2004 年 5 月 14 日 星期五 【晴】

今早未夠十點就比公司個救命電話嘈醒了~
教懂了雪兒怎去應付那單case後~睡多一會便起床了~
起來時才醒起今朝屋企無電~@@
跟媽媽執拾一下東西後便行樓梯落樓了~
到商場吃過午餐...再去body shop大出血後~就出街了~

先約了妹子係銅鑼灣逛逛~
係sogo竟然比我再見到上次見到果個Astron Boy揹袋~
上次媽咪原本叫我買~但因為趕時間無買到~
一直都念念不忘~今日終於買到啦~^O^
跟住就去左維園諗住睇bear bear~
點知媽咪睇錯日期....聽日先正式開放~
所以只可以係外面影幾張相...
準備起行去女麻女麻度時...就收到daddy電話話去唔到食飯...
一早約好左今日架嘛....最後佢都係死死氣話收工趕黎~"~

去到院舍~見到女麻女麻係房行出黎時~
我已經即刻衝埋去拖住佢嚕~
感覺好似我小學時~女麻女麻接我放學時既情景~^^"
今次見女麻女麻精神好好啊~
院舍上上下下仲讚女麻女麻又乖又精靈添~
坐係meeting room傾左陣計~放好晒買比佢d野~
就一齊慢慢黎落去酒樓喇~
等埋daddy食飯~就送女麻女麻返去~

回家路上一直講電話~
想不到一年前那無所事事的小朋友~
今日打來竟然會跟我討論他工作上的事情~
連佢自己都識講~工作真的令佢成熟不少~
接著又忍不住打了個電話~問問他們身在何處....
其實打呢個電話之前~我都知我得唔到d咩消息~
但唔打會心掛掛~咁咪打去傾幾句囉~
回到家近十二點才睡~但明天要返八點啊~>.<

>>May 16, 2004 at 6:46:35 AM GMT+8

2004 年 5 月 13 日 星期四 【晴】

做中間人真難~
一方面要顧全上司的面子~
另一方面要應付人事部的壓力~
我只可向Winnie說出我的難處~
不是我不想去...只是上司另有決定~
並不是我沒去爭取...只是他充耳不聞~
幸好她總算明白事理~
最少她明白我的苦衷~
還不得不謝謝她的鼓勵和教導呢~

>>May 16, 2004 at 5:15:13 AM GMT+8

2004 年 5 月 13 日 星期四 【晴】

沒有表示半句憤怒　不再妄想今日你為我留步
明日我無暇原好失去你代價高
教訓我最好　傷透我更好
很　感激你為我好　
狠心推我學跌倒　人才能走路
如果　一生也被當寶　
安穩卻未看到　事實我不好
為我好　必先要別離讓我明白到
誰人能於溫室快樂去終老
留給我眼淚回報　猶如良藥全為我好

>>May 16, 2004 at 12:56:57 AM GMT+8

2004 年 5 月 12 日 星期三 【晴】

今日又要train新人~
昨日趁工作不太忙時把之前training既notes同資料全部update一次~
一方面自己教左咁多個人~真係有d悶~
想為自己增加一點新鮮感~
另一方面亦希望提高一下training既質素~令新人全面d知道佢既工作範疇~

Christine十分準時便回到公司~
發覺Training期間最大問題係 我教教下佢會講左另一樣野~
尤其係佢玩game既經驗...........................(汗)
每次都要我拉佢返正題~
慢慢就覺得佢比較多野講同talking skill差少少~
(talking skill真係要慢慢教佢先得...)
但勝在都幾比心機聽~幾肯問野同抄notes~
朝早講左三個鐘~放左佢食飯就到我做返d自己野啦~

15:00回來再continue~
點知講到一半dino又話terrence就調轉~
要帶個新人上黎同我地開會~仲要叫埋我去...
搞到我講左一半要搵點點睇住Christine先~
我開完會再教過佢....
Terrence就調職~上黎似farewell多過開會咁~
但幫佢查左咁多案~比過咁多次料比佢~
大家都熟左就無乜所謂啦~
反而佢個新仔就好鬼拘謹...可能同我地唔熟啦~
開左半個鐘會....正送兩位阿sir走時~
新老板一面疑惑的看著我~
我便向他解釋一下公司跟警方的合作關係...
他好像仍有很多問題~但也沒再追問...
始終佢剛剛接任....要清楚公司各部門既工作~還需要一點時間吧~

接著又繼續Christine的training~
一講就講到六點半~
送走了她~再執拾一下東西....七時多才收工...

>>May 16, 2004 at 5:08:36 AM GMT+8

2004 年 5 月 11 日 星期二 【晴】

今日終於約到小孩問佢借書書了~
知道佢前陣子發生了很多事~也不好意思煩著他~
作為朋友~至少都比d時間佢自己靜下好d~
自從上次同菜菜唱k見過佢之後~
接近一年無見佢了~
今次見佢感覺上小孩成熟了不少~
即使近幾天發生了一點事情...
作為外人絕對感受到他並不好受~
但今日佢仲有心情出黎~咁我都放心一點~
雖然咁耐以黎~
跟小孩係網絡上交流較多~亦不算太熟~
但仍希望我幾句既說話可以支持同鼓勵到佢啦...

>>May 16, 2004 at 4:07:13 AM GMT+8

2004 年 5 月 10 日 星期一 【晴】

今天早上把家中那袋禮物拿回公司~
癲癲雀躍的想看看是甚麼~
但我全都包好了...甚麼也看不到~c.c
待會兒便拿去送給老板了~

「老板~這是我們部門送給你的禮物啊」
(雖然份禮物只係3CD夾錢買~但也當是部門送的吧 ^^")
老板都反應先是呆一呆~
再眼有淚光的跟我說 「多謝你地啊~好感動啊...」
坦白講~
三年來老板待我們真的不薄~
除了感覺到她對我們的愛錫外~沒老板架子之餘但十分可愛~
上次開會她說要調職時我已十分不捨~
今天見到佢這個樣子~搞到我都有想喊既衝動...
看到她拆禮物時既雀躍和燦爛既笑容~我也十分開心呢 ^^

晚上一班同事自己私底下幫老板搞farewell~
老板看似十分興奮的研究甚麼是迴轉打「癲佬」
大夥兒嘻嘻哈哈食完餐飯就各自回家了~
回到家十二點幾....沖完涼就去訓了~

>>May 16, 2004 at 4:24:46 AM GMT+8

2004 年 5 月 9 日 星期日 【晴】

今朝返八點...有點不願起床~"~
難得星期一早上竟然有咁多個電話...仲要個個都好長氣~
淨係同XX傾都講左50分鐘~
(好彩佢唔認得我把聲姐~比佢知道我係梁小姐.......三個鐘都未肯收線呢= =")
再黎係一對母子來電~
對話內容如下：

"我入唔到去xxx度呀"那母親問到 (聽聲大慨三十歲左右吧)

"請問佢有冇出現任何error message呢?"

"有啊"

"請你讀出來好嗎?"

"中文黎架喎"

"係~咁請你讀出黎呀...咁我先知道係咩問題架" (-_-")

"佢話...咩咩咩~~~要關閉囉"

"請你整句讀出來好嗎?" (頭頂已經開始出效果線)

"下...我而家睇唔到咩...總之係唔知咩~~~關閉...咩~~~回報不回報....咩........."

問不到答案下 唯有向另一方面埋手...

"咁請問你係用咩Window架?"

"下........唔知咩......點睇架?"

"..........................你平時開機時咪會出一個版面顯示你用咩O/S既"

"係呀"

"咁Window個字後面寫住咩呀? 好似95,98,2000,NT,ME,XP果d...咁你果個寫住咩呢?"

"下........唔知喎~英文黎架"

即時係啞左....再叫佢試下開出黎睇個error message係咩.....但仍然問不到答案....
唯有嘗試教佢重新安裝一次個program啦...

"等等~我叫個仔黎聽"

接著是一個約十歲小孩的聲音
係我重頭教佢刪除程式至重新安裝的整個過程中...
即使中間有停頓.....我都收不到任何反應~
令我有點懷疑有冇人聽緊我講野...
終於忍不住口問佢~

"喂?"

"係"

"你明唔明我講咩呀?"

"明"

"咁你跟住做睇下得唔得呀"

接著又聽回那媽媽的聲音...

"咁如果做完都唔得既話點呀?"

"如果仲唔得~
你記得抄低個error message同確定一下自己用咩Window~
再打電話上黎~我地睇下有咩辦法可以幫到你呀"

"咁即係無用啦"

"由於果d資料可以令我地知道你點解入唔到去~
所以一定要提供到有關資料我地先幫到你架~
你試左我頭先教你個方法先~真係唔得你再打上黎好嗎?"

聽筒即傳來「do.......do......do......do.....」的聲音.....

晚上約左彤彤同二哥食飯~
對話間知道了某些人的近況~
雖然在他們面前沒表達出來~
甚至口裏也在說沒有事~但事實上心有一陣酸...還有點痛...
其實自己一直都不再去想太多~
但一被提起時還是按不住問多一點點...

撐了一夜~
回到家終忍不住大哭一場~
好像拿著雙氧水幫傷口消毒般痛...
不知何時便睡著了....

>>May 12, 2004 at 10:26:48 AM GMT+8

2004 年 5 月 6 日 星期四 【晴】

今天早上一回到公司~
alan已告訴我人事部個別找過他們~
問及佢地不去老板farewell的原因~
十時多還不見上司返工~
call左佢幾次都無人聽+留言~
再聽到同事們說他昨晚十時多才下班...
就無再打比佢....由佢訓陣啦...
點知一等就等到下晝一點先見佢返黎...
正想跟他談談昨天的情況時...他告訴我因為某些原因而不能請Alien...
跟著便跟其他同事去食午飯了~
有點無奈...佢好似為左餐飯先趕返公司咁....~"~
就在lunch hour的時候...winnie終於搵我傾了~
十分明白上司跟人事部的關係一向不太好~
但今次有咁既情況發生....
有點對人不對事的感覺~佢既做法又似乎有點過份...

中午跟瑪姬傾過老板farewell飯局的問題~
大家都覺得今次整個Department唔去~
加上那封e-mail的原因實在不成理由...
作為中間人的我有點苦惱...身份有點尷尬...左右做人難...真係有苦自己知~
跟自己部門幾位同事討論過~
大家的覺得上司今次的做法的確有點問題~
所以我決定找他談談...問下佢覺唔覺得今次處理手法有點問題...
點知得到一個強硬又不客氣的答覆--堅決認為自己沒錯...仲要同我發脾氣.....
難道他不覺得沒資詢大家意願就為整個部門作決定是不尊重和剝削大家的選擇權嗎?
根據佢既講法即明確表示因為佢跟人事部有點不和~
所以決定成個部門唔去食飯...這是分化的做法嗎?
跟他吵了一輪~他仍堅稱自己沒問題....
哭著跟點點訴苦......大家都覺得他變了一點~
以前發生咩事大家可以有商有量....點解今日會變成咁呢...

準備下班時上司都走了~
仲等埋我一齊走~
大家都沒有提及今天的事情~只是談談一些小公事吧~
始終我一向都不喜歡與人發生衝突~
更何況那是我上司呢~
我只能作意見反映...佢唔聽我都無辦法~

回家路上收到二哥的電話...
十分明白他一定不好受~
聽到他失望的聲音我也有點內疚~
但也沒辦法~但不是我個人的決定....

回到家跟媽媽講左一輪~
令我更加覺得今日我無做錯到...
作為中間人~至少也要為同事們反映他們的感受吧...

>>May 10, 2004 at 6:45:43 AM GMT+8

2004 年 5 月 5 日 星期三 【晴】

公司今日作大更新~
由於今次我地做白老鼠~
所以找來泡菜OP來港處理~
怎料都有點問題發生~

七時左右上司同我講有排等...
叫我先回家~
但我又不太安心~
反正一早告訴媽媽公司有事不回去吃飯~
便留在公司一邊做report邊等....
等到八點....終於都回復正常了.....
確定了沒甚麼大問題....九時多便收工了~

>>May 10, 2004 at 1:17:14 AM GMT+8

2004 年 5 月 3 日 星期一 【晴】

晨早07:04比電話聲嘈醒~
原來QQ要請假所以公司來電急call我返去~
點知比平時早近半小時出門反而會塞車~
最後都係08:50先返到公司...
好耐無試過要成朝聽電話~
幸好還應付自如~^^"

今日原本諗住放工找小風借書書~
但佢話心情唔好...第日先喎~
近排知道佢的確比較多野煩...希望佢能夠振作啦~

今日約左三個人上黎interview~
但我要做野就交晒比癲癲搞~
早上的full time聽上來不錯~上司見完已跟我說會2nd in佢~
下午in既兩個part time~
由於三點我仲做緊野~加上同alien太熟既關係~
都係交埋比上司in~仲好快話請埋@@
連忙跟上司討論我所擔心既問題...
跟住我就in埋雪兒表妹~
雖然無工作經驗~但感覺上都不太差呢~
下星期我又要做training了....
Train左咁多人....開始有少少悶既感覺添~"~

下午癲癲突然跟我說買野要預埋佢果份~@@
原本諗住淨係我同點點夾架咋~
點知佢又話要join 仲話要買大大舊~
但我又唔想買佢講果隻牌子d野~
呢d熱門野 一陣同人撞咪死~
左諗右諗終於找到目標商鋪~仲約左點點星期六去買 ^^

回到家食飯後去沖涼洗頭~
跟住開了icq~石石就搵我喇~
呢小朋友呢....成日都係咁多野諗~
仲夾硬迫左我做中間人~希望我幫到佢地啦~
吹完頭就去訓嚕~
明晚約左爺爺、米米、日本仔同大姐食飯 ^^

>>May 5, 2004 at 5:38:19 AM GMT+8