起身, 就一家人去左嘆茶(每次返屋企ge重頭戲)~

之後就同so wai佢地唱k~呢個活動對於我黎講好難得~~好耐冇試過同so wai佢地連續
兩日見到喇~哈哈~~雖然喉嚨好痛, 但係唱得好開心, 哈~我發現自己係唱唔到d女仔歌,
就算唱合唱都係唱男仔聲~好搞笑~~

跟住大家仲意猶未盡, 於是上左芷晴屋企玩~咁樣簡單聚下都好開心~~今次見完, 下次又唔知要幾時先見喇~~

唔唔......今日我開始要諗下自己未來要做d咩, 呢幾日諗左好多, 滿腦子都係
鄧生、王肉雞ge說話~~太多野要考慮喇~~

>>January 27, 2004 at 12:38:13 PM GMT+8

2004 年 1 月 12 日 星期一 【晴】

6:22am, 我地集合上車喇, 今日個心情好唔同, 往時集合上車係去玩, 今次就係去機場, 真係好難過, 自己都唔知點形容。

佢地都有去送機, 去到機場, 大家都把握時間影相、講笑 (其實係忍住唔喊…) 點知我地未入閘, 佢地就要走喇, 即時個情況又失控, 無論男或女, 都喊到收唔到聲, 王力宏都喊, 同佢、小玲、福晉、張楊……攬住喊。Leehom係最後一個走ge, 睇住佢行落樓梯, 好難過!!

本身都收起眼淚, 入到閘, leehom send左個sms比我地, 個個睇完又喊。上到飛機, 心情好難形容, 望住機場上「長春」兩個字, 呆左。起飛喇, 望任眼前ge長春越黎越細, 我仲諗, 唔知會唔會0係師大上空飛過呢~~?

>>January 28, 2004 at 4:21:44 AM GMT+8

2004 年 1 月 11 日 星期日 【晴】

今日有好多重頭戲, 首先我地去左一間「希望小學」做愛心服務。一去到, 出面落緊雪, 班小朋友仲行出門口迎接我地, 好感動!!個個都好似有d怕羞咁(唔知係咪我太過熱情~呵呵~) then小學校講0野, 呢個moment真係感動到差d喊左出黎, 佢地有書讀其實係一種恩賜, 見到d小朋友著ge衫比我少, 個個都好乖咁聽校長講話, 覺得香港d小朋友, 甚至我自己, 都係身在福中不知福。

之後我地開始同每一年級ge學生玩game, 越細個ge就會玩得越開心、緊張投入; 但係高年級ge就好似有d苦口苦面, 冇咩心機咁。Anyway, 有時我搞氣氛(我主要用途~), 佢地又會比response我~結果搞到大家個情緒都幾高漲!! 佢地好得意架, 鍾意問人拿簽名, 佢地問我叫咩名, 之後就一大堆小朋友湧埋黎話要簽名, 雖然有其他人叫我唔好幫佢地簽(因為會引0黎更多人要簽名), 但係我冇理照簽, 我覺得, 佢地一個小小ge要求, 做左佢地會好開心ge, 咁點解我唔可以做呢?又唔係叫我表演食雪~~同埋你望住d小朋友, 係唔會忍心唔幫佢地簽名。

D小朋友送我地上車, 送左兩粒糖比我, 仲講:「文詩姐姐, 多謝你呀, 下次再來啊!」好感動, 好唔捨得佢地, 去完呢度, 我都忍唔住深思左一陣。

Lunch過後, 就去左東北師範大學ge淨月校區參觀。嘩~~!!佢地一個校區已大過成間BU喇~~而且起得好靚!!淨係美術學院已經有幾棟喇~由於落雪, 成個校園都係白茫茫一片, 成班人見到D雪好似SHORT左咁, 真係忍唔住成個人撲左落塊雪地~~好過癮呀~!!

玩完雪就返左本部presentation同埋小組討論, 都幾interesting~食dinner前, 去多次師大超市掃貨, 買左一0急食物, 哈哈~~夠我返hall食一個月呀~結果就搞到自己d行李要比其他人幫我帶返香港~呵呵~~

聯歡晚會上, 大家都玩得好開心, d人衝出去唱歌, 我就比張楊拉左出去唱「下一站天后」, 又dance。最後我地送紀念品比長春ge同學, 成班人喊到 “ba ba”聲, 頂唔住, 我同佢地攬住喊到收唔到聲…….真係好唔捨得, 心情好難過。返到hall大家都唔想訓覺, 又寫下紀念冊, 同王力宏、周星馳傾計傾到4點幾, ……

>>January 28, 2004 at 4:21:02 AM GMT+8

2004 年 1 月 10 日 星期六 【晴】

一起身, 我地已經急不及待要離開呢個鬼地方~!!
食完早餐就出發到「東北虎林園」, 咁近距離睇d獅子老虎, 好緊張架~呵呵~~睇真d, 0個d東北虎都幾得意架, d手腳好好肉, 懶洋洋0係雪地行黎行去~~我仲摸左小老虎一下, 好似肥貓咁~!

Then去「太陽島」睇雪雕, 又係凍到short左, 大家一見到熱蕃薯就衝過去買, 我就試食冰糖黑棗+香蕉, 咁凍成班人一齊share食物, 好warm、好開心~!!0係呢度, 最開心唔係睇雪雕,而係一班人玩雪!!真係玩到出汗~哈哈~~~拿起雪就向前扔~~呵呵~~

Lunch我地又係食餃子(東方餃子王哈爾濱分店), 之後就同哈爾濱導遊 “黃卓玲”分別, 開車返長春喇。0係車上, 先望風景, 訓左一陣, 又同溫fung、福晉、周星馳傾計, 由天光講到天黑, 咩都講一餐, 講學校、宿舍、香港機場, 連香港ge街燈都講埋。呢次車上sharing都難得, 講返第一日大家ge感覺咁, 好好~~

返到長春, 就去左一間以1949年、毛澤東為主題ge餐廳dinner釵V陽屯, 呢度ge裝修好特別, 仿照當時ge茅屋咁, 又可以借佢d道具影相, 0野食好有風味~(e.g. 炸地瓜條、水豆腐、拔絲地瓜……)

night, 返到hall, 兩地學生一起開會, 嘩~!!!人地ge學校、學生會幾鬼勁呀~!!0係呢方面, 佢地d人搞活動比hk學生主動得多, 關心學校一事一物, 搞到我地都唔多想提bu0個個學生會,真係有d慚愧。

>>January 27, 2004 at 3:37:32 PM GMT+8

2004 年 1 月 9 日 星期五 【晴】

早餐0係一間自稱「酒店」ge東西食, 又係自助式,好恐怖呀~~d雞蛋出水架~!!
食過早餐, 就展開「哈爾濱」之旅喇~好期待, 要坐4個hours車先到, 沿途所有人都諗住
sleeping(雖然d高層想我地兩地學生交流, 即「吹水」), 去到半路, 有d唔訓覺ge就話要唱歌,
我教溫fung 、海洋唱廣東歌, 佢地d音又好搞笑~~有d歌係廣東話&普通話歌詞一樣ge, 於是兩地學生就用返自己language合唱, 搞到大家都唔知自己唱緊咩話~~呵~從唱歌呢度, 我覺得
長春ge同學比我地愛中國, 好以自己國家引以為傲, 呢點我地真係要學下。

12點幾到達哈爾濱, 見到好多間大學, 而且間間都好出名, 可見呢度ge學術水平都好高。
Lunch唔多講喇, 正!!

After lunch, 一口氣去左幾個景點喇, 首先去左「聖蘇菲亞大教堂」, 好靚、好宏偉, 好似
去左俄羅斯咁~!!!教堂附近仲有12生肖ge冰雕, 好興奮呀!!有一個corner位專比人餵鴿子, 於
是我又唔執輸、又去餵啦~~哈~!!點知就出事喇~!!d衰鴿二話不說就飛左上我個頭~!!周圍ge人
唔救我不特止, 仲叫我hold住影相~!!呢d鴿都幾頂癮~!!

黃昏時候, 我地去行步行街—中央大街, 係一條有濃厚歐陸懷舊味道, 行行下, 見到一
個小型冰滑梯(for小朋友玩~), 我地好興奮咁衝左埋去玩,玩左好多次, 重拾一下童真~~
好似返到去幾歲人仔0個陣時~~

dinner食羊火煱(唉~~), then去睇冰燈啦~哈哈~~冰燈公園好凍, 我諗零下30度都有, 凍到
我buy野都唔講價(好少有~), d冰雕好靚, 睇冰燈感覺好新鮮~!!0係出口有一檔賣棉花糖, 諗
都唔諗就買黎食~!!嘩~!!除左手套先食, 凍到我隻手冇晒知覺, 咁凍環境底下食棉花糖都係
第一次, 哈~咩都要試下ge~!!

今晚住一間自稱「二星級」ge星河賓館, 點知一上到房…….唉, 有幾差唔使講, 成班人一放
低行李即走就知~!!今晚分房係自己配對(hk+長春), 我即刻搵左小玲同我一間房, 哈哈~~我諗
佢都想同我一間房ge~~呢幾日同佢地friend左好多, 佢同小馬哥都好care我地。小玲係一個好
斯文ge女仔(個樣&聲音都好溫柔架~), 佢表達ge方式比較含蓄, 唔係 “bilibala”咁, 佢會好隨意
咁撓住我、拖住我行街, 好親切啊~!!

今晚, 我地一行35人一齊離開呢間bad feeling賓館, 好似走難咁, 靜過鬼ge哈爾濱街頭就咁
比我地搞到嘈晒, 好難得咁多人自發出去~所以真係好興奮、熱鬧~!! 途中, 王力宏&小馬哥無
端端走過黎叫我做「豬扒」~~!!哈哈~~都唔知好嬲定好笑~~我地行去一間細細串燒店食宵夜
喇~~呢個串燒聚會,大家都好放, 因為冇jacky睇實, 好盡興~~!!

>>January 27, 2004 at 3:50:40 PM GMT+8

2004 年 1 月 8 日 星期四 【晴】

食左咁多日花卷, YMCA d人都體諒我地, 所以今早我地早d出發去第二度食自助早餐。

Then, 我地去左吉林大學地質博物館, 入面本身有恐龍館,但裝修緊。呢個博物館有好多正野睇, 有好多特別的石頭(e.g.似東坡肉), 講人類、動物、植物的進化、化石, 呢度有一個「鎮館之寶」就係中國蜻蜓化石, 仲有好多幾億年前的「三葉蟲」化石, 目不暇給。博物館前有一個好大ge廣場, 我同yuki兩個仲0係上面跑步暖身, 好free呀~但係好凍啊~!!

下一站去左偽皇宮, 為我地講解ge導遊--「翠花」,真係好pro架, 佢自己講溥儀ge歷史都講到好入肉, 講左溥儀當時同幾個太太和日本ge關係, 我都未試過咁留心去聽一個導遊講野, 哈哈~~滿足晒我地8卦ge心態~~呵呵~入面仲有好多佢地ge舊相, 都唔夠時間睇tim~中途我地去左一間店子buy手信~哼!!呢度d野激貴呀!!有咩理由一包剪紙都要$15一包?!then我睇中左掛飾, 佢話要$50!嘩~~佢真係想食左我隻車喎~!!之後小玲、小馬叫我還佢價, 哼~!!點知0個個人用一下「怒啤」惡我tim~~結果佢減左$10我都冇buy~anyway, 當經驗啦!去到另外一間店, 小玲同個導遊見我喜歡一set明信卡, 佢地主動同個阿姐講價, 雖然唔係平左好多, 但係呢件事太令我難忘喇~

今餐lunch食藥饍,嘩~!!其中羊皮(筋)湯~真係好難食!!點知有人提議玩「猜程尋」, 輸左竟食一舊羊筋~~好不幸, 呢d咁ge衰野梗有我份, 嘩~~好嘔心、難頂呀!!

Then參觀長春生產線(汽車廠), 呢度唔係隨便開比人參觀, 睇住由兩個車胎變成一架audi車, 好得意~見到d車門0係d吊軌運送, 即刻令我諗起「怪獸公司」運門ge一幕~~之後去左「長春電影城」, 唉~~呢度只有兩個字形容—騎呢。我都唔想多提呢個地方喇~

今晚dinner「冇王管」, 我地去左「王記」食豬骨, 好好味~ 食佢d花卷好似食麵咁,咁多款花卷都係呢種最好食~!!仲有一個菜包子, 睇佢個樣衰衰咁, 其實好好食架, 入面有d菜&粉絲咁。小馬哥話我地呢幾日食ge野全部都係貴野, 咁都唔出奇, 餐餐都好正、好有特色, 搞到我以為自己拍緊「蔡詩嘆世界」~呵呵~~

同我同房ge長春同學叫「思思」, 係一個好主動、熱情ge女仔, 但又唔會狂煩住你0個d, good!!

>>January 27, 2004 at 1:26:28 PM GMT+8

2004 年 1 月 7 日 星期三 【晴】

早餐一樣0係師大食, 今日終於有肉包子食啦~~!!實在太令人興奮喇!!

之後我地一口氣參觀兩個地方, 第一個「鴻達高科技公司」, 介紹一種「指紋技術」,
用拍紋去開門、簽到, 呢度都幾surprised, 冇諗過中國會有d咁ge科技, 大陸都唔係
我想像中咁落後ge~~

then我地再去「金賽製藥廠」, 呢度做注射藥ge, but呢 part真係好悶,0個個人講埋d bio、chem,
普通話又勁快~!! Lunch0係同志街食, 呢餐都係幾good~~有少少自由活動時間, 長春ge同學
就帶我地去行下街。長春街頭好特別, 比我想像中整齊、乾淨, 有好多小食, 有人
抱住d狗仔賣, 有賣煙檔……仲見到唔使放入雪櫃ge雪條~~好後悔呀, 我始終冇試過0係
零下十幾度食雪條~~!!

我又返到師大, 去左郵局買postcards & stamps, 有d同學仲即場寄信返hk。兩點幾,
去左聽一個關於中國經濟talk, 其實佢講得都算幾有趣架喇~~但真係好眼訓~飯氣攻心,
有好多人都去左搵周公,我當然都唔例外~根本成班人做返0係hk上堂會做ge野~哈哈哈!!
今日ge節目都算幾悶, 連長春0個d同學都有同感~哈哈~!!dinner前, 我地幾個地理人去左504坐下, 聚下, 仲唱歌tim~亞包唱歌真係幾好聽架~係把聲本身幾good~~

我地去左「東方餃子王」dinner, 呢間野有好多連鎖店, 一入去就知d野食唔會
太差, 因為成間鋪坐滿晒人, 仲要等位tim~不出我所料, d野真係好食, 我地一口氣食左
十幾碟唔同款ge餃子, 食左都唔記得自己食左邊款~呵呵~~仲有好味得難忘ge炸薯條(絕對
唔係m記0個d)~!!呢度d水壺咀好鬼長架~~斟茶好考功夫~哈哈~我仲專登飲晒d茶, 叫佢幫我地斟茶, 查實就係擺pose比我影相~呵呵~~

night, 返到宿舍, 又開會, 之後大家仲要排舞唱歌for表演, 笑到成個人散咁~~!

>>January 25, 2004 at 5:34:41 PM GMT+8

2004 年 1 月 6 日 星期二 【晴】

一早又去到師大的餐廳食早餐, 呀~~又係花卷~今日食ge野同昨日食ge 係exactly一樣!!天啊~~

then我地坐車到「淨月潭」參加開營儀式, 呢度比市區凍6度, 即係零下二十度,
不過好快就適應左喇!!0係呢個咁ge環境我地足足企左9個字, 強呀~~等長春副市長致詞
之後就去食lunch喇。0係淨月潭,竟然有一個同香港0個個一樣ge金紫荊!呢度ge雪雕都幾靚架,
不過時間太趕喇,都冇咩點影相。

Lunch同一班長春工業大學ge同學去「金鳳凰」, 佢地個個都好靜,幾friendly, 但係
其實佢地都好好傾!佢地講左好多關於長春大學ge資料、日常生活…等等。驚dead air, 所以我搵左d野食打開話題, 呢餐飯我覺得自己好似拍緊「蔡c嘆世界」咁~!之後我同長春ge同學仲互相祝福、hug hug~

食飽飯, 就返淨月潭滑雪喇~一入到去就比一大班「導滑員」包圍、爭生意, 好混亂呀~!!
一旦比佢地捉住就好難唔請佢地。 結果我半推本就請左個編號:28叫王浩ge導滑員, 起初有d驚, 話口未完就撻左0係d雪度喇~要用好多氣力先可以爬起0黎,用兩個扶手推個人向前進, 幾辛苦、吃力。初初我不停狂叫,因為由個山坡滑落0黎實在太驚喇, 又高又凍~~我同「28」又有少少語言障礙, 大家都係靠body language溝通咋!試左幾次, 開始捉到個skill, 冇咁驚喇, 仲可以叫「28」放手, 等我自己試下由山坡上面高速滑落0黎~~!嘩!衝落0黎兼一邊大叫「衝呀~~衝呀~~」0個下真係好free架!個膽當堂大左十倍~~!!

Then我地去左一間超市--「恆客隆」逛逛。呢個超市有3 層, 有好多hk冇de產品, 最搞笑就係有edison大頭做包裝ge薯片, 即刻buy左兩包返去笑下~~0係街頭, 我地仲buy一串「冰糖士多啤梨」,原本兩蚊咋, 個小販知道我地唔係本地人, 即刻話要3蚊!!anyway, 呢個真係好好食, 酸酸甜甜地, 可能因為太凍喇, 所以都好硬下。仲有d時間, 我地0係條街度影相, 周圍ge人見到我地0既DC都好好奇, 圍住我地左睇右睇, 搞笑~~~可能我太得意忘形, 我心愛ge頸巾唔見呀…...
好慘, 就係咁, 佢就「移民」去左長春, 希望有d有需要ge人執返去用啦~~

dinner…已經係第4餐見到「豆腐干絲」喇~~~

>>January 25, 2004 at 4:05:50 PM GMT+8

2004 年 1 月 5 日 星期一 【晴】

一早9點起身, 開始我地為期8日ge長春之旅。其實今次ge trip係好興奮, 咁大個人第一次搭飛機, 仲要第一次去咁遠ge地方同埋睇到雪, 哈哈~不過就有d雞手鴨腳。臨急臨忙, buy左個「M記」就要入登機閘, 都幾趕下。

嘩嘩~~太多1st time喇~我地登機ge地方太遠喇, 於是我地就要坐0個d「無人駕駛」ge railway, 好快就送我地到上機ge地方啦!我地登機閘係62號, 一見到我地ge飛機就忍唔住 “嘩”左一聲…….架機實在太細、太mini喇~~有dd擔心~~

真係上左機, 又係 “嘩”左一聲……太迫喇, 轉身都唔夠位~!!
D飛機一隻隻排隊起飛, 好似ocean park 玩滑浪飛船咁~14:08起飛啦,呢0野真係有d驚, 我仲大笑左出黎tim(我畏高架, 同埋我通常驚ge時間就會狂笑~~)!一下子上到咁高, 有少少頭暈, 好彩冇咩事ja~!

0係d雲上面飛, 感覺好good, 好似想像中ge天堂咁(大吉利是!!) 3點幾, 望雲望到悶, 就有野食喇~雖然機仔細細, 又殘殘地, 連d空姐都冇咩笑容咁, 但係佢ge飛機餐都幾好食, 呵呵~~~最surprised 都係有 “han記”雪糕食,簡直係bonus啦!!

小睡過後, 見到個天分左藍、白、黃、紅4色layers, 真係嘆為觀止, 又從高空望d山脈、河流, 個feeling同平日睇aerial photos差十萬皮, 哈哈哈~~我仲見到條最classic 0既meander(曲流)~~冇計, 讀geog 0既就係喜歡睇呢d~呵呵~

5點幾, 開始低飛喇, 可能長春冇咩燈光, 所以個月亮好光、好「殘眼」。Woo~~未落機, 見到d冰, 都有d驚。點知唔係我想像中凍得咁厲害!!一個箭步就迫上巴士,再一個快閃去左入境處喇~!!點知, 拉行李上車先勁凍, 矇住塊面就衝左出去, 勇!!

我地住ge地方就係東北師範大學ge宿舍, 嘩~~真係好大, BU可能一半都冇。一人一間房, 都咪話唔爽!但又好似大得滯(因為仲有一個大廳~)。有3個師大同學同我地一齊DINNER,佢地幾friendly, 都有d話題, 但係我地初頭亙相聽唔明對方講咩, 我唯一做ge就係對於佢微笑, 當response~~(呢個場面都幾尷尬……)
好勁呀, 零下十幾度, 仲開大個window(目訓)覺~~因為d暖氣實在太勁喇~呵呵~~

>>January 23, 2004 at 2:04:18 PM GMT+8

2004 年 1 月 3 日 星期六 【晴】

好多野做.....

>>January 4, 2004 at 5:45:29 PM GMT+8