2004 年 7 月 2 日 星期五 【晴】

本想趁星期六日上班時追回平日不夠用的時間~
怎料今天Milky返左兩個幾鐘工就要早退...所以我今日一整天都在忙~
但佢唔舒服都要休息架啦...
下班便到九龍灣找彤彤佢地去睇戲~
佢地兩個真係好八卦...次次見佢地都要答好多問題..= =""
睇完戲就搵左個地方坐傾計~
見佢地無事我都安心一點~^^"
傾完計就各自回家了

>>July 5, 2004 at 3:14:37 PM GMT+8

2004 年 7 月 1 日 星期四 【清涼】

前天跟上司開會後~
今日正式接手他大部份的工作~
由於今次安排十分"倉撮"~
所以上司都幫了我不少忙~
只是隔離Dep.很遲才給那些回覆給我~
所以近六時都未可以收工~
上司知道我今日約左人打波~
所以叫我先收工~明天再做~

教練因手患休息了近三個月~
終於可以再打波了~
中途又再收到小彤電話...佢又同二哥鬧交了~"~
有時真係覺得佢地兩個好煩...成日為d小事嘈~
嘈完仲要搵我黎搞....."
打完波就一齊去食野...跟住就返屋企嚕~

>>July 5, 2004 at 2:59:55 PM GMT+8

2004 年 6 月 30 日 星期三 【清涼】

上年因為工作關係無法去參與遊行~
今年原先一早請左假去~
但今天早上突然收到一個消息...令我又猶豫了很久去唔去~
最終還是照著原定計劃出門了~
天氣十分十分熱...原本唔太怕熱既我都成件衫濕晒~
由天后至中環...行左四個鐘~
途中看到佷多很多奇人奇事~亦看到不少感動既場面~
行完就返到將軍澳已經七點幾~
一家人食完飯就返去訓嚕~明天又要上班囉~

>>July 5, 2004 at 1:34:25 AM GMT+8

2004 年 6 月 29 日 星期二 【清涼】

早上十一時左右~
趕緊report既我突然聽到上司急call我幫佢做野~
原來長沙灣警署有個阿sir上左黎攞料~
但上司十分忙碌中...所以叫我先替他招呼"客人"
向楊sir解釋了整單case既有關資料後...佢竟然提出要落口供@@
根據上次經驗~警方CCB會係有目標疑犯後才會找我們落口供~
但今次只是提供資料給分區調查便要落口供...
詢問楊sir有關問題時...佢好似乜都唔知咁.......= ="""""
唯有照幫佢落啦..~"~
11:40開始落口供~除左好似上次咁查家宅外~
再問一整份文件....就足足搞左個幾鐘~
近一點送走左阿sir~才繼續自己的工作~
不久瑪姬便來找我出去食飯了~
通常我地兩個食飯都離不開果幾樣野...
有些事情...真令人頭痛...

回到公司繼續做份report...
平時用半小時計兩三次就計好既一些數據~
今日用左四個幾鐘....計左13次先計岩....計到我想發脾氣~
我明白為何會有類事發生~
其實經上司昨天跟我傾談的一些計劃~
表面上我從容面對這些變動~
但事實上確實有點壓力~
而我每每在壓力下都很容易犯錯...真笨>.<

下午五時多準備下班...
上司突然說有找我和點點傾~
其實是將昨天告訴我的計劃再說多一次~
而且比昨天所說的更甚~只是聽著也令我同點點都有點吃不消...
原來四點收工既我....因為那小型會議延至近七點才下班...
但願我能適應公司的新安排吧...

>>July 4, 2004 at 2:30:20 PM GMT+8

2004 年 6 月 28 日 星期一 【晴】

一大朝早返到公司....好累...
初時以為今日勁多野做....點知一問上司之下...
先知下晝先開始有野做....
早知同佢申請返晏d啦.....搞到我唔夠訓~"~
跟住就係同人ICQ...係咪答人問題..

食完飯就開始忙了~
不斷的做testing和準備其他事項...
幸好一切都尚算正常~沒甚麼大問題...
所以比預計中早點下班~
八時多跟一班同事離開公司~一齊去食飯~
明天要返八點...所以回到家即時便去休息了~

>>June 30, 2004 at 2:33:17 PM GMT+8

2004 年 6 月 27 日 星期日 【晴】

早上九點回到公司~
便開始繁忙的一天了...

由於今日要開會...所以要努力地趕功課兼做report~
係呢間公司做左咁耐~
已經學習了怎樣一邊做野 一邊眼看四邊 耳聽百方~
一邊做緊兩三樣野...
一邊聽到Ricky叫人收起某些資料~即時心感不妙....
因為聽到他所說的決定跟Maggie先前跟我說的有很大分別~
平時佢地果邊有咩事 我都可以找瑪姬收料~
雖然今早瑪姬晨早ICQ話我知要請病假~
但又看到她有online~所以十分不好意思的打擾她休息....
跟她談了一會後.....突然聽到她說佢想辭職@@
其實很久前同佢傾計時已聽過佢話做得唔開心~
加上佢大佬一向既工作方式~的確給予她很大壓力....
作為朋友的我 如果佢做得咁唔開心~我都會支持佢辭職~
但作為同事...就唔係好想佢走~
一方面自己同佢的確係好好既partner~
一向大家關係也很好~可能大家既身份差不多啦~
所以常常都會拍住拖去食飯傾計~甚至告苦~
加上近來我全面負責了她那個product~關係就更加密切~
所以聽到她想辭職~心情有點矛盾...

跟大家出去吃午飯回來~
等埋點點黎就跟上司做preview~
五點齊人準備正式開會~先發覺Conference Room比老細霸左= =""
最後近六點先正式開會...一開就三個鐘...
九點多一行五人一齊去食晚飯...仍然便回家了~
回到家~近十二點便睡了.....

>>June 30, 2004 at 1:53:00 PM GMT+8

2004 年 6 月 24 日 星期四 【晴】

做左成日野...有點頭痛~
即使未做晒d野...都感覺到自己狀態很差...
還是待明天再做~四時多便收工了~
回到將軍澳便去找媽媽~
食左少少野便回家了...

點料回家頭痛比剛才還要嚴重...
攤左係梳化都唔敢亂郁....
最後連晚飯都無食...還要食藥...
九時多準備沖涼訓覺~
不知是藥力效應還是心理作用...
臨睡時情況好像好了一點...
好好睡一覺~明天又要繼續努力了^^

>>June 29, 2004 at 2:00:56 AM GMT+8

2004 年 6 月 23 日 星期三 【晴】

媽媽說今天是柏朗媽咪的生日~
叫我去看看有甚麼東可以買給她~
所以收工後便到花墟逛逛~
因為星期日媽媽曾說過想買花束給她嘛^^

在花墟逛了很久~
由於夏天既關係~d花好平啊~
但上星期買左束返去插....
由於天氣太熱既關係...d花開得太快~
所以今次淨係買比人 自己就無買返去~
回到家放低d野就去麥叔叔處找柏朗了~
原來媽媽記錯了明天才是舅母生日>.<
但柏朗今日好乖啊~
可能太耐無見我既關係...今日好鬼黐我~
得知教練舊患已好得七七八八~
下星期又可以打返波嚕~~^O^

>>June 26, 2004 at 2:46:09 AM GMT+8

2004 年 6 月 22 日 星期二 【晴】

昨晚卡露突然叫我今晚陪佢去食飯~
原來佢一早約左怪怪同另一個朋友~
由於我並不認識他們那個朋友~
所以沒有即時答應~
但點點又少有地要俅我陪佢喎...
猶豫了一會~終於答應了她~

今早九時多~見上司遇沒有回來~
再看看大姐都位置~沒有人@O@
看來佢地又唔知醒了~
連忙撥個電給他們.....
結果都是以往一樣~長響然後留言~
近來上司為左睇波~晚晚都訓得三四個鐘~
唔知醒一d都唔奇~"~
但連大姐都唔知醒都好大獲~
自從公司改了新制度~
大家既遲到率都大大下降~
但相對地大家都很準時下班= ="
眼見佢地09:40仲未到黎~
都估到上司會請sick leave架啦~
大姐有工作在身~所以遲到都要趕返黎~
以上司的工作~就由我接手了.....

近日一班part time要考校內的關係~
加上兩個有親戚關係既part time去左旅行~
令部門出現人手不足~
他們還說笑小黛要下海c.c
其實平日要下海真係無乜所謂~
有時都幾好玩架 ^^"
但上司沒上班~
除左要接手佢平日既工作外~
其他部門有咩事都黎搵我...
剛巧我又要應付功課同report~真係有點吃力~
幸好今日難得同點點拍擋~她幫輕了我一點~

下午成個department既人要去上課~
台灣同事原來不知道會有這麼多人來聽書~
原來安排了小時都課程~45分鐘便完了...

六點等埋點點下班~
便去應約了~
點點跟怪怪仍然係火星撞地球~
成對歡喜冤家咁 c.c
我仍舊是做中間人的角色..當然會幫點點多d啦~c.c
食完飯去逛左陣~再行去食糖水~就各自歸家了~^^
上左車正想打返屋企時....才發現電話無電@.@
回到家十點幾....沖涼洗頭就去訓嚕~明天又返八點o.o

>>June 26, 2004 at 2:09:11 AM GMT+8

2004 年 6 月 21 日 星期一 【陰】

理想

今天晚上突然被人問起我有沒有理想~
第一個反應~先是呆一呆...
再來是高興的告訴人~有啊~^^
高興的原因是以前的我不懂去想這方面的事情~
人生目標,人生理想....
對我來說有點....有點遙不可及~
曾有好一段日子~自己放了不時間尋找自己的方向~
當時找不到答案的我~的確有點苦惱~
所以索性放這個問題放在一邊~沒再多想...
今天突然被人問起時~
腦子中突然有了答案~我的確十分高興呢...
我的理想十分簡單~簡單之餘又唔易達到喎 c.c
雖然我還未十分努力去落實執行自己想做既野~
但至少現在已有方向啦~^^

>>June 23, 2004 at 12:59:30 AM GMT+8