2003 年 5 月 1 日 星期四 【晴】

尋晚諗住今朝8點起身睇波ge,都較定鬧鐘架喇,點知今朝都係番訓,訓到十點半先起身,場波o岩o岩打完,真係激死ar
今日成日都好q悶ar,一直悶到3點幾,睇左陣漫畫就訓著左,一訓就訓到6點幾,真係少有ar,我好少下午訓咁耐架
跟住夜晚就睇電視過,到左十點幾就on左一陣,今日完喇

>>May 1, 2003 at 10:43:18 PM GMT+8

2003 年 4 月 30 日 星期三 【陰】

鐵刃
今朝好早起左身,所以時間好充足,返學校食個杯面都仲得ar
第一至第二堂都係中文堂,呢兩堂我都好留心聽書,所以時間都唔係過得好慢
好野~終於都到第三堂喇,今日西瓜終於都記得借本鐵刃比我喇,所以我就睇足成堂喇,以前小學好鍾意呢本漫畫ge動畫版,所以令我諗番起好多小學時ge事ar
成個小息都o係班房睇鐵刃,個小息真係快過ar
跟住係工程科學,訓左半堂ar,真係好訓ar
之後係兩堂英文堂,今日要上去電腦室ar,本身諗住自己上網ge,點知個死鬼佬sir又成q日鎖機,無晒mood la
跟住又係小息,小息過後係兩堂amaths,兩堂我就訓左一堂,時間過後真係慢ar
終於都到左放學喇,同巴基行左一陣名都ar,行行下竟然見到老媽同老豆,不過我就冇同佢地一齊返屋企,自己買m記返屋企食,跟住到左4點幾就同阿哥,老豆一齊搞掂左個大衣架,5點幾就訓左一陣
夜晚就睇電視,今日完喇


>>April 30, 2003 at 11:15:37 PM GMT+8

2003 年 4 月 29 日 星期二 【晴】

今朝真係黑仔ar,探熱時竟然打瀉左d火酒,搞到我7點半先出門口,好彩都趕到姐
今日今一堂中文堂,呢堂我都好留心聽書,仲答左好多條問題,算係咁la~
第二至第三堂都係maths,次次上親maths都係咁鬼嘈ge,想聽書都難la
之後係小息,小息過後就係英文堂,上親呢堂都係好快就過,真係好ar
跟住係倫理堂,今堂講性病ar,要睇tv ar,所以好多人都好留心
跟住就係三堂ge電工,呢三堂我不斷同阿果傾計,第一即係第一,知識超廣闊,講咩話題都叻過我好多,真係勁ar,同個勁人傾計真係好過上幾堂ar
真係好鬼死唔慣ar,點半就放學,好似日日都考完試放早咁,咁早返到屋企都唔知做咩好,所以我就同小平食埋野先返
返到屋企都係上網睇恐怖野咁過,今日講完喇

>>April 29, 2003 at 10:59:29 PM GMT+8

2003 年 4 月 28 日 星期一 【晴】

今日第一至第三堂都係圖像傳意,呢三堂係o係電腦室上,要用電腦劃圖ar,但我就唔識劃,所以都係同人傾計過
跟住就係小息,小息過後就係工程科學,呢一堂因為同人傾計過,所以時間過得好快,話咁快就到左電工堂,唔洗講呢堂梗係冇人聽佢講野la,佢都唔識講書ge
之後係maths,今堂個miss好勞汽,因為好多人都係咁嘈,我就當然冇la
跟住又係小息,真係好唔慣ar,原本呢個時候應該係lunch架ma,佢又失驚無神取消左,搞到我鬼死咁餓喎,真係難頂ar
最後兩堂係英文同埋基本科技,好快就過左呢兩堂,到左放學喇,我地幾個就去左買飯盒返學校食,諗住食完就打波,點鬼知食完先知今日無得打波,真係吹脹ar
跟住發覺時間尚早,就同埋小平去左網吧搵西瓜,肥勇,大咀,蕉仔佢地,去到睇佢地玩cs,隻game睇落都幾好玩,不過我就冇玩到,一直睇到4點先走,返到屋企又係好悶,無驚無險又過左一日喇　

>>April 28, 2003 at 11:10:34 PM GMT+8

2003 年 4 月 27 日 星期日 【晴】

今日因為尋日去完和興練完波,超"支力"ar,成身都好似散晒咁,所以今日成日都冇出街,連波都冇去打,o係屋企休養番一日先,由返番學開始至尋日都未停過打波,都係時候抖番一日喇
寫完~

>>April 27, 2003 at 10:47:33 PM GMT+8

2003 年 4 月 26 日 星期六 【晴】

今朝7點9就起左身,因為要去和興練波,所以要咁早,今朝冇早餐食,我就唯有飲奶醫肚,足足飲左兩大杯,飲到反肚ar
跟住就出門口,去到粉嶺中心見到臭胡喎,所有就一齊行去和興,去到時d人都差唔多到晒,係阿雞同底褲未到,我地就冇等到佢地,跟d勁人練住先,今日好多勁人都有去到ar,阿超,羊咩,be希,ming同埋阿龍都去左,所有人加埋有成二十人ar
做左好多基本練習就分4隊鬥波,我o個隊鬥左3場,win左兩場,算係咁la,但我就冇入到波喎,因為主力羊咩唔比我進攻,要我搶籃板,好在我都不負眾望搶左幾個正籃板,仲有幾個靚單擋,都算係咁la
跟住到左十一點就要走喇,我同小強去左m記坐,坐坐下阿雞同臭胡都黎埋,跟住我地就傾到十二點幾先走,返到屋企就打機同online,到左三點幾有幾條傳教佬黎講導,我應酬左佢地一陣la
跟住夜晚8點幾又打麻雀,今日輸錢ar,好彩老媽都比番d我姐
今日完喇

>>April 27, 2003 at 12:30:40 AM GMT+8

2003 年 4 月 25 日 星期五 【晴】

今日第一堂係amaths,聽下聽下書就過左喇,跟住第二至第三堂都係英文堂,第一堂就o係課室上,第二堂就o係電腦室上,今日又係要上網,我地班大部分都冇跟miss上o個個網,但我就跟足miss,哈哈,搞到成個乖學生咁
小息之後就兩堂maths,死喇,要交假期功課,我都收唔到,交條毛比佢咩~都係一陣借人地d功課抄先
之後係中文堂,今日好留心聽書ar,所以好快就到左食lunch,今日去左大眾食,今日好多人ar有十一個人一齊食,好少有ar,食完就返左學校打波,但都係打左一陣姐
食完lunch就係兩堂工程科學,呢兩堂我o係度勁抄maths功課同埋工程科學功,抄到手軟ar
放左學就打波,今日好好玩ar,因為打到後來我地鬥全場,勁好玩ar,打左一陣因為我同臭胡都趕時間,所以打十分決勝負,原本我o個隊落後9比4,之後我入左一球,9比6ar,肥古又突然"上身"入左個3分喎,追平ar!!,跟住最後我送左個靚助攻,底褲不負眾望,入左o個一球,終於都反敗為勝喇
返到屋企累到仲街,所以十一點幾就訓左喇
p.s.聽日去和興練波ar,好期待ar~

>>April 26, 2003 at 2:31:17 PM GMT+8

2003 年 4 月 24 日 星期四 【晴】

今朝差d就遲到,因為冇小巴搭囉,真係衰ar,冇左d中一中二都咁多人搭車ge,真係激死ar~
返到去又係要做好多ge消毒程序,搞左成幾分鐘先入得去,真係麻鬼煩ar
第一堂係maths,我都有聽下書ge,但都有同西瓜傾計
第二同第三堂都係pe,今日呢兩堂都好好玩,打左好耐波,同打左陣羽毛球,原來我d羽毛球都幾勁架喎,同阿巴基打到勢均力敵ar
上完pe堂暴熱,仲要戴口罩,真係難頂ar
小息後兩堂都係amaths,我都聽左一陣書ge,但後來都係訓著左
跟住o個堂係基本科技,我成堂都係掛住謄文,好快就到食lunch,今日去左大眾食,食完就返學校打左一陣波
跟住落黎就係惡夢之連堂-----中文連堂,不過我就居然冇訓過覺,好多時都聽書,係有時同西瓜傾計
跟住放左學我就同老域一齊搭車走,返到屋企就好鬼早,我就睇"yes"同on左一陣咁過,夜晚就睇電視,睇nba ar,好野~湖人終於都輸波喇,真係開心ar
今日寫完喇~

>>April 24, 2003 at 10:57:03 PM GMT+8

2003 年 4 月 23 日 星期三 【晴】

今朝起身起得奇快,冇番訓到喎,真係少有ar
返到學校又要交表同戴口罩,真係麻煩ar
今日第一至第三堂都係科技堂,有無搞錯ar??做工件都要戴口罩喎,死得la,就快焗死喇
三堂都無做野,係咁同阿蒙同埋阿果傾計,好快就完左三堂喇
跟住就係小息,小息完左就係兩堂中文堂,又熱,又焗,又想訓教,呢兩堂真係玩死人ar
跟住就係maths,聽下書就完左呢堂喇
今日又係o係學校食lunch,學校代訂飯ar,但係d叉燒飯好難食ar,食左大約半盒就冇飯喇
食完就打波,打到超熱ar,好彩呢兩堂英文堂o係電腦室上姐,d冷氣好涼ar~^^
放左學就又打波,但打左一陣就比人趕,因為d教師要開會ar,冇老師睇實我地,佢地唔放心ar
我地幾個就出左去打,但打左到4點半佢地就話太熱,所以我地就去左m記坐,坐到5點就走左喇
返到屋企冇耐就食飯,食完飯老豆唔知點解同老媽鬧起交上黎,我都唔知佢地為咩鬧交,所以都幫唔到佢地,唉...希望佢地快d好番la,今日冇野寫喇~

>>April 23, 2003 at 11:04:25 PM GMT+8

2003 年 4 月 22 日 星期二 【晴】

今朝復課ar,因為今日老媽叫醒我,所以好早起左身,食完早餐先7點3,所以就好早返到學校
一返到去都知道要戴口罩入架喇,所以入o個時我都有戴,但係入去d手續真係麻煩到嘔ar,又要交體溫量度表,又要洗手喎,真係大陣象ar
今日都預左要去禮堂講好耐野架喇,但勢估唔到佢會耐成咁,足足坐左兩個鐘頭聽佢講d人人都知ge衛生常識,真係煩ar
唉...全校都要戴口罩,真係就快比個口罩焗死喇,成三十度仲要戴個口罩,真係難以形容ge感覺ar
食lunch時我地幾個就冇出去食,買飯盒返黎食ar,因為食完就打波
哇~~打完超熱ar,上去又要戴口罩,真係就快比個口罩玩死ar
放左學又打波,好好彩,因為d中1,2,5都唔o係度,所以放左學好少人,好似成個學校得我地幾個打波咁,好正ar~^^
返到屋企都成6點鐘,過左冇幾耐就食飯,食完就睇電視,到左十點鐘就on左一陣,今日完喇~


>>April 22, 2003 at 10:39:15 PM GMT+8