2004 年 5 月 2 日 星期日 【晴】

今早跟點點拍住返工~
因為九點半全公司d人都要去開會
今次係交代有關轉老板既消息~
開會d時間過得特別快~一開就九個字了~

下午點點突然比佢部手機我看看~
再聽佢講完後....有點吃驚~!!!
真係唔話我地係好姊妹都唔得~
上次大家都因為同一d問題而唔開心~
但今次竟然連呢d問題都可以係同一時間發生~
當然她比我更不開心啦~
因為有些線索係手...而我則只是猜想~
跟她處於同一身份~
點點表現得有點氣憤+無奈~
我想如果我係佢 我既反應必定激烈得多~

下班約了小倫吃飯~
佢好似比上次見佢開心左d~
食飯期間都係傾下大家近來既生活~
當然不忘再提下佢小心理財啦~
我呢個契細佬呢...次次話佢佢都認自己大洗既~
但始終真正改善既又唔多~但都唔擔心得佢咁多...
陪佢行左陣先達就各自歸家了~

>>May 5, 2004 at 8:17:28 AM GMT+8

2004 年 4 月 30 日 星期五 【晴】

今朝晨早八點半就起身~
九點鐘約左柏朗同教練一家係地鐵站等~
今日我地既目的地係大埔~@@
搭完地鐵再轉火車~
去到食左d野~去埋超市買野就出發了~
係火車站搭275R去到新娘潭~
平時唔多怕熱既我已經熱到要紮起D頭髮~
今日太陽伯伯真係精神c.c
接著就是沿住八仙嶺去橫涌~
沿途山路崎嶇~好多梯級~
辛苦程度同上次去大山與山有得比~
大家沿途都停過幾次休息~
行左一個鐘左右就收到帶頭探路既教練來電~
我地唔好再上去~
因為好似行錯路 搵唔到我地既目的地~
但聽到舅母話呢條路上去應該有個WWF既植樹點~又想上去睇下喎~
於是放低四個人係山腰~
教練 柏朗媽咪 妹子 同我就繼續上去~
雖然上到去找不到那個植樹點~
但卻遠距離見到橫涌~
仲搵到個世外桃園同兩個仙人XD

沿住上山既路落山~
我地決定去新娘潭野餐~
係燒烤壚旁邊開gas壚煎野食既感覺好得意^^"
五點左右就係果度走嚕~

返到屋企第一時間由頭沖到落腳~
食左少少野~同媽媽傾左計...
咁大個女第一次因為父母間既糾紛感到有壓力...
當然希望今日我地所講既假設唔會發生~
亦希望只是大家想得太多...
但近來我的確感到有點不安....
搞到原本好累既我訓唔著...明早還要上班啊>.<

"Today's worries may become tomorrow's priceless experenices."
Napoleon Hill

>>May 2, 2004 at 5:23:31 AM GMT+8

2004 年 4 月 29 日 星期四 【晴】

中午跟同事們吃飯~
傾計時才知道自己的月亮星座是金牛座@@
聽起來又好似幾準喎c.c
但我一向都唔太信呢d野既~聽到當娛樂就算了~^^

原本今天約左小倫食飯~
點知下午佢來電告訴我佢入左急症~
所以cancel了~
晚上七點半 我正準備離開公司~
小倫又打黎話佢出得院 仲叫我去食飯~
我遇是叫佢回家休息~
下星期一先啦 ^^"

>>May 2, 2004 at 4:01:53 AM GMT+8

2004 年 4 月 27 日 星期二 【微雨】

一回到公司已被人事部提左我去傾野~
可能因為個人少少既錯失令公司有一點損失~
雖然人事部都無怪我~只係搵我傾傾同交代有關問題~
亦有人覺得唔關我事~
但自己仍然十分不好意思+有點洩氣~
雖則無人估到新人會咁快辭職~
但時間既安排上應該可以做得好一d~
以防有類似既特別事件發生...
就當拿一個經驗當教訓啦~

下午做好晒d野~
係公司悶左兩三個鐘~"~
等埋點點返黎就同上司一齊準備今日開會d野~
六點齊人開會.....七點半先一齊去食飯~

發覺dino同雪兒同場下食飯係會笑死的....
淨係笑都笑飽~
跟住仲要比佢地拉去食糖水...
癲癲真係以為個個都好似佢咁係黑洞-_-"
回到家已經十二點了~
還未睡得著便上網逛逛~
難得在icq見到日本仔哥哥aoa"
約埋佢星期三食飯~希望佢調到假啦~^^

>>April 29, 2004 at 5:36:06 AM GMT+8

2004 年 4 月 26 日 星期一 【微雨】

上星期有點作病的現象~
以為是小問題便沒有理會佢~
今天早上搭車時又覺得自己有d唔妥~
回到公司感冒菌便開始作怪了...
整個早上邊做report 邊包雲吞~還有點發燒....好辛苦啊~>_<
跟爺爺傾了一陣icq~
懶大師真係神機妙算~幫我占支卦幾乎全中~
我也十分明白唔開心解決唔到問題~take it easy...
約左下星期搞家庭聚會~

下午當我仍在包雲吞時突然收到一個內線電話~@.@
只返左工一日既新同事...竟然打返黎同我講辭職~!!!
坦白講~真的有點洩氣...
每次train人都用左我好多時間同心機~
當日見到佢無乜心機聽~又無抄筆記~已經覺得有點失望...
如今正式上班只是一天便說要辭職~
難怪我會質疑當日佢是否真的有誠意做呢份工...
又要再次為著人手問題苦惱了~
QQ同Becky搵到工...阿yen同Pullan要請假考試~
手上既part time只淨返雪兒一個...
加上原本只有4個full time...下星期個更表真係頭痛...

臨放工前~
收到人事部話要Vincent返工個時間表方便佢計糧~
都唔知應該計佢幾多日好~
training果兩日都唔足八個鐘...正式返工只係琴日~
最後人事部話計兩日半比佢喎...
收工時碰巧家明又走~
同佢呻左幾句~台者佢都講得岩既~
可能人家有更好既出路先辭職呢...
又或者份工真係唔岩佢做呢~
雖然真係晒左我好多心機~但都唔怪得晒佢既...

回到家~感冒好似有d好轉~
準備早點沖涼洗頭去休息...
點知上到床又訓唔著...唯有開住床頭燈睇書啦~
明天又開部門例會了~
可能我要求比較高啦...近一個月發現部門內有很多小問題~
但又不想令會議氣氛過份嚴肅~
還是將我看到的問題交給上司去處理吧~

>>April 28, 2004 at 2:36:50 AM GMT+8

2004 年 4 月 24 日 星期六 【微雨】

最了解我的還是點點~
相處了兩年多~
我的一舉一動都騙不過她~
今天只是簡單的MSN了幾句~
她便知道我的心情怎樣了...
雖然口裏說著沒事...
但事實上十分清楚自己煩惱著甚麼~
點點的一句說話又令我想多了...
可能她也說得對吧...何必常常苦著自己呢~!?
這件事情已困擾左自己很久了~
想必是時候讓自己解脫一下...

有點悶悶不樂~
又不想困在家中諗東諗西~
媽媽又有點不舒服~
兩人便一起落街逛逛買東西~連同外餐晚餐一起回家~
怎料回到家又發現電腦有點不尋常....
搞了半天還是沒起色...
「唔~搞~啦~! 煩~! 沒~心~情~理~會~它~!」
十時多便去睡了.....

>>April 27, 2004 at 6:08:36 AM GMT+8

2004 年 4 月 22 日 星期四 【陰】

壞男人 vs 臭男人

近來常常都聽到身邊一些朋友提及這兩個"名詞"
如果它們是出自女性朋友的口中~
我一點也不會覺得奇怪~
但某些男性朋友都用這些名詞形容某些人~
令我有點出奇~
然後就是嘗試站在各人的角度下看看這個些被稱為"臭男人"或者"壞男人"的人~
究竟一個點樣既人先會被女性 甚至男性用這名詞去形容呢~?
"壞男人"和"臭男人"又有甚麼分別呢?
還是女人都是犯賤的角色 真的"男人不壞~女人不愛"呢?

記憶之中~
這三個字從未試過出自我口去形容人~
係我眼中只會有"好" or "唔好" 或者係一d未被分類既人~
我絕對相信係好多事情上唔只有「黑」「白」兩面~
所以先會有灰色地帶既出現~
係唔同角度下睇每件事物都可能有黑白灰的出現~
正如上次我跟點點討論一樣~
可能我地兩個都會覺得那個男生跟那個女生的配搭比較好~
但當事人選擇的卻是另一個~
又或者身邊好多朋友都說那個男生對那個女生不好~
但女生卻認為她現在十分幸福~
可能旁觀者只看到那人"不好"之處~
但如果當事人選擇左佢~想必定有他的"好"吧~

個人來說常常係各樣問題上問問朋友們的意見~
一方面是自己信心不足去下決定~
另一方面我絕對相信「當局者迷」這個說法~
旁觀者常常都會理性一點去提供一些客觀既意見~
收集意見再進行分析後~必定會有一個更好的結論~
在此要多謝近來常常給我意見的朋友們~
小黛會細心分析一下大家的意見才作決定~

>>April 26, 2004 at 2:12:17 AM GMT+8

2004 年 4 月 19 日 星期一 【晴】

-晨早八點返工...好眼訓 -_-"

-跟點點上班真開心~努力想像點點新造形中~aoa (強力接收器XD)

-3CD組合才是最強的~請鼓掌 ^~^ (啪啪啪啪啪啪啪啪啪......)

-雪兒真係抵錫~小黛老懷安慰囉....諗下點表表佢先~

-忙著預備training中...

-有點擔心大家做report的進度呢.....

-教練觸及舊患....打波取消~

>>April 26, 2004 at 7:19:32 AM GMT+8

2004 年 4 月 18 日 星期日 【炎熱】

今早要返八點~
返到公司都好似未訓醒咁c.c
小jen竟然晨早開icq搵我傾計~
原來佢話佢同阿森有d問題想搵下我傾~
其實之前都成日聽到佢地有小吵~
但似乎今次有d唔同....
作為外人~我無乜野可以幫到佢地~
但小jen始終係我好姊妹~我又點會唔理佢呀~
同佢傾左一輪 佢就返工喇~

中午點點上班~
突然問及我隔離dep.一個同事的事情~
真係比佢嚇一嚇以為佢因咩事比人炒左...
原來只係某d人大意到編更時~連一個返左近三年工既員工都唔記得....~"~

跟點點談過有關今早jen jen的事情~
發覺大家係某方面既睇法十分相似~^^"
至於點點那方面呢....還是心軟下來~
十分明白小黛身邊的朋友們都不是那些絕情的人呢...
點點一句說話令小黛想多了一些往事...
真可惡~!!!
為甚麼事情相隔那麼還是對我有這麼大的影響力呢...
"當我無情無恨望過去 還是笑中有淚"
呢句真係應景到絕~!
最後還是待我最好的點點乙水返我開心 >3<

下午致電回家~
知柏朗發燒沒上學~黎左我屋企~
四時多準備下班時~
葵涌警署個阿sir先上黎搵我囉料~
同佢解釋完一大輪~送左佢走~
跟進了一些case~
正執拾行裝時....旺角差館又有阿sir上門找我幫忙....
最後都係近六點先走得~

回到家~跟柏朗玩左陣~
就兩家人一齊食飯了~
柏朗daddy真的有點......."
令這飯局的氣氛有點怪怪的~

Daddy仍舊要加班~
很久沒跟他一起吃晚飯了~
雖然只是短短一星期左右~但已經開始不習慣了~
每晚睡前不久才見到佢回來~感覺到佢真係好累~
但仍舊在半夜還要打機~"~
真係比佢激死~又話自己無精神>_<
希望佢忙完呢排 遲d可以抖下啦..

>>April 22, 2004 at 3:26:27 AM GMT+8

2004 年 4 月 16 日 星期五 【颱風】

今日約左一同事同新舊老板去南丫島玩~
朝早醒來時九點幾~
跟住再訓過~到十一點幾先起身c.c
陪媽媽落街食午飯~
跟住我就搭車出尖沙咀嚕~
約左一同事14:45係碼頭等~
佢地就約埋係poly u食lunch再行過黎~
原本我都可以同佢地一齊去既~
但今個星期得一日假都出去玩~無陪屋企人~
加上今早妹子要返學無人陪媽咪~
咪同佢食lunch補數嚕~

去到碼頭已經14:35~
打比佢地果時佢地先岩岩係poly行過黎~
跟住搵埋老板~等到三點佢地先到呀>.<
搭船過海~再行去港外線碼頭搭船去榕樹灣~
咁耐無搭車自己都有d驚會暈浪~
所以一早食左暈浪藥~
另外 陳皮 糖糖 膠袋 一應俱全= =v
點知一上往南丫島隻船~就開始落雨了~
仲越落越大....落船時稍為細左一d~
大家就諗住搵個地方坐低飲野避雨啦~
點知一陣狂風暴雨~一坐就兩個鐘...
等莎莉入到黎....冒雨行左陣就去食晚餐嚕~

晚餐菜單如下~a"a

椒鹽鮮魷
豆腐技竹班腩煲
豉椒炒蜆
蒜蓉蒸扇貝
xx鱔煲
蒜蓉炒白菜仔
乳鴿兩隻
蠔餅
白灼蝦

八個人食都係$570咋~
埋單時個個都問有冇計錯數c.c
食完飯雨都停左嚕~
但由於已經八點幾~大部份鋪頭都關左門嚕~
所以大家就慢慢返碼頭搭船走喇~
大家諗住係中環搭船過海~
我就搭地鐵返去~
返到屋企沖涼洗頭 轉頭就去訓嚕 ^^

>>April 18, 2004 at 7:20:32 AM GMT+8