2004 年 5 月 26 日 星期三 【晴】

等上車
216M，215X，93M。

巴士站有三部可以載她歸家的巴士，
93M在家門前有站，216M與215X下車後仍需步行五分鐘。
等了不夠半分鐘，
一部216M駛至，她沒有上車。
再等了約七分鐘，215X也來了，她還是不上。
再過了十分鐘，
另一部216M靠站，她琢磨既然已經等了十七分半鐘，大概93M也該到了。
兩分鐘後巴士到達，卻是另一部215X。
在車門將要關上的剎那，她當機立斷跳了上車。
巴士行駛了十數米，在交通燈前停下。
她朝車尾窗望去，赫然看見93M！她差點氣炸了肺。

在愛情路上，大概每個人都等待過。
結果，你選擇退而求其次，還是一直守候？

A：「計我話，佢毋須心大心細，216M同215X根本唔就腳，無理由上車。」
有些人對愛情很執，力臻完美。

B：「畀我就會繼續等，唔等都等咁耐，守得雲開見月明嘛。」
有些人選擇等了又等，並非特別有原則，只因付出了，不甘心。

C：「喂！行返屋企都係五分鐘，梗係一見有『對路』車就上啦，點知要等幾耐？」
有些人愛得隨緣，或是受了教訓，對愛情降低要求。及時行樂，莫負青春。

D：「邊個叫佢望番轉頭？唔望咪得。」
有些人在作出選擇後，便不回頭，不是不好奇，只是不想自尋煩惱。

你屬於哪種人？

（蘋果日報—專欄作者：李牧童）

********************************************************

這是今天打打post出來的一篇散文~
令我回想起約兩年前我曾有過類似的經歷...
被人趕下車的感覺的確很難受~
那些對話還猶言在耳...心裏遇有一陣痛的感覺~
看來我還是要聽點點的說話...
可惜要找到一架適合又肯埋站既巴士實在不易~
而我~亦不是一個容易上車的乘客~
那就讓我繼續在巴士站等待吧~

>>May 28, 2004 at 5:43:59 AM GMT+8

2004 年 5 月 25 日 星期二 【晴】

今早九點起床~
以九秒九速度梳洗一下便出門了~
因為約左怪怪九點半係地鐵站等 c.c
但去之前又聽到daddy話今日長洲得d又貴又唔好食既齋@@
所以趕落街買定乾糧入去~
去m叔叔買早餐~再去超市買野~
要怪怪等我近十分鐘= ="""

坐地鐵去到中環~
怪怪話係度出閘~@@
原來佢以為中環得一個碼頭~"~
好彩我有印象上次係香港站入閘姐~
旨意佢就大件事了~
(雖然我係香港站附近都迷路了~總算找到往長洲那個碼頭c.c)

無幾耐就收到小倫電話~@o@
晨早流流打電話比我....有d古怪~
原來跟前兩天我的想法一樣....

去到碼頭~
好多好多好多好多人啊~@o@!
先打電話找點點...再去排隊~
好多人啊~多人到排左近一小時我地先上到船~
一上船就收到柏朗daddy電話~
來佢地先岩岩到碼頭~
其實今年事前都有好幾班人約我去長洲~
但個多月前已應承陪點點去~
所以seiko同柏朗一家約我都推左~
看看大家是否有緣在長洲碰面啦 ^^"

怪怪不知是否職業病~
全都在說一些不標準的英文和國語~
乙水到我同點點好開心~
12:30左右到了長洲~
趁有時間周圍逛了一會~
陪佢地買帽子後
(因為實在太熱了~佢地又無任何準備...)
跟住就去霸位了c.c

雖然比較多人~而且都幾熱~
但親眼睇同係電視睇真係有d唔同~
還拿著相機照左好多相相呢~^^

企左近兩小時睇飄色~
大家都有點累~仲要大汗疊細汗~
原本諗住睇完就搭船過南丫島食野~費事同人迫嘛~
但原來今日cancel晒去其他地方d船~
咁唯有留係長洲啦~
先去梳洗一下便找地方坐定定食野嚕~^^
(雖然間野有少少呃錢成分= =")

係長洲行左個圈就搭船返中環嚕~
排緊隊時點點收到阿隼電話 (佢住長洲嘛)
其實之前都call過佢架...但無人聽~
入左碼頭佢先趕到碼頭出面~見唔到佢廬山真面目嚕~
但同佢講左一輪電話~都唔太似佢平時係game咁斯文既 c.c

我地係中環行返過天星碼頭搭船去尖沙咀~
我就不斷拿著點點部相機影相相 (自己部機無電了~"~)
一路沿海旁行落星光大道~就收到艾迪個電話喇~
先前其實都問過佢去唔去~但佢推左~
今日同佢講返個行程佢先話想去~激死人了~
但佢唔舒服就算嚕~傾左幾句就收線了~
我地三個就去留山食糖水~跟住就各自歸家了~

今日好開心啊~
好耐無見既怪怪生鬼左好多~
點點想睇好耐既飄色又陪到佢去睇~
有機會下年再搞過先c.c

>>June 3, 2004 at 6:27:32 AM GMT+8

2004 年 5 月 24 日 星期一 【晴】

兩日既training我都放左好多心機落去~
今次分配時間亦是咁多次中最好的~
新人阿源都比心機聽同抄 note~
今日跟點點試試用一個新方法train新人~
效果很不錯呢^^

>>June 3, 2004 at 6:32:53 AM GMT+8

2004 年 5 月 22 日 星期六 【晴】

今早八點回到公司~
工作不多~
只是要看著沒上班一個月的同事是否可以應付得來~
自己就一邊做report~

見到點點回來奇怪的樣子~
一問之下才知道那位同事又再次要請假~
我跟點點都有點氣憤~
已經不是一次兩次甚至十次了~
這算是甚麼工作態度~!?
但我又趕著拿東西去影印~
不能留在公司陪點點~唯有剩下她一個人啦>.<

四點半離開公司~
係旺角頻撲左兩個鐘~
再返左公司整理一下d資料~
七點先走....十分累啊~

晚上跟點點、小雨傾計~
被小雨罵了...心裏有點不爽~
我只是想盡力把東西做好一點吧~
可知處女座的人在某些東西上是完美主義者嗎~?
當然那個問題我會自己想清楚~
但我都沒計較甚麼呢...只想做好那件事便行了~

>>May 28, 2004 at 5:40:46 AM GMT+8

2004 年 5 月 21 日 星期五 【晴】

這個星期只有一天假~
因為下星期應承左陪點點去長洲~所以調左假..
點知連今日都要去做公事...

晨早八點幾...生理時鐘既關係醒左~
再訓多一陣....十點終於起身了~
由於約左癲癲13:45係九龍塘地鐵站~
所以先跟媽媽落街食野~
十一點幾收到癲癲電話~
佢話要返公司做野所以唔去聽講座...
即時已經有d火滾...
老板叫你去聽...你又拉埋我去...
幫你打電話同佢book埋位...而家唔通知聲人又話唔去~
所以我同佢講~咁我自己去啦~佢又話驚悶死我~
我一再堅持自己去~佢先即時轉鈦話陪我去聽~

13:40到左九龍塘地鐵站~
過左兩分鐘就再收到上司電話~
佢話因為大姐唔舒服所以唔黎~
唔知點解果下無乜特別反應~有點兒覺得係意料中事~
只是有一點點無奈+心淡~
唯有自己去聽啦~
其實個talk都唔係好悶姐~
成個talk最正係個臨床心理學家果part~
可惜時間關係...佢咁岩又係最後講果個~所以講得好少~
兩個多小時過得好快~仲用mp3錄起晒佢~

回到將軍澳上左舅父屋企~
同Chloe傾左一陣計~
但佢唔舒服...所以無叫佢上屋企幫我整電腦~
一齊食完飯就返屋企嚕~

>>May 27, 2004 at 3:15:34 AM GMT+8

2004 年 5 月 20 日 星期四 【晴】

他／她是在寂寞時才找你嗎?
這可能只是我們單方面想法吧~
聽筒另一方的他／她可能一直都等不到你的電話...才忍不住打給你啊 ^^"

>>May 27, 2004 at 11:39:36 AM GMT+8

2004 年 5 月 19 日 星期三 【晴】

很久沒試過發那麼大脾氣了...
幸好自己立刻察覺得到...否則新人便遭殃了~"~
近日我的EQ的確差了很多~
點點還說我沒變~
但自己卻十分清楚因為心情壞透了才會這樣...

今天interview既人~
質素還是老樣子...
上司說我要求的人已絕種了~
難道我的標準真的那麼高嗎?

>>May 23, 2004 at 6:10:05 AM GMT+8

2004 年 5 月 18 日 星期二 【晴】

今早收到公司新政策的一個e-mail~
看到的確有點氣憤~!

如果因為一個月遲到了六分鐘~因而比人扣起半天年假~
咁我寧願係遲到果日請半日假~

如果我返八點果日唔舒服~
要係四小時前通知人事部~
那我寧願比公司當日果日曠工~
試問我唔舒服又點凌4點起身打電話請病假呢?

剛剛換了新老板~
人事部便將先前比舊老板ban既提議套在我們身上~
如果遲到早退都要計得如此苛刻~那為何又要同時取消勤工獎呢~?
為甚麼加班至晚上十時才算是加班工作呢~
如果十時放工~明早只能遲返工半小時...又有甚麼用處呢...
坦白講~
同事們好少跟公司怨杽怨西~
就連人手不足~加班~無假放....都無人出過聲~
何苦人事部只顧返office hour又唔駛OT既同事~
而不顧及實質影響公司業務既人呢?
就連文具都要入紙申請後五日內先收到...(平時只要開櫃囉就可以了= =")
最過份的是~
5月19日才收到通知~為甚麼新政策會早在5月1日實行~!?

下午除了聽到同事們不滿的聲音外~
更不斷收到很多質疑人事部既e-mail~
可一呼百應....一封信引起近10封各部門主管既回應信~
牽起了一輪筆戰之餘~
更在午飯時聽到另一部門主管跟人事部經理透過電話既一場舌戰~
整間公司都瀰漫著準備開戰既戒備狀態~
老板察覺到大家既不滿後~
終於跟人事部開會~
並決定星期五早上跟大開會討論新政策的安排~
希望果日收到好消息啦...

>>May 23, 2004 at 5:55:44 AM GMT+8

2004 年 5 月 17 日 星期一 【晴】

近日有點鬧情緒~
除左自己感受到之外~
相信身邊既朋友,同事和家人都身受其害吧....~"~
其實自已一向都不是常發脾氣的人~
所以即使近來心情不好,鬧情緒~
也不會跟身邊既人亂發脾氣~
只是耐性會少了一點...
EQ會低一點...說話的語氣會重一點...
眼淚會多一點~表情也少一點...
自己當然十分清楚情緒不穩的原因~
工作量大了~壓力也大了~
部門人手不足~下屬們表現退步~就黎比佢地激死~!
見工既人質素不佳...還有很多很多公司內部的問題...
收得越多某方面既消息...心情就越差~
連計劃多時既旅行也泡湯了~!!!
我只想給自己腦袋休息一下吧...
每晚睡前就是大哭一餐來發洩~
雖然發洩了出來是好事~
但我絕對不覺得這是一個好方法...

今天3CD開會時談論到一個新議題...
令點點同我更加頭痛~
是我們標準過高還是對他們不夠信心呢?
大家都認同他們的確有點懶散~
不自動自覺之餘還要踢一下先郁一郁~咁都算喇...
但最大的問題是大家唔生性同唔自律~!
而家仲要我地分配多d工作比佢地做...
我跟點點都相對無言~
一方面不放心交多一點東西給他們...
另一方面~如果唔放心比佢地...又會做死我地三個~
加上大家說出近來部門的各個問題+投訴~
除了嘔血還是嘔血~求求大家唔好激我地啦>.<

>>May 19, 2004 at 3:36:07 AM GMT+8

2004 年 5 月 16 日 星期日 【晴】

今天返八點~
回到公司準備了點文件諗住比上司開會用~
點知...今日又請「病」假了~
正如大姐所講...
佢無得救架啦~"懶"係絕症來的= ="
幸好工作不算多~
加上星期天已經做好了星期三要交的report~
所以也不會太忙碌吧~

中午跟大家一齊出去食飯~
莎莉話以後新老闆都跟我地食lunch~
可能會為我地造成不便~
但我又覺得無乜所謂喎...
反而覺得其實新老板都幾慘~
老婆仔女係晒台灣~
係香港真係朋友都無個~咁當然就靠同事們陪下佢架啦~
況且今日聽到佢講....佢呢條街d大大小小既食店都去過了~
晚晚自己一個去搵野食....仲要有時同人溝通唔到~真係幾慘架~
可以既話大家搞活動時咪預埋佢囉~

收到電話知道當日他們的行程~
再聽多左少少其他消息~的確有點不開心...

今天在看某大旅行社的網頁時看到這個：

單身貴族情尋之旅

凝聚全港單身貴族，透過各種遊戲、心理測驗及派對等活動，
讓大家了解心儀對象，尋覓理想另一半
＊沙灘派對Truth or Dare
＊野外尋寶
＊睡衣派對

絕對是痴線+變態的~!
咁大間公司搞埋d咁既野~"~
我還跟點點開玩笑~如果報名的全是男生就爆笑囉XD

原本打算六月跟媽媽去日本/九寨溝旅行~
癲癲也批準了我放大假...
怎料媽媽這幾天突然說唔陪我去...
計劃似乎要擱置了.....(唔開心唔開心唔開心....)
如果六月唔放假....唔知幾時先放得嚕......../~\

>>May 19, 2004 at 2:51:12 AM GMT+8