2004 年 6 月 20 日 星期日 【晴】

近日天氣很熱~
搞到有少少衝動去剪頭髮~
但一早已計劃了再留長一點~唔係好捨得剪左佢~
所以紮起辮仔來 c.c
自從幾年前留長髮以來~
找來各種紮辮既方法~

其實返工之後都無理咁多~
好少再紮乜紮物~
但近來天氣既關係~加上公司個冷氣死死地~
所以又紮返馬尾~孖辮~"擯"辮等等
連公司留下個保安姐姐都話我紮咩辮都得~c.c

>>June 26, 2004 at 2:46:51 AM GMT+8

2004 年 6 月 16 日 星期三 【晴】

當中間人遇上血之災...

今日好忙....成日都無停過手~
除了早上要作文咁出e-mail外~
還要顧左顧右...
下午開始要逐個show demo比d同事睇...
又出現了一點問題~
幸好還算迅速解決了問題...

自從接手了一個product之後~
逄星期四都忙好忙~精神壓力頗大~
雖然近來在各種因素下影響到自己EQ低了一點~
但漸漸地發現我只會在工作時才會感到壓力~
一回到家就乜都唔記得了c.c

兩時多跟瑪姬去食飯~
前陣子大家都忙到不得了~
連一齊出黎食午飯既時間都安排唔到~
今日食飯又是大家互吐苦水既時間了~
作為一個高不成低不就管理者~
我同佢都遇到好多相似既問題~
想像不到現代人可以懶到出汁的...
除了大家分享一下管理部門上的問題及做法外~
就係一齊鬧果d"懶"人...真係激死人了>.<

下午再來一場demo~
點知無電腦可以比我用之下去左問隔離Dep.借...
仲要無連椅子都無張...唯有蹲在地上做教學~
誰知竟惹來血光之災...痛死小黛了 痛到我標眼水>.點點看著小黛近兩吋的傷口...話驚我會細箘感染~
但還有不少東西等著我做...匆忙拿清水洗一洗傷口就算了~
回到家~
媽媽一邊罵我論盡一邊叫我拿雙氧水消毒~
咪搞我......雙氧水洗傷口會痛到七彩的>.
晚上又要繼續做我中間人的角色...
兩個電話講左我近兩小時~
真不明白他們怎樣溝通的..~"~
有人說我這個中間人想草草了事..
事實上真的不想插手~
那是他們兩個人的事~怎樣要搞著我呢...
所以我已經將自己由調停人變為傳話人~
但自己會舒服一點~
不要問我怎辦~先問問你們兩個想怎辦~
我盡量不想給予意見~
只想幫助你地代入對方的身分去想想大家的感受吧...

>>June 18, 2004 at 5:25:21 AM GMT+8

2004 年 6 月 15 日 星期二 【晴】

又做左中間人了~@@
唔知點解成日都會企左係果個位...
練習多了....一切處理得比以前成熟吧...
不是想置身事外~
但有些東西不宜第三者介入調停~
所以今次只做左d輔助既工作~
最後結果如何...還是看那二人自己的決定吧~

>>June 17, 2004 at 3:49:56 AM GMT+8

2004 年 6 月 14 日 星期一 【晴】

以後每個月十五號都會同彤彤二哥食飯~
原因係彤彤呢個傻妹話以前隔太耐先見到我一次~
為左每個月都見下我
所以set定左逄15號都會同佢地食飯~
如果咁岩果個有事先改早一兩日~

由於聽日我返八點~
所以一早講左比佢地知今日唔可以太晏走~
自知身體差~
玩到夜一陣唔夠訓~
聽日又唔舒服既話知做到野呢?
六點半收工便去找他們了~
每次見佢地都好似答問大會咁~c.c
佢地好多野問~我答得既就答 ^^"
大家都是閒話家常吧~
只是今日察覺到二哥有點怪怪的~
成日都唔多出聲...彤彤又掛住同我傾計唔多理佢咁~
問二哥咩事...佢淨係今日好累~
但今日又覺得彤彤d脾氣同態度...又有少少變返以前咁~
所以都有提醒佢要留意下佢D talking skill~
既然佢地都話無事就當我太過敏感啦~

>>June 18, 2004 at 4:33:12 AM GMT+8

2004 年 6 月 13 日 星期日 【晴】

十分十分十分得閒的一天~
難得星期一竟然會無乜野做~@.@
下午故個朋友上黎interview...還算不錯吧~
人手不足~請左train完 再睇睇表現先算~

下午上司告訴了我一個消息~
有點兒吃驚@_@"
我想情況不會達至那個地步吧~
但點點卻說我逃避現實~
那管事情發展怎樣也好~我還是那樣隨遇而安吧~^^"

>>June 15, 2004 at 4:23:09 AM GMT+8

2004 年 6 月 12 日 星期六 【晴】

頭暈暈地返工...暈足成日~
情況有點似先前耳水不平衡...
回到家睡了一覺好好多了~

>>June 14, 2004 at 2:27:54 AM GMT+8

2004 年 6 月 11 日 星期五 【晴】

早上七時多...生理時鐘便令我醒來了~
看看鐘....那麼早....再睡過~
九時多...手機響起~
小倫@.@?佢唔知我星期六放假咩= =""?
百般不願意地接聽電話~
原來佢排緊隊買Sam Hui演唱會飛陪佢媽咪睇 !_!
問駛唔駛幫我買埋~
即時諗起媽媽前兩日講過話想睇...
佢話佢仲有個Quota~叫我十分鐘後覆佢...
連忙走去問媽媽~佢話想去睇啊~但睇下Daddy去唔去先..
點知打比老豆 佢話唔去~
看到媽媽失望的說 咁唔去啦...
我就話~我買飛陪你去呀 ^^
雖然媽媽實話唔好~但我唔想看到佢失望嘛~

接著打左個電話比馮生~
佢半夢半醒咁接電話 我仲以為佢唔駛返工添 @@
問佢駛唔駛買飛 佢話無興趣...
再問佢對Mamma Mia有冇興趣...佢又唔知係乜黎...
最後打返比小倫叫佢幫我買兩張$250~
十點鐘...想再訓返時已經訓唔著了~

下晏跟媽媽去飲茶~
再去新都城行左陣...
三點左右就收到艾迪電話~
原來今朝佢未訓醒唔知我打比佢做乜...@@
比佢激死~"~

晚上一家人去酒樓食飯~
今日Daddy生日嘛~
返到屋企好早就訓啦~a"a
明天要上班啊

>>June 14, 2004 at 10:10:37 AM GMT+8

2004 年 6 月 10 日 星期四 【晴】

幻的一番說話...聽呆了我~
自己心底裏明白~他說得十分對的...
今日唔知聽日事~
有d野唔做就無機會做~到時後悔都無用~
但...如果做左又後悔 咁點算@@?
決定權在我手...給我多一點時間吧..

>>June 14, 2004 at 5:38:01 AM GMT+8

2004 年 6 月 7 日 星期一 【晴】

早上九點半~
公司門外一陣嘈吵聲~
趕忙出去看看~
見到阿yen一個係門口擋住一班想衝入黎既人~
兩三個男同事連忙出去幫手...
原來是昨天那件事既人上門投訴~
迫於無奈下放左佢地入黎...
我便找那負責人看看他想悉樣處理~
卻得到一句不太禮貌的回覆"你出去搞啦"
我無奈地帶著一把吵啞既聲線跟客戶們解釋一次整件事件~
看著那五女一男~
粗口、紋身、態度等~絕對知道他們不是善男信女~
更聲言要找報刊、警察上來搞大件事~
面對這些客戶的行動~我只是一笑置之~
可能先前已處理過很多個案吧~
雖然這次我也覺得客戶及公司雙方都有責任~
但我十分清楚自己的身份及公司的立場~

客戶們一輪聲討後開出平復事件的有關條件~
我連忙找來那負責人看看他意下如何...
卻只見到他仍舊站在pantry"睇戲"
我的確有點生氣...
上司不在~
你找我去處理那班客戶~
我絕對覺得不是問題~
即使今天的我病得頗重...聲音吵啞~
我都有責任去應付他們~
但同事們~尤其那負責人...
隨了在開門那一刻出去"擋門口"外~
便置之不理~像沒事發生一樣的只站在pantry睇戲?
明知客戶提出了條件我進來跟你商量...你卻冷眼旁觀~那是甚麼意思~?!
最終跟客戶們承諾今天晚上回覆他們時 還要給人以黑社會口吻恐嚇一番~
阿yen看著我回到自己的位置...我的確十分無奈~
但亦十分了解自己部門作為前線....行就行先 死就死先 既道理~
有人問我受死嚇時 驚唔驚
我只可以答你~唔驚就假既~
但當時係佢地面前..外表一定要處變不驚~
回到座位有點想大哭一場~
剛剛那孤立無援的感覺十分差~
另一方面又會想想往後出現更大問題時...我是否承擔/承受得起呢?

>>June 15, 2004 at 3:07:20 AM GMT+8

2004 年 6 月 6 日 星期日 【晴】

一返到公司就收到消息琴晚event出現問題~
上司不在壓力真大~咩都關我事咁>.<
加上兩日無返工...好多野積埋係度等我做...
今日仲要啞啞地~令我脾氣不太好~
連阿yen都話我食藥食到個人燥晒~
好彩琴晚叫點點調左返早~有人幫下我手姐>.<
過埋聽日上司就返黎了....

>>June 13, 2004 at 3:20:20 AM GMT+8